ভারতকী প্রধানমন্ত্রী
Language Name : Manipuri
English Realease ID : 200713
প্রধান মন্ত্রী শ্রী নরেন্দ্র মোদীনা ঙসি কতর স্তেতকী অমীর শৈখ তামিম বিন হামাদ অল থানীগা লোয়ননা তেলেফোন্দা ৱারী শানখ্রে।
লুচিংবা অনিমক্না মালেমগী লাইচৎ কোবিদ-১৯ অমদি মসিগী সোসিয়েল অমসুং ইকোনোমিক ইম্পেক্তকা মরী লৈননা হৌজিক চত্থরিবা দিবেলপমেন্তশিংদা খন্ন-নৈনখি। মখোয়না ভাইরস শন্দোরকপা থিংনবগীদমক মখোয়-মখোয়গী লমদমশিংদা লৌখৎলিবা খোংথাংশিংগী মতাংদা ৱাফমশিং ফোংদোক্নখি। প্রধান মন্ত্রীনা অমীরগী মফমদা সার্ক লৈবাকশিংগী মরক্তা হন্দক্তা লৌখৎখিবা রিজনেল ইনিসিয়েতিবশিং অমসুং ঙসি অঙনবদা পাংথোকখিবা জি-২০ লুচিংবশিংগী মরক্তা ভর্চুয়েল সম্মিৎকী মতাংদসু পাউদমখি।
লুচিংবা অনিমক্না থাজবা ফোংদোকখি মদুদি এফেক্ত তৌরবা লৈবাক পুম্নমক্না লাইনা অসি শন্দোরকপা থিংনবা লৌখৎলিবা খোংথাংশিং অমসুং হোৎনরিবশিং অসি য়াম্না থুনা পোজিতিব ওইবা মহৈ ফংলগনি। মখোয়না লাইচৎ অসি থেংনবদা ইন্তরনেস্নেল সোলিদরিতী অমসুং ইনফোর্মেশন শেয়ার তৌবগী মরুওইবদা অকনবা ৱাফমশিং ফোংদোক্নখি।
প্রধান মন্ত্রীনা শৈখ তামিম বিন হামাদ অল থানিবু অখন্ননা হৌজিক ওইরিবা ফিভম অসিদা কতরদা লৈরিবা অমসুং থবক তৌরিবা ভারত মচাশিংগী য়াইফনবগীদমক মহাক মশামক্না পুক্নিং চংবীবগীদমক থাগৎপা ফোংদোকখি। অমীরনা কাতরদা লৈরিবা ভারত মচা পুম্নমক্কী সেফতী অমসুং ৱেলফেয়ারগী মতাংদা প্রধান মন্ত্রীনা থাজবা পীখি।
প্রধান মন্ত্রী অমসুং অমীরনা হৌজিক ওইরিবা ফিভমদা চাং নাইনা পাউ ফাওনবা অমসুং তাথোক-তাশিন তৌবা ঙাক্তুনা থম্বদসু য়ানখি।
