ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি বল্ক দ্রগ পার্ক্কী উরেপ-উয়ুং তমখ্রে অমসুং জাতিদা ইন্দিয়ন ইন্সতিত্যুত ওফ ইনফোর্মেসন তেক্নোলোজী (আই.আই.আই.তি.), উনা জাতিদা খুৎশিন্নখি। ঙসি অঙনবদা প্রধান মন্ত্রীনা অম্ব অন্দৌরা, উনাদগী নই দিল্লী ফাওবগী অনৌবা ভন্দে ভারত এক্সপ্রেসকী অহানবা খোঙচৎ লমথাখি।

প্রধান মন্ত্রীনা গুরু নানক দেবজী, সিখশিংগী গুরুশিং অমসুং মা চিন্তপুর্নীদা ইকাই খুম্নবা উৎলদুনা মহাক্কী ৱারোল পীবা হৌখি অমসুং মহাক্না ধন্তেরস অমসুং দিৱালীগী মমাংদা হিমাচল প্রদেশকীদমক খুদোলশিং পীবা ফংজবদা নুংঙাইবা নুংঙাইবা ফোঙদোকখি। হিমাচল প্রদেশকা মহাক্কা লৈনবা মরীবু নীংশিংলদুনা প্রধান মন্ত্রীনা মাগী মহৌশাগী ফজবগী মতাংদা ফোঙদোকখি অমসুং মহাক্না মা চিন্তপুর্নীগী মমাংদা মকোক নোন্না খুরুম্বা ফংজবা লাইবক ফবনি হায়না ফোঙদোকখি।

প্রধান মন্ত্রীনা মসি ইন্দস্ত্রেলাইজেসনগী মরু ওইবা নুমিৎ অমনি হায়না ফোঙদোক্লদুনা মহাক্না রাজ্য অসিদা লাকখিবা খোঙচৎ অসিগী মরু ওইবা মীৎয়েংদি কন্নেক্তিবিতী অমসুং এজুকেসন্নি হায়না পাউদমখি। মহাক্না হায়, “ঙসি উনাদা লৈবাক অসিগী অনিশুবা বল্ক দ্রগ পার্ক্কী অহৌবা ওইরি। ঙসি হিমাচল প্রদেশতা তোঙান-তোঙানবা প্রোজেক্তশিং শঙ্গাখি নত্ত্রগা মখোয়গী উরেপ-উয়ুং তমখি। মসিনা মীয়ামদা চাউনা কান্নবা পীরগনি”। হিমাচল অসি বল্ক দ্রগ পার্ক শানবগীদমক খনখিবা রাজ্যশিংগী মরক্তা অমা ওইখি। মহাক্না হায়, “বল্ক দ্রগ পার্ক্কীদমক রাজ্য অহুম খক্তা খনগৎপদা অমা ওইনা খল্লকপা হায়বা অসি রাজ্য অসিগীদমক মরু ওইবা ৱারেপ অঞনি অমসুং মসি ঐখোয়না রাজ্য অসি নুংশিবা অমসুং কত্থোকপগী মহৈনি”। মতৌ অসুম্না হিমাচল প্রদেশতা ভন্দে ভারত পুরক্নবগী ৱারেপ অসিনা সরকারনা রাজ্য অসিবু মরু ওইনা লৌই হায়বা তাক্লি। মহাক্না হায় মদুদি রাজ্য অসিগী মমাংগী মীরোলশিংনা ত্রেন অমা ফাওবা উবা ফংখিদে অমসুং ঙসি হিমাচলদা খ্বাইদগী এদভান্স ওইবা ত্রেন চেলহল্লি। মীয়ামগী চাউখৎনবা দবল-ইঞ্জিন সরকারনা থবক তৌবগী মওং অসিদা মহাক্না অপেনবা ফোঙদোকখি।

প্রধান মন্ত্রীনা হিমাচল প্রদেশকী মমাংগী সরকারশিং অমসুং কেন্দ্রনা হিমাচল প্রদেশকী প্রজাশিংগী তঙাই ফদবশিং অমসুং অনীংবা-অপাম্বশিংদা মীৎয়েং অমত্তা চংলমখিদে। মহাক্না মখা তারদুনা হায়, “অসিগুম্বা ফীভম অসিনা মরম ওইদুনা ঐখোয়গী ইমাশিং অমসুং ইচে-ইচলশিংনা খ্বাইদগী চাউনা চৈথেং নংখি”। প্রধান মন্ত্রী হেন্না ফবা ঙসিগীদমক অহোংবা লাকপা মতম ওইরে অমসুং হৌজিক পাল্লিবা সরকার অসিনা মীয়ামগী তঙাই ফদবশিং থুংহনবা খক্তা নত্তনা কত্থোকপা অমসুং শক্তি শীজিন্নদুনা মখোয়গী থাজবশিং অমসুং অনীংবা-অপাম্বশিং থুংহন্নবা পান্দম থম্লি।  মহাক্না মখা তারদুনা হায়, “ঐখোয়না মমাংগী সরকারশিংনা থনম্বা চাউখৎ-থৌরাংগী অৱাৎপশিং মেনখৎপা খক্তা নত্তনা রাজ্য অসিগী য়ুম্ফমগী মপাঙ্গল কনবা য়ুম্বীশিং শেমগৎলি”।

প্রধান মন্ত্রীনা হায়খি মদুদি ঙল্লবদা মমাংগী চহিচা ফাওবদা লৈবাক কয়া অমসুং গুজরাতকুম্বা রাজ্য খরনা মাগী প্রজাশিংদা অমাংশঙশিং, খুঙ্গংগী লম্বীশিং অমসুং মোদর্ন হেল্থক্যেরগুম্বা তঙাই ফদবা খুদোংচাবশিং ফংহনখি। মহাক্না হায়, “ভারততা অদুম ওইনমক মমাংগী সরকারনা মীচম প্রজাশিংদা তঙাই ফবশিং অসি ফংহনবা ফাওবা অৱাবা ওইখি। মসিগী চৈথেং চীংগী মফমশিংনা খ্বাইদগী চাউনা ফংখি। মসি ঐহাক্না মফম অসিদা লৈরিঙৈ মতমদা ময়েক শেংনা উবা ফংখি”। মহাক্না মখা তারদুনা হায়, “অনৌবা ভারতনা হৌখিবা মতমগী শীংনবশিং কোকহন্দুনা খোঙজেল য়াংনা খুমাং চাউশিল্লি। মমাংগী চহিচাদা য়ৌহনগদবা খুদোংচাবশিং মীয়ামদা হৌজিক ফংহল্লি। ঐখোয়না ২০শুবা চহিচাগী খুদোংচাবশিং ফংহনগনি অমসুং হিমাচল প্রদেশপু ২১শুবা চহিচাগী মোর্দন ফেসিলিতীশিংগা শম্নহনগনি”। মহাক্না হায় খুঙ্গংগী লম্বীশিং অসি খোঙজেল শরুক অনি য়াংনা শারি অমসুং ব্রোদবেন্দ কন্নেক্তিবিতী অসি গ্রাম পঞ্চায়তশিংদা য়ৌহল্লি। “ঐখোয়গী সরকারনা ২১শুবা চহিচাগী ভারতকী অনীংবা অপাম্বশিং থুংহল্লি”।

প্রধান মন্ত্রীনা হিমাচল প্রদেশনা ভারতপু মালেমগী নম্বর ৱান মেদিসিন মেন্যুফেকচর্র ওইহনবদা মরু ওইবা থৌদাং অমা লৌখি অমসুং মাগী ওইথোকপা য়াবশিং অসি হেনগৎলকখিগদবা খক্তনি। শ্রী মোদীনা হায়, “মালেম পুম্বনা হিমাচল প্রদেশনা পুথোকপা হীদাক-লাংথকশিংগী মপাঙ্গল উবা ফংখ্রে। মহাক্না মখা তারদুনা হায়খি মদুদি হৌজিক হীদাক-লাংথক পুথোকপগী রো মেতরিএলশিং অসি হিমাচল প্রদেশতা পুথোক্লগনি, ভারতনা অতোপ্পা লৈবাকশিংগী মীপাল তাংবদা চাউনা হন্থরক্লগনি। প্রধান মন্ত্রীনা সরকারনা আয়ুশ্মান ভারত স্কিমগী মীৎয়েং মখাদা জন ঔশাধি কেন্দ্রগী খুত্থাংদা লৈতা লায়রবশিংদা লুপা লাখ ৫ ফাওবগী লেম্না লায়েং ফংহল্লি। মহাক্না হায়, “বল্ক দ্রগ পার্ক অসিনা মীয়ামদা ক্বালিতী লৈবা অমসুং অহোংবা মেদিকেল ক্যের পীনবা সরকারগী কেম্পেন হেন্না মপাঙ্গল কনখৎহল্লগমি”। মহাক্না হায়, “এগ্রিকলচর নত্ত্রগা ইন্দস্ত্রী ওইরবসু মসি চাউখৎ খোঙচৎকী খোঙজেলদা শাহৌ পীরিবা কন্নেক্তিবিতীনি”। মহাক্না চহি ৪০গী মমাংদা অয়াবা পীখিবা অমসুং হৌজিক পাল্লিবা সরকার অসিনা থৱায় য়াওনা হোৎনদ্রিবা ফাওবা চহি ৪০ অসিদা খুমাং চাউশিনবগী মমি অমত্তা তারমখিদেবা নানগল দাম-তলৱারা রেলৱে লাইন অসি খুদম ওইনা পীখি। দবল-ইঞ্জিন সরকারনা হিমাচল প্রদেশ শিনবা থুংবদা রেলৱে কন্নেক্তিবিতী ফগৎহন্নবা হোৎনখি। ঙসি লৈবাক অসিদা ভারত্তা শাজবা ভন্দে ভারত ত্রেনশিংনা শম্নহল্লিবা মতম অসিদা হিমাচল অসি লৈবাক অসিগী মাংজিল থারিবা রাজ্যশিংগী মনুংদা অমা ওইরক্লি হায়না মহাক্না ফোঙদোকখি।

প্রধান মন্ত্রীনা ৱাশকখিবশিং থুংহনবা অমসুং মতমগী মাংওইননা থুংহনবগী অনৌবা থবক থৌবগী মতৌ অদুবগী মতাংদা পনখি। “হিমাচল অসি মাগী শক্তিগী মতাংদা লুম্না লৌরমদে অমসুং মাগী পার্লিয়ামেন্তেরী সীতশিংগী মশিংদনা হেন্না মমল লৈনা লৌরমখিবা হৌখিবা মতমশিং অদুগা মান্নদনা রাজ্য অসিদা এজুকেস্নেল ইন্সতিত্যুতশিংগী মতম শাংনদগী পন্দুনা লৈরক্লবা দিমান্দ অদু অথুবা মতমদা পাইখৎখ্রে। হিমাচলনা আই.আই.তি., আই.আই.আই.তি., আই.আই.এম. অমসুং এম্স ফংনবা দবক ইঞ্জিন সরকার ঙাইবা তাবনি। হিমাচল প্রদেশতা পাইখৎখিবা এজুকেসন সেক্তরগা মরী লৈনবা অনৌবা খোঙথাংশিং অসিনা মহৈরোয়শিংদা চাউনা কান্নবা ফংহল্লগনি।     উনাদা লৈরিবা আই.আই.আই.তি.গী পর্মনেন্ত বিল্দিং অসিনা মহৈরোয়শিংদা হেন্না কান্নবা ফংলগনি। আই.আই.আই.তি. বিল্দিংগী উরেপ উয়ুং তম্লিবা প্রধান মন্ত্রীনা ঙসি বিল্দিং অসি ৱর্ক কলচরদা অহোংবা পুরক্নবা খুৎশিন্নখ্রে। লাইচৎনা মরম ওইদুনা অৱাবা কয়া মায়োক্নরবসু মতম চানা প্রোজেক্ত অসিবু লোইশিনবদা শরুক য়াখিবা মীয়াম্বু মহাক্না থাগৎপা ফোঙদোকখি।

লৈবাক পুম্বদা স্কিল অমসুং ইনোবেসন ইন্সতিত্যুসনগী মথৌ তাবা অদুগী মতাংদা পল্লদুনা নহারোলশিংগী স্কিল অমসুং তৌবা ঙম্বা অদু উৎথোকহনবা হায়বসি ঐখোয়গী খ্বাইদগী মরুওইবনি হায়না প্রধান মন্ত্রীনা ফোঙদোকখি। আর্মীদা থবক তৌদুনা অমসুং লৈবাক অসিগী ঙাকশেলদা অনৌবা মায়োলশিং পীরিবা হিমাচলগী নহারোলশিংগী থৌদাং অদুগী মতাংদসু মহাক্না পনখি। “হৌজিক্তি তোঙান তোঙানবা মখলগী স্কিলশিংনা আর্মীদসু মখোয়বু অৱাংবা মফম অমা কনবদা মতেং পাংলগনি” হায়না মহাক্না ফোঙদোকখি।

লোইশিল্লকপদা মংলানশিং অমসুং ৱারেপশিং অসি য়াম্না মতক ময়াই লৈবা মতমদা চাং মান্ননা হোৎনরকই হায়না প্রধান মন্ত্রীনা ফোঙদোকখি। হায়রিবা হোৎনরিবশিং অসি দবল-ইঞ্জিন সরকারগী মোদেল লৈবা মফম খুদিংমক্তা উবা ফংই হায়না শ্রী মোদীনা ফোঙদোকখি। অদুগা মসিনা অনৌবা পুৱারী অমা শেমলগনি অমসুং অনৌবা চৎনবী অমগা লোয়ননা থোরক্লগনি। “হিমাচল প্রদেশকী চাউখৎ-থৌরাংগী গোল্দন পেরিয়দ অসি আজাদী কা অমৃত মহোৎসবকী মনুংদা হৌরগনি হায়না ঐহাক্না থাজবা থম্মি। মসিগী গোল্দন পেরিয়দ অসিনা নখোয়না চহি দিকেদ কয়া ঙাইরক্লবা চাউখৎ থৌরাংগী অনৌবা পনখৈ অমদা পুরগনি” হায়রদুনা প্রধান মন্ত্রী মহাক্কী ৱারোল অদু তেনশিনখি।

শরুক য়াখিবা মীওইশিংগী মরক্তা হিমাচল প্রদেশকী মুখ্য মন্ত্রী, শ্রী জয় রাম থাকুর, হিমাচল প্রদেশকী রাজ্যপাল, শ্রী রাজেন্দ্র বিশ্বানাথ আর্লেকর, ইনফোর্মেসন অমসুং ব্রোদকাস্তিংগী কেন্দ্রগী মন্ত্রী, শ্রী অনুরাগ সিংহ থাকুর অমসুং বি.জে.পি.গী স্তেত প্রসিদেন্ত, শ্রী সুরেশ কশ্যপ য়াওরি।

বেকগ্রাউন্দ

প্রধান মন্ত্রীগী আত্মনির্ভর ভারতগীদমক ময়েক শেংনা অপাম্বা থমখিবা অসিনা সরকারগী তোঙান-তোঙানবা অনৌবা থৌশিলশিংগী মতেংগী খুত্থাংদা সেক্তর কয়ামরুমদা মরোমদোম লেপচবা ঙম্নবগী মাইকৈদা লৈবাক অসিনা খোঙজেল য়াংনা চংশিল্লি। মরু ওইবা সেক্তরশিংগী মরক্তা ফার্মাস্যুতিকেল্স অসি অমনি অমসুং সেক্তর অসিদা আত্মনির্ভর ওইহনবা ঙম্নবা প্রধান মন্ত্রীনা উনা জিলাগী হরোলীদা লুপা করোর ১৯০০ হেন্না চংনা শাগদৌরিবা বল্ক দ্রগ পার্ক্কী উরেপ-উয়ুং তমখ্রে। পার্ক অসিনা এ.পি.আই. ইম্পোর্তশিংদা মীপাল তাংবা হন্থহনবদা মতেং পাংগনি। মসিনা লুপা করোর ১০,০০০রোমগী ইনভেস্তমেন্ত লাকহল্লগনি অমসুং মীওই ২০,০০০ হেনবদা থবক পীরগনি হায়না পানরি। মসিনা লমদম অসিগী শেন্মীৎলোনগী থবক-থৌরমশিংদা ইনোৎ অমসু পীরগনি।

প্রধান মন্ত্রীনা জাতিদা ইন্দিয়ন ইন্সতিত্যুত ওফ ইনফোর্মেসন তেক্নোলোজী (আই.আই.আই.তি.) উনা খুৎশিন্নখ্রেনি। মসি ২০১৭দা প্রধান মন্ত্রীনা উরেপ-উয়ুং তমখি। হৌজিক ইন্সতিত্যুত অসি হৌজিক্কী ওইনা মহৈরোয় ৫৩০না মহৈ তম্লি।

ঙসি অঙনবদা প্রধান মন্ত্রীনা অনৌবা ভন্দে ভারত এক্সপ্রেসকী অহানবা খোঙচৎ লমথাখি। অম্ব অন্দৌরাদগী নই দিল্লী ফাওবা চেনগদবা অসিনা লৈবাক অসিদা হৌদোকখিবা মরিশুবা ভন্দে ভারত ত্রেন ওইরগনি অমসুং মসি মমাংগীশিংগা চাংদম্নবদা এনভান্স ভর্জন ওইরি, মসি অরুম্বা হন্থৈ অমসুং অতেনবা মতমগী মনুংদা হেন্না য়াংবা খোঙজেলদা চেনবা ঙম্মি। মসিনা পুংদা কিমি ১০০ অসি শুপ্নগী সেকেন্দ ৫২দা য়ৌবা ঙম্মি। ত্রেন অসি চেলহনবা অসিনা লমদম অসিগী তুরিজমদা শাহৌ পীবদা মতেং পাংলগনি অমসুং নুংঙাইবা অমসুং হেন্না থুবা চৎথোক-চৎশিনগী পাম্বৈ অমা ফংহল্লগনি।

In Una, launching projects related to pharma, education & railways. These will have positive impact on the region’s progress. https://t.co/NafVwqSLJt

— Narendra Modi (@narendramodi) October 13, 2022

PM @narendramodi recalls his association with Himachal Pradesh. pic.twitter.com/XlwOs613bb

— PMO India (@PMOIndia) October 13, 2022

Various projects have been inaugurated or their foundation stone have been laid in Himachal Pradesh today. These will greatly benefit the people. pic.twitter.com/JHWm8SfilD

— PMO India (@PMOIndia) October 13, 2022

New India is overcoming challenges of the past and growing rapidly. pic.twitter.com/kQlwZGTa6X

— PMO India (@PMOIndia) October 13, 2022

Our government is fulfilling the aspirations of 21st century India. pic.twitter.com/c5iZ6ijkGo

— PMO India (@PMOIndia) October 13, 2022

Double engine government is committed to improve railway connectivity across Himachal Pradesh. pic.twitter.com/Lq7nE7bxtB

— PMO India (@PMOIndia) October 13, 2022

Education sector related initiatives in Himachal Pradesh will immensely benefit the students. pic.twitter.com/HxgWtpBy5e

— PMO India (@PMOIndia) October 13, 2022

*****