ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি স্পেন সরকারগী রাস্ত্রপতি (প্রধান মন্ত্রীগা ফম মান্নবা) পেদ্রো সনচেজ পেরেজ-কাস্তেজোনগা তেলেফোন্দা ৱারী শানখ্রে। লুচিংবা অনিমক্না কোবিদ-১৯ লাইচৎনা ওইহল্লক্লিবা মালেমগী শিংনবশিংগী মতাংদা খন্ন-নৈনখি।

প্রধান মন্ত্রীনা স্পেন্দা মীওই কয়া লৈখিদবদা থমোয় শোক্না অৱাবা ফোংদোকখি অমদি হৌজিক-হৌজিক লাইনা অসিনা শোকহল্লিবশিং অদু অথুবা মতমদা ফগৎলক্নবা মহাক্না থৌনিখি। প্রধান মন্ত্রীনা স্পেনগী লুচিংবদা থাজবা পীখি মদুদি ভারতনা স্পেনগী থৌনা ফনা হোৎনরিবশিংগা লোয়ননা পুন্না লেপ্লি অমদি খ্বাইদগী ফবা অদু ফংনবগীদমক তেংবাংনবা থৌরাং তৌগনি।

লুচিংবা অনিমক্না গ্লোবেল হেল্থ ক্রাইসিস থেংননবগীদমক ইন্তর্নেস্নেল কোওপরেসনগী মরুওইবা অদু য়ানখি। স্পেনগী প্রধান মন্ত্রীনা প্রধান মন্ত্রীগী মিৎয়েংদা য়ানীংবা ফোংদোকখি মদুদি পোস্ত কোবিদ ইরাগীদমক মালেম অসিনা গ্লোবেলাইজেসনগী অনৌবা হ্যুমেন-সেন্ত্রিক কনসেপ্ত অমা দিফাইন তৌবা দরকার ওইরি।

লুচিংবা অনিমক্না লাইচৎনা মরম ওইদুনা মশা-মশাগী য়ুমদা লেংদনা লৈরিবা মীওইশিংগী সাইকোলোজিকেল অমদি ফিজিকেল হেল্থ লাইনা ফংহন্নবগীদমক য়োগ অমসুং ত্রেদিস্নেল হর্বল মেদিসিনশিং শিজিন্নবদা য়ানীংবা ফোংদোক্নখি।

মখোয়না ৱাফম অসিদা য়ানবা পুরকখি মদুদি মখোয়গী তীমশিংনা কোবিদ-১৯গী ফিভম অমসুং মসিদগী ওইরক্লিবা মথৌ তাবশিংগা মরী লৈননা লেপ্প লৈতনা পাউ ফাওনগনি।