ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি লুপা করোর ১৬৯০ হেনবা এন.ঐচ.-১০৫গী পিঞ্জোরদগী নালাগর ফাওবগী নেস্নেল হাইৱে লেন মরি ওনখৎপগী কিমি ৩১ শাংবা প্রোজেক্তকী উরেপ-উয়ুং তমখ্রে। প্রধান মন্ত্রীনা এম্স বিলাসপুর জাতিদা খুৎশিন্নখ্রে। প্রধান মন্ত্রীনা লুপা করোর ৩৫০ চংনা শাগদবা নালাগরগী মেদিকেল দিভাইস পার্ক্কী উরেপ-উয়ুংসু তমখ্রে। প্রধান মন্ত্রীনা বন্দলাদা গভর্নমেন্ত হাইদ্রো ইঞ্জিনীয়রিং কোলেজ শঙ্গাখ্রে।

থৌরম অদুদা ৱা ঙাংলদুনা প্রধান মন্ত্রীনা বিজয়া দশমীগী য়াইফরবা নুমিৎনা লাকপদা মীপুম খুদিংমক্তা য়াইফ-পাউজেল পীখ্রে। মহাক্না হায় মদুদি য়াইফরবা কুহ্মৈ অসিনা খুদোংথিবা খুদিংমক মায়োক্নবগা লোয়‌ননা ‘পঞ্চ প্রন’ ফংনবা লম্বেলদা চৎনবা মীপুম খুদিংমক্তা অনৌবা থৌনা পীরগনি। মহাক্না হায় বিজয়া দশমীগীদমক হিমাচলদা লাকপগী খুদোংচাবা ফংবগী লাইবক ফবা অসিনা তুংদা মাইপাকপা ঙম্বগী অফবা ফল পুরক্লগনি।

প্রধান মন্ত্রীনা হায়খি মদুদি বিলাসপুরনা হকশেল অমসুং মহৈ-মশিংগী দবল গিফ অমা ফংলি। মহাক্না কূল্লু দশেরাদা শরুক য়াবগী খুদোংচাবা ফংজবদা তৌবীমল খঙবা উৎখি অমসুং মহাক্না জাতিগী য়াইফনবা ভগৱান রঘুনাথজীদা থৌনিগনি হায়না ফোঙদোকখি। প্রধান মন্ত্রীনা মফম অদুদা মহাক অমদি মহাক্কী খোঙলোইশিংগা লোয়ননা থবক তৌদুনা লৈরমখিবা হৌখ্রবা মতমশিং অদুবু নীংশিংখি। মহাক্না হায়, “হিমাচল প্রদেশকী চাউখৎ খোঙচৎকী শরুক অমা ওইবা ফংজবা হায়বা অসি ঐহাক্কী লাইবক ফবনি”।

হিমাচল প্রদেশতা হৌখিবা চহি খরা অসিদা পাইখৎখিবা চাউখৎ-থৌরাংশিংগী মতাংদা পল্লদুনা প্রধান মন্ত্রীনা হায়খি মদুদি চাউখৎ-থৌরাংশিং অসি মীয়ামগী ভোৎনা পুরকপা ঙমখিবনি। মহাক্না রাজ্য অমসুং কেন্দ্রদা মীয়াম্না থাজবা থম্বনা চাউখৎ-থৌরাংগী থবক খোঙজেল য়াংশিনবা ঙমহনখিবনি হায়না থাগৎখি।

মহাক্না হায়খি মদুদি মতম শাংনা এজুকেসন, লম্বী-থোং, ইন্দস্ত্রীশিং, হোস্পিতালশিংগুম্বা ফেসিলিতীশিং অসি অচৌবা সহরশিংগী খক্তনি হায়না খন্দুনা লাকখি। চীংগী মফমশিংগী ওইনদি তঙাই ফদবা খুদোংচাবশিং অসি মীপুম খুদিংমক্না ফংলবা মতুংদা মখোয়না অরোইবদা ফংবা ঙমখি। প্রধান মন্ত্রীনা হায় মসিনা লৈবাক অসিগী চাউখৎ খোঙচৎতা অকাইবা পীখি। মহাক্না মখা তারদুনা হায়খি, হিমাচল প্রদেশকী মীয়াম্না অপীকপা হীরমগীসু চান্দিগর নত্ত্রগা দিল্লীদা চৎপা তারমখি। অদুম ওইনমক হৌখিবা চহি ৮দা দবল ইঞ্জিন সরকারনা পুম্নমক অসিদা অহোংবা পুরকখি। প্রধান মন্ত্রীনা হায়খি মদুদি হিমাচল প্রদেশতা ঙসিদি আই.আই.তি., আই.আই.এম. অমসুং আই.আই.আই.তি.গুম্বা সেন্ত্রেল য়ুনিভর্সিতীশিং লৈরে। শ্রী মোদীনা মখা তারদুনা হায়খি মদুদি এম্স, বিলাসপুর অসিনা ভারতকী মেদিজেল এজুকেসনগী এপেক্স ওইদুনা মসিনা বিলাসপুরগী মতিক-ময়াই হেনগৎহল্লগনি। প্রধান মন্ত্রীনা মখা তারদুনা হায়, “হৌখিবা চহি নিপান্দা হিমাচল প্রদেশনা চাউখৎপগী অনৌবা পনখৈ য়ৌবা ঙমখি”।

প্রধান মন্ত্রীনা প্রোজেক্তশিং খুৎশিন্নবগী ময়েক শেংবা তাইমলাইনগা লোয়ননা হৌজিক উরেপ-উয়ুং তমখিবা অসিদা সরকারনা মথৌ তৌবগী মওংদা অহোংবা লাক্লিবা অদু মমি তাই হায়না থমখি।

জাতি শেমগৎপদা হিমাচল প্রদেশনা শরুক তম্লিবা অসিগী মতাংদা প্রধান মন্ত্রীনা রাজ্য অসিনা ‘রাস্ত্র রক্ষা’দা মরু ওইবা থৌদাং অমা লৌরি অমসুং হৌজিক্না নৌনা শঙ্গারবা বিলাসপুরগী এম্সকা লোয়ননা মসিনা ‘জীবন রক্ষা’দা অচৌবা থৌদাং অমসু লৌরগনি। প্রধান মন্ত্রীনা লাইচৎকী শীংনবশিং লৈরবসু মতম চানা লোইশিনবা ঙমখিবগীদমক হকশেল মন্ত্রালয় অমসুং রাজ্য সরকারপু থাগৎখি।

ব্লক দ্রগস পার্ক্কীদমক খনখিবা রাজ্য অহুমগী মনুংদা হিমাচল প্রদেশসু অমা ওইরকপা অসি রাজ্য অসিগী মীয়ামগীদমক চাউথোকচনীংঙাই ওইবা মীকুপ অমনি হায়না প্রধান মন্ত্রীনা ফোঙদোকখি। হিমাচল প্রদেশ অসি মেদিকেল দিভাইসেস পার্ক্কীদমক খনখিবা রাজ্য মরিগী মনুংদা অমসু ওইরি অমসুং নালাগর মেদিকেল দিভাইস পার্ক অসি মসিগী শরুক অমনি। প্রধান মন্ত্রীনা হায়, “মসি থৌনা ফবশিংগী লমদমনি অমসুং লমদম অসিগী ঐহাক্না লমন তোনশিল্লি”।

মেদিকেল তুরিজমগী লম অসিগী মতাংদা পল্লদুনা প্রধান মন্ত্রীনা হায়খি মদুদি হিমাচল প্রদেশতা লোইনাইদ্রবা খুদোংচাবশিং লৈ। প্রধান মন্ত্রীনা হায় মদুদি রাজ্য অসিগী নুংশিৎ, অকোইবগী ফীভম অমসুং পাম্বী অসিনা রাজ্য অসিগীদমক লোইনাইদ্রবা কান্নবশিংগী হৌরকফম অমা ওইবা য়াগনি।

সরকারনা লায়রবা অমসুং মিদল ক্লাসকীদমক ইজ ওফ লিবিং ফংহন্নবা হোৎনরিবশিং অদুগী মতাংদা পল্লদুনা প্রধান মন্ত্রীনা হায়খি মদুদি মনুং হঞ্জিনবা মফমশিংদা হোস্পিতালশিং শানবা অমসুং মেদিকেল বিলশিংদা তৌবা চাদিং হন্থহন্নবা খোঙথাংশিং লৌখৎলি। মরম অসিনা ঐখোয়না দিস্ত্রিক্ত হোস্পিতালশিংদা অমসুং খুঙ্গংশিংদা লৈরিবা ৱেলনেস সেন্তরশিংদা এম্সতগী ক্রিতিকেল ক্যের ফাওবদা অপনবা লৈতবা কন্নেক্তেতিবিতী লৈহন্নবা থবক পাইখৎলি। আয়ুশ্মান ভারত স্কিমনা রাজ্য অসিগী অয়াম্বা ইমুংশিংদা লুপা লাখ ৫ ফাওবগী লেম্না লায়েং ফংহল্লি। লৈবাক শিনবা থুংবদা পেসেন্ত করোর ৩ হেন্না অমসুং হিমাচল প্রদেশতগী বেনিফিসরী লাখ ১.৫ লাকখি। সরকারনা লৈবাক শিনবা থুংবদা লুপা করোর ৪৫,০০০ হেন্না চাদিং তৌখি, পেসেন্তশংনা লুপা করোর ৯০,০০০ রোম তুংশিনজবা ঙমখি।

প্রধান মন্ত্রীনা হায় দবল-ইঞ্জিন সরকারগী য়ুম্ফম অসি ঐখোয়গী ইমাশিং, ইচে-ইচলশিং অমসুং ইচানুপীশিংদা হরাউ তয়াম্বা, এক্সেসিবিলিতী, ইকাই খুম্নবা, ঙাকশেল অমসুং হকশেল ফংহন্দুনা থোনখিবনি। “মীপুম খুদিংমক্তা ইকাই খুম্নবা ফংহনবা হায়বসি ঐখোয়গী সরকারগী মরুওইবা মীৎয়েংনি” হায়না প্রধান মন্ত্রীনা ফোঙদোকখি। মহাক্না অমাঙশঙ শাবা, লেম্না গ্যাস কন্নেক্সন পীবা, ইমাশিং অমসুং ইচেশিং থৌনা হাপ্নবা সেনিতরী পেদ য়েন্থোকপগী স্কীম, মাত্রু বন্ধন য়োজনা অমসুং হর ঘর জল কেম্পেনগুম্বা খোঙথাং কয়াগী মতাংদা ফোঙদোকখি।    

প্রধান মন্ত্রীনা মুখ্য মন্ত্রী অমসুং মহাক্কী তীম্না থৌনা লৈনা অমসুং খোঙজেল য়াংনা কেন্দ্রগী স্কিমশিং ইম্প্লিমেন্ত তৌবা অমসুং মসিগী স্কোপশিং চাউথোকপগী থাগৎপা ফোঙদোকখি। মহাক্না হর ঘরগুম্বা স্কীমশিং অমসুং পেন্সনগুম্বা সোসিএল সিক্যুরিতী স্কীমশিং খোঙজেল য়াংনা ইম্প্লিমেন্তেসন তৌবগী থাগৎপা ফোঙদোকখি। মসিগা মান্ননা হিমাচল প্রদেশতা লৈবা ইমুং কয়ামরুম্না ৱান রেঙ্ক ৱান পেন্সন্দগী চাউনা কান্নবা ফংখ্রে। মহাক্না রাজ্য অসিনা কোরোনাগী ভেক্সিনেসন চাদা চামা কাপ্পা লোইখিবা অহানবা রাজ্য ওইখিবদা রাজ্য অসিবু থাগৎপা ফোঙদোকখি।  

 “হিমাচল অসি খুদোংচাবশিংগী লম অমনি” হায়না প্রধান মন্ত্রীনা ফোঙদোকখি। মহাক্না মীপুম খুদিংমক্তা রাজ্য অসিনা ইলেক্ত্রিসিতী পুথোক্লি, লৈহাউ লৈবা লম ওইরি অমসুং তুরিজম্না মরম ওইরগা লোইবা নাইদ্রবা থবক্কী খুদোংচাবশিং ফংলি হায়না ফোঙদোকখি। অফবা কন্নেক্তিবিতী লৈতবনা মরম ওইরগা মসিগী খুদোংচাবশিং অসিগী মমাংদা অচৌবা পল অমা ওইররে হায়না প্রধান মন্ত্রীনা ফোঙদোকখি”। “২০১৪দগী হৌরগা খুঙ্গং অমদগী খুঙ্গং অমদা হিমাচল প্রদেশতা খ্বাইদগী ফবা ইনফ্রাস্ত্রকচর ফংহন্নবা কন্না হোৎনরি” হায়না মহাক্না ফোঙদোকখি। প্রধান মন্ত্রী হিমাচল প্রদেশকী মফম খুদিংমক্তা লম্বী পাংথোক্নবা থবক পাইখৎলি হায়না ফোঙদোকখি। “হৌজিক ফাওবগী ওইনা হিমাচল প্রদেশতা কন্নেক্তিবিতীগী থবকশিংদা লুপা করোর ৫০ রোম চাদিং তৌখ্রে হায়না মহাক্না মখা তাখি”। পিঞ্জোরদগী নালাগর ফাওগী লেন মরী লম্বী পাকথোকপগী থবক অসি লোইশিবা মতমদা নলাগর অমসুং বদ্দিগী ইন্দস্ত্রী ওইবা মফমশিং খক্তা কান্নবা ফংবতা নত্তনা চন্দিগর অমসুং অম্বালাদগী বিলাসপুর, মান্দী অমসুং মনালী তম্না চৎলিবা পেসেঞ্জরশিংসু কান্নবা ফংলগনি। “হিমাচলগী মীয়ামদা অথেকপা লম্বীশিংদগী শাফনবা তন্নেলশিংগী নেতৱর্ক অমা য়ুম্ফম থোনখ্রে হায়না প্রধান মন্ত্রীনা মখা তাখি”।

দিজিতেল ইন্দিয়াগী অনৌবা দিভেলপমেন্তশিংগী মতাংদা পল্লদুনা প্রধান মন্ত্রীনা হায় দিজিতেল কন্নেক্তিবিতীগা মরী লৈননা মমাংদা তৌখিদ্রিবা থবক কয়ামরুম পাইখৎলে। “হৌখিবা চহি ৮ অসিদা মেদ ইন ইন্দিয়া মোবাইল ফোনশিংগী মমলসু হোংথরে অমসুং খুঙ্গংশিংদা মসিগী নেতৱর্কশিং ফংহল্লে হায়না মহাক্না মখা তাখি”। হিমাচল প্রদেশ অসি অফবা ফোরজি কন্নেক্তিবিতীনা মরম ওইরদুনা দিজিতেল ত্রাঞ্জেক্সনশিংদা খোঙজেল য়াংনা চংশিল্লি।  “করিগুম্বা কনাগুম্বা অমনা দিজিতেল ইন্দিয়াদগী খ্বাইদগী য়াম্না কান্নবা ফংলবদি মদু হিমাচল প্রদেশকী নখোয় মীয়াম্নি হায়না মহাক্না ফোঙদোকখি”। মসিনা মরম ওইরগা বিল থিবা, বেঙ্ককা মরী লৈনবা থবকশিং, এদমিসনশিং, এপ্লিকেসনশিংনচিংবা থবকশিংদা মতম খ্বাইদগী তেন্না চংলে হায়না প্রধান মন্ত্রীনা ফোঙদোকখি।

লৈবাক অসিদা ফাইবজি দিভেলপমেন্তকী মতাংদা পল্লদুনা প্রধান মন্ত্রীনা হায়, “হৌজিক লৈবাক অসিদা অহানবা ওইনা মেদ ইন ইন্দিয়া ফাইবজি সর্ভিসশিংসু হৌরগনি অমসুং মসিগী কান্নবশিংসু হিমাচল প্রদেশ অথুবা মতমদা ফংহল্লগনি”। ভারত্তা দ্রোনগী চৎন-কাংলোনশিং হোংদোক্লবা মতুংদা ত্রান্সপোর্তেসন্দা মখোয় শিজিন্নবগী চাং অসি হেনগৎপগা লোয়ননা এজুকেসন, হকশেল, লৌউ শিংউ অমসুং তুরিজম সেক্তরদা মসিগী কান্নবা মপুংফানা ফংলগনি। মহাক্না হিমাচল প্রদেশপু দ্রোন পোলিসী অমা শেম্বা অআনবা রাজ্য ওইখিবদা থাগৎপা ফোঙদোকখি। “ঐখোয়না নাগরিক খুদিংমক্তা খুদোংবা ফংবা হেনগৎহন্নবা অমসুং নাগরিক খুদিংমক্না চাউখৎ থৌরাং ফংহন্নবা চাউখৎ থৌরাংগী মখল অমা ফংনবা হোৎনরি। মসিনা চাউখৎলবা ভারত অমসুং চাউখৎলবা হিমাচল প্রদেশকী ফীরেপ তাক্লগনি” হায়না ফোঙদোক্লদুনা প্রধান মন্ত্রীনা মহাক্কী ৱারোল তেনশিনখি। 

হিমাচল প্রদেশকী মুখ্য মন্ত্রী, শ্রী জয় রাম থাকুর, হিমাচল প্রদেশকী রাজ্যপাল, শ্রী রাজেন্দ্র বিশ্বানাথ অর্লেকর, কেন্দ্রগী মন্ত্রী অনুরাগ থাকুর, পার্লিয়ামেন্তকী মেম্বর অমসুং বি.জে.পি.গী নেসনেল প্রসিদেন্ত শ্রী জগত প্রকাশ নদ্দা অমসুং পার্লিয়ামেন্তকী মেম্বর অমসুং বি.জে.পি.গী রাজ্যগী প্রসিদেন্ত, শ্রী সুরেশ কুমার কশ্যপনা থৌরম অদুদা শরুক য়াখি।

বেকগ্রাউন্দ

হিমাচল প্রদেশতা তোঙান-তোঙানবা প্রোজেক্তশিং

ঙসি লুপা করোর ১৬৯০ হেনগদবা এন.ঐচ. ১০৫কী পিঞ্জোরদগী নালাগর ফাওবগী শরুক্কী নেস্নেল হায়ৱে লেন মরিদা ওনখৎপগী কিলোমিতর ৩১ শাংবা প্রোজেক্ত অমগী উরেপ উয়ুং তমখ্রে‍। প্রোজেক্ত অসিগী পাইখৎকদৌরিবা লম্বী অসি অম্বালা, চান্দিগর, পঞ্চকুলা অমসুং সোলন/শিমলাগী ত্রাফিকশিংনা বিলাসপুর, মন্দী অমসুং মনালীদা চৎপগী মরুওইবা ফাওনফম পরিং অমনি‍। লেন মরিগী নেস্নেল হায়ৱে অসিগী কিলোমিতর ১৮লোমগী শরুক্না হিমাচল প্রদেশতা লৈ অদুগা লেমহৌরিবা শরুক অসিনা হরিয়ানাগী মনুং চল্লি‍। হায়ৱে অসিনা হিমাচল প্রদেশকী ইন্দস্ত্রিএল হব ওইরিবা নালাগর-বদ্দিদা হেন্না ফবা ত্রান্সপোর্ত ফেসিলিতী ফংহনগনি, অমদি লমদম অসিদা ইন্দস্ত্রি হেন্না চাওখৎহনবদা ইনোৎসু হাপকনি‍। মসিনা স্তেত অসিগী তুরিজমগী লমদসু ইনোৎ হাপ্লগনি‍।

এম্স বিলাসপুর

লৈবাক শিনবা থুংনা হকশেলগী সর্ভিসশিংগী মপাঙ্গল কনখৎহন্নবা প্রধান মন্ত্রীগী মঙলান এম্স বিলাসপুর শঙ্গাবসিদা অমুক হন্না উবা ফংলি‍। প্রধান মন্ত্রীনা ওক্তোবর ২০১৭তা উরেপ উয়ুং তমখিবা লায়েংশঙ অসি সেন্ত্রেল সেক্তর স্কীম প্রধান মন্ত্রী স্বাস্থ্য সুরক্ষা য়োজনাগী মখাদা শাবনি‍।

লুপা করোর ১৪৭০ হেন্না চঙনা শাগৎখিবা এম্স বিলাসপুর অসি স্পিসিএল্তী দিপার্তমেন্ত ১৮ অমসুং সুপর স্পিসিএল্তী দিপার্তমেন্ত ১৭, মোদুলর ওপরেসন থিএতর ১৮, আই.সি.য়ু ফমুং ৬৪গা লোয়ননা ফমুং ৭৫০ লৈবা স্তেত-ওফ-দি-আর্ত হোস্পিতাল অমনি‍। লম একর ২৪৭ পাক চাউনা কোল্লিবা লায়েংশঙ অসিদা পুং ২৪ চুপ্না মথৌ তৌগদবা ইমর্জেন্সী অমসুং দাইলাইসিস ফেসিলিতীশিং, অল্ত্রাসোনোগ্রাফী, সি.তি. স্কেন, এম.আর.আই.নচিংবা মতমগা চুনরবা দাইগ্নোস্তিক মেছিনশিং, অমৃৎ ফার্মাসী অমসুং জন ঔসধী কেন্দ্র অমদি ফুং ৩০ লৈবা আয়ুস ব্লোকশিং লৈ‍। লায়েংশঙ অসিদা হিমাচল প্রদেশকী ত্রাইবেলশিং অমসুং মনুং হঞ্জিনবা ত্রাইবেলগী মফমশিংদা হকশেলগী সর্ভিস পীননবা সেন্তর ফোর দিজিতেল হেল্থ অমসু লিংখৎলে‍। মসিগী মথক্তা কাজা, সলুনী অমসুং কেলোংনচিংবা মনুং হঞ্জিনবা ত্রাইবলেগী মফমশিং অমসুং অৱাংবা হিমালয়গী মফমশিংদা হেল্থ কেম্পকী খুত্থাংদা স্পিসিএলিস্ত হেল্থ সর্ভিসশিং লায়েংশঙ অসিনা পীগদৌরি‍। লায়েংশঙ অসিনা চহি খুদিংগী এম.বি.বি.এস. কোর্সকী মহৈরোয় ১০০ অমদি নর্সিং কোর্সকী মহৈরোয় ৬০ লৌগনি‍।

গভর্নমেন্ত হাইদ্রো ইঞ্জিনীয়রিং কোলেজ, বন্দলা

প্রধান মন্ত্রীনা বন্দলাদা গভর্নমেন্ত হাইদ্রো ইঞ্জিনীয়রিং কোলেজসু শঙ্গাখ্রে‍। লুপা করোর ১৪০রোম চংনা শাখিবা কোলেজ অসিনা হিমাচল প্রদেশনা মাংজিল থাবা রাজ্যশিংগী মরক্তা অমসু ওইরিবা হাইদ্রো পৱার প্রোজেক্তকী মরমদা নীংথিনা ত্রেন তৌরবা মেনপাৱরশিং পুথোক্কনি‍। মসিনা নহাশিংগী স্কিল হেনগৎহনবদা মতেং পাংদুনা হাইদ্রো পাৱর সেক্তরদা থবক হেন্না পীবগী খুদোংচাবা পীগনি‍।

মেদিকেল দিভাইস পার্ক, নালাগর

প্রধান মন্ত্রীনা লুপা করোর ৩৫০রোম চংনা নালাগরদা শাগদবা মেদিকেল দিভাইস পার্ক্কী উরেপ উয়ুং তমখ্রে‍। মেদিকেল দিভাইস পার্ক অসিদা ইন্দস্ত্রীশিং লিংখৎনবগী লুপা করোর ৮০০ হেনবগী এম.ও.য়ু.শিং হান্ননা খুৎয়েক পীনখ্রে‍। প্রোজেক্ত অসিনা লমদম অসিদা থবক পীবগী চাং মশক থোক্না হেনগৎহল্লগনি‍।

Elated to be in Devbhoomi Himachal Pradesh. Speaking at launch of development works in Bilaspur. https://t.co/RwjA4KcM0Y

— Narendra Modi (@narendramodi) October 5, 2022

PM @narendramodi extends Vijaya Dashami greetings to the countrymen. pic.twitter.com/XGJIBEtck6

— PMO India (@PMOIndia) October 5, 2022

Fortunate to have been a part of Himachal Pradesh’s development journey, says PM @narendramodi pic.twitter.com/n4o7L9UU4c

— PMO India (@PMOIndia) October 5, 2022

In the last eight years, Himachal Pradesh has scaled new heights of development. pic.twitter.com/6YrdnnzFfd

— PMO India (@PMOIndia) October 5, 2022

Himachal Pradesh plays a crucial role in ‘Rashtra Raksha’ and now with the newly inaugurated AIIMS at Bilaspur, it will also play pivotal role in ‘Jeevan Raksha’. pic.twitter.com/eZWcVzumY7

— PMO India (@PMOIndia) October 5, 2022

A moment of pride for Himachal Pradesh. pic.twitter.com/z3Nr2QgTKg

— PMO India (@PMOIndia) October 5, 2022

When it comes to medical tourism, Himachal Pradesh can benefit a lot. pic.twitter.com/qwsZgHqok0

— PMO India (@PMOIndia) October 5, 2022

Ensuring ‘Ease of Living’ for the poor and middle class. pic.twitter.com/fInATjsdb0

— PMO India (@PMOIndia) October 5, 2022

Ensuring dignity of life for all is our government’s priority. pic.twitter.com/wCXtzaNDwo

— PMO India (@PMOIndia) October 5, 2022

Himachal Pradesh is a land of opportunities. pic.twitter.com/8ACWXIxBtK

— PMO India (@PMOIndia) October 5, 2022

*****