ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী সেপ্তেম্বর 26তা মহারাস্ত্রাগী পুনেদা চৎকনি। নুমিদাং পুং 6 রোম তাবদা, দিস্ত্রিক্ত কোর্ত মেত্রো স্তেসনদগী মহাক্না দিস্ত্রিক্ত কোর্ত্তগী পুনেগী স্বারগেৎ ফাওবা চৎকদবা মেত্রো ত্রেন অদু লম্থাগনি। মসিগী মতুংদা নুমিদাং পুং 6.30 রোম তাবদা মহাক্না লুপা করোর 22,600 হেনবগী প্রোজেক্ত কয়া শঙ্গাগনি, উরেপ উয়ুং তমগনি অমসুং লৈবাক মীয়ামদা কত্থোক্কনি।

পুনে মেত্রো রেল প্রোজেক্ত (ফেজ 1) অসি দিস্ত্রিক্ত কোর্ত্তগী স্বারগেৎ ফাওবগী পুনে মেত্রো সেক্সন অসি শঙ্গাগনি। দিস্ত্রিক্ত কোর্ত্তগী স্বারগেৎ ফাওবগী অন্দরগ্রাউন্দ সেক্সন অসিগী মমল অসি চাউরাক্না লুপা করোর 1,810নি।

মখা তানা, প্রধান মন্ত্রীনা পুনে মেত্রো ফেজ-1গী স্বারগেত-কাত্রাজ এক্সতেন্সনগী লুপা করোর 2,950 চঙনা শাগৎকদৌরিবা অসিগী উরেপ উয়ুংসু তমগনি। চাউরাক্না কিলোমীতর 5.46গী খা থংবা এক্সতেন্সন অসি মর্কেৎ য়ার্দ, পদ্মাৱতী অমসুং কত্রাজ হায়না খঙনবা স্তেসন অহুমগা লোয়ননা মপুং ফানা লৈনুংদা লৈ।

প্রধান মন্ত্রীনা ভীদেৱারাদা লৈবা ক্রান্তিজোতি সাবিত্রিবাই ফুলেগী অহানবা নুপীমচাগী স্কুলগী মেমোরিয়েলগী উরেপ উয়ুংসু তমগনি।

সুপরকম্প্যুতিং তেক্নোলোজীগী লমদা ভারতপু মশা-মরোমদোম লেপচবা ঙম্নবগী মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা নেস্নেল সুপরকম্প্যুতিং মিসন (NSM) গী মখাদা চাউরাক্না লুপা করোর 130গী শেনফম ওইগদবা, লমদম অসিদা শেমগৎলবা PARAM রুদ্র সুপরকম্প্যুতর অহুম লৈবাক মীয়ামদা কৎথোক্কনি। মসিগী সুপরকম্প্যুতরশিং অসি পুনে, দিল্লী অমসুং কোলকাতাদা সাইন্তিফিক রিসর্চকীদমক খুদোংচাবা ফংহন্নবা থাদোকখ্রে। পুনেদা লৈবা জাইন্ত মীতর রেদিও তেলিস্কোপ (GMRT)না সুপর কম্প্যুতর অসিবু ফাস্ত রেদিও বর্স্ত (FRB) অমসুং অতৈ এস্ত্রোনোমিকেল ফেনোমেনাশিং থিজিনবদা শিজিন্নগনি। দিল্লীদা লৈবা ইন্তর য়ুনিভর্সিতী এক্সিলেতর সেন্তর (IUAC)না মেতরিএল সাইন্স অমসুং এতোমিক ফিজিক্সকুম্বা লমশিংদা রিসর্স হেঙ্গৎহল্লগনি। কোলকতাদা লৈবা এস.এন. বোস সেন্তরনা ফিজিক্স, কোস্মোলোজী অমসুং আর্থ সাইন্সকুম্বা লমশিংদা এদভান্স রিসর্চ চত্থগনি।

প্রধান মন্ত্রীনা ৱেদর অমসুং ক্লাইমেৎ রিসর্চকীদমক্তা শেম-শারবা হাই-পরফোর্মেন্স কম্প্যুতিং (HPC) প্রোজেক্ত অসিনা মেতিওরোলোজিকেল এপ্লিকেসনশিংগীদমক ভারতকী কম্প্যুতরেল কেপাসিতীশিংদা মশক থোকপা খোংজেল অমা চংশিল্লিবা লুপা করোর 850গী ইনভেস্তমেন্ত অমা উৎলি। মরুওইবা মফম অনি, পুনেদা লৈবা ইন্দিয়ন ইন্সতিত্যুৎ ওফ ত্রোপিকেল মেতিওরোলোজী (IITM) অমসুং নোইদাদা লৈবা নেস্নেল সেন্তর ফোর মেদিয়ম রেঞ্জ ৱেদর ফোরকেস্ত (NCMRWF)দা লৈবা অনৌবা HPC সিস্তেমশিং অসি নুমিৎকা লৈনরিবা মরী অদু উৎনবা ‘আর্কা’ অমসুং ‘অরুনিকা’ হায়না মমিং থোনখি। অৱাংবা রিজোলুসন লৈবা মোদেলশিং অসিনা ত্রোপিকেল সাইক্লোনশিং, অকনবা নোং, নুংশিৎকী তাং, ঈচাউগী থাক, মৈহৌ-লাংপোক, হিত ৱেব, ইচাউ অমসুং অতৈ অরুবা নুংশিৎকী ফীভমগা মরী লৈনবা অচুম্বা অমসুং লিদ তাইমদা প্রেদিক্সন তৌবগী মতৌদা চাউনা হেনগৎহনগনি।

প্রধান মন্ত্রীনা লুপা করোর 10,400গী মমল লৈবা পেত্রোলিয়ম অমসুং নেচরেল গ্যাস সেক্তরগী তোঙান তোঙানবা খোংথাংশিং লৈবাক মীয়ামদা কৎথোক্কনি অমসুং উরেপ উয়ুং তমগনি। থৌরাংশিং অসিনা ইনর্জী, ইনফ্রাস্ত্রকচর, ত্রক অমসুং কেব দ্রাইভরশিংগী সেফতী অমসুং কনভেনিএন্ত ওইবা, ক্লিনর মোবিলিতী অমসুং সস্তেনেবল ওইবা ফ্যুচর অসিদা মীৎয়েং থমগনি।

গারী থৌবগী থৌওং লাইথোকহন্নবা হায়দুনা প্রধান মন্ত্রীনা মহারাস্ত্রাগী ছত্রপাতি সমভাজিনগর; পঞ্জাবকী ফতেগর সাহিব; গুজরাতকী সোনগর; বেলাগাভি অমসুং কর্নাতকাগী বেঙ্গলোর রুরেলদা ত্রক দ্রাইভরশিংগীদমক ৱে সাইদ এমেনিতীশিং হৌদোক্কনি। মখোয়গী অরাপ্পা খোঙচৎ মনুংদা ত্রককী মীওইশিং অমসুং কেব দ্রাইভরশিংগী মথৌ তাবশিং ফংহন্নবা শেম-শারবা মফম অমখক্তদা নুংঙাইবা খোঙচৎকী মতমগী ওইবা খুদোংচাবশিং শেমগৎনবা পান্দম থমদুনা, লম্বীগী নাকলদা লৈরিবা খুদোংচাবশিং হায়বদি মমল হোংবা বোর্দিং অমসুং লৈফমগী খুদোংচাবশিং, ক্লিন তোইলেৎশিং, সেফ পার্কিং স্পেস, কুকিং এরিয়া, ৱাই-ফাই, জিম, অসিনচিংবশিং লুপা করোর 2,170 রোমগী শেনফমদা রিতেল আউৎলেৎ 1000দা শেমগৎলি।

পেত্রোল, দিজল, সি.এন.জি., ই.ভি., সি.বি.জি., ইথানোল ব্লেন্দ পেত্রোল (ই.বি.পি.), অসিনচিংবা মল্তিপল ইনর্জীগী অপাম্বশিং রিতেল আউৎলেৎ অমদা পুথোক্নবা, প্রধান মন্ত্রীনা ইনর্জী স্তেসনশিং হৌদোক্কনি। চাউরাক্না লুপা করোর 6000গী শেনফমগা লোয়ননা মথংগী চহি 5দা গোল্দন ক্বাদ্রিলেতরেল, ইস্ত-ৱেস্ত অমসুং নোর্থ-সাউথ কোরিদোরশিং অমসুং অতোপ্পা মরুওইবা হাইৱেশিংদা ইনর্জী স্তেসন 4,000 রোম শেমগৎকনি। ইনর্জী স্তেসনশিংনা ইনর্জী পাম্বা কস্তমরশিংদা ইনর্জী মখল খুদিংবু মফম অমত্তদা ফংহনগনি।

গ্রীন ইনর্জী, দি-কার্বোনাইজেসন অমসুং নেৎ জিরো ইমিসনদা খুদোংচাবা পীবা অমসুং ইলেক্ত্রিক ভেহিকল দ্রাইভরশিংগী রেঞ্জগী চিংনবা হন্থহন্নবগীদমক, প্রধান মন্ত্রীনা ইভি চার্জিং ফেসিলিতী 500 লৈবাক মীয়ামদা কৎথোক্কনি। মখা তানা, ইভি চার্জিং স্তেসন 10,000 অসি শেনবা চহি 2025 ফাওবদা চাউরাক্না লুপা করোর 1,500গী চাংদা শেমগৎনবা পান্দম থম্লি।

প্রধান মন্ত্রীনা মহারাস্ত্রদা অহুম য়াওনা লৈবাক শীনবা থুংনা লিক্বিফাইদ নেচরেল গ্যাস (এল.এন.জি.) স্তেসন 20 লৈবাক মীয়ামদা কত্থোক্কনি। অরাপ্পা লমগী ত্রান্সপোর্তেসনগীদমক এল.এন.জি.গুম্বা ক্লিন ফ্যুএল শিজিন্নবা হেনগৎহন্নবা, লৈবাক অসিগী তোঙান তোঙানবা রাজ্যশিংদা ওইল অমসুং গ্যাস কম্পেনীশিংনা লুপা করোর 500 চংনা এল.এন.জি. স্তেসন 50 শেমগৎলগনি।

প্রধান মন্ত্রীনা লুপা করোর 225 রোমগী মমল ওইগদবা E20 (20% ইথানোল ব্লেন্দ তৌরবা) পেত্রোল রিতেল আউৎলেৎ 1500 লৈবাক মীয়ামদা কত্থোক্কনি।

প্রধান মন্ত্রীনা সোলাপুর এয়রপোর্ত শঙ্গাগনি। মসিনা কনেক্তিবিতী য়াম্না ফগৎহল্লগনি। মসিনা সোলাপুরবু তুরিস্ত, ব্যুজিনেস ত্রাভেলর অমসুং ইনভেস্তরশিংগীদমক হেন্না পাম্নবা মফম ওইহল্লগনি। সোলাপুরগী হৌজিক লৈরিবা তর্মিনেল বিল্দিং অসি চহি খুদিংগী পেসেঞ্জর লাখ 4.1 রোমগীদমক শেমদোক্লে।

প্রধান মন্ত্রীনা ভারত সরকারগী নেস্নেল ইন্দস্ত্রীএল কোরিদোর দিবেলপমেন্ত প্রোগ্রামগী মখাদা মহারাস্ত্রগী ছত্রপতি সমভাজিনগরগী খা থংবা মায়কৈদা কিলোমিতর 20 লাপ্না লৈবা একর 7,855 পাক চাউবা ত্রান্সফোর্মেতিব প্রোজেক্ত বিরকিন ইন্দস্ত্রীএল এরিয়া লৈবাক মীয়ামদা কত্থোক্কনি। দিল্লী মুম্বাই ইন্দস্ত্রীএল কোরিদোরগী মখাদা শেমগৎলিবা প্রোজেক্ত অসিনা মরাথৱাদা লমদমদা ইকোনোমিক হব অমা ওইনবগী অচৌবা পোতেন্সিএল অমা লৈরি। কেন্দ্র সরকারনা প্রোজেক্ত অসি ফেজ অহুমদা চাউখৎহন্নবা লুপা করোর 6,400 হেনবগী অপুনবা প্রোজেক্ত কোস্ত অমগা লোয়ননা অয়াবা পীখ্রে।

***