ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ‘লাইফস্তাইল ফোর দি এনভাইরোন্মেন্ত- লাইফ মুবমেন্ত’ হায়বা গ্লোবেল ইনিসিএতিব অমা ঙসি ভিদিও কনফরেন্সকী থোংদা হৌদোকখ্রে। হৌদোকপা অসিনা “লাইফ গ্লোবেল কোল ফোর পেপর’ হায়বসিদা একাদেমিকশিং, য়ুনিভর্সিতী অমসুং রিসর্চ ইন্সতিত্যুসনশিং অসিনচিংবা কয়াদগী ৱাখল্লোন কৌরদুনা মালেমদা লৈরিবা মীয়াম, খুন্নাই অমসুং ওর্গানাইজেসনশিংদা অকোইবগী ফিভমদা লুম্না লৌবা পুন্সি মহিং অমা শাগৎনবা ইথিল পীননবা হোৎনগনি।

মীয়াম তিল্লিবা অদুদা ৱা ঙাংলদুনা, প্রধান মন্ত্রীনা হায়খি মদুদি ঙসিগী নুমিত অসি ‘লাইফস্তাইল ফোর দি এনভাইরোন্মেন্ত- লাইফ মুবমেন্ত’ হায়বা গ্লোবেল ইনিসিএতিব অসি হৌদোকপগী খ্বাইদগী চুন্নরবা নুমিত অমনি। মহাক্না হায়খি ঐখোয়না লাইফস্তাইল ফোর দি এনভাইরোন্মেন্ত মুবমেন্ত অসি হৌদোক্লে। ঐখোয়গী প্লানেৎ অসিনা থেংনরিবা খুদোংচাদবা অসিবু মীওইবদা য়ুম্ফম ওইবা, অপুনবা থৌনা অমসুং মতীক চাবা থবক পায়খৎতুনা তুং কোইনা চৎপা চাউখৎপা পুরক্নবা পাম্বৈ পুথোক্নবগীদমক মহাক্না আপিল তৌখি।

প্রধান মন্ত্রী অসিনা মীয়াম তিল্লিবা অসিদা নিংশিংখি মদুদি হায়রিবা মালেমগী থৌরাং অসি মমাং চহিগী কোপ ২৬তা ফোংদোকপা লৈখ্রে। মহাক্না মখা তারদুনা হায়খি মদুদি লাইফকী পান্দম অসি ঐহোয়গী প্লানেৎ অসিগা চুন্নবা পুন্সি মহিং অমা হিংদুনা মসিবু অমাং অতা থোকহন্দনবা হোৎনবনি। অমসুং অসিগুম্বা পুন্সি মহিং অমা হিংলিবা মীওইশিং অসিবু ঐখোয়না “প্রো-প্লানেৎ পীপল” হায়না কৌই।

মিসন লাইফনা হৌখ্রবদগী পুদুনা হৌজিক্কী মীকুপা অসিদা পাঙথোক্তুনা তুংগী মীৎয়েং থম্লি। হন্থবা, নৌনা শীজিন্নবা অমসুং রিসাইকল তৌবা হায়বসিনা ঐখোয়গী পুন্সিদা তুশিন্দুনা লৈখ্রবা ৱাখল্লোনশিংনি। সার্কুলার একোনোমী অসি ঐখোয়গী নাৎ অমসুং পুন্সি মহিংগী মরুওইবা শরুক অমনি।

প্রধান মন্ত্রী অসিনা মহাক্না অকোইবগা মরী লৈনবা থবক কয়া অমা ঐখোয়গী লৈবাক অসিগীদমক পাঙথোকপা ঙমহনবীবগীদমক লৈবাক অসিদা লৈরিবা মীওই ১.৩ বিলিয়নবু থাগৎপা ফোংদোকচখি। মহাক্না মসিমসু মখা তাখি মদুদি ভারতকী উমংগী শরুক অসি হেনগৎলক্লি অমসুং মসিনা মরম ওইদুনা নোংশা, কৈ, কবোকৈ, শামু অমসুং ঈশিং শামুশিংগী মশীংসু হেনগৎলক্লি। মহাক্না হায়খি মদুদি ভারতনা ফোসিল ফ্যুল নত্তবা ফ্যুলদা য়ুম্ফম ওইদুনা মৈ পীগনি হায়না লেপখিবা ৱাশক অদু থানখিবা মতমদগী চহি ৯ ঙনখৎনা মায় পাকপা ঙম্লে। পেত্রোলদা ইথানোল ১০% হাপ্পগী পান্দমসু নবেম্বর ২০২২গী মমাংদা থা ৫ ঙনখৎনা পাঙথোকপা ঙম্লে। মহাক্না হায়খি মদুদি রিন্যুএবল এনর্জী হায়বসিনা লৈঙাক অসিগী য়াম্না ৱাংবা মীৎয়েং থম্লিবা অমনি। মাংজিল থাবা হায়বসি ইন্নোভেসন অমসুং ওপন্নেস হায়বসিগী মখা পোল্লি হায়না মহাক্না হায়খি। তেক্নোলোজী অমসুং ত্রেদিসন্না য়ানশিন্নবা মতমদা পুন্সিগী মীৎয়েং শাল্লকই।

প্রধান মন্ত্রীনা নিংশিংখি মদুদি মহাত্মা গান্ধীনা জিরো কার্বনগী পুন্সি মহিং অমগী মতাংদা ৱারী শাখি। ঐখোয়গী নোংমগী পুন্সিদা, ঐখোয়না তুং কোইনা লৈহৌগদবা অমা খনসি হায়না মহাক্না হায়খি। মহাক্না মীয়ামগী পুক্নিং চিংশিল্লদুনা হন্না শীজিন্নবা, হন্থবা, অমসুং নৌনা শীজিন্নবা আপিল তৌখি। ঐখোয়গী প্লানেৎতি অমত্তনি অদুবু ঐখোয়না হোৎনগদবদি য়াম্মি – মালেম অমা, হোৎনগদবনা কয়া অমা। “অকোইবগী ফিভম ফগৎনবা অমসুং মালেমগী থাক্তা তৌরকপা অফবা থবকশিংদা ভারতনা মতম চুপ্পদা মতেং পাংনবা শেম শারি। ঐখোয়গী ত্রেক রেকোর্দনা মসিগী শাখিনি” হায়রদুনা মহাক্না ৱারোইশিন পীখি।

থৌরম অদুদা শ্রী বিল গেৎস, কো-চীয়র্মেন বিল এন্দ মেলিন্দা গেৎস ফাউন্দেসন; লোর্দ নিকোলস স্তর্ন, ক্লাইমেৎ একনোমিস্ত; প্রোফেসর কেস সন্সতৈন, নজ থিয়রীগী অইবা; শ্রী অনিরুদ্ধা দাসগুপ্ত, সি.ই.ও. অমসুং প্রসিদেন্ত ৱার্ল্দ রিসোর্সেস ইন্সতিত্যুৎ; শ্রীমতি আইঙ্গর এন্দর্ন, য়ু.এন.ই.পি. গ্লোবেল হেদ; শ্রী অচিম স্তৈনর, য়ু.এন.দি.পি. গ্লোবেল হেদ অমসুং শ্রী দেভিদ মাল্পাস, ৱার্ল্দ বেঙ্ক প্রসিদেন্তসু ময়ামগী মরক্তা শরুক য়াখি। কেন্দ্রগী মন্ত্রী শ্রী ভুপেন্দ্র য়াদব, অমসুং সি.ই.ও. নিতি শ্রী অমিতাভ কান্থসু থৌরম অদুদা শরুক য়াখিবশিংগী মরক্তা অমা ওইখি।

শ্রী বিল গেৎস, কো-চীয়র্মেন বিল এন্দ মেলিন্দা গেৎস ফাউন্দেসননা হায়খি মদুদি হেনগৎলক্লিবা ইমিসন অসিবু লান্থেংনবদা ভারতনা লুচিংবগী থৌদাং লৌদুনা হোৎনরিবা কয়া অসিদা অপেনবা পোকই। “ঐহাক্না লাইফ মুবমেন্তকী মতাংদা অমসুং মসিনা অপুনবগী ওইবা থবক অমা শাগৎনবা হোৎনবদা লৈগদবা শক্তিগী মতাংদা খঙবদা হরাউজৈ। গ্রীনহাউজ গ্যাস মুত্থৎনবগীদমক ঐখোয়না অনৌবা তেক্নোলোজী কয়া অমা চঙই অমসুং মসিদা মায়কৈ খুদিংদগী শরুক য়াবা চঙই। হায়রিবা তেক্নোলোজী অসিবু পাক শন্না শীজিন্নরকনবা হোৎনবদা অচৌবা শেন্থং অমা চঙবদা নত্তনা প্রাইভেৎ অমসুং পব্লিক সেক্তরশিংনা পুনশিনবা তঙাইফদে অমসুং ইন্দিভিজ্বেলশিংদগী দিমান্দ লাকপা চঙই। ইন্দিভিজ্বেল এক্সন্না মার্কেৎকী ইঙ্গিৎ অমা পীগনি অমসুং মসিনা লৈঙাক অমসুং লল্লোন ইতীকশিংনা হায়রিবা ইনোবেসনশিং অসিদা শেল থাদনবা পুক্নিং থৌগৎকনি অমসুং ঐখোয়না পাম্লিবা থাক অসি য়ৌগনি। “ঐহাক্না প্রধান মন্ত্রী মোদীবু হায়রিবা প্রো-ক্লাইমেতিক ওইবা লমচৎ অসি মীয়ামদা চেলহন্নবা লৌখৎলিবা মালেমগী ওইবা থৌরাং অসিবু লুচিংবীবগীদমক থাগৎচরি। ঐখোয়না অপুনবা ওইনা গ্রীন ইন্দস্ত্রিএল রিভোলুসন অমা শাগৎপা ঙমগনি” হায়না শ্রী গেৎসনা ফোংদোকখি। মহাক্না মখা তারদুনা “ক্লাইমেত চেঞ্জ থেংনবগী অপুনবা ওইনা চঙলিবা থৌদাং অসি মমাংদা অসুম্না লূম্না লৌরমদে মসিদা ভারতনা লৌরিবা লুচিংবগী থৌদাং অসিনা ঐখোয়গী পান্দম অদু য়ৌবদা মরুওইবা থৌদাং অমা ওইরি” হায়খি।

ভারত অমসুং প্রধান মন্ত্রীনা অকোইববু ঙাক শেনবা অমসুং ক্লাইমেৎ অহোংবা লাকপা অমসুং মীওইবগী লমচৎকা মরী লৈননা মালেমগী লুচিংবা ওইরি অমসুং ঐখোয় কয়া অমনা ভারত্তা ইথিল অমসুং ৱাখল্লোন পীনবা য়েংলি হায়না প্রোফেসর কেস সন্সতৈন, নজ থিয়রীগী অইবা অসিনা ফোংদোকখি। প্রোফেসর অসিনা লমচৎ হোংনবগী ওইবা ইস্ত ফ্রেমৱার্ককী মতাংদা ফোংদোকখি। ইস্ত হায়বদি ইজি, এত্রেক্তিব, সোসিএল অমসুং তাইম্লী হায়বনি। মহাক্না ‘এফ’ হায়বা ময়েক অসিমসু হাপচিল্লে হায়রদুনা মসিগী ফ্রেমৱার্ক অসি ফিস্ত ওইরে হায়খি। এফ হায়বসিনা ফন তাকই অমসুং মহাক্না হায়খি মদুদি প্রো-এনভাইরোন্মেন্তকী ওইবা থবকশিং অসি তোইনা নুংঙাইবা ওইগল্লি অমসুং ভারতনা মসিগী মতাংদা হন্দক্তা ময়াম মাংদা উৎখ্রবনি।

মিসেস আইঙ্গর এন্দর্সন, য়ু.এন.ই.পি. গ্লোবেল হেদনা থৌরম অদুদা ৱা ঙাংলদুনা প্রধান মন্ত্রীগী লাইফ হৌদোকপা অসিবু তরাম্না ওকখি। “মীওই বিলিয়ন ১রোমগা লোয়ননা, অমসুং ইন্নোবেসন পাম্বা মীওই কয়াগা লোয়ননা ভারতনা মালেমগী এনভাইরোন্মেন্তকী ওইবা থবকশিংগী ময়োল অমা ওইরি” হায়না মহাক্না হায়খি।

ভারতনা মালেমগী থাক্তা লৈবা ক্লাইমেৎ এক্সন্দা কাইনেতিক এনর্জী অমা পীরি হায়না শ্রী অচিম স্তৈনর, য়ু.এন.দি.পি. গ্লোবেল হেদ অসিনা ফোংদোকখি। মসিদা ইন্তর্নেসনেল সোলার এলাইএন্স অমসুং কোএলিসন ফোর দিজাস্তর রেজিলিএন্ত ইনফ্রাস্ত্রকচর অমসুং ৱান সন ৱান ৱার্ল্দ ৱান গ্রিদকী মাইকৈদা চঙশিনলিবা থবকশিং অসি য়াওরি।

শ্রী অনিরুদ্ধা দাসগুপ্ত, সি.ই.ও. অমসুং ৱার্ল্দ রিসোর্স ইন্সতিত্যুৎকী প্রসিদেন্তনা প্রধান মন্ত্রীবু ঐখোয়না করম্না হিংলি, করম্না কঞ্জুম তৌরি অমসুং ঐখোয়না করম্না প্লানেত অসিবু ঙাক্কনি হায়বগী মতাংদা মালেমগী ওইবা ঈহৌ অমা অমসুং ৱারী ৱাতাইশিংগীদমক থাগৎখ্রে।

লোর্দ নিকোলাস স্তর্ন, ক্লাইমেৎ একনোমিস্তনা সি.ও.পি. ২৬ গ্লাসগোদা চাউখৎপগী অনৌবা লম্বী অমগী মতাংদা পীখিবা মশক নাইরবা প্রধান মন্ত্রীগী ৱারোল অদুবু নিংশিংখি। “মসিনা ২১শুবা চহি চাগী ওইবা খুন্নাই অসিগী পুন্সি মহিং চাউখৎহনবা অমসুং তুংগী মীরোলশিংগীদমক ঙাক শেলহৌনবা চাউখৎপগী ৱারী অমা ওইরগনি।’

শ্রী দেভিদ মাল্পাস, ৱার্ল্দ বেঙ্ককী প্রসিদেন্তনা ভারতকী অইবশিংদা য়াওরিবা অকোইবগী ফিভমগী মতাংদা য়াওরিবা ভারতকী ৱাখল্লোনশিংবু নিংশিংখি। মহাক্না মসিগুম্বা অথুবা থৌরাং অসিবু প্রধান মন্ত্রীগা সিভিল সর্ভিস কেপাসিতী বিল্দিংগী গুজরাত্তা ২০১৯দা উন্নখিবা অদুদা উখ্রে হায়না নিংশিংখি। মহাক্না স্বচ্ছ ভারত, পোশন, আসা অসিনচিংবা লোকেল ইনিসিএতিবশিং অসিবু থাগৎখি।

লাইফকী ৱাখল্লোন অসি প্রধান মন্ত্রী অসিনা ২৬শুবা য়ুনাইতেদ নেসন্স ক্লাইমেত চেঞ্জ কনফরেন্স ওব দি পার্তিজ (কোপ২৬), গ্লাসগোদা হৌদোকখ্রে। ৱাখল্লোন অসিনা অকোইবগী ফিভমবু হেন্না পুক্নিংদা থম্বা পুন্সি মহিং অমা হায়বদি ‘মাইন্দফুল ওইবা তশেংনা খঙনা শীজিন্নাব’ অমসুং ‘ৱাখল তাদবা অমসুং থুগাই য়ৈখাইবগী মওং’ অমা নত্তবা মওংদা হিংবগী ৱাখল্লোন অমা পীরি।

Today’s occasion and the date of the occasion, both are very relevant.

We begin the LiFE – Lifestyle For Environment Movement: PM @narendramodi

— PMO India (@PMOIndia) June 5, 2022

Our planet’s challenges are well-known to all of us.

The need of the hour is human-centric, collective efforts and robust actions that further sustainable development: PM @narendramodi

— PMO India (@PMOIndia) June 5, 2022

The vision of LiFE is to live a lifestyle that is in tune with our planet and does not harm it. And those who live such a lifestyle are called “Pro-Planet People”.

Mission LiFE borrows from the past, operates in the present and focuses on the future: PM @narendramodi

— PMO India (@PMOIndia) June 5, 2022

Reduce, Reuse and Recycle are the concepts woven in our life.

Circular Economy has been an integral part of our culture and lifestyle: PM @narendramodi

— PMO India (@PMOIndia) June 5, 2022

Thanks to our 1.3 billion Indians, we have been able to do many good things for the environment in our country.

Our forest cover is increasing and so is the population of lions, tigers, leopards, elephants and rhinos: PM @narendramodi

— PMO India (@PMOIndia) June 5, 2022

Our commitment to reach 40% of installed electric capacity from non-fossil -fuel based sources has been achieved, 9 years ahead of schedule: PM @narendramodi

— PMO India (@PMOIndia) June 5, 2022

Our commitment to reach 40% of installed electric capacity from non-fossil -fuel based sources has been achieved, 9 years ahead of schedule: PM @narendramodi

— PMO India (@PMOIndia) June 5, 2022

Mahatma Gandhi talked about a zero-carbon lifestyle.

In our daily life choices, let us pick the most sustainable options.

Let us follow the principle of reuse, reduce and recycle.

Our planet is one but our efforts have to be many.

One earth, many efforts: PM @narendramodi

— PMO India (@PMOIndia) June 5, 2022

***************