ভারতকী প্রধানমন্ত্রী

ঙসি প্রধান মন্ত্রী নরেন্দ্র মোদীনা মোরিসস্কী প্রধান মন্ত্রী প্রবিন্দ জুগনৌথকা তেলিফোন্দা ৱারী শানখ্রে।

নোংলৈ নুংশিৎ অম্ফান্না ভারত্তা অমাং-অতা থোকহনখিবা অদুদা প্রধান মন্ত্রী জুগনৌথনা মহাক্কী অৱাবা ফোংদোকখি। ‘ওপরেসন সাগর’গী শরুক অমা ওইনাকোবিদ-১৯ লাইচৎ থেংননবা মোরিসসকী হেল্থ ওথোরিতিশিংদা মতেং পাংনবা মীওই ১৪গী মেদিকেল কাংবু অমা অমসুং হিদাক-লাংথকশিং পুবা ভারত নেভিগী জহাজ ‘কেসারি’ থারকপগীদমক মহাক্না প্রধান মন্ত্রী থাগৎখি।

ভারত অমসুং মোরিসস অনিগী মরক্তা লৈনরিবা মীয়ামগী অখন্নবা মরী অদু প্রধান মন্ত্রীনা অমুক হন্না নিংশিংখি অমসুং হৌজিক অৱাবা তারবা মতম অসিদা লৈবাক অসিগী মরুপশিং মতেং পাংবা অসি ভারতগী তৌফম থোকপা মথৌনি হায়খি।

প্রধান মন্ত্রী জুগনৌথকী লুচিং মখাদা মোরিসসনা কোবিদ-১৯ মপুং ফানা থেংনদুনা চয়োল কয়া অনৌবা কেস অমতা লাকহন্দবা অসিগীদমক প্রধান মন্ত্রীনা থাগৎপা ফোংদোকখি। হকশেলগী অৱাবা তারকপা মতমদা, অতোপ্পা লৈবাকশিং মরুওইনা ইথৎ লৈবাকশিংদা মতেং পাংনবা মোরিসসনা লৈবাক অদুদা পায়খৎলিবা খ্বাইদগী ফবা লায়েং-কাংলোনশিং চেকশিন্না থমজিন্নবা মহাক্না পাউতাক পীখি।

মোরিসসকী শেন-থুমগী লমদা মতেং পাংনবা অমসুং মাউরসিয়সকী নহারোলশিং অয়ুর্বেদিক মেদিসিন তম্বা য়াহনবা য়াওনা তোঙান-তোঙানবা হিরমশিংদা মতে পাংনবা হেনগৎহন্নবা লুচিংবা অনিনা ৱা তানখি।

মোরিসসকী মীয়াম হকচাং ফনা অমসুং নুংঙাইনা লৈনবা অমসুং লৈবাক অনিগী মরক্ত লৈনরিবা অখন্নবা মরী অসি তুংকোইনা থম্নবা প্রধান মন্ত্রীনা মহাক্কী য়াইফ-পাউজেল পীখি।