ভারতকী প্রধানমন্ত্রী

‘মীওই খুদিংমক য়ুম ফংহনবা’ হায়বা মহাক্কী পান্দম মতুংইন্না, ঙসি প্রধান মন্ত্রী শ্রী নরেন্দ্র মোদীনা দিল্লিগী অশোক বিহার, শ্বাভিমান এপার্তমেন্তশিংদা ইন-সিতু শ্লম রিহেবিলিতেসন প্রোজেক্কী মখাদা ঝুগী ঝোপ্রি(জে জে) ক্লস্তরগী মীওইশিংগী নৌনা শাবা ফ্লেতশিং য়েংখ্রে। প্রধান মন্ত্রী মোদীনা শ্বাভিমান এপার্তমেন্তশিংগী বেনিফিসরিশিংগা ৱারি শানখ্রে।

শ্বাভিমান এপার্তমেন্তশিংদা য়ুম হোংজিল্লবা বেনিফিসরিশিংগা ৱারি শানবদা, সরকারগী য়ুম শাবগী থবকশিংনা অওনবা পুরকপদা মহাক্না হরাওবা ফোঙদোকখি। মমাংদা শ্লমশিংদা লৈরম্বা ইমুংশিং অমসুং হৌজিক লেংদ্রবা য়ুমশিং ফংবদগী অফবা অহোংবা লাকপশিং অদু ৱারি শানবদা অদুদা মমি তাখি।

ৱারি শানবা অদুদা, প্রধান মন্ত্রীনা বেনিফিসরিশিংদা হংখি. : অদোমগী য়ুম ফংলে? মদুদা বেনিফিসরি অমনা পাউখুম পীখি. “হোই, সার ঐখোয়গী য়ুম ফংলে। ঐখোয়না অদোম থাগৎপা ফোঙদোকচরি, অদোম্না ঐখোয় খাঙপোক শঙ অমদগী কোনুংদা লৈহল্লে। প্রধান মন্ত্রীনা নোল্লুক্না হায়খি ময়াম পুম্নমক্কী য়ুম অমা ফংলে, মহাক্কীদি য়ুম অমা ফাওবা লৈত্রি।

ৱারি শানবা অদুদা বেনিফিসরি অমনা হায়খি, “সার অদোমগী ফিরাল ৱাংনা পাইবা ওইরসনু অমসুং অদোম মাইপাকপা ওইরসনু”। মদুগী পাউখুমদা, প্রধান মন্ত্রীনা হায়খি “ঐখোয়গী ফিরাল ৱাংনা পাইগদবনি অমসুং মসি পাইহনবা হায়বসি অদোমগী খুত্ত লৈরে। অৱাবা পুন্সি অমদগী য়ুম অমা ফংবা ফাওবগী মতাংদা বেনিফিসরি অদুনা মখা তানা পাউদমখি, মহাক্না হায়খি “ চহি কয়া ঐখোয়না, ঐখোয়না ভগবান রাম ঙাইদুনা লাক্লি। মসিগা চপ মান্ননা, ঐখোয়না অদোম ঙাইদুনা লাক্লি অমসুং অদোমগী থবকশিংদগী ঐখোয় শ্লমশিংদা লৈরম্বদগী বিল্দিং অসিদা লৈবা ফংলে। মসিদগী হেন্না নুংঙাইবা করি লৈগনি? অদোমনা ঐখোয়গা নকশিন্নবা অসি ঐখোয়গী লাইবক ফবনি”।

অমতা ওইবা অমসুং চাউখৎপদা মীৎয়েং থম্লদুনা প্রধান মন্ত্রীনা হায়খি অমতা ওইনা হিংমিন্নবদা থাজবা থম্নবা অতোপ্পশিংদা ইথিল পীগদবনি, লৈবাক অসিদা ঐখোয়না মসি ফংবা ঙমগনি।

প্রধান মন্ত্রীনা হায়খি অচম্না হৌরক্লবশু লায়রবা ইমুংশিংগী অঙাংশিং শান্নবদা মাঙজিল থারে অমসুং লৈবাক অসি চাউথোকচবা পোকহল্লে। মখোয়গী মঙলানশিং মঙফাওন্নবা মখোয়না মখা তানা হোৎনগদবনি। বেনিফিসিরি অমনা মহাক লান্মী অমা ওইনিংই হায়না ফোঙদোকখি অমসুং মদুদা প্রধান মন্ত্রীনা থাগৎপা ফোঙদোকখি।

মখোয়গী অনৌবা য়ুমশিং ফংবদা মখোয়না ফাওরিবা ৱাখল্লোনশিং প্রধান মন্ত্রীনা হংখি। নুপীমচা অমনা মহাক লাইরিক তম্বদা পুক্নিং চঙনবা থৌরাং তৌরে হায়না খুমখি। মহাক করি ওইনিংবগে হায়না হংবদা, মহাক ওজা অমা ওইগনি হায়না থাজবা অমগা লোয়ননা পাউখুম পীখি।

ৱারি শানবা অদুদা শ্লমশিংদা লৈরিবা মীওইশিংনা থেংনরিবা অৱাবশিং খন্নখি অমসুং হৌজিক শিন্মীশিং নত্ত্রগা ওতো-রিক্সো দ্রাইভরশিং ওইনা থবক তৌরিবশিং মখোয় মশাগী অফবা তুংলমচৎ অমা শেমগৎনবা খুদোংচাবশিং ফংলে হায়না প্রধান মন্ত্রীনা ফোঙদোকখি। মখোয়গী অনৌবা য়ুমশিংদা লাক্লিবা কুহ্মৈশিং কমদৌনা পাংথোক্কনি হায়না প্রধান মন্ত্রীনা মখোয়দা হংখি। লৈকায় অসি অমতা ওইবা অমসুং হরাওবগা লোয়ননা মখোয় পুন্না কুহ্মৈশিং পাংথোকমিন্নগনি হায়না বেনিফিসরিশিংনা পাউখুম পীখি।

ৱারি শানবা লোইশিল্লকপদা, মখোয় মশাগী লেংদবা য়ুমশিং ফংদ্রিবা মীওইশিং য়ুম অমা ফংহনবা হায়বসি মহাক্না পীবা গরেন্তিনি হায়না বেনিফিসরিশিং অমসুং লৈবাক মীয়ামদা প্রধান মন্ত্রীনা অমুক হন্না থাজবা পীখি। লৈবাক অসিগী লায়রবা মীওই খুদিংমক মখোয়গী মকোক মথক্ত লেংদ্রবা য়ুমথক অমা লৈহনবা সরকার অসিনা থবক পায়খৎলি।

स्वाभिमान अपार्टमेंट्स ने दिल्ली के मेरे गरीब भाई-बहनों के सपनों को नई ऊंचाई दी है। इससे यहां के बच्चों को भी जीवन में आगे बढ़ने का एक नया हौसला मिला है। उनसे बातचीत कर मन को बहुत संतोष हुआ है। pic.twitter.com/iUFB589tAD

— Narendra Modi (@narendramodi) January 3, 2025

***