য়োর এক্সিলেন্সী রাস্ত্রপতি দিসানায়কজী,
লৈবাক অনিমক্কী দেলিগেৎশিং,
মেদিয়াগী মরুপ পুম্নমক,
খুরুমজরি!
আয়ু বোবন!
বনক্কম!
ঙসি রাস্ত্রপতি দিসানায়কনা ‘শ্রী লঙ্কা মিত্র বিভূসন’ পীদুনা ঐহাকপু ইকায় খুম্নবা পীবিবা অসি ঐহাক্কীদমক্তা চাউথোকচনীংঙাইনি। মসিগী ইকাই খুম্নবা অসি ঐখক্তগী নত্তে, মসি ভারত মচা করোর 140গী ইকাই খুম্নবানি। মসি ভারত অমসুং শ্রী লঙ্কাগী মীয়ামগী মরক্তা লৈবা পুৱারী ওইরবা মরী অমসুং অচেৎপা মরুপ মপাং ওইবগী ইকাই খুম্নবা অমনি।
মসিগী ইকাই খুম্নবা অসিগীদমক্তা, ঐহাক্না শ্রীলঙ্কাগী রাস্ত্রপতি, সরকার অমসুং মফম অসিগী মীয়ামদা থাগৎপা ফোংদোকচরি।
মরুপশিং,
প্রধান মন্ত্রী ওইনা শ্রী লঙ্কাদা মসি ঐহাক্কী মরিশুবা খোংচৎনি। 2019দা ঐহাক্কী অরোইবা খোংচৎ অসি য়াম্না মরু ওইবা মতম অমদা ওইখি। মতম অদুদা, ঐহাক্না থাজখি মদুদি শ্রী লঙ্কা অসি অমুক্কা হেন্না মপাঙ্গল কনখৎলগনি।
শ্রী লঙ্কাগী মীয়ামগী পুক্নিং অমদি থৌনা অদু ঐহাক্না থাগৎপা ফোংদোকচরি। অমসুং, ঙসি ঐহাক্না শ্রীলঙ্কাবু অমুক হন্না চাউখৎপগী লম্বীদা চৎলিবা উবদা নুংঙাইবা ফাওই। অশেংবা য়ুম্লোন্নবা অমসুং মরুপ অমা ওইনা ঐখোয়না ঐখোয়গী থৌদাংশিং পাংথোকপা অসি ভারতকীদমক্তা চাউথোকচনীংঙাই ওই। 2019গী তেরোরিস্ত এতেক ওইগেরা, কোবিদ লাইচৎ ওইগেরা, নত্রগা হৌখিবা শেন্মিৎলোনগী অৱাবা ওইগেরা, অরুবা ফিভম খুদিংমক্তা ঐখোয়না শ্রী লঙ্কাগী মীয়ামগা লোয়ননা লেপখি।
তামিলগী শক্নাইরবা সন্ত, থিরুভল্লুবরগী ৱাহৈশিং ঐহাক্না নীংশিংলি। মহাক্না হায়খি:
সেয়র করিয় য়াবুল
নত পিন
আদু পুল
বোনৈক্করিয় য়াবুল কাপু
হায়বদি, অশেংবা মরুপ অমসুং মহাক্কী মরুপ-মপাং ওইবগী চুঙ্গোইনা শীংনবশিং অমসুং য়েক্নবশিংদগী ঙাকথোকপদগী হেন্না অফবা ঙাকথোক্নবগী করি পাম্বৈ লৈবগে?
মরুপশিং,
রাস্ত্রপতি দিসানায়কনা মহাক্কী অহানবা মপান লমগী খোংচৎকীদমক ভারতপু খনখি। অমসুং, ঐহাক্না মহাক্কী অহানবা মপান লমগী মীথুংলেন ওইবগী খুদোংচাবা ফংজখি। মসি ঐখোয়গী অখন্নবা মরীগী অচেৎপা মশক অমনি।
ঐখোয়গী নেবরহুদ ফার্স্ত পোলিসী অমসুং ভিজন ‘মহাসাগর’ অনিমক্তা শ্রী লঙ্কাগী অখন্নবা মফম অমা লৈরি। হৌখিবা থা মরি অসিদা, রাস্ত্রপতি দিসনায়কগী ভারত খোংচৎতগী হৌরগা, ঐখোয়গী মতেং পীনবা অসি চাউনা খুমাং চাউশিল্লে।
সাম্পুর সোলার পৱার প্লান্ত অসিনা শ্রী লঙ্কাগী ইনর্জী সেক্যুরিতীদা মতেং পাংগনি। মল্তি-প্রোদক্ত পাইপলাইন অমা শেমগৎনবা অমসুং ত্রিনকোমালীবু ইনর্জী হব অমা ওইনা চাউখৎহন্নবা য়ানা ৱারোল অসিনা শ্রীলঙ্কাগী মীয়াম পুম্নমক্তা কান্নবা পীগনি। লৈবাক অনিগী মরক্তা গ্রিদ ইন্তর-কনেক্তিবিতী এগ্রীমেন্ত অসিনা শ্রী লঙ্কাদা ইলেক্ত্রিসিতী এক্সপোর্ত তৌনবগী ওপশনশিং হাংদোক্লগনি।
ঙসি শ্রী লঙ্কাগী লাইফমশিংদা সোলর রুফ তোপ সিস্তেম লিশিং মঙা শঙ্গাখিবা অসিদা ঐহাক নুংঙাইবা ফাওই। শ্রী লঙ্কা য়ুনিক দিজিতেল আইদেন্তিতী প্রোজেক্ততা ঐখোয়না মতেং পাংগনি।
মরুপশিং,
ভারতনা ‘সবকা সাথ সবকা বিকাস’কী ভিজন এদোপ্ত তৌখি। ঐখোয়না ঐখোয়গী পার্তনর লৈবাকশিংগী মরুওইবশিংদসু মরুওইবা পীরি।
হৌখিবা থা তরুক খক্তদা, ঐখোয়না লোন মিলিয়ন 100 হেন্না গ্রান্ততা ওন্থোকখ্রে। ঐখোয়গী নাকল অনিগী ওইবা ‘দেব রিস্ত্রকচরিং এগ্রীমেন্ত’ অসিনা শ্রী লঙ্কাগী মীয়ামদা অথুবা মতমদা মতেং অমসুং কান্নবা ফংহল্লগনি। ঙসি ঐখোয়না শেন্দোইগী চাং হন্থহন্নবা ৱারেপ লৌরে। মসি ঙসিসু ভারতনা শ্রী লঙ্কাগী মীয়ামগা লোয়ননা লেপমিন্নবগী খুদম অমনি।
নোংপোক থংবা প্রোভিন্সশিংগী সোসিএল অমসুং ইকোনোমিক দিবেলপমেন্তকীদমক চাউরাক্না লুপা বিল্লিয়ন 2.4গী সপোর্ত পেকেজ অমা পীগনি। ঙসি ঐখোয়না লৌমীশিংগী য়াইফনবা শ্রী লঙ্কাগী খ্বাইদগী চাউবা গুদামসু শঙ্গাখ্রে।
ঙরাং ঐখোয়না মহু-ওমান্থায়ি রেলৱে লাইন শঙ্গাগনি অমসুং মহু-অনুরাধাপুরম সেক্সন্দা সিগ্নেলিং সিস্তেমগী উরেপ উয়ুংসু তমগনি। কাংকেসন্তুরাই পোর্তকী মোদর্নাইজেসনগী থবক অথুবা মতমদা হৌরগনি।
শ্রী লঙ্কাদা লৈরিবা ইন্দিয়ন ওরিজিন তামিল কম্ম্যুনিতীগীদমক য়ুম লিশিং 10 শাবগী থবক অথুবা মতমদা লোইশিনগনি। শ্রী লঙ্কাগী অহেনবা পর্সনেল 700 ভারত্তা ত্রেনিং পীগনি। মসিগী মনুংদা MPশিং, জুদিসিয়রীগী মীওইশিং, ওন্তপ্রিন্যুওরশিং, মেদিয়াগী মীওইশিং, লোয়ননা নহা ওইরিবা লুচিংবশিং য়াওগনি।
মরুপশিং,
ঐখোয়না থাজৈ মদুদি ঐখোয়গী সেক্যুরিতী ইন্তরেস্তশিং অসি মান্নৈ। লৈবাক অনিগী সেক্যুরিতী অসি অমগা অমগা মরী লৈনৈ অমসুং অমনা অমগা মখা পোল্লি।
ভারতকী অপাম্বশিংগীদমক মহাক্না সেন্সিতিব ওইবগীদমক ঐহাক্না রাস্ত্রপতি দিসানায়কগী মফমদা থাগৎপা ফোংদোকচরি। ঙাকশেলগী লমদা তেংবাং পীনবগী মতাংদা য়ানখিবা মরুওইবা য়ানা ৱারোলশিং অদু ঐখোয়না তরাম্না ওক্লি। ঐখোয়না কোলোম্বো সেক্যুরিতী কনক্লেব অমসুং ভারত মহাসাগরদা সেক্যুরিতী কোওপরেসনদা পুন্না থবক তৌমিন্ননবা য়ানখি।
মরুপশিং,
ভারত অমসুং শ্রী লঙ্কাগী মরক্তা চহি চা কয়াগী মমাংদগী লৈরক্লবা স্পিরিচুএল অমসুং মরী-মতা ওইবগী মরী লৈরি।
ঐহাক্না অদোমদা হায়জবদা য়াম্না নুংঙাইবা ফাওই মদুদি 1960দা ঐহাক্কী য়ুম রাজ্য গুজরাতকী অরাভালিসতা ফংখিবা ভগবান বুদ্ধগী মপুং মরৈ ফারবা পোৎশকশিং অসি শ্রী লঙ্কাদা উৎনবগীদমক থাগৎলি।
ভারতনা ত্রিনকোমালীদা লৈবা তিরুকোনেশ্বরম লাইশঙ নৌনা শেমগৎপদা মতেং পাংগনি। ভারতনা মহাবোধী লাইশঙ কমপ্লেক্সকী শাবা অমসুং ন্যুরেলিয়াদা সীতা ইলিয়া লাইশঙ শাবদসু মতেং পাংগনি।
মরুপশিং,
ঐখোয়না ঙামীশিংগী পুন্সি মহিংগা মরী লৈনবা ৱাফমশিংগী মতাংদসু খন্নখি। ঐখোয়না ৱাফম অসিগা মরী লৈননা হ্যুমেনিতরি এপ্রোচ অমগা লোয়ননা মাংলোমদা চংশিনবা তাই হায়না য়ানখি। ঙামীশিংবু অথুবা মতমদা থাদোক্নবা অমসুং মখোয়গী হীশিং থাদোক্নবা ঐখোয়না অকনবা ৱাফম থমখি।
ঐখোয়না শ্রী লঙ্কাদা অমুক হন্না শেমগৎ-শাগৎপা অমসুং পুনশিন্নবগী মতাংদসু ৱারী শানখি। প্রসিদেন্ত দিসানায়কনা ঐঙোন্দা মহাক্কী ইনক্লুসিব এপ্রোচকী মতাংদা হায়খি। শ্রী লঙ্কাগী সরকারনা তামিলশিংগী অপাম্বশিং মপুং ফাহনগনি অমসুং শ্রী লঙ্কাদা সংবিধান মপুং ফানা চৎনহন্নবা অমসুং প্রোভিন্সেল কাউন্সিলগী মীখল পাংথোক্নবা হোৎনগনি হায়না ঐখোয়না আশা তৌই।
মরুপশিং,
ভারত অমসুং শ্রী লঙ্কাগী মরী অসি অমনা অমবু থাজবা অমসুং অফবা মংলানদা য়ুম্ফম ওই। ঐখোয়গী মীয়ামগী অপাম্বশিং অমসুং আশাশিং মপুং ফাহন্নবগীদমক ঐখোয়না পুন্না থবক তৌমিন্নখিগনি।
ঐহাকপু তরাম্না ওকপগীদমক ঐনা অমুক্কা হন্না রাস্ত্রপতি দিসানায়কবু থাগৎচরি। ঐহাক্না থাজবা থম্লি মদুদি ঐখোয়না ঐখোয়গী পার্তনরশিপ অসি লাক্কদৌরিবা মতমশিংদা অনৌবা অৱাংবা থাক্তা পুখৎকনি।
হন্না-হন্না থাগৎচরি!
*******
Addressing the press meet with President @anuradisanayake. https://t.co/yX4QG8WI4E
— Narendra Modi (@narendramodi) April 5, 2025
आज राष्ट्रपति दिसानायक द्वारा ‘श्रीलंका मित्र विभूषण’ से सम्मानित किया जाना मेरे लिए गौरव की बात है।
— PMO India (@PMOIndia) April 5, 2025
यह सम्मान केवल मेरा सम्मान नहीं है, बल्कि यह 140 करोड़ भारतीयों का सम्मान है।
यह भारत और श्रीलंका के लोगों के बीच ऐतिहासिक संबंधों और गहरी मित्रता का सम्मान है: PM @narendramodi
भारत के लिए यह गर्व का विषय है कि हमने एक सच्चे पड़ोसी मित्र के रूप में अपने कर्तव्यों का निर्वाहन किया है।
— PMO India (@PMOIndia) April 5, 2025
चाहे 2019 का आतंकी हमला हो, कोविड महामारी हो, या हाल में आया आर्थिक संकट, हर कठिन परिस्थिति में, हम श्रीलंका के लोगों के साथ खड़े रहे हैं: PM @narendramodi
हमारी Neighbourhood First policy और Vision ‘MAHASAGAR’, दोनों में श्रीलंका का विशेष स्थान है: PM @narendramodi
— PMO India (@PMOIndia) April 5, 2025
भारत ने सबका साथ सबका विकास के विजन को अपनाया है।
— PMO India (@PMOIndia) April 5, 2025
हम अपने पार्टनर देशों की प्राथमिकताओं को भी महत्व देते हैं।
पिछले 6 महीनों में ही हमने 100 मिलियन डॉलर से अधिक राशि के loan को grant में बदला है: PM @narendramodi
अनुराधापुरा महाबोधी मंदिर परिसर में sacred city, और ‘नुरेलिया’ में ‘सीता एलिया’ मंदिर के निर्माण में भी भारत सहयोग करेगा: PM @narendramodi
— PMO India (@PMOIndia) April 5, 2025
भारत और श्रीलंका के बीच सदियों पुराने आध्यात्मिक और आत्मीयता भरे संबंध हैं।
— PMO India (@PMOIndia) April 5, 2025
मुझे यह बताते हुए अत्यन्त ख़ुशी है कि 1960 में गुजरात के अरावली में मिले भगवान बुद्ध के relics को श्रीलंका में दर्शन के लिए भेजा जा रहा है।
त्रिंकोमाली के थिरुकोनेश्वरम मंदिर के renovation में भारत…
हमने मछुआरों की आजीविका से जुड़े मुद्दों पर भी चर्चा की।
— PMO India (@PMOIndia) April 5, 2025
हम सहमत हैं, कि हमें इस मामले में एक मानवीय approach के साथ आगे बढ़ना चाहिए।
हमने मछुआरों को तुरंत रिहा किये जाने और उनकी Boats को वापस भेजने पर भी बल दिया: PM @narendramodi