ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুওঙ্গ প্রবাংগী মমিং লৈরবা রোয়েল থিএতরনা শান্নবা লাও রামায়নগী – ফালক ফালম নত্ত্রগা ফ্রা লাক ফ্রা রাম কৌবা – তাঙ্কক অমা মীৎয়েং তাখ্রে। লাওসতা রামায়ন অসি মখা তানা পাম্নরি অমসুং মহাকাব্য অসিনা লৈবাক অনিগী মরক্তা লৈরিবা মান্নবা হেরিতেজ অমসুং চহিচা কয়া শুরবা সভ্যতগী মমি তারি। চহিচা কয়াদগী লাওসতা ভারতকী নাৎ অমসুং চৎনবীগী শক্লোন কয়ামরুম প্রেক্তিস তৌরি অমসুং ঙাকশেন্দুনা থম্মি। লৈবাক অনিমক্না মখোয়গী মান্নবা হেরিতেজ উৎনবা পুন্না থবক তৌরি। আর্কিওলোজিকেল সর্ভে ওফ ইন্দিয়ানা ভাত ফৌ তেম্পেল অমসুং মরী লৈনবা মোন্যুমেন্তশিং লাওসতা নৌনা শেমগৎপদা শরুক য়ারি। গৃহ মন্ত্রী মন্ত্রী, এজুকেসন অমসুং স্পোর্তস মন্ত্রী, বেঙ্ক ওফ লাও PDRগী ইকাই খুম্নরবা গভর্নর অমসুং ভিয়ন্তিয়ানেগী মেয়র য়াওনা মশক নাইবা মীওইশিংনা থৌরম অদুদা শরুক য়াখি।

রামায়ন পর্ফোর্মেন্সকী মমাংদা ভিয়ন্তিয়ানেদা লৈবা সি সাকেৎ তেম্পলগী শেংলবা লাইফমদা খ্বাইদগী ইকাই খুম্নরবা মহাভেথ মাসেনাইনা লমজিংদুনা লাও PDRগী সেন্ত্রেল বুদ্ধিস্ত ফেল্লোশিপ ওর্গনাইজেসনগী মকোক থোংবা বুদ্ধিস্ত লম্বোইবশিংনা পাংথোকপা থৌজাল পীবগী থৌরমদা প্রধান মন্ত্রীনা শরুক য়াখি। মান্নবা বুদ্ধিস্ত হেরিতেজনা ভারত অমসুং লাওসকী মরক্তা লৈরিবা অনকপা সভ্যতাগী মরীশিংগী অতোপ্পা শকলোন অমসু উৎলি।

***