ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা অযোধ্যা ধামদা লুপা করোর ১৫,৭০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। হায়রিবা প্রোজেকশিং অদুগী মনুংদা, অযোধ্যা অমসুং মসিগী অকোয়বা লমশিং শেমগৎনবা লুপা করোর ১১,১০০ রোমগী প্রোজেকশিং অমসুং উত্তর প্রদেস শীনবা থুংনা পায়খৎকদবা লুপা করোর ৪৬০০ রোমগী অতোপ্পা প্রোজেকশিং য়াওরি।

মসিগী মমাঙদা প্রধান মন্ত্রী মোদীনা অমুক হন্না শেমগৎলবা অযোধ্যা রেলৱে স্তেসন শঙ্গাখি অমসুং অনৌবা অমৃত ভারত ত্রেনশিং অমসুং বন্দে ভারত ত্রেনশিং লমথাখি। মহাক্না অতোপ্পা রেলৱে প্রোজেক কয়াসু মীয়ামদা কৎথোকখি। তুংদা,মহাক্না নৌনা শাবা অযোধ্যা এয়রপোর্তশু শঙ্গাখি। এয়রপোর্ত অসি মহর্ষি বালমিকি ইন্তরনেসনেল এয়রপোর্ত হায়না মমিং থোল্লে।

থৌরম অদুদা ৱা ঙাংবদা, শেংলবা অযোধ্যা ধামদা লাকপা অমসুং শেংলবা সহর অসিদা মহাক্কী রোদসো পাংথোকপদা প্রধান মন্ত্রীনা অপেনবা ফোঙদোকখি। প্রধান মন্ত্রীনা হায়খি মালেম্না জনুৱারি ২২ খৌরাংনা ঙাইনরি। ঐ লৈবাক অসিগী মীওই অমা অমসুং শরুক অমা ওইনা, ঐশু রাম মন্দিরগী প্রাউন প্রতিস্থাগী নুমিৎ খৌরাংনা ঙাইরি।

প্রধান মন্ত্রীনা হায়খি ১৯৪৩গী দিশেম্বর ৩০দা অন্দমান্দা নেতাজি সুভাস চন্দ্র বোসনা মচু অহুমগী ফিরাল পাইহনখিবা মরমনা নুমিৎ অসি য়াম্না মরুওই। নিংতম ইহৌগা মরী লৈনবা অসিগুম্বা শেংলবা নুমিৎ অমদা, ঙসি ঐখোয়না অমৃত কালগী ৱারেপ লৌরে। বিকসিত ভারতকী কেম্পেন অযোধ্যাদগী অনৌবা থৌনা ফংলে অমসুং চাউখৎ-থৌরাংগী প্রোজেকশিংগীদমক অযোধ্যাগী মীয়াম নুংঙাইবা ফোঙদোকচরি। হায়রিবা প্রোজেকশিং অসিনা জাতিগী মেপ্তা অযোধ্যা অমুক হন্না মশক তাক্লগনি।

প্রধান মন্ত্রীনা হায়খি হেরিতেচ চেকশিন্না শেন্নবা হায়বসি চাউখৎ-থৌরাংগী অনৌবা থাকশিংগী তৎন-থানবা য়াদ্রবা শরুক অমনি। ঙসিগী ভারত অরিবা অমসুং অনৌবা অনিমক পুনশিন্দুনা চৎলি। অচৌবা রামগী লাইশঙ অসিগা লায়রবা মীওই করোর ৪গী য়ুমগা মান্নরে। দিজিতেল ইন্দিয়াগী থবকশিংগা লোয়ননা লাইনিংগী মফমশিং অমুক হন্না শেমগৎলে। কাসি বিশ্বানাথ ধামদা পঞ্চায়ত ভাবন ৩০,০০০ হেন্না লৈরে। মেদিকেল কলেজ ৩১৫ গা লোয়ননা কেদার ধাম অমুক হন্না শেমগৎলে। মহাকাল মহালোক্কা হর ঘর জলগা পুল্লে। হেরিতেচগী পোৎলমশিং মপান লৈবাকশিংদগী পুরকপগা লোয়ননা স্পেস অমসুং সমুদ্রগী মাইপাকপশিং লৈরে।

প্রধান মন্ত্রীনা হায়খি ঙসি চাউখৎপগী কুহ্মৈনি, নুমিৎ খরনিগী মতুংদা চৎনবীগী কুহ্মৈ পাংথোক্লগনি, ঙসি ঐখোয়না চাউখৎপগী চিংলেম্বা উবা ফংলে, নুমিৎ খরনিগী মতুংদা ঐখোয়না হেরিতেচগী ঈশ্বরগী ওইবা মশক অদু উবা ফংলগনি। মসিগী চাউখৎপা অমসুং হেরিতেচগী অপুনবা মপাঙ্গল অসিনা ২১শুবা চহিচাদা ভারত মাঙলোমদা পুখৎকনি। মহর্ষি বালমিকি মশামক্না ফোঙদোকলম্বা অযোধ্যাগী মমাঙঙৈগী ফজবা পল্লদুনা প্রধান মন্ত্রীনা হায়খি মসি অনৌবা মতমগা শম্নহন্দুনা মদুগী ফজবা অদু অমুক হল্লকপা পাম্মী।

প্রধান মন্ত্রী মোদীনা হায়খি অবধ লমদম খক নত্তনা, উত্তর প্রদেস শীনবা থুংনা চাউখৎহনবদা অযোধ্যনা অনৌবা মাইকৈ তাক্কনি। অচৌবা লাইশঙ অসি হাংদোকপদগী শেংলবা সহর অসিদা লাই খুরুম্বা মীওইশিং অমসুং লমকোয়বা মীওইশিং লাকপা মশিং হেনগৎলক্লগনি অমসুং মসিগী দরকার ওইবশিং ফংহনবা ঙম্নবা ইনফ্রাস্ত্রকচর অমুক হন্না শেমগৎলে।

মহর্ষি বালমিকিগী মমিংদা অযোধ্যা এয়রপোর্তকী মমিং থোনবদা অপেনবা ফোঙদোক্লদুনা প্রধান মন্ত্রীনা হায়খি মহর্ষি বালমিকিগী রামায়ন অসি ঐখোয়গা রামগা শম্নহনবা লৌশিংগী লম্বীনি। অনৌবা ভারতকী মহর্ষি বালমিকি ইন্তরনেসনেল এয়রপোর্ত অসিনা ঐখোয়গা অযোধ্যা ধাম অমসুং অনৌবা রাম মন্দিরগা শম্নগনি। এয়রপোর্ত অসিগী অহানবা ফেজ অসিনা চহি অমদা পেসেঞ্জর লাখ ১০ চৎথোক-চৎশিন তৌবা য়াগনি অমসুং অনিশুবা ফেজ মতুংদা, মহর্ষি বালমিকি ইন্তরনেসনেল এয়রপোর্ত অসিনা চহি অমদা পেসেঞ্জর লাখ ৬০ চৎথোক-চৎশিন তৌবা য়াগনি। হৌজিক অযোধ্যা ধাম রেলৱে স্তেসন্না মীওই লিশিং ১০ খুদোংচাবা পীবা ঙমগনি অমসুং মসি মপুংফানা শেমগৎলবা মতুংদা মীওই লিশিং ৬০ য়ৌগনি। রাম পথ, ভক্তি পথ, ধর্মা পথ অমসুং শ্রী রাম জন্মভুমি পথ, কার পার্কিংশিং, অনৌবা মেদিকেল কলেজশিং, সার্য়ু জিগী পোল্লুসন ঙাকথোকপা অমসুং রাম কি পেরিগী অওনবা, ঘাতশিং ফগৎহনবা, অরিবা কুন্দশিং শেমগৎপা, লাতা মঙ্গেসকর চোকনা অযোধ্যাগী অনৌবা মশক তাক্লে অমসুং শেংলবা সহর অসিগী শেন্থোক অমসুং থবক ফংবগী অনৌবা খুদোংচাবশিং পীরে।

প্রধান মন্ত্রীনা হায়খি বন্দে ভারত অমসুং নমো ভারতকী মতুংদা অমৃত ভারত ত্রেনশিং চেল্লে অমসুং অযোধ্যা ফাওরগা অহানবা অমৃত ভারত ত্রেন চেনবদা অপেনবা ফাওই। ঙসি হায়রিবা ত্রেনশিং অসি য়ৌরকপগীদমক মহাক্না য়ু.পি, দিল্লি, বিহার, নোংচুপ বেঙ্গল অমসুং কর্নাতকাগী মীয়ামদা নুংঙাইবা ফোঙদোকখি। মহাক্না হায়খি লায়রবশিংগী সেবা তৌবা হায়বসি অনৌবা অমৃত ভারত ত্রেনশিংগী পান্দমনি। মখোয়গী মথৌ পাংথোক্নবা মীয়াম য়াম্না শাংনা তোইনা চৎথোক-চৎশিন তৌরি অমসুং শেন্থোক মতিক চানা লৈতবশিংদা অনৌবা খুদোংচাবশিং অমসুং নুংঙাইনা চৎনবগী খুদোংচাবশিং পীরে। লায়রবশিংগী পুন্সিগী থাক ৱাংখৎনবা খন্দুনা হায়রিবা ত্রেনশিং অসি দিজাইন তৌবনি।

প্রধান মন্ত্রীনা হায়খি বন্দে ভারত ত্রেনশিংনা চাউখৎপগা হেরিতেচগা শম্নহল্লে। লৈবাক অসিগী অহানবা বন্দে ভারত এক্সপ্রেস ত্রেন কাসিদগী চেল্লে। ঙসি লৈবাক অসিদা লম্বী ৩৪ দা বন্দে ভারত এক্সপ্রেস ত্রেনশিং চেল্লি। বন্দে ভারতনা কাসি, কাত্রা, উজয়েন,পুস্কার, তিরুপতি সির্দি, অমৃতশর, মদুরাই, অচৌবা লাইনিংগী সহরশিংগা শম্নরে। ঙসি অযোধ্যাশু বন্দে ভারতকী খুদোল ফংলে। 

লৈবাক অসিগী মফম কয়াদা পাংথোকপা ‘যাত্রাশিং’গী অরিবা চৎনবীশিং পল্লদুনা প্রধান মন্ত্রীনা হায়খি অযোধ্যা ধামদা শেমগৎলিবা খুদোংচাবশিং অসিনা ধামদা লাকপা যাত্রাগী ভক্তশিং হেন্না নুংঙাইরগনি।

ভারতমচা করোর ১৪০ না শ্রী রাম জয়তি থান্নবা খঙহল্লদুনা প্রধান মন্ত্রীনা হায়খি মসিগী পুৱারি ওইরবা তাঞ্জা অসি ঐখোয় খুদিংমক্কী পুন্সিদা থেংনবা অসি লাইবক য়াম্না ফবনি। ঐখোয়না লৈবাক্কীদমক অনৌবা ৱারেপ লৌগদবনি অমসুং অনৌবা থৌনাগা লোয়ননা মসি থবক ওইনা পাংথোক্কদবনি। মীওই খুদিংমক প্রান প্রাতিস্থা শরুক য়ানিংবগী অপাম্বা লৈরি। ঙাক-শেন অমসুং চৎথোক-চৎশিনগী মরমশিংদগী, থৌরম অসি হেক লোইবগা জনুৱারি ২২গী মতুং খক্তদা অযোধ্যাদা চৎনবা অদোম থৌরাং তৌবীয়ু। ঐখোয় চহি ৫৫০ ঙাইদুনা লাক্লে, মতম খরগা ঙাইখিসি।

প্রধান মন্ত্রীনা হায়খি তুংদা অযোধ্যাদা লাক্কদৌরিবা মশিং থিঙমদ্রবা মীয়ামগী থৌরাং তৌবা ওইনা অযোধ্যা অসি লৈবাক অসিদা খ্বাইদগী নানবা সহর অমা ওইনবা হোৎনগদবনি। জনুৱারি ১৪, মকর সংক্রান্তি নুমিত্তগী লৈবাক শীনবা থুংনা লাইফমশিংদা লম-তু শেংবগী অচৌবা খোঙজং অমা হৌদোক্তুনা অচৌবা রাম মন্দিরগী হরাওবা ফোঙদোক্লসি।

উজৱালা গ্যাস কন্নেক্সন ফংখিবা করোর ১০শুবা বেনিফিসরিগী য়ুমদা চৎপদা মহাক্না থেংনরকপশিং প্রধান মন্ত্রীনা পাউদমখি। অহানবা ওইনা মে ২০১৬ দা য়ু.পিগী বাল্লিয়া জিলাদা উজৱালা স্কিম হৌদোক্তুনা নুপী কয়া মৈখু থাংহনখিবদা অমসুং মখোয়গী পুন্সিদা অওনবা পুরকখিবদা প্রধান মন্ত্রীনা অপেনবা ফোঙদোকখি। মহাক্না হায়খি হৌখিবা চহি ১০দা লেম্না কন্নেক্সন করোর ১০ পীবা য়াওনা গ্যাস কন্নেক্সন করোর ১৮ পীখ্রে, মসিগী মমাঙদা চহি ৫০-৫৫দা শুপ্নগী কন্নেক্সন করোর ১৪ খক পীরমখি।

প্রধান মন্ত্রীনা হায়খি মহাক্কী ঙমজবী থাক্তা মীয়ামগী সেবা তৌগনি। করিগী মোদীগী থাজবা অশুক্কী মতিক মপাঙ্গল কল্লিবনো হায়বা হৌজিক মীওই খরনা ঐঙোন্দা হংনরে। মহাক্না হায়খিবশিং মোদীনা থবক ওইনা পাংথোকপা মরমনা মোদীগী থাজবা অশুক্কী মতিক মপাঙ্গল কল্লিবনি। মহাক্না পীখিবা থাজবশিং থবক ওইনা পাংথোক্নবা মোদীনা হোৎনবা মরম্না ঙসিদি লৈবাক অসিনা মোদীগী গরেন্তিদা থাজবা থম্লে। অযোধ্যাসু মসিগী গরেন্তি অমা উরে। শেংলবা সহর অসি চাউখৎনবা পায়খৎপা য়াবা থবক খুদিংমক পায়খৎকনি হায়না ঙসি ঐনা অমুক হন্না অযোধ্যাগী মীয়ামদা থাজবা পীরি। 

প্রোজেক্কী অকুপ্পা মরোলশিং

অযোধ্যাদা মীয়ামগী ইনফ্রাস্ত্রকচর ফগৎহনবা

শঙ্গাগদৌরিবা শ্রী রাম মন্দির য়ৌবা লম্বীগী খুদোংচাবা হেনগৎহন্নবা, অযোধ্যা-রামপথ, ভক্তিপথ, ধর্মপথ অমসুং শ্রী রাম জন্মভুমি পথতা অমুক হন্না শেমগৎলবা, পাকথোক্লবা অমসুং ফজহল্লবা লম্বী মরি প্রধান মন্ত্রীনা শঙ্গাখ্রে।

অযোধ্যা অমসুং মসিগী অকোয়বা মফমশিং ফজনবা অমসুং মীয়ামগী ইনফ্রাস্ত্রকচর মপাঙ্গল কনখৎহন্নবা প্রোজেক কয়া প্রধান মন্ত্রীনা শঙ্গাখি অমসুং মীয়ামদা কৎথোকখি। শঙ্গাখিবা প্রোজেকশিংগী মনুংদা রাজর্ষি দশর্থ ওতোনোমস স্তেৎ মেদিকেল কলেজ; অযোধ্যা-সুলতানপু রোদ-এয়রপোর্ত শম্নবা লেন মরিগী লম্বী; এন.ঐচ-২৭ বাইপাস মহোব্রা বাজার ফাওরগা তেধি বাজার শ্রী রাম জন্মভুমি ফাওবগী লেন মরিগী লম্বী; সহরগী লম্বীশিং ফজহনবা অমসুং অযোধ্যা বাইপাস; এন.ঐচ-৩৩০এগী জগদিসপুর-ফাইজাবাদ সেক্সন; মাহোলি-বরাগাউন-দিওধি লম্বী পাকথোকপা অমসুং জসারপুর-ভাউপর-গঙ্গরমন-সুরেসনগর লম্বী; পঞ্চকোসি পরিক্রমা মার্গতা বাদি বুয়া রেলৱে ক্রোসিংদা আর.ও.বি; পীখাউলি খুঙ্গংদা সোলিদ ৱেস্ত ত্রিৎমেন্ত প্লান্ত; দোক্তর ব্রজকিশ্বর হোমিওপেথি কলেজ অমসুং হোস্পিতালদা অনৌবা বিল্দিং অমসুং ক্লাসরুমশিং য়াওরি। মুখ্যমন্ত্রী নগর শ্রীজন য়োজনাগা মরী লৈনবা থবকশিং অমসুং পার্কিং মঙা অমসুং ললোন-ইতিক্কী মফমশিং প্রধান মন্ত্রীনা শঙ্গাখি।

অযোধ্যাদা অনৌবা প্রোজেকশিং উরেপ-উয়ুং তম্বা

অযোধ্যাগী মীয়ামগী খুদোংচাবশিং অমুক হন্না ফগৎহনবগা লোয়ননা সহর অসিগী ইনাকখুল্লবা পুৱারি অমসুং হেরিতেচ মপাঙ্গল কনখৎহন্নবা অনৌবা প্রোজকশিং প্রধান মন্ত্রীনা উরেপ-উয়ুং তমখি। প্রোজেকশিংগী মনুংদা অযোধ্যাদা পুৱারি ওইরবা হোর্জং মরি ঙাক-শেনবা অমসুং ফজহনবা; গুপ্তার ঘাত অমসুং রাজঘাতকী মরক্তা অনৌবা কনক্রিত ঘাতশিং শাবা অমসুং হান্না শারম্বা ঘাতশিং শেমজিনবা; নয়া ঘাত্তগী লক্সমী ঘাত ফাওবা শেমগৎপা অমসুং ফজহনবা; দিপোউৎসব অমসুং রাম কি পাইরিদা পাংথোকপা অতোপ্পা মেলাশিংগী ভিজিতর গেল্লরি অমা শেমগৎপা; রাম কি পাইরিদগী রাজ ঘাত  ফাওবা অমসুং রাজ ঘাত্তগী রাম মন্দির ফাওবা লাইফমগী লম্বী ফগৎহনবা য়াওরি।

প্রধান মন্ত্রীনা অযোধ্যাদা লুপা করোর ২১৮০ চঙনা শেমগৎকদবা গ্রিনফিল্দ তাউন্সিপ অমগী অমসুং লুপা করোর ৩০০ চঙনা পায়খৎকদবা বসিস্থা কুঞ্জ রেসিদেন্সিএল স্কিম উরেপ-উয়ুং তমখি।

প্রধান মন্ত্রীনা এন.ঐচ-২৮(অনৌবা এন.ঐচ-২৭) লখনৌ-অযোধ্যা সেক্সন; হৌজিক লৈরিবা অযোধ্যা বাইপাসকী এন.ঐচ-২৮(অনৌবা এন.ঐচ-২৭) ফগৎহনবা অমসুং শেমদোকপা; অযোধ্যাদা সিপেত সেন্তর অমা লিংখৎপা; মিউনিসিপাল কোওপরেসন অযোধ্যা অমসুং অযোধ্যা দিবলপমেন্ত ওথোরিতি ওফিস শেমগৎ-শাগৎপগী থবক উরেপ-উয়ুং তমখি।

অযোধ্যাদা অনৌবা প্রোজেকশিং উরেপ-উয়ুং তম্বা

অযোধ্যাগী মীয়ামগী খুদোংচাবশিং অমুক হন্না ফগৎহনবগা লোয়ননা সহর অসিগী ইনাকখুল্লবা পুৱারি অমসুং হেরিতেচ মপাঙ্গল কনখৎহন্নবা অনৌবা প্রোজকশিং প্রধান মন্ত্রীনা উরেপ-উয়ুং তমখ্রে। প্রোজেকশিংগী মনুংদা অযোধ্যাদা পুৱারি ওইরবা হোর্জং মরি ঙাক-শেনবা অমসুং ফজহনবা; গুপ্তার ঘাত অমসুং রাজঘাতকী মরক্তা অনৌবা কনক্রিত ঘাতশিং  শাবা অমসুং হান্না শারম্বা ঘাতশিং শেমজিনবা; নয়া ঘাত্তগী লক্সমী ঘাত ফাওবা শেমগৎপা অমসুং ফজহনবা; দিপোউৎসব অমসুং রাম কি পাইরিদা পাংথোকপা অতোপ্পা মেলাশিংগী ভিজিতর গেল্লরি অমা শেমগৎপা; রাম কি পাইরিদগী রাজ ঘাত  ফাওবা অমসুং রাজ ঘাত্তগী রাম মন্দির ফাওবা লাইফমগী লম্বী ফগৎহনবা য়াওরি।

প্রধান মন্ত্রীনা অযোধ্যাদা লুপা করোর ২১৮০ চঙনা শেমগৎকদবা গ্রিনফিল্দ তাউন্সিপ অমগী অমসুং লুপা করোর ৩০০ চঙনা পায়খৎকদবা বসিস্থা কুঞ্জ রেসিদেন্সিএল স্কিম উরেপ-উয়ুং তমখি। প্রধান মন্ত্রীনা এন.ঐচ-২৮(অনৌবা এন.ঐচ-২৭) লখনৌ-অযোধ্যা সেক্সন; হৌজিক লৈরিবা অযোধ্যা বাইপাসকী এন.ঐচ-২৮(অনৌবা এন.ঐচ-২৭) ফগৎহনবা অমসুং শেমদোকপা; অযোধ্যাদা সিপেত সেন্তর অমা লিংখৎপা; মিউনিসিপাল কোওপরেসন অযোধ্যা অমসুং অযোধ্যা দিবলপমেন্ত ওথোরিতি ওফিস শেমগৎ-শাগৎপগী থবক উরেপ-উয়ুং তমখি।

উত্তর প্রদেস শীনবা থুংনা পায়খৎকদবা অতোপ্পা প্রোজেকশিং

প্রধান মন্ত্রীনা মীয়ামগী থৌরম মনুংদা উত্তর প্রদেস শীনবা থুংবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখি, মীয়ামদা কৎথোকখি অমসুং উরেপ-উয়ুং তমখি। প্রোজেকশিংগী মনুংদা গোসাইন কি বাজার বাইপাস-বরানসী(ঘাঘ্রা থোং-বরানসী) (এন.ঐচ-২৩৩) লেন মরি ওইহনবা; এন.ঐচ-৭৩০গী খুতারদগী লখিম্পুর সেক্সন ফগৎহনবা; অমেথি জিলাগী ত্রিসুলদা এল.পি.জি প্লান্তগী কেপাসিতি হেনগৎহনবা; পানখাদা ৩০ এম.এল.দি অমসুং জাজমাউদা ১৩০ এম.এল.দিগী সিৱেজ ত্রিৎমেন্ত প্লান্ত; উন্নাউ জিলাদা খোঙবালশিং থৈদোকপা অমসুং সিৱেজ ত্রিৎমেন্ত প্লান্ত; অমসুং কানপুরগী জাজমাওদা তেন্নরি ক্লস্তরগী সি.ই.তি.পি য়াওরি।

রেলৱে প্রোজেকশিং

ঙসি প্রধান মন্ত্রী শ্রী নরেন্দ্র মোদীনা অমুক হন্না শেমগৎলবা অযোধ্যা রেলৱে স্তেসন শঙ্গাখ্রে অমসুং অনৌবা অমৃত ভারত ত্রেনশিং অমসুং বন্দে ভারত ত্রেনশিং লমথাখি। মহাক্না অতোপ্পা রেলৱে প্রোজেকশিং মীয়ামদা কৎথোকখি।

অমুক হন্না শেমগৎপা অযোধ্যা রেলৱে স্তেসনগী ফেজ-১ অসি অযোধ্যা ধাম জঙ্কসন রেলৱে স্তেসন হায়না খঙনদুনা লুপা করোর ২৪০ হেন্না চঙনা শেমগৎপনি। মথোল অহুম লৈবা অনৌবা রেলৱে স্তেসন অসি মতমগা চুনরবা খুদোংচাবশিং হায়বদি লিফ, ইসকালেতরশিং, চাফম, পুজাগী পোৎলমশিংগী দুকানশিং, পোৎ-চৈ থমফম, অঙাংশিংগী লৈফম, মী ঙাইফম হোলশিং য়াওরে। স্তেসন বিল্দিং অসি মীওই খুদিংমক শীজিন্নবা য়াগনি অমসুং গ্রিন স্তেসন বিল্দিং ওইনা আই.জি.বি.সিনা শক্তাক্লে।

অযোধ্যা ধাম জঙ্কসন রেলৱেস স্তেসন্দা পাংথোক্কদবা থৌরমদা প্রধান মন্ত্রীনা লৈবাক অসিদা খ্বাইদগী য়াংবা ত্রেনশিংগী অনৌবা কাংলুপ অমা ওইরিবা অমৃত ভারত এক্সপ্রেস লমথাখি। অমৃত ভারত ত্রেন অসি এয়র-কন্দিসন য়াওদবা কোচশিংগী  এল.ঐচ.বি পুস পুল ত্রেননি। হেন্না য়াংনা থৌবা য়ানবা ত্রেন অসিনগী অরোইবা মতোল অনিমক্তা লোকোশিং য়াওরি। মসিদা ফজরবা সিতশিং, হেন্না ফবা পোৎ-চৈ থমফম, মোবাইল চার্জ তৌফম অমসুং চুনবা মোবাইল থমফম, এল.ই.দি লাইতশিং, সি.সি.তি.বি, মীয়ামদা লাউথোক্নবা সিস্তেম য়াওরি। প্রধান মন্ত্রীনা অনৌবা বন্দে ভারত ত্রেন তরুকশু লমথাখি।

প্রধান মন্ত্রীনা অনৌবা অমৃত ভারত ত্রেন অনি হায়বদি দারভঙ্গা-অযোধ্যা-অনন্দ বিহার তর্মিনেল অমৃত ভারত এক্সপ্রেস অমসুং মালদা তাউন-সার এম. বিসবেশবরায়া তর্মিনস(বেঙ্গালুরু) অমৃত ভারত এক্সপ্রেস লমথাখি।

প্রধান মন্ত্রীনা অনৌবা বন্দে ভারত ত্রেন তরুকশু লমথাখি। ত্রেনশিংগী মনুংদা শ্রী মাতা বৈষ্ণো দেবী কার্ত-নিউ দিল্লি বন্দে ভারত এক্সপ্রেস; অমৃতশর-দিল্লি বন্দে ভারত এক্সপ্রেস; কোয়ম্বতুর-বেঙ্গালুরু কেন্ত বন্দে ভারত এক্সপ্রেস; মঙ্গালুরু-মাদগাউন বন্দে ভারত এক্সপ্রেস; জলনা-মুম্বাই বন্দে ভারত এক্সপ্রেস অমসুং অযোধ্যা-অনন্দ বিহার তর্মিনেল বন্দে ভারত এক্সপ্রেস য়াওরি।

লমদম অসিগী রেল ইনফ্রাস্ত্রকচর মপাঙ্গল কনখৎহন্নবা লুপা করোর ২৩০০ রোমগী রেলৱে প্রোজেক অহুম প্রধান মন্ত্রীনা মীয়ামদা কৎথোকখি। প্রোজেকশিংগী মনুংদা রোমা চাকেরি-চান্দেরি অহুমশুবা লাইন প্রোজেক; জাউনপুর-তুলসি নাগর, অকবারপুর-অযোধ্যা, সোহাৱাল-পাতরঙ্গা অমসুং জাউনপুর-অযোধ্যা-বরাবঙ্কি দব্লিং প্রোজেক্কী সাফদারগঞ্জ-রাসাউলি সেক্সনশিং অমসুং মহালহাওর-দালিগঞ্জ রেলৱে স্তেসনগী দব্লিং অমসুং মৈ ফংহনবগী প্রোজেকশিং য়াওরি।

মহর্ষি বালমিকি ইন্তরনেসনেল এয়রপোর্ত অযোধ্যা ধাম

ঙসি প্রধান মন্ত্রী শ্রী নরেন্দ্র মোদীনা নৌনা শাবা অযোধ্যা এয়রপোর্ত শঙ্গাখ্রে। এয়রপোর্ত অসি মহর্ষি বালমিকি ইন্তরনেসনেল এয়রপোর্ত হায়না মমিং থোল্লে।

অৱাংবা থাক্কী এয়রপোর্ত অসিগী ফেজ-১ অসি লুপা করোর ১৪৫০ হেনবগী শেনফম চঙনা শেমগৎপনি। এয়রপোর্ত অসিগী তর্মিনেল বিল্দিং অসি ইসক্বার মিতর ৬৫০০ পাক-চাউগনি, চহি অমদা পেসেঞ্জর লাখ ১০ সেবা তৌবা ঙমগনি। তর্মিনেল বিল্দিংগী মমাইদা নৌনা শঙ্গাগদৌরিবা শ্রী রাম মন্দিরগী লাইশঙগী য়ুমশারোল হাপকনি। তর্মিনেল বিল্দিংগী মনুংদা লমদম অসিগী কলা, ভাগবান শ্রী রামগী পুন্সিগী অয়েকপা লাইশিং অমসুং মুরেলশিং য়াওরে। অযোধ্যা এয়রপোর্তকী তর্মিনেল বিল্দিং অসিদা ইন্সুলেতেদ রুফিং, এল.ই.দি লাইত, নোংগী ঈশিং লোকশিনফম, ঈশিং পেরেশিং, ঈশিং শেংদোক্নবা প্লান্ত, অমোৎপা শেংদোক্নবা প্লান্ত, সোলার পৱার প্লান্ত অমসুং গ্রিহা-ফাইব স্তার রেতিং য়ৌবা ঙম্নবা অতোপ্পা খুদোংচাবা কয়া য়াওরে। এয়রপোর্ত অসিনা লমদম অসিদা তুরিজম, ললোন-ইতিক অমসুং থবক ফংবগী খুদোংচাবশিং হেনগৎহল্লগনি।

पिछले 9 वर्षों में भारत में विश्वस्तरीय इंफ्रास्ट्रक्चर और कनेक्टिविटी का अभूतपूर्व विस्तार हुआ है। राममय अयोध्या धाम में आज विभिन्न विकास परियोजनाओं का लोकार्पण और शिलान्यास कर गर्व की अनुभूति हो रही है। https://t.co/NA0xxO3lGC

— Narendra Modi (@narendramodi) December 30, 2023

आज पूरी दुनिया उत्सुकता के साथ 22 जनवरी के ऐतिहासिक क्षण का इंतज़ार कर रही है: PM @narendramodi pic.twitter.com/O0cPPZ1VOz

— PMO India (@PMOIndia) December 30, 2023

आज के ही दिन, 1943 में नेताजी सुभाषचंद्र बोस ने अंडमान में झंडा फहरा कर भारत की आजादी का जयघोष किया था।

आज़ादी के आंदोलन से जुड़े ऐसे पावन दिवस पर, आज हम आजादी के अमृतकाल के संकल्प को आगे बढ़ा रहे हैं: PM @narendramodi pic.twitter.com/6iwXnWGbMp

— PMO India (@PMOIndia) December 30, 2023

दुनिया में कोई भी देश हो, अगर उसे विकास की नई ऊंचाई पर पहुंचना है, तो उसे अपनी विरासत को संभालना ही होगा: PM @narendramodi pic.twitter.com/jsEf1i9s4A

— PMO India (@PMOIndia) December 30, 2023

****