ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা য়ু.এস.এ.দা ওফিসিয়েল ওইবা খোংচৎ অমা চৎখ্রে। মহাক্না ঙসি অয়ুক ৱাইত আউসতা চৎকি, মফম অদুদা মহাকপু হিস এক্সেলেন্সী, শ্রী জোসেপ বাইদেন অমসুং ফর্সত লেদী, দা. জিল বাইদেননা হৌন-লোঞ্চতকী মতুং ইন্না বাম্না তরাম্না ওকখি। ভারতমচা-আমেরিকন লিশিং কয়া অমশু প্রধান মন্ত্রীবু ওক্নবা ধৌরম অদুদা শরুক য়াখি।

প্রধান মন্ত্রীনা মসিগী মতুং তারকপদা, প্রেসিদেন্ত বাইদেনগা লোইননা য়াম্না তাঙ্কক নাইনা অমসুং দেলিগেশনগি থাক্তা লৈবা ফোর্মেত্তা বাম্না প্রোদক্তিব ওইবা ৱারি-ৱাতাইশিং শানখি। লুচিংবশিং অসিনা তোঙান-তোঙান লমশিং খুদম ওইনা ত্রেদ অমসুং ইনভেস্তমেন্ত, দিফে্স অমসুং সেক্যুরিতী, ইনর্জী, ক্লাইমেত চেঞ্জ অমসুং মীশিংগী মরক্তা লৈনরিবা মরিশিংদা লৈবাক অনি অসিগী মরক্তা লৈনরিবা মতম কুইনদগী লৈরক্লিবা নুংশি-চান্নবগী মরি অদুগী মতাংদা পনখি।

লুচিংবা অনিমক্না লেবাক অনি অসিগী মরক্তা লেরিবা থাজবা অমসুং  ভাব তানবা অদুগা লোইন-লোইননা শিয়র তৌরিবা ভেল্যুশিং অদুগী মতাংদা য়াম্না মরু ওইনা পনখি, মসিনা মরি অসিবু অনৌবা থাক অমদা পুখৎপদা য়াম্না লিংবা য়ুমফম অমা ওইরি। মখোয়না অনৌবা থৌরাংশিং খুদম ওইনা ক্রিতিকেল এন্দ ইমর্জিং তেক্নোলোজীজ (আই.সি.ই.তি.) খোজেল য়াংনা খুমাং চাউশিল্লক্লিবা অদুবু থাগৎখি অমসুং রেজিলিয়েন্ত ওইবা সপ্লাই চেন অমা শেম্নবা স্ত্রেতেজিক তেক্নোলোজী কোলাবোরেশনশিং আদুবু হেনগৎহন্নবগী অপাম্বা অদুবু থাগৎখি। মকোয়না ক্রিতিকেল মিনরেলশিং অমসুং স্পেস সেক্তরশিংদা খুৎশম্ননা থবক তৌবা হেনগৎলকপা অসিবু তরাম্না ওকখি।

 
লুচিংবা অনিমক্না ক্লাইমেত চেঞ্জ অসিবু লান্থেংননবা অমসুং তুংকোইনা চৎকদবা তুংলমচৎ অমা ফংনবগীদমক্তা মখোয়না লেপ্লিবা ফিরেপ অদুবু হন্না ফোংদোরকখি। মখোয়না অশেংবা অমসুং রিন্যুৱেবল ইনর্জী প্রোমোত তৌনবা অমসুং ক্লাইমেতকী মতাংদা লোখৎলিবা অনৌবা ধৌরাংশিং অদুগি মতাংদা খুৎশম্নদুনা থবক তৌমিন্ননবগী লম্বিশিং অদুগী মতাংদা খন্নখি।

লুচিংবা অনিমক্না মখোবগী মীশিং অমসুং গ্লোবল কম্যুনিতীগী কান্ননবগীদমক্তা ভারত অমসুং য়ু.এস.এ.গি মরক্তা মল্তিফেসেতেদ ওইবা কমপ্রেহেন্সিব গ্লোবল স্তরেতেজিক পার্তনরশিপ মখাতানা চেৎশিনহন্নবা মখোয়গী অচেৎপা ফিরেপ অদু ফোংদোকখি। খন্ন-নৈনবা অদুদা লৈবাক অনিমক্তা কান্নগদবা রিজনেল অমসুং গ্লোবল ইশুশিং য়াওখি।

প্রধান মন্ত্রীনা প্রেসিদেন্ত বাইদেন অমসুং ফর্স্ত লেদীনা তরাম্না ওকপীরকপা অদুগীদমক্তা মআক্কী মাইকৈদগী থাগৎপা ফোংদোকখি। মহাক্না নই দিল্লীদা ২০২৩গী সেপ্তেম্বরদা পাংথোক্কদবা জি.২০ লুচিংবশিংগী মীফমগীদমক্তা প্রেসিদেন্ত বাইদেনবু ওক্নবগীদমক্তা খৌরাংনি ঙাইরি হায়খি।   

*******