ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা স্মার্ত ইন্দিয়া হেক্কাথোনগী গ্রান্দ ফাইনেল্দা মহৈরোইশিংদা ৱা ঙাংখ্রে। মহাক্না লৈবাক অসিগী ইন্সতিত্যুৎ কয়াদা হেক্কাথোন্দা শরুক য়ারিবা মহৈরোইশিংগী কাংলুপ কয়া অমগা লোয়ননা ৱারী শান্নখি। মহৈরোইশিংগা ৱারী শান্নখিবা অদুদা এগ্রীকলচর, ফাইনান্স, মেলন্যুত্রিসন অমদি এজুকেসনগুম্বা হিরমশিং য়াওখি।

মহাক্না স্মার্ত ইন্দিয়া হেক্কাথোনবু খুন্নাইগী থাক্তা খ্বাইদগী চাউবা ওপন ইনোবেসন মোদেল অমা ওইনা শুগাইনা ফোংদোকখি। ভারতকী ইকোনোমী অসি লেপ্পা লৈতনা হেঙ্গৎলক্লি অমদি ইনোবেসন্দা লৈবাক অসিনা অনৌবা মফম অমা শেমগৎলে হায়না প্রধান মন্ত্রীনা ফোংদোকখি। ঙসিদি ভারত অসি অহুমশুবা খ্বাইদগী চাউবা স্তার্ত–অপ নেসন ওইরে হায়না মহাক্না ফোংদোকখি।