ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ১৩শুবা ব্রিক্স সমিত্তা ভর্চুএল ওইনা চেয়র লৌখ্রে।

ভারতনা খনখিবা সমিত অসিগী থীম অদুদি, “BRICS@15: ইন্ত্রা ব্রিক্স কোওপরেসন ফোর কন্তিন্যুতী, কোন্সোলিদেসন এন্দ কন্সেনসস”নি।

সমিত অসিদা ব্রিক্সকী লুচিংবশিং – ব্রাজিলগী প্রসিদেন্ত জায়র বোলসোনারো, রসিয়াগী প্রসিদেন্ত ব্লাদিমির পুতিন, চাইনাগী প্রসিদেন্ত শি জিনপিং অমসুং খা আফ্রিকাগী প্রসিদেন্ত সাইরিল রামাফোসানা শরুক য়াবা উখি।

চহি অসিদা ভারতনা চেয়র লৌরিঙৈদা ব্রিক্সনা মপাং ওইদুনা অনৌবা হৌদোকপা থৌরাং কয়া অমদা মায় পাকপা ঙমহনখিবদা মতেং পাংবিরকপগীদমক প্রধান মন্ত্রীনা থাগৎপা ফোংদোকখি। হায়রিবা অসিদা অহানবা ব্রিক্স দিজিতেল হেলথ সমিত; মল্তিলেতরেল রিফোর্মদা অহানবা ব্রিক্সকী মিনিস্ত্রিএল জোইন্ত স্তেতমেন্ত; ব্রিক্স কাউন্তর-তেরোরিজম এক্সন প্লান অমা; রিমোৎ-সেন্সিং সেতিলাইতকী লমদা কোওপরেসনগী য়ানবা; ভর্চুএল ব্রিক্স ভেক্সিন রিসর্স অমসুং দিবলপমেন্ত সেন্তর অমা; গ্রীন তুরিজমদা ব্রিক্স  এলাইয়েন্স অসিনচিংবা য়াওরি।

কোবিদ মতুংদা অমুক হন্না ফগৎলক্নবা ব্রিক্সকী লৈবাকশিংনা লৌবা য়াবা থৌদাংশিং পুথোক্লদুনা, প্রধান মন্ত্রীনা ‘বিল্দ-বেক রিজিলেন্তলী, ইন্নোবেতিবলী, ক্রেদিব্লী এন্দ সস্তেনেব্লী’গী মোত্তো মখাদা ব্রিক্সকী মতেং হেনগৎনবা হায়খি।

থীম অসিবু শন্দোক্তুনা, প্রধান মন্ত্রীনা ভেক্সিনেসন পীবা খোঙজেল য়াংহনবা অমসুং পীবা হেনগৎহন্দুনা ‘বিল্দ-বেক’ য়াংহনবা, চাউখৎলবা লৈবাকশিংগী ৱাংমদা ফার্মা অমসুং ভেক্সিন পুথোকপা হেনগৎহন্দুনা ‘রিজিলেন্স’ শেম্বা, মীয়ামগী ওইবা পোৎলমদা অনৌবা ৱাখল পুথোক্তুনা দিজিতেলগী খুলায় শিজিন্নদুনা ‘ইন্নোভেতিব’ ওইহনবা, মল্তিলেতরেল ইন্সতিত্যুসনশিং শেমদোক্তুনা মখোয়গী ‘ক্রেদিবিলিতী’হেনগৎহনবা অমসুং অকোইবগী খল অমসুং অইং অশাগী ওইবা হিরমদা অমত্তা ওইবা ব্রিক্সকী খোলাও পুথোক্তুনা ‘সস্তেনেবল’ চাউখৎপদা পুক্নিং থৌগৎপা অসিদা মরুওইবা পীখি।
লুচিংবশিংনা হন্দক্তা অফগানিস্তান্দা ওইখিবা চাউখৎ থৌরাং য়াওনা, মরুওইবা লম-লমগী ওইবা অমসুং মালেমগী ওইবা হিরমদা ৱা খন্নখি। তেরোরিজম অমসুং এক্সত্রিমিজম্না অকিবা পোকহনবা হেনগৎলক্লিবা অসিদা মান্নবা মিয়েং অমা থম্নখি অমসুং ব্রিক্সকী মপাং পুম্বনা কাউন্তর-তেরোরিজমদা ব্রিক্স এক্সন প্লান হেনগৎনবা য়ানখি।
সমিত অসি লোইশিল্লকপদা, লুচিংবশিংনা ‘নই দিল্লী দিক্লারেসন’ লৌখি।

*****