ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা পেমপলমাউসেসতা সর সীৱুসাগুর রামগুলম গার্দেনদা সীৱুসাগুর রামগুলম অমসুং সর অনিরুধ জগন্নাথকী সমাধিদা হৈকৎ-লৈকৎ তমদুনা ইকাইখুম্নবা উৎখ্রে। প্রধান মন্ত্রীগা লোইননা মোরিসিয়সকী প্রধান মন্ত্রী, হিস এক্সেলেন্সী নাবিনচন্দ্র রামগুলমনা লৈ পরেং কৎপগী থোরম অদুদা অরুক য়াখি। থৌরম অদুদা প্রধান মন্ত্রী, মোদীনা মোরিসিয়সকী চাউখৎ-থৌরাং কয়া অমা খুমাং চাউশিনবদা অমসুং ভারত-মোরিসিয়সকী মরক্তা য়াম্না চেৎপা মরি অমা শেমগৎপদা লুচিংবা অনি অসিনা লৌখিবা শিংথানিংঙাই ওইরবা থৌদাংশিং অদুবু নৌহৌননা নিংশিংখি।

লৈ পরেং খৎপগী থৌরম অদুগি মখা তারকপা ওইনা, প্রধান মন্ত্রী, শ্রী নরেন্দ্র মোদী অমসুং মোরিসিয়সকী প্রধান মন্ত্রী, হিস এক্সেলেন্সী নবিনচন্দ্র রামগুলমনা পুৱারি ওইরবা গার্দেন অদুদা “এক পের মা কে নাম”গী অনৌবা থৌরাং অসিগী মখাদা উ অমা থাখি।

***