ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা রাজস্থানগী নাথদ্বারাদা লুপা করোর ৫৫০০ হেনবগী ইনফ্রাস্ত্রকচর প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে। হায়রিবা প্রোজেকশিং অসিনা লমদম অসিদা ইনফ্রাস্ত্রকচর অমসুং লম্বী-থোং ফগৎহনগনি। লম্বী অমসুং রেল সেক্তরগী প্রোজেকশিংনা চৎথোক-চৎশিন অমসুং ললোন-ইতিক্কী থবকশিং ফগৎহনগনি অমসুং লমদম অসিগী মীয়ামগী শেন-থুম অমসুং খুন্নাইগী ফিবম ফগৎহনগনি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ভাগবান শ্রীনাথকী মেৱারগী লমদমদা লাকপা ফংবা অসিদা হরাওই। মসিগী মমাঙদা প্রধান মন্ত্রীনা নাথদ্বারাদা লৈবা শ্রীনাথজিগী লাইশঙদা দর্সন অমসুং পুজা পাংথোকখি অমসুং অজাদি কা অমৃত কালদা চাউখৎলবা ভারত অমা ওইনবা পান্দমশিং ফংনবা বর পীনবা থৌনিজখি।

প্রধান মন্ত্রীনা হায়খি ঙসি কৎথোক্লিবা অমসুং উরেপ-উয়ুং তম্লিবা প্রোজেকশিং অসিনা রাজস্থানগী চৎথোক-চৎশিন ফগৎলগনি। নেসনেল হায়ৱেগী উদয়পুরদগী সামলাজি সেক্সন লেন তরুক ওনখৎপা অসিনা উদয়পুর, দুঙ্গারপুর অমসুং বন্সৱারাদা কান্নবা ফংলগনি। নেসনেল হায়ৱে-২৫গী বিলারা-জোধপুর সেক্সন্না উদয়পুরদগী ঙমখৈগী শরুকশিং য়ৌবা লাইহল্লগনি। জয়পুরদ-জোধপুর মরক্কী চৎথোক-চৎশিনগী মতম পুং ৩দা হন্থরগনি অমসুং কুম্ভালগর অমসুং হালদি ঘাতিগুম্বা ৱার্ল্দ হেরিতেচ সাইতশিংদা লাইনা য়ৌহনবা ঙম্লগনি। শ্রীনাথদ্বারাদগী অনৌবা রেলৱে লাইন্না মেৱার অমসুং মারৱার শম্নরগনি অমসুং মার্বল, গ্রেনাইত অমসুং মাইনিং উদোগশিংদা মতেং ওইরগনি।

প্রধান মন্ত্রীনা মখা তানা হায়খি রাজ্য চাউখৎহনবগা লোয়ন্না লৈবাক অসি চাউখৎনবা লাইৱাদা ভারত সরকারনা থাজবা থম্লি। ভারতকী অচৌবা রাজ্যশিংগী মনুংদা রাজস্থান অমনি। রাজ্য অসিনা ভারতকী ওইনা থৌনা, হেরিতেচ অমসুং কলচরদা মাঙজিল থারি। ভারত চাউখৎপগী খোঙজেলগা রাজস্থান চাউখৎপগা হকথেংন্না মরী লৈনৈ। রাজ্য অসিদা অনৌবা ইনফ্রাস্ত্রচর শেমগৎনবা কেন্দ্র সরকারনা মীৎয়েং চঙলি। রেলৱেজশিং অমসুং লম্বীশিং খক্তনা অনৌবা ইনফ্রাস্ত্রকচর নত্তে, অদুবু মসিনা খুঙ্গংশিং অমসুং সহরশিংগী মরক্তা চৎথোক-চৎশিনগী খুদোংচাবা হেনগৎহল্লি অমসুং খুদোংচাবশিং ফংবা হেনগৎহল্লি অমসুং মীয়ামগা শম্নহল্লি, দিজিতেলগী শম্নবা হেনগৎহন্দুনা মীয়ামগী পুন্সি হিংবদা লাইহল্লি। অনৌবা ইনফ্রাস্ত্রকচরনা লমদম অমগী হেরিতেচ য়োকখৎপা খক নত্তনা চাউখৎপদা ইনোৎ পীরি।

প্রধান মন্ত্রীনা হায়খি মথং চহি ২৫দা চাউখৎলবা ভারত অমা শেমগৎনবা ৱাশক্কী তুংদা অনৌবা ইনফ্রস্ত্রকচর শেমগৎপনা থৌনা অমা ওইরক্লি। ইনফ্রাস্ত্রকচরগী সেক্তরশিং হায়বদি রেলৱেজ, এয়রৱেজ অমসুং হায়ৱেজশিংদা কেন্দ্র সরকারনা লুপা করোর লিশিং কয়া থাদরি। চহি অসিগী বজেত্তা ইনফ্রাস্ত্রকচরগী লুপা করোর লাখ ১০ খাক্তুনা থম্লে। হায়রিবা প্রোজেকশিং অসিনা লমদম অসিগী চাউখৎ-থৌরাং অমসুং থবক ফংবগী খুদোংচাবশিংদা হকথেংন্না কান্নবা পীরগনি। কেন্দ্র সরকারগী হায়রিবা স্কিমশিং অসিনা শেন্মিৎলোন্দা অনৌবা ইনোৎ অমা পীরগনি।  

প্রধান মন্ত্রীনা হায়খি তঙাইফদবা খুদোংচাবশিং ফংহনবগা লোয়ন্না অনৌবা ইনফ্রাস্ত্রকচর শেমগৎপা অসি য়াম্না মরুওই। ভোৎ ফংবা রাজনিতি তৌবা অসিনা লৈবাক অসিগী তুংগী থৌরাং তৌবা ঙমহন্দে। লন-থুম মচা খর লেপশিন্নবা ঙাইহাক্তংগী ওইবা ৱাখল অসিনা লৈবাক অসিগী ইনফ্রাস্ত্রকচর শেমগৎপদা মীরাইদুনা লৈবাক অসিদা য়াম্না চাউনা মাঙজবা ওইহল্লি।

শ্রী মোদীনা মখা তানা হায়খি লৈবাক অসিদা ইনফ্রাস্ত্রচর শেমগৎনবা তুংগী মীৎয়েং শানবা ৱাৎপদগী রাজস্থান্না খুদোংচাদবা মায়োক্নরি। মীয়াম্না মফম অমদগী মফম অমদা চৎপদা খুদোংচাদবা থেংনবা খক নত্তনা লৌউ-শিংউ, ললোন-ইতিক অমসুং উদোগকী লমদসু অৱাবা থেংনরি। প্রধান মন্ত্রী অতল বিহারি বাজপায়গী মতমদা ২০০০দা হৌদোকখিবা প্রধান মন্ত্রী গ্রামিন সরক য়োজননা ২০১৪ ফাওবদা কিলোমিতর লাখ ৩.৮০ শাংবা খুঙ্গংগী লম্বীশিং শেমখ্রে, অদুগা হৌখিবা চহি ৯দা হৌজিক পাল্লিবা সরকার অসিনা কিলোমিতর লাখ ৩.৫০গী লম্বী শেমখ্রে। মসিগী মনুংদা রাজস্থানগী খুঙ্গংশিংগী কিলোমিতর লিশিং ৭০গী লম্বীশিং শেমখ্রে। হৌজিক লৈবাক অসিগী খুঙ্গংশিংগী লম্বী অয়াম্বা কোইলা থারবা লম্বীশিং ওইরে।

প্রধান মন্ত্রীনা হায়খি ভারত সরকারনা খুঙ্গংশিংগী লম্বী শেম্বগা লোয়ন্না অনৌবা হায়ৱেজশিংনা সহরশিং শম্নহল্লে। ২০১৪ মমাঙগী মতমগা চাংদম্নবদা শরুক অনি য়াংনা নেসনেল হায়ৱেজশিং শেমগৎলি। হন্দক দৌসাদা দিল্লি-মুম্বাই এক্সপ্রেসৱেগী শরুক অমা মীয়ামদা কৎথোকখ্রে। ঙসিগী ভারত অসি চাউখৎপা পাম্লবা খুন্নাই অমা ওইরে। মতম ইচঙ চঙদনা খুদোংচাবা হেন্না ফংবা মীয়াম্না পাম্লে। ভারতকী মীয়াম অমসুং রাজস্থানগী মীয়ামগী অনিংবশিং থুংহনবা হায়বসি ঐখোয়গী থৌদাংনি।

প্রধান মন্ত্রীনা হায়খি মীচম মীয়ামগী পুন্সিদা রেলৱে লাইন অসি য়াম্না মরুওই। অনৌবা ত্রেনশিং, রেলৱে স্তেসনশিং অমসুং ত্রেকশিং শেমগৎতুনা রেলৱে মতমগা চুনবা মওংদা শেমগৎনবা থৌরাং তৌরি। রাজস্থানগী অহানবা বন্দে ভারত লৈরে। মাবলি মারৱার সেক্সন গেজ ওন্থোক্লে অমসুং অহমেদবাদ অমসুং উদয়পুর রুত ব্রোদ গেজ ওন্থোকপগী থবক লোইরে।

প্রধান মন্ত্রীনা হায়খি মী থমদবা গেতশিং লৌথোকখ্রবা মতুংদা লৈবাক অসিদা রেল নেতৱার্ক খুদিংমক ইলেক্ত্রিক ফংহন্নবা সরকারনা মীৎয়েং চঙলে। উদয়পুর রেলৱে স্তেসন শেমগৎলিবা অসিগা মান্নবা ফিবমদা লৈবাক অসিগী রেলৱে স্তেসন চা কয়া মতমগা চুনবা মওংদা শেমগৎলি। অখন্নবা ফ্রেদ কোরিদোর অমা শেমগৎলে। ২০১৪গা চাংদম্নবদা রাজস্থানগী রেলৱেগী বজেত শরুক ১৪ হেনগৎলে। রাজস্থানগী রেলৱে নেতৱার্ককী চাদা ৭৫ ইলেক্ত্রিক ফংহনখ্রে।রাজস্থান অসি চাদা ১০০ রেল ইলেক্ত্রিক ফংলবা রাজ্যশিংগী মনুংদা অমা ওইগদবা নুমিৎ অদু কুইদ্রে।

প্রধান মন্ত্রীনা হায়খি ঙরাং মহারানা প্রতাপকী মপোক নুমিত্তা লৈবাক অসিনা মহাক্কী মফমদা ইকায়খুম্না উৎখ্রে। লৈবাক অসিগী হেরিতেচ ঙাক-শেন্নবা তোঙান-তোঙানবা সর্কুইতশিংদা সরকারনা থবক পায়খৎলি। ভাগবান কৃষ্ণগা মরী লৈনবা লাইফমশিং শম্নরে। গোবিন্দ দেব জি, খাতুম শ্যাম জি অমসুং শ্রী নাথ জি ইরাই লাইনা খুরুম্বা য়ানবা রাজস্থান্দা কৃষ্ণ সর্কুইত শেমগৎলে। সেবাগী ৱাখল্লোন অমগা লোয়ন্না সরকারনা থবক তৌরি অমসুং মসি ভক্তি ভাব অমা ওইনা লৌরি। জন্তা জনর্দানগীদমক হিংবদা লাইহনবা হায়বসি ঐখোয়গী সরকারগী পান্দম্নি।

থৌরম অদুদা শরুক য়াখিবশিংগী মনুংদা রাজস্থানগী রাজ্যপাল শ্রী কালরাজ মিশ্রা, রাজস্থানগী চীফ মিনিস্তর শ্রী অশোক গেহলোত, রাজস্থান সরকারগী মিনিস্তরশিং অমসুং এম.পিশিং য়াওখি।

নুঙগীৱারোল

প্রধান মন্ত্রীনা রাজসামান্দ অমসুং উদয়পুরদা লেন অনিদা ওনখৎনবা লম্বী শেম্বগী প্রোজেকশিং উরেপ-ঊয়ুং তমখ্রে। উদয়পুর রেলৱে স্তেসন অমুক হন্না শেমগৎনবা প্রধান মন্ত্রীনা উরেপ-উয়ুং তমখি। মহাক্না গেজ ওনখৎপগী প্রোজেক অমসুং নাথদ্বারাদগী নাথদ্বারাদা তাউন ফাওবা অনৌবা লাইন অমা শেমগৎনবা উরেপ-উয়ুং তমখি। 

মখা তানা প্রধান মন্ত্রীনা, এন.ঐচ-৪৮গী উদয়পুর-সামালাজি সেক্সনগী কিলোমিতর ১১৪ শাংবা লেন তরুক, এন-ঐচ-২৫গী বার-বিলারা-জোধপুরগী কিলোমিতর ১১০ শাংবা শরুক পাকথোকপা অমসুং  লেন ৪দা ওনখৎপগী থবকশিং মীয়ামদা কৎথোক্কনি। 

মখা তানা প্রধান মন্ত্রীনা, এন.ঐচ-৪৮গী উদয়পুর-সামালাজি সেক্সনগী কিলোমিতর ১১৪ শাংবা লেন তরুক, এন-ঐচ-২৫গী বার-বিলারা-জোধপুরগী কিলোমিতর ১১০ শাংবা শরুক পাকথোকপা অমসুং লেন ৪দা ওনখৎপগী থবকশিং অমসুং এন.ঐচ-৫৮ইগী কিলোমিতর ৪৭ পেপ সোলচরগা লোয়ন্না লেন অনি ওন্থোকপগী থবক মীয়ামদা কৎথোকখি।

*****