ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ভিদিও মেসেজগী খুৎথাংদা উত্তর প্রদেস সরকারগী রোজগার মেলাদা ৱা ঙাংখ্রে। মেলা অদুদা, য়ু.পি পুলিসতা থবক হাপ্লবা সব ইন্সপেক্তরশিং অমসুং নাগরিক পুলিসতা মান্নবা ফমশিং, প্লেতুন কমান্দরশিং অমসুং ফাইয়ার দিপার্তমেন্ত সেকেন্দ ওফিসারশিংগী এপোইন্তমেন্ত লেত্তরশিং য়েন্থোকখি। 

থৌরম অদুদা ৱা ঙাংবদা, প্রধান মন্ত্রীনা হায়খি বি.জে.পিনা পানবা রাজ্যশিংদা চয়োল খুদিংগী রোজগার মেলা অমগী ৱা ঙাংনবা খুদোংচাবা অমা ফংবদা মহাক হরাওই। লৈবাক অসিদা লেপ্তনা অনৌবা ৱাখল খনবা অমসুং মতিক চাবা হৈথোই-শিংথোইরবা নহারোলশিং সরকারগী থবক চংলে।

ঙসি পাংথোক্লিবা য়ু.পি রোজগার মেলাগী মরুওইবগী মতাংদা, প্রধান মন্ত্রীনা হায়খি ঙসি থবক হাপ্লিবা অসিনা য়ু.পিদা ইমুং লিশিং ৯ হরাওরগনি অমসুং লৈতানা হিংলগনি হায়বগী ৱাখল্লোন হেনগৎহল্লগনি অমসুং অনৌবা থবক ফংলবশিংনা রাজ্য অসিগী পুলিস ফোর্সকী মপাঙ্গল হেনগৎহল্লগনি। ২০১৭দগী য়ু.পি পুলিসতা অনৌবা থবক লাখ ১.৫ হেন্না হাপতুনা, থবক ফংবা অমসুং ৱাখল লৈতাবা অনিমক্কী ফিবম ফগৎলে।

শ্রী মোদীনা মখা তানা হায়খি ঙসিদি উত্তর প্রদেস অসি রাজ্য অসিগী লো অমসুং ওর্দর অমসুং চাউখৎপগী মমিং চৎলে, মমাঙদা গুন্দা অমসুং লো অমসুং ওর্দর ফত্তবগী মমি তারম্বা অদু লাপ্না লৈখ্রে। মসিনা অনৌবা থবক ফংবা,ললোন-ইতিক অমসুং শেন থাদবগী অনৌবা খুদোংচাবা কয়া ফংলে।

দবল-ইঞ্জিন সরকারগী থবকশিংগী মতাংদা প্রধান মন্ত্রীনা হায়খি অনৌবা এয়রপোর্তশিং, দেদিকেতেদ ফ্রেদ কোরিদোর, অনৌবা দিফেন্স কোরিদোর, অনৌবা মোবাইল শাফম য়ুনিতশিং, অনৌবা ঈশিং লম্বীশিং, অনৌবা ইনফ্রাস্ত্রকচরনা মমাঙদা অমুক্তা ওইখিদ্রিবা মওংদা থবক ফংহল্লে। য়ু.পিদা মশিং খ্বাইদগী য়াম্না এক্সপ্রেসৱেশিং অমসুং হায়ৱেশিং শেমগৎলে। মসিনা থবক ফংহনবদা নত্তনা রাজ্যশিংদা প্রোজেক কয়া পায়খৎনবা লম্বীশিং শেম্লে। রাজ্য অসিদা তুরিজম চাউখৎলকপদগী থবক ফংবা হেনগৎলক্লে। হন্দক পাংথোকখিবা গ্লোভেল ইনভেস্তর সম্মিৎতা ইনভেস্তরশিং থৱায় য়াওনা শরুক য়াখি অমসুং মসিনা রাজ্য অসিদা থবক ফংবা হেনগৎহনগনি।

প্রধান মন্ত্রীনা হায়খি ৱাখল লৈতাবা অমসুং থবক ফংবগী অপুনবা শক্তি অসিনা য়ু.পিগী ইকোনোমিদা অনৌবা ইথিল পীরে। মুদ্রা স্কিমগী মখাদা গরেন্তি য়াওদনা লুপা লাখ ১০ ফাওবা লোন পীরে, জিলা অমসুং পোৎথোক অমা স্কিম পায়খৎলে, এম.এস.এম.ই অমসুং স্তার্দঅপকী ফিবম ফগৎলে। ঙসি থবক ফংলবশিংনা অনৌবা খুদোংচাদবা কয়া মায়োক্নগনি অমসুং অনৌবা থৌদাং কয়া পুরগনি অমসুং মখোয় মশামক লেপ্তনা তমগদবনি। থবক ফংলবা নহারোলশিংনা মখোয়গী গুনশিং ফগৎনবা, চাউখৎনবা অমসুং লৌশিং হেনগৎনবা কন্না হোৎনগদবনি।

নৌনা থবক চংলবশিংদা প্রধান মন্ত্রীনা হায়খি অদোম্না পুলিসকী থবক ফংবদা, অদোম লিচৈ অমা ফংলে, অদুবু ঈশ্বরনা নহাক্কী থম্মোয় অমা পানহল্লে। নহাক মিকুপ-নাহুম শিংগদবনি অমসুং থবকশিং খঙগদবনি। ত্রেনিংনা মীকুপ-নাহুম শিংবা হেনগৎহনগনি অমসুং অনৌবা হিরমশিং হায়বদি সাইবর ক্রাইমশিং, ফোরেন্সিক সাইন্সতা নিংথিনা মথৌ পাংথোকপা ঙমহনগনি।

প্রধান মন্ত্রীনা হায়খি নৌনা থবক চংলবশিংনা খুন্নাই ঙাক্নবা অমসুং অচুম্বা মাইকৈ তাক্নবা থৌদাং লৌগদবনি। অদোম মীয়ামগীদমক থবক অমসুং মপাঙ্গল অনিমক্কী মমি অমনি”

उत्तर प्रदेश रोजगार मेले को संबोधित करते हुए हर्ष हो रहा है। नव नियुक्त कर्मियों को शुभकामनाएं। https://t.co/ZeSqLd0PgC

— Narendra Modi (@narendramodi) February 26, 2023

*****