ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি অবু ধাবীগী ক্রাউন প্রিন্স শৈখ মোহম্মদ বিন জায়েদ অল নাহয়ানগা লোয়ননা তেলেফোন্দা ৱারী শানখ্রে।

লুচিংবা অনিমক্না হৌজিক ওইরিবা কোবিদ-১৯ লাইচৎ, মখোয়-মখোয়গী লমদমশিংগী ওইরিবা ফিভম, লোয়ন-লোয়ননা মখোয়গী সরকারশিংনা লৌখৎলিবা খোংথাংশিংদা ই-পাউ অমসুং মীৎয়েং অমনা অমদা পাউদম্নখি। মখোয়না ৱাফম অসিদা য়ানবা পুরকখি মদুদি লাক্কদৌরিবা হপ্তা খরা অসি ভাইরস শন্দোরকপা থিংনবগীদমক মরু ওইগনি অমদি লৈবাক পুম্নমক্না অচেৎপা অমসুং পুন্না হোৎনমিন্নবা মথৌ তাগনি। মসিগী মনুং চন্না মখোয়না লাইচৎ অসিদা খন্ন-নৈন্নবগীদমক হৌখিবা নুমীৎ খরনিদা জি২০ লুচিংবশিংগী মরক্তা ভর্চুয়েল সম্মিৎ অমা শিল-লাংখিববু থাগৎপা ফোংদোকখি।

লুচিংবা অনিমক্না নাকল অনিমক্কী লৈনরিবা মরীশিংগী পাঙ্গল অমসুং মপুং ফাবাদা কয়া য়াম্না মরু ওইনা লৌবগে হায়বদা অকনবা ৱাফম থমখি। মখোয়না হৌজিক ওইরিবা ফিভমদা মখোয়গী ওফিসিয়েলশিংগী মরক্তা চাং নাইনা তাথোক-তাশিন তৌবা ঙাক্তুনা থম্বদা য়ানবা পুরকখি, অখন্ননা লোজিস্তিকেল সপ্লাই লাইনশিং মখা চত্থবদা।

ক্রাউন প্রিন্সনা প্রধান মন্ত্রীগী মফমদা য়ু.এ.ই.দা লৈরিবা ভারত মচা মিলিয়ন ২ হেনবগী ৱেলফেয়র অমদি মসিগী ইকোনোমীদা থৌদাং য়াবগী মতাংদা থাজবা পীখি। প্রধান মন্ত্রীনা হৌজিক ওইরিবা ফিভম অসিদা মফম অদুদা লৈরিবা ভারত মচাশিংগী হকশেল অমসুং শেফতীদা মহাক মশামক্না পুক্নিং চংবীবগীদমক ক্রাউন প্রিন্সপু থাগৎপা ফোংদোকখি।

প্রধান মন্ত্রীনা ক্রাউন প্রিন্স অমসুং রোয়েল ফেমিলী পুম্বগা লোয়ন-লোয়ননা ইমিরাতী নাগরিক পুম্নমক্কী অফবা হকশেলগীদমক য়াইফ পাউজেল পীখি। ক্রাউন প্রিন্সনা য়াইফ পাউজেল অদু তরাম্না ওকখি অমদি মহাক্কী ওইবা য়াইফ পাউজেলসু পীখি।