ভারতকী প্রধানমন্ত্রী

​ঙসি প্রধান মন্ত্রী শ্রী নরেন্দ্র মোদীনা শিঙ্গাপুরগী ইমিরিতস সেনিয়র মিনিস্তর গোহ চোক তোং উনখ্রে।  

প্রধান মন্ত্রীনা হায়খি ইমিরিতস সেনিয়র মিনিস্তর গোহ চোক তোং শিঙ্গাপুরদা “ইন্দিয়ান ফেবর” হৌদোকখি অমসুং মহাক্না শিঙ্গাপুরগী প্রধান মন্ত্রী ওইরিঙৈদা ভারত-শিঙ্গাপুরগী মরী অখন্নবা মীৎয়েং চঙখি। মহাক্না লৈবাক অনিগী মরীশিংগী অকনবা য়ুম্ফম অমা থোল্লমখি। মহাক্না প্রধান মন্ত্রী ওইরিঙৈ অমসুং মতুংদা ভারতকীদমক মহাক্না মতেং পাংখিবা মমল নাইদ্রবা থবকশিং অদু প্রধান মন্ত্রীনা থাগৎপা ফোঙদোকখি। হন্দক ভারত-শিঙ্গাপুরগী মরীশিং ফগৎলকপাগী মতাংদা মখোয়গী ওইবা ৱাখল্লোনশিং ফোঙদোক্নখি অমসুং লৈবাক অনিগী মরীশিং অনৌবা থাক অমদা পুখৎনবা খুদোংচাবশিংগী মতাংদা খন্নখি।

****