ভারতকী প্রধানমন্ত্রী

ঙসি প্রধান মন্ত্রী নরেন্দ্র মোদীনা সাউদি অরাবিয়াগী ক্রাউন প্রিন্স মোহমদ বিন সালমানগা তেলিফোনদা ৱারি শানখি । লুচিংবা অনিনা কোভিদ–১৯ লাইচৎকী মতাংদা মালেমগী হৌজিক ওইরিবা ফিবম খন্নখি ।

মীওই লিশিং কয়াগী হকচাংদা অকায়বা পীবতা নত্তনা মালেমগী মফম কয়াগী শেন-থুমগী ফিবমদা শাথিনা অকায়বা পীরিবা মসিগী মালেমগী শিংনবা অসি মতিক চানা থেংন্নবা পুন্না থবক তৌমিন্নবগী তঙাইফদবা অদু প্রধান মন্ত্রীনা থমখি ।

মসিগী মতাংদা, হন্দক ভারতনা সার্ক লৈবাকশিংগী ভিদিও কনফরেন্স অমা পাংথোকখিবা অদু প্রধান মন্ত্রীনা পনখি ।

সাউদি অরাবিয়ানা জি ২০গী চেয়র ওইনা মসিগী মান্নবা অমা জি ২০ লুচিংবশিংগী থাক্ত পাংথোকপা হায়না লুচিংবা অনিনা য়ানখি, মসিনা কোভিদ-১৯ লাইচৎ শন্দোরকপদা মালেমগী ওইনা থেংনরিবা শিংনবা অসি কোকহন্নবা অকক্নবা থৌরাংশিং মালেমগী থাক্ত খন্নবা য়াগনি হায়রি ।

লাইচৎ অসিগী মতাংদা মখোয়গী ওফিসিয়েলশিং লেপ্তনা পাউ ফাওন্নবা প্রধান মন্ত্রী অমসুং ক্রাউন প্রিন্সনা ৱারেপ লৌখি ।