ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি রাজস্থানগী ভীলৱারাদা ভগৱান শ্রী দেবনারায়নজীগী ১১১১শুবা ‘অবতরন মহোৎসব’ পালন তৌবগী থৌরমদা ৱা ঙাংখ্রে। প্রধান মন্ত্রীনা মন্দির দর্শন তৌখি অমসুং পরিক্রমা পাঙথোকখি অমসুং নীমগী চরা অমা থাখি। মহাক্না  য়গ্যশালাদা হৌজিক চত্থরিবা বিষ্ণু মহায়গ্যদা পুর্নাহুতিসু পাঙথোকখি। ভগৱান শ্রী দেবনারায়নজী অসি রাজস্থানগী মীয়াম্না থৌনি অমসুং মহাক্কী তুংইল্লিবশিং অসি লৈবাক শিনবা থুংবদা লৈ। মহাক অসি মীয়ামগী শেবা তৌবগীদমক অখন্ননা ইকাই খুম্নৈ।

থৌরম অদুদা ৱা ঙাংলদুনা প্রধান মন্ত্রীনা য়াইফরবা থৌরম অসিদা শরুক য়াবগী খুদোংচাবা ফংবদা নুংঙাইবা পোকই। প্রধান মন্ত্রীনা হায়খি মহাক্না মফম অসিদা প্রধান মন্ত্রী ওইনা নত্তে ভগৱান শ্রী দেবনারায়নজীগী থৌজাল ফংনবা হোৎনরিবা তীর্থ য়াত্রা চৎপা মীশক অমা ওইনা লাকখিবনি। মহাক্না  য়গ্যশালাদা হৌজিক চত্থরিবা বিষ্ণু মহায়জ্ঞদা ‘পুর্নাহুতি’ পাঙথোকপা ফংজবদা তৌবীমক খঙবসু উৎখি। প্রধান মন্ত্রীনা হায়খি, “দেবনারায়নজী অমসুং ‘জনতা জনার্দন’ অনিমক্কী ‘দর্শন’ ফংজবদা নুংঙাইবা ফাওই। প্রধান মন্ত্রীনা মখা তারদুনা হায়, “মফম অসিদা লাকপা তীর্থ য়াত্রা চৎপা খুদিংমক্কুম্না  ঐহাক্না লৈবাক অসিবু লেপ্পা লৈতনা চাউখৎনবা অমসুং লায়রবগী য়াইফনবা ভগৱান শ্রী দেবনারায়নজীদগী থৌজালশিং নীজরি”।

ভগৱান শ্রী দেবনারায়নজীগী ১১১১শুবা ‘অবতরন মহোৎসব’ অসি মরু ওইবা থৌরমনি হায়রদুনা প্রধান মন্ত্রীনা হৌখিবা চয়োল অসিদা মফম অসিদা পাঙথোকখিবা কলচরেল প্রোগ্রামশিং অমসুং গুজরাতকী ফুরুপনা থৱায় য়াওনা শরুক য়ারিবা অসি শীংথাখি। মহাক্না ফুরুপ অসিগী মীওই খুদিংমক্না হোৎনখিবা অদুবু থাগৎলদুনা থৌরম অসিদা মখোয়দা নুংঙাইবা ফোঙদোকখি।

ভারতকী ৱাখল তাবগী লেপ্পা লৈতনা য়েলহৌঙৈদগী চেল্লিবা ইচেলগী মতাংদা প্রধান মন্ত্রীনা হায় ভারত অসি শুপ্নগী লম খক্তা নত্তে মসি সভ্যতা, নাৎ, ইংচিকপা অমসুং ওইথোকপা য়াবশিংগী শকলোন অমনি। মহাক্না অতোপ্পা সভ্যতা কয়ানা হোংলক্লিবা মতম অসিগা লোয়ননা চৎপা ঙমখিদে অমসুং মাংখি অদুবু ভারতকী সভ্যতাদি মপাঙ্গল কল্লি হায়না ফোঙদোকখি। ভারতকী লমদা, নাৎতা, খুন্নাইদা অমসুং ৱাখল্লোনদা য়ুম্ফম ওইরগা থুংগাইনবা কয়া অমা হোৎনরবসু শক্তি অমত্তনা ভারত মুৎথৎপা ঙমখিদে হায়না শ্রী মোদীনা ফোঙদোকখি।

প্রধান মন্ত্রীনা জাতিগী মুৎনাইদ্রবা মশক অদুবু ঙাক্তুনা থম্লিবা ভারতকী খুন্নাইগী মপাঙ্গল অমদি ইথিলপু থাগৎলদুনা মহাক্না হায়খি “ঙসিগী ভারতনা হেন্না চাউখৎপা তুংলমচৎ অমগীদমক য়ুম্ফম থোল্লি”। ভারতকী চহি লিশীং কয়া শুরবা খোঙচৎতা খুন্নাইগী শক্তিনা শরুক তমখিবশিং অদুগী মতাংদা পল্লদুনা প্রধান মন্ত্রীনা পুৱারীগী তাঙ্কক খুদিংমক্তা খুন্নাইদগী শক্তি হৌরকখি অমসুং মীপুম খুদিংমক্কীদমক লমজিং মৈরা ওইরি হায়না ফোঙদোকখি।

প্রধান মন্ত্রীনা হায়খি ভগৱান শ্রী দেবনারায়ন্না মতম চুপ্পদা শেবা তৌবা অমসুং মীওইবগী য়াইফনবা খনবনা অথোইবনি হায়না লৌদুনা লাকখি। প্রধান মন্ত্রীনা শ্রী দেবনারায়ন্না মীয়ামগী য়াইফনবা কত্থোকখিবা অমসুং মীওইবা খুন্নাইগীদমক মহাক্না শেবা তৌবগী অপাম্বা অদু নীংশিংখি। প্রধান মন্ত্রীনা হায়, “ভগৱান দেবনারায়ন্না উৎখিবা লম্বেল অসি ‘সবকা সাথ’কী খুত্থাংদা ‘সবকা বিকাস’নি অমসুং লৈবাক অসিনা ঙসি চপ মান্নবা লম্বী তুংইল্লি”। হৌখিবা চহি ৮-৯ অসিদা লৈবাক অসিনা শোত্থনা অমদি খুদোংচাবা ফংনা লৈরকপা কাংলুপ খুদিংমক শক্তি পীনবা হোৎনরি। ঐখোয়না ‘শোত্থরবশিংদা খুদোংচাবা পীবা’ হায়বা মন্ত্রগা লোয়ননা মাংদা চংশিল্লি হায়না প্রধান মন্ত্রীনা ফোঙদোকখি।

প্রধান মন্ত্রীনা লায়রবগীদমক রাসন ফংবা ফংদবা অমসুং ক্বালিতীগী মরমদা তম্বা ঙমদবা ফীভম অমদা লৈরম্বা মতম অদু নীংশিংখি। মহাক্না হায়, ঙসি বেনিফিসরী খুদিংমক্না রাসন মপুং ফানা অমসুং লেম্না ফংলি। আয়ুশ্মান ভারত স্কিম্না অনা লায়েংগী মরমদা অৱাবা কোকহনখি। মহাক্না হায়, “ঐখোয়না হাউসিং, তোইলেৎ, গ্যাস কন্নেক্সন অমসুং ইলেক্ত্রিসিতীগী মরমদা লায়রবা খুন্নাইগী সমস্যা কোকহল্লি”। চহি খরা অসিদা পুরকখিবা ফাইনান্সিএল ইনক্লুজনগী মতাংদা পল্লদুনা প্রধান মন্ত্রীনা হায় মদুদি মীপুম খুদিংমক্কীদমক বেঙ্কশিংগী থোংশিং হাংদুনা থমখি।

প্রধান মন্ত্রীনা হায় রাজস্থানগুম্না ঈশিংগী মমল কনাগুম্বা অমত্তনা খঙলমলোই। মহাক্না নীংতম্বা ফংখিবগী দিকেদ কয়াগী মতুংদা ফাওবা ইমুং করোর ৩ খক্তনা মখোয়গী য়ুমশিংদা তোতি ঈশিংগী কন্নেক্সনশিং ফংখি অমসুং ইমুং করোর ১৬ হেনবনা নুমিৎ খুদিংগী ঈশিংগী অৱাবা মায়োক্নখি। হৌখিবা চহি অহুম মখাই অসিদা কেন্দ্র সরকারনা লৌখৎখিবা খোঙথাংশিংগা লোয়ননা হৌজিক ফাওবদা ইমুং করোর ১১ হেনবদা তোতি ঈশিংগী কন্নেক্সন পীবা ঙম্লে হায়না প্রধান মন্ত্রীনা ফোঙদোকখি। মহাক্না লৌবুকশিংদা ঈশিংগী সপ্লাই য়ৌহন্নবা লৈবাক অসিদা পাইখৎলিবা হোলিস্তিক ওইবা থবক্কী মতাংদসু পনখি। রাজস্থানগী লৌমীশিংগী বেঙ্ক একাউন্তশংদা হকথেংননা লুপা করোর ১৫০০০ ত্রান্সফর তৌখিবা পি.এম. কিসান সম্মান নিধি স্কিমগী মধাংদা পল্লদুনা প্রধান মন্ত্রীনা হায়, “ইথৈ লৌখোংগীদমক অরিবা পাম্বীশিং ফগৎহনবা নত্ত্রগা অনৌবা তেক্নোলোজীশিং শীজিন্নবা ওইরবসু খোঙথাং খুদিংমক্তা লৌমীশিংবু শৌগৎখি”।

 ‘গাও শেবা’বু খুন্নাইগী শেবা তৌবা অমসুং খুন্নাইদা শক্তি পীনবা পাম্বৈ ওইহন্নবা ভগৱান দেবনারায়নগী কেম্পেনগী মতাংদা পল্লদুনা প্রধান মন্ত্রীনা লৈবাক অসিদা গাও শেবা তৌবগী ৱাখল্লোন হেনগৎলক্লিবা অসিগী মাংদা ফোঙদোকখি। মহাক্না হায় ফুত এন্দ মাউথ দিজিজকীদমক লৈবাক শিনবা থুংবদা তীকা থাবগী কেম্পেন চত্থরি, রাস্ত্রিয় কামধেনু আয়োগ অমসুং রাস্ত্রিয় গোকুল মিসন হৌদোকখি। “ঐখোয়গী ধর্ম অমসুং চৎনবীগী মরু ওইবা শরুক ওইবগী মথক্তা ‘পশু ধান’ (শা-শন) অসিনা ঐখোয়গী খুঙ্গংগী শেন্মীৎলোনগী মরু ওইবা শরুকশিং ওইরি মরম অসিনা অহানবা ওইনা এনিমেল হসবেন্দরী সেগমেন্ত অমসুং শা-শন লোইবশিংদা কিসান ক্রেদিত কার্দ পীখি” হায়না প্রধান মন্ত্রীনা ফোঙদোকখি। মতৌ অসুম্না গোবর্ধন স্কিমনা ৱেস্ত তু ৱেল্থ ওন্থোক্লি।

মমাং চহিগী নীংতম নুমিৎতা  জাতিদা ৱা ঙাংবদা থমখিবা পঞ্চ প্রনশিং অদু নীংশিংলদুনা প্রধান মন্ত্রীনা ঐখোয়গী ইশাগী হেরিতেজতা চাউথোকচবা পোকপা, মীখা পোনবগী ৱাখল্লোন থাদোকপা, জাতিগীদমক ঐখোয়গী থৌদাংশিং খঙনা চৎপা, নীংতম লান্মীশিংনা থৱায় থাখিবা অদুবু নীংশিংবা অমসুং ঐখোয়গী ইপা-ইপুনা তাকপীরম্বা লম্বীদা চৎপা অদু নৌহৌনা ফোঙদোকখি। মহাক্না রাজস্থান অসি শেমগৎপা অমদি হরাও-তয়াম্বগী নুংঙাইবা অদু উবা ফংলিবা, কনাগুম্বনা থবক শুবদা মীনুংশি উবা ফংলিবা, থৌনা ফবা অসি ইমুং খুদিংমক্কী হৌনবী ওইরিবা হেরিতেজকী লমদম অমনি অমসুং মচু অমদি রাগাশিংগা পাংখক ওইবা লমদমনি হায়না ফোঙদোকখি।

শ্রী মোদীনা তেজাজীদগী পাবুজী, গোগাজীদগী রামদেবজী, বপ্পা রাৱলদগী মহারানা প্রতাও অসিগুম্বা মশক নাইবা মীওইশিংনা চাউনা শরুক তমখিবা অদু নীংশিংখি অমসুং লমদম অসিদগী অথোইবা মীওইশিং, লুচিংবশিং অমসুং লমদম অসিগী ঈশ্বরশিংনা লৈবাক অসিবু মতম চুপ্পদা লমজিংদুনা লাকখি। প্রধান মন্ত্রীনা থৌনা অমদি লৈবাকনীংবগী মগুন অদু মতম চুপ্পদা তাক্লিবা গুরজার ফুরুপনা শরুক তমখিবা অদু পনখি। “জাতিগী ঙাকশেল নত্ত্রগা নাৎ ঙাকশেনবা ওইরবসু গুরজর ফুরুপনা  ইথিল পীনীংঙাই ওইরবা বিজোলিয়া কিসন ইহৌবু লমজিংখিবা বিজয় সিংহ পাথিক হায়না খঙনবা ক্রান্তিবীর ভুপ সিংহ গুরজতগী খুদমশিং পীখি। শ্রী মোদীনা কোতৱাল ধন সিংহজী অমসুং জোগরাজ সিংহনা শরুক তমখিবা অদুসু নীংশিংখি। মহাক্না গুরজর নুপীশিংগী থৌনা অমদি মখোয়না শরুক তমখিবা অদুসু পাউদমখি অমদি রামপ্যারি গুরজর অমসুং পন্না ধাইদা ইকাই খুম্নবা উৎখি। “মসিগী চৎনবী অসি ঙসিসু  মখা চত্থরি। অসিগুম্বা মশীং লাকঙমদ্রবা লান্মীশিং অসিনা ঐখোয়গী পুৱারীদা মখোয়গী ফংফম থোকপা মফম ফংদবা অসি লৈবাক্কী লাইবকথিবনি। অদুবু অনৌবা ভারতনা দিকেদ কয়াগী অশোইবশিং অসি শেমদোক্লি”।

প্রধান মন্ত্রীনা গুরজর ফুরুপকী অনৌবা মীরোলশিংনা ভগৱান দেবনারায়নজীগী পাউজেল অমদি মহাক্না তাকপীরম্বশিং অদু মাংদা পুখৎপদা মরু ওইবা থৌদাং লৈ হায়না ফোঙদোকখি। মহাক্না হায়খি মদুদি মসিনা গুরজর ফুরুপপু শক্তি পীগনি লোয়ননা মসিনা লৈবাক অসিবু মাংদা পুখৎপদা মতেং পাংগনি। রাজস্থানগী চাউখৎ খোঙচৎতা ২১শুবা চহিগী মতম অসি মরু ওই হায়রদুনা প্রধান মন্ত্রীনা লৈবাক্কী চাউখৎ থৌরাংগীদমক পুনশিনবা অমসুং পুন্না থবক তৌবা মথৌ তাই হায়খি। প্রধান মন্ত্রীনা হায়, “ঙসি মালেম পুম্বনা ভারতনা চাউনা থাজবা থম্মি”। মহাক্না মখা তারদুনা হায় মদুদি লান্মীশিংগী লমদম অসিগী চাউথোকচবা অসি ভারতনা মালেম পুম্বদা মাগী শক্তি উৎপগা লোয়ননা হেনগৎলকখি। প্রধান মন্ত্রীনা ভগৱান দেবনারায়নজীগী থৌজালশিংনা মাইপাকহনবা অমসুং সবকা প্রয়াসতা থাজবা থম্মি হায়না ফোঙদোক্লদুনা হায়, “ঙসি ভারতনা অকিবা অমত্তা পোক্তনা থাজবগা লোয়ননা মালেমগী মরু ওইবা ফম্পাকশিংদা ৱা ঙাংলি অমরোমদা অতোপ্পা লৈবাকশিংদা মীপাল তাংবসু হন্থহল্লি। ঐখোয়না ঐখোয়গী ফিরেপশিং অদুবু থবক ওইনা উৎতুনা মালেমগী অনীংবা অপাম্বশিং থুংহন্নবা হোৎনরি”।

লোইশিনবদা প্রধান মন্ত্রীনা থম্বালদা ফম্লিবা ভগৱান দেবনারায়নগী চহি ১১১১শুরকপা অসিগা ভারতনা জি-২০গী প্রসিদেন্সী পাইরিবা অসিগী লোগোনা থম্বালদা পৃথিবী পুবা উৎলি। কত্থোকপগী খুন্নাইদা লৈরিবা ইনর্জী অমসুং এতমোস্ফিয়রদা ইকাই খুম্নবা উৎতুনা থৌরম অসি লোইশিনখি।

থৌরম অসিদা কলচরগী কেন্দ্রগী রাজ্য মন্ত্রী, শ্রী অর্জুন রাম মেঘৱাল, মালাসরি দুগ্রিগী হেদ প্রিস্ত, শ্রী হেমরাজজী গুরজর অমসুং মেম্বর ওফ পার্লিয়ামেন্ত, শ্রী সুভাস চন্দ্র বাহেরিয়ানা শরুক য়াখি।

भीलवाड़ा में भगवान श्री देवनारायण जी के 1111वें अवतरण महोत्सव समारोह में उपस्थित होना मेरे लिए सौभाग्य की बात है। https://t.co/4FZMOuoXWw

— Narendra Modi (@narendramodi) January 28, 2023

भगवान देवनारायण और जनता जनार्दन, दोनों के दर्शन करके मैं धन्य हो गया हूं: PM @narendramodi in Bhilwara, Rajasthan pic.twitter.com/UQRYUMc1DW

— PMO India (@PMOIndia) January 28, 2023

भारत सिर्फ एक भूभाग नहीं है, बल्कि हमारी सभ्यता की, संस्कृति की, सद्भावना की, संभावना की एक अभिव्यक्ति है। pic.twitter.com/6t9gDge8tv

— PMO India (@PMOIndia) January 28, 2023

भारत की हजारों वर्षों की यात्रा में समाजशक्ति की बहुत बड़ी भूमिका रही है। pic.twitter.com/FGUhCV9RpZ

— PMO India (@PMOIndia) January 28, 2023

बीते 8-9 वर्षों से देश समाज के हर उस वर्ग को सशक्त करने का प्रयास कर रहा है, जो उपेक्षित रहा है, वंचित रहा है। pic.twitter.com/fNAjuP7ZJZ

— PMO India (@PMOIndia) January 28, 2023

हम सभी अपनी विरासत पर गर्व करें, गुलामी की मानसिकता से बाहर निकलें और देश के लिए अपने कर्तव्यों को याद रखें। pic.twitter.com/FPWwXlRlts

— PMO India (@PMOIndia) January 28, 2023

आज पूरी दुनिया भारत की ओर बहुत उम्मीदों से देख रही है।

हमें अपने संकल्पों को सिद्ध कर दुनिया की उम्मीदों पर खरा उतरना है। pic.twitter.com/P8cez7pL0B

— PMO India (@PMOIndia) January 28, 2023

*****