ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী অমসুং উগান্দা রিপব্লিক্কী রাস্ত্রপতি হিজ এক্সিলেন্সী য়োৱেরী কাগুতা মুসেভেনীগী মরক্তা ঙসি তেলিফোন্দা ৱারী শানখ্রে।

লুচিংবা অনিনা কোবিদ-১৯ লাইচৎনা ওইহল্লক্লিবা হকশেল অমসুং ইকোনোমীগী শিংনরকপশিংগী মরমদা খন্ন-নৈনখি। প্রধান মন্ত্রীনা রাস্ত্রপতি মুসেভেনীগী মফমদা থাজবা পীখি মদুদি হৌজিক ওইরিবা হেল্থ ক্রাইসিস অসিগী মতমদা ভারতনা আফ্রিকাদা লৈরিবা মসিগী মরূপশিংগা পুন্না লেপ্লি, অমদি মখোয়গী তেরিতোরীদা ভাইরস শন্দোরকপা থিংনবা উগান্দা সরকারনা হোৎনরিবশিংদা পাংবা য়াবা তেংবাং পুম্নমক পাংগনি।

প্রধান মন্ত্রীনা হৌজিক ওইরিবা ফিভম য়াওনা হোস্ত সরকার অমসুং সমাজনা উগান্দাদা লৈরিবা ইন্দিয়ন দাইস্পোরাদা পীরিবা য়াইফ-থৌরাং অমসুং চেকশিন থৌরাংগীদমক থাগৎপা ফোংদোকখি।

প্রধান মন্ত্রীনা ২০১৮গী জুলাই থাগী মহাক্কী উগান্দা খোংচৎ অদু নৌহৌনা নীংশিংখি অমদি ভারত-উগান্দা মরীগী অখন্নবা মতৌবু শিংথাখি।

লুচিংবা অনিনা থাজবা থমখি মদুদি মালেম অসিনা কোবিদ-১৯গী শিংনবা অসি অথুবা মতমদা লাকশিল্লগনি।