ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ৱেল্সকী প্রিন্সকা তেলেফোন্দা ৱারী শানখ্রে।

লুচিংবা অনিমক্না হৌজিক চত্থরিবা কোবিদ-১৯ লাইচৎকী মতাংদা খন্ন-নৈনখি। প্রধান মন্ত্রীনা হৌখিবা নুমিৎ খরা অসিদা য়ু.কে.দা মীওইশিং লৈখিদবদা অৱাবা ফোংদোকখি। মহাক্না হিজ রোয়েল হাইনেসকী ফিভম ফগৎলকপদা অপেনবা ফোংদোকখি অমদি মফমদা মতম শাংনা হকচাং ফনা লৈনবা য়াইফ-পাউজেল পীখি।

প্রিন্সনা লাইচৎ থেংনবদা মরুওইবা থৌদাং লৌরিবা নেস্নেল হেল্থ সর্বিসকী মীহুৎ কয়া য়াওনা য়ু.কে.দা লৈরিবা ইন্দিয়ন দাইস্পোরাগী মীহুৎশিংবু থাগৎপা ফোংদোকখি। মহাক্না য়ু.কে.দা ইন্দিয়ন কম্ম্যুনিতীগী রিলিজিয়স অমসুং সোসিয়েল ওর্গনাইজেসনশিংনা মশাগী ওইজবা থিদনা থবক তৌরিবশিং অদুসু পনখি।

প্রিন্সনা হৌজিক ওইরিবা ক্রাইসিস অসিগী মনুংদা ভারত্তা পন্দুনা লৈরিবা য়ু.কে.গী নাগরিকশিংদা পীরিবা তেংবাংগীদমক প্রধান মন্ত্রীবু থাগৎপা ফোংদোকখি।

প্রধান মন্ত্রীনা প্রিন্সপু মতম পুম্নমক্তা অয়ুর্বেদতা পুক্নিং চংবগীদমক থাগৎপা ফোংদোকখি। মহাক্না অতেনবা এনিমেসন ভিদিওগী থোংদা বেসিক যোগ এক্সরসাইজ তম্বীনবগী পান্দমদা হন্দক্তা লৌখৎখিবা ভারতকী অনৌবা খোংথাং অদু শন্দোক্না পনখি অমদি ইম্ম্যুনিতী হেঙ্গৎহন্নবা অরাইবা হোম-মেদ ত্রেদিস্নেল রেমেদীশিং পাউদমখি। প্রিন্সনা অখন্ননা হৌজিক ওইরিবা ফিভম অসিদা হকশেল অমসুং য়াইফবা হেঙ্গৎহন্নবগীদমক অনৌবা খোংথাংশিং অসিগী পোতেন্সিয়েলদা অপেনবা ফোংদোকখি।