ভারতকী প্রধানমন্ত্রী
ঙসি প্রধান মন্ত্রী শ্রী নরেন্দ্র মোদীনা য়ু.এস সেক্রেতরি ওফ স্তেৎ এন্থোনি ব্লিনকেন অমসুং সেক্রেতরি ফো স্তেৎ লোইদ অস্তিন উনখ্রে।
“2+2” ফোর্মেত্তা ভারতকী দিফেন্স মিনিস্তর শ্রী রাজনাথ সিংহ অমসুং এক্সতর্নেল এফেয়ার্স মিনিস্তর দোক্তর এস জয়সঙ্করগা মখোয়না ৱা খন্নখিবগী মতাংদা সেক্রেতরি অনিনা প্রধান মন্ত্রীদা পাউদমখি।
জুন ২০২৩দা প্রধান মন্ত্রীগী য়ু.এস খোঙচৎ অমসুং নিউ দিল্লিদা জি-২০ মীফমগী নাকলদা লুচিংবা অনি উনখিবগী মখা তারকপদা দিফেন্স, সেমিকন্দক্তর, অনৌবা তেক্নোলোজি, স্পেস, হকশেল য়াওনা তোঙান-তোঙানবা হিরমশিংদা নাকল অনি মতেং পীনবা খুমাংচাউশিনবগী মতাংদা মখোয়না ফোঙদোকখি।
গনতন্ত্র, পুরেলিজম অমসুং আইনগী চৎন-কাংলোনশিং ইকায়খুম্নবদা য়ুম্ফম ওইবা ভারত অমসুং য়ু.এসকী কমপ্রেহেন্সিপ গ্লোবেল স্ত্রাতেজিক পার্তনরশিপ অমসুং হিরম কয়াদা মতেং পীনবা হেনগৎলকপদা মখোয়না অপেনবা ফোঙদোকখি।
মখোয়না ৱেস্ত এসিয়া য়াওনা লমদম-লমদমগী অমসুং মালেমগী ওইবা নাকল অনিমক্না দরকার ওইবা তোঙান-তোঙানবা ৱাফমশিং খন্নখি। হায়রিবা ৱাফমশিং অসিদা ভারত অমসুং য়ু.এসকী মরক্তা মখা তানা মতেং পীনবগী দরকার ওইবা অদু মখোয়না খন্নখি।
প্রধান মন্ত্রীনা রাস্ত্রপতি বাইদেন্দা য়াইফ-পাউজেল পীখি অমসুং মখা তানা রাস্ত্রপতি বাইদেনগা পাউ ফাউন্নবা প্রধান মন্ত্রীনা থাজবা ফোঙদোকখি।
*****
Glad to receive @SecBlinken and @SecDef. The “2+2” Format is a key enabler for further strengthening the India-US Comprehensive Global Strategic Partnership. Our shared belief in democracy, pluralism and the rule of law underpins our mutually beneficial cooperation in diverse… pic.twitter.com/IGku8yJJsj
— Narendra Modi (@narendramodi) November 10, 2023
