ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা জাপানগী প্রধান মন্ত্রী হিজ এক্সিলেন্সী শ্রী শিঞ্জো অবেগা ঙসি তেলিফোন্দা ৱারী শানখ্রে।

লুচিংবা অনিনা কোবিদ-১৯ লাইচৎনা মরম ওইদুনা থোরক্লিবা গ্লোবেল হকশেল অমসুং শেনমিৎলোনগী শিংনরকপশিংদা খন্ন-নৈনখি। মখোয়না ক্রাইসিস অসি থেংননবা মখোয়-মখোয়গী মরী লৈনবা লৈবাকশিংদা লৌখৎলিবা খোংথাংশিংদসু খন্ন-নৈনখি।

লুচিংবা অনিনা অৱাবগী পুংফম অসিদা মখোয়-মখোয়গী লৈবাকশিংদা লৈরিবা অমনা অমগী নাগরিকশিংদা তেংবাং পীবগীদমক থাগৎপা ফোংদোক্নখি অমদি অসিগুম্লবা কোওর্দিনেসন অসি মখা চত্থবদা য়ানখি।

লুচিংবা অনিনা ৱাফম অসিদা য়ানবা পুরকখি মদুদি ভারত-জাপান পার্তনরশিপনা মালেম অসিবু লাইচৎ অসিনা ওইহল্লক্লিবা শিংনরিবশিংগী ৱারোইশিন পুথোকপদা মরুওইবা থৌদাং লৌবা ঙমগনি।