ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা তেলিফোন্দা য়ুক্রেনগী রাস্ত্রপতি বোলোদিমির জেলেন্সকিগা ৱারি শানখ্রে।
লুচিংবশিংনা হৌজিক য়ুক্রেনদা চৎথরিবা মুক্নবা অসিগী মতাংদা ৱা তানখি। অথুবা মতমদা মুক্নরিবশিং লোইশিন্নবা অমসুং ৱারি শানবা অমসুং দিপ্লোমেসিগী লম্বীদা চঙশিন্নবা প্রধান মন্ত্রীনা অমুক হন্না ফোঙদোকখি। উংখৎনবা অসি লান্মীনা ৱারোইশিন পুরকপা ঙম্লোই অমসুং শান্তি পুরক্নবা থবক অমা হেক্তা পাংথোক্নবা মতেং পাংনবা ভারতনা থৌরাং তৌদুনা লৈরি হায়না মহাক্কী অচেৎপা ৱাফম প্রধান মন্ত্রীনা ফোঙদোকখি। য়ু.এন চার্চর, মালেমগী চৎন-কাংলোন অমসুং লৈবাকশিংগী মনিংতম্বা অমসুং ঙমখৈগী অপুনবা শক্তম ইকায়খুম্নবগী মরুওইবশিং অদুশু প্রধান মন্ত্রীনা অমুক হান্না ফোঙদোকখি।

প্রধান মন্ত্রীনা হায়খি য়ুক্রেন য়াওনা লৈবাক কয়াদা লৈরিবা নিউক্লিয়ারগী মফমশিং অশোই-অঙাম থোক্তনবা শেন্নবা হায়বসিদা ভারতনা মরুওইনা লৌরি। নিউক্লিয়ারগী মফমশিংদা খুদোংথিবা থোকপা অসিনা য়াম্না চাউনা অমাং-অতা থোক্কনি অমসুং মসিনা মীয়ামগী হকশেল অমসুং অকোয়বগী ফিবমদা অমাঙবা থোক্কনি।

মখোয় অনিনা নবেম্বর ২০২১দা গ্লাস্কোদা উনখিবা মতুংদা হন্দক ৱারি শানবা অসিদা লৈবাক অনিগী মরক্তা মতেং পাংনবা য়াবা মরুওইবা হিরমশিংগী মতাংদা লুচিংবা অনিনা খন্নখি।

*****