ভারতকী প্রধানমন্ত্রী

নমস্কার!

আর.বি.আই. গবর্নর শ্রীমান শক্তিকান্ত দাসজী, কৃস গোপালকৃষ্ণনজী, মেম্বর্স ওফ রেগ্যুলেতর, ফাইনান্স ইন্দস্ত্রীগী মকোক থোংবশিং, ফিন্তেক অমদি স্তার্তঅপ মালেমগী ঐহাক্কী মরুপশিং, অতোপ্পা মীথুংলেনশিং অমদি ইবেম্মা অমসুং ইবুংঙোশিং!

হৌজিক অসিদি ভারতকী কুহ্মৈশিংগী মতমনি, হৌজিক-হৌজিক ঐখোয়না জন্মস্থমী পাংথোকখ্রে। ঐখোয়গী শেন্মিৎলোন অমসুং ঐখোয়গী কৈথেলদা হরাও তয়াম্বগী ফিভম অমা উবা ফংলে। মসিগুম্বা কুহ্মৈগী ইথিল মরকসিদা গ্লোবেল ফিন্তেক ফেস্তিবেল অসি পাংথোক্লি। মদুসু মঙলানগী শহর মুম্বাইদনি। ঐহাক্না লৈবাক অসিগী অমসুং মালেমগী মফম কয়াদগী লাকপা মীথুংলেন পুম্নমকপু থাগৎচরি। মফম অসিদগী লাকপদা ঐহাক্না তোঙান তোঙানবা একজিবিসন কয়া য়েংদুনা লাক্লি। ঐখোয়গী নহারোলশিংগী ইন্নোবেসন অমসুং তুংলমচৎকী ওইথোকপা য়াবশিংগী অপুনবা অনৌবা মালেম অমা উবা ফংলি। ঐনা অদোমগী থবকশিংগীদমক্তা ৱাহৈ হোংদোকচগে। অনৌবা মালেম অমা উবা ফংলে। ঐহাক্না ফেস্তিবেল অসিবু শিন-লাঙলিবা পুম্নমকপু হন্না-হন্না থাগৎচরি।

মরুপশিং,

মফম অসিদা মপান লৈবাক্তগী লাকপা মশিং য়াম্লবা ঐখোয়গী মীথুংলেনশিংসু লাক্লি। মতম অমদা, মীওই কয়ানা ভারত্তা লাকপা মতমদা, ঐখোয়গী চৎনবীগী মখল-মখা কয়া অসি য়েংবদা মখোয়না য়াম্না পুক্নিং চিংশিন্দুনা লৈরম্মি। হৌজিক মীওইশিংনা ভারত্তা লাকপা মতমদা, ঐখোয়গী ফিন্তেক দাইবর্সিতী অসি উবদা মখোয়সু য়াম্না থাগৎলি। এয়রপোর্ত্তা হেক তাবদগী হৌরগা স্ত্রীত ফুদ অমসুং শোপ্পিং এক্সপরিয়েন্স ফাওবদা, ভারতকী ফিন্তেক্কী ইহৌ অসি মফম খুদিংদা উবা ফংলি। হৌখিবা চহি 10দা ফিন্তেক স্পেসতা দোল্লর বিল্লিয়ন 31 হেন্না ইনবেস্ত তৌখ্রে। চহি 10 অসিদা ঐখোয়গী ফিন্তেক স্তার্তঅপশিং অসি 500% হেনগৎলে। অহোঙবা মোবাইল ফোন, অহোঙবা দেতা অমসুং জিরো বেলেন্স জনধন বেঙ্ক একাউন্তশিংনা ভারত্তা অঙকপা থবক কয়া পাংথোকখ্রে। অদোম্না নীংশিংবা য়াই, মীওই খরনা মমাংদা, পার্লিয়ামেন্ততা লেপ্লগা অমসুং মখোয় মশানা মশাবু য়াম্না হৈ-শিংলবা মীওইনি হায়না খনবা মীওইশিংনা ৱাহং অসি হংলকই। সরস্বতীনা বুদ্ধি য়েন্থোকপা মতমদা, মখোয়না লম্বীদা হান্না লৈরম্মি। অমসুং করি হায়রম্মী? মহাক্না হায়রম্মী মদুদি ভারত্তা বেঙ্ক মশিং য়াম্না লৈতে, খুঙ্গং খুঙ্গংদা বেঙ্ক লৈতে। ইন্তরনেত লৈতে, ইলেক্ত্রিসিতী লৈতে, রিচার্জিং কদাইদা লৈগনি, ফিন্তেক রিভোলুসন করম্না ওইগনি? মসি ঐগুম্বা চা য়োনবা মীওইদা হংখি। অদুবু ঙসিদি ভারত্তা ব্রোদবেন্দ য়ুজর মিলিয়ন 60 হায়বদি করোর 6দগী করোর 94 ফাওবা হেনগৎখ্রে। ঙসিদি চহি 18গী মথক্তা লৈবা দিজিতেল আইদেন্তিতী, আধার কার্দ লৈতবা মীওই লৈত্রে। ঙসি মীওই করোর 53 হেন্না জনধন বেঙ্ক একাউন্ত লৈরে । মসিনা তাকপদি চহি 10গী মনুংদা ঐখোয়না য়ুরোপিয়ান য়ুনিয়ন পুম্বগী মান্নবা মীশিংবু বেঙ্কিং সিস্তেমগা শম্নহনখ্রে।

মরুপশিং,

জনধন-আধার-মোবাইলগী ত্রিনিতী অসিনা অতোপ্পা ত্রান্সফোর্মেসন অমগী পুক্নিং থৌগৎলি। কনাগুম্বা খরনা কেশ অসি নিংথৌনি হায়নৈ। ঙসিদি মালেমগী রিয়েল তাইম দিজিতেল ত্রাঞ্জেক্সনগী চাউরাক্না শরুক অহুমদি ভারত্তা পাংথোক্লি। ভারতকী য়ু.পি.আই. অসি মালেম পুম্বদা ফিন্তেককী অচৌবা খুদম অমা ওইরক্লি। ঙসিদি, খুঙ্গং ওইরো নত্রগা শহর ওইরো, অইংবা ওইরো নত্রগা অশাবা ওইরো, নোং তাবা ওইরো নত্রগা উন তাবা ওইরো, ভারত্তা বেকিং সর্ভিস অসি চয়োল 24, চয়োল তরেৎ, থা 12 চুপ্না চত্থরি। কোরোনাগী অসিগুম্বা অচৌবা অৱাবা তারবা মতমদসু ভারত অসি ঐখোয়গী বেঙ্কিং সর্বিস অসি খুদোংচাদবা অমত্তা লৈতনা চৎথরিবা মালেমগী লৈবাকশিংগী মরক্তা অমনি।

মরুপশিং,

ঙসিদগী নুমিৎ 2-3নিগী মমাংদা জনধন য়োজনাগী চহি 10 মপুং ফাখ্রে। জনধন য়োজনা অসি নুপীশিংদা শক্তি পীনবগী অচৌবা খুৎথাং অমা ওইরি। জনধন য়োজনাগী মখাদা নুপী করোর 290 হেন্না বেঙ্ক একাউন্ত হাংদুনা লৈরি। একাউন্তশিং অসিনা নুপীশিংদা সেভিংস অমসুং ইনভেস্তমেন্তকী অনৌবা খুদোংচাবশিং ফংহল্লি। জনধন একাউন্তশিং অসিগী ফিলোসোফিদা ঐখোয়না মাইক্রো ফাইনান্সকী খ্বাইদগী চাউবা স্কিম মুদ্রা হৌদোক্লে। স্কিম অসিনা হৌজিক ফাওবদা লুপা ত্রিলিয়ন 27 হেন্না ক্রেদিৎ পীখ্রে। স্কিম অসিগী বেনিফিসরীশিংগী চাদা 70দি নুপীশিংনি। জনধন একাউন্তশিংনা নুপীশিংগী সেল্ফ হেল্প গ্রুপশিংবুসু বেঙ্কিংগা শম্নহল্লে। মসিগী কান্নবা ঙসি লৈবাক অসিগী খুঙ্গংগী নুপী করোর 10 ফংলি। হায়বদি জনধন প্রোগ্রামনা নুপীশিংগী শেল-থুমগী মপাঙ্গল কনখৎহন্নবা মপাঙ্গল কনবা য়ুম্ফম অমা থম্লি।

মরুপশিং,

মালেম পুম্বগী ওইনা পেরেলেলেল ইকোনোমী অসি য়াম্না খন্ন-নৈনবা হীরম অমা ওইরি। ফিন্তেকনা পেরেলেলেল ইকোনোমীদা শাফু পীখ্রে অমসুং মসিগীদমক্তা অদোম্বু থাগৎফম থোক্লি। ঐখোয়না ভারত্তা দিজিতেল তেক্নোলোজীগী মতেংনা মতৌ করম্না ত্রান্সপরেন্সী পুরক্লিবনো হায়বদুসু অদোম্না উবা ফংলে। ঙসিদি সরকারগী স্কিম কয়াগী মখাদা দাইরেক্ত বেনিফিৎ ত্রান্সফর তৌরি। মসিনা সিস্তেমদগী লিক ওইবশিং থিংহল্লি। ঙসিদি মীওইশিংনা ফোর্মেল সিস্তেমগা শম্নবদা মখোয়গী কান্নবা উবা ফংলে।

মরুপশিং,

ভারত্তা ফিন্তেকনা ওইহল্লকপা অহোংবা অসি তেক্নোলোজী খক্তা নত্তে। মসিগী খুন্নাইগী ওইবা শাফু অসি য়াম্না পাক চাউই। মসিনা খুঙ্গং অমসুং সহরগী মরক্তা লৈরিবা খেন্নবা অদু কোকহনবদা মতেং পাংলি। ঐখোয়গী মফম অসিদা, বেঙ্ককী সর্ভিস লৌবদা পুং অমা চঙই। লৌমী অমগী, ঙামী অমগী, মিদ্দল ক্লাসকী ইমুং অমগী ওইনদি মসি য়াম্না চাওনা খুদোংচাদবা অমনি। ফিন্তেকনা শিংনবা অসি কোকহল্লে। করিগুম্বা মতমদা বেঙ্কশিং অসি বিল্দিং অমখক্তদা লৈরম্মি। ঙসিদি বেঙ্ক অসি ভারত মচা খুদিংগী মোবাইলদা লৈরে।

মরুপশিং,

ফিন্তেকনা ফাইনান্সিএল সর্ভিসকী দেমোক্রেসী শেমগৎপদসু অচৌবা থৌদাং লৌরি। লোন, ক্রেদিত কার্দ, ইনভেস্তমেন্ত, ইন্সুরেন্সগুম্বা পোত্থোকশিং অসি মীপুম খুদিংমক্কীদমক লায়না ফংহল্লে। ফিন্তেকনা এক্সেস তু ক্রেদিৎবু হেন্না লায়থোকহল্লে অমসুং মসিদা মীপুম খুদিংমক য়াওহল্লে। ঐনা খুদম অমা পীজরি। ভারত্তা লম্বীদা পোৎ য়োল্লিবশিংগী অরিবা চৎনবী অমা লৈ হায়বা অদোম্না খঙবীরবরা? অদুবু মখোয় অসি ফোর্মেল বেঙ্কিংগী মপান্দা লৈরম্মি। ফিন্তেকনা মসিগী ফিভম অসিসু ওন্থোকখ্রে। ঙসিদি মখোয়না পি.এম. স্বনিধি স্কিমদগী কোলেতরেল ফ্রী লোন লৌবা ঙম্লে। দিজিতেল ত্রাঞ্জেক্সন রেকোর্দকী মতুং ইন্না মখোয়গী বিজিনেস হেনগৎহন্নবা অতোপ্পা লোন ফংহল্লি। শেয়র অমসুং ম্যুচুএল ফন্দগুম্বা পোত্থোকশিংদা শেল থাদবা অসি অচৌবা শহরশিংদা খক্তদা ওইরম্মি। ঙসিদি, খুঙ্গং অমসুং শহরশিংদা ইনভেস্তমেন্তকী লম্বী অসি মশিং য়াম্লবা মীওইশিংনা থিজিল্লি। ঙসিদি মিনিৎ খরগী মনুংদা য়ুমদা লৈদুনা দিমেৎ একাউন্ত হাংদোকপা ঙম্লে, ইনভেস্তমেন্ত রিপোর্তশিং ওনলাইন্দা ফংলি। ঙসি ভারত মচা কয়ানা রিমোৎ হেল্থকেয়র সর্বিস লৌরি, দিজিতেল ওইনা, ওনলাইনদা মহৈ তম্বা ফংলি, লৌশিং তানবা ফংলি। মসি ফিনতেক য়াওদনা ওইথোক্লোই। হায়বদি, ভারতকী ফিন্তেক ক্ব্রান্তিনা পুন্সিগী মগুন, পুন্সিগী মগুন হেন্না ফগৎহনবদা অচৌবা থৌদাং লৌরি।

মরুপশিং,

ভারতকী ফিন্তেক্কী ইহৌগী মায় পাকপা অসি ইনোবেসন খক্তদা নত্তে, শিজিন্নবগী হীরমদশু ওইরি। ভারতকী মীয়াম্না, ফিন্তেক অসিনা লৌখৎলক্লিবা খোঙজেল অমসুং পাক-চাওবগী চাং অসি অতোপ্পা মফম অমত্তদা উবা ফংদে। মসিগী অচৌবা ক্রেদিৎ অসি ঐখোয়গী দিজিতেল পব্লিক ইনফ্রাস্ত্রকচর-দি.পি.আই. লৈবাক অসিদা তেক্নোলোজী অসিগী মতাংদা থাজবা পোকহন্নবা অঙকপা ইনোভেসনশিং পায়খৎলি। ক্যু.আর. কোদশিংগা লোয়ননা সাউন্দ বোক্সশিং শীজিন্নবা অসি অসিগুম্বা ইনোবেসন অমনি। ঐখোয়গী ফিন্তেক সেক্তরনা সরকারগী বেঙ্ক সখী প্রোগ্রামসু নৈনগদবনি। অমসুং ঐহাক্না ফিন্তেক য়াওবা নহাশিংদা হায়জনীংবদি বেঙ্ক সখী হায়বসি করিনো হায়বসিনি? ঐহাক জালগাওদা লাকখিবা নুমিৎ অমদা ঐহাক অসিগুম্বা ইচানুপীশিংগা উনখি। মখোয়না চাউথোকচবা ফাওদুনা হায়খি মদুদি মখোয়না নোংমদা লুপা করোর অমা অমসুং মঙাগী ললোন-ইতিক তৌই। মখোয় অসি খুঙ্গংগী নুপীনিকো। ঐখোয়গী ইচানুপীশিংনা খুঙ্গং খুঙ্গংশিংদা বেঙ্কিং, দিজিতেলগী মতাংদা খঙহনবা হেনগৎহনবদগী ফিন্তেক অসি অনৌবা কৈথেল অমা ওইরক্লি।

মরুপশিং,

21শুবা চহীচাগী মালেম অসি য়াম্না থুনা হোংলক্লি। করেন্সীদগী QR কোদ ফাওবগী খোঙচৎ অসিদা চহী কয়া চঙখি, অদুবু হৌজিক্তি ঐখোয়না নুমিৎ খুদিংগী অনৌবা ইনোবেসনশিং উবা ফংলি। বেঙ্কশিং দিজিতেল ওন্নরি অমসুং নিও-বেঙ্কিংগুম্বা ৱাখল্লোনশিং অসি ঐখোয়গী মাংদা লৈরে। দিজিতেল ত্বিন্সকুম্বা তেক্নোলোজীনা দেতাদা য়ুম্ফম ওইবা বেঙ্কিংবু মথংগী থাক্তা পুখৎলি। মসিনা রিস্ক মেনেজমেন্ত, ফ্রোদ দিতেক্সন অমসুং কস্তমর এক্সপরিয়েন্স, পুম্নমক হোংদোকপা ঙমগনি। ভারতনসু লেপ্পা লৈতনা অনৌবা ফিন্তেক প্রদক্তশিং হৌদোক্লিবা অসিদা ঐহাক নুংঙাইবা ফাওই। ঐখোয়না লোকেল ওইরবা, অদুবু মালেমগী ওইনা শীজিন্নবা য়াবা পোত্থোকশিং শেমগৎলি। ঙসি ও.এন.দি.সি. হায়বদি ওপন নেৎৱর্ক ফোর দিজিতেল কম্মর্সনা ওনলাইন শোপ্পিংবু ইনক্লুসিব ওইহল্লি। মসিনা অপীকপা ললোন-ইতিক, অপীকপা ইন্তরপ্রাইজশিংবু অচৌবা খুদোংচাবশিংগা শম্নহল্লি। একাউন্ত এগ্রিগেতরশিংনা মীয়াম অমসুং কম্পেনীশিংগী থবকশিং লায়থোকহন্নবগীদমক দেতা শীজিন্নরি। ত্রেদ প্লেৎফোর্মগী মতেংদগী অপীকপা ইন্সতিত্যুসনশিংগী লিক্বিদিতী অমসুং শেল থাদবগী ফিবম ফগৎলক্লি। ই-রুপি অসি দিজিতেল ভাউচর অমা ওইরে, মসি তোঙান তোঙানবা মওংদা শীজিন্নরি। ভারতকী পোত্থোকশিং অসি মালেমগী অতৈ লৈবাকশিংগীদমক্তসু য়াম্না কান্নৈ। অমসুং অসিগুম্বা ৱাখল্লোন অসিগা লোইননা ঐখোয়না জি-20 প্রসিদেন্সীগী মতমদা গ্লোবেল দিজিতেল পব্লিক ইনফ্রাস্ত্রকচর রিপোজিতরী শেম্নবা প্রোপোজেল থমখি, মসি জি-20 মেম্বরশিংনা থম্মোয় শেংনা য়াখি। ঐহাক্না এ.আই.বু লান্না শীজিন্নবগা মরী লৈননা অদোম্না খল্লিবা অদুসু খংই। মরম অদুনা, ভারতনা এ.আই.বু ইথিকেল ওইনা শিজিন্নবগীদমক গ্লোবেল ফ্রেমৱার্ক শেম্নবা হায়খ্রে।

মরুপশিং,

ফিন্তেক সেক্তরদা মতেং পাংনবা সরকারনা পোলিসী লেবেলদা দরকার ওইবা অহোংবা খুদিংমক পুরক্লি। হৌজিত্তি ঐখোয়না এঞ্জেল তেক্স লৌথোক্লে। শেমদোকখ্রেকো? ঐখোয়না লৈবাক অসিদা রিসর্চ অমসুং ইন্নোবেসনবু খুমাং চাউশিলহন্নবা লুপা করোর লাখ অমগী ফন্দ শেম্নবা লাউথোকখ্রে। ঐখোয়না দেতা প্রোতেক্সন আইন শেম্লে। ঐগী ঐখোয়গী রেগ্যুলেতরশিংদগীসু করিগুম্বা খরা পামজবা লৈ। সাইবর ফ্রোদ থিংনবা অমসুং দিজিতেল লিতরেসীগীদমক ঐখোয়না অচৌবা খোংথাংশিং লৌখৎকদবনি। সাইবর ফ্রোদনা স্তার্ত অপশিং, ফিন-তেকশিং চাউখৎহনবদা অথিংবা লৈহল্লোইদবনি হায়বা অসি খঙমিন্নবা অসিসু য়াম্না মরু ওই।

মরুপশিং,

ঙসিদি সস্তেনেবল ইকোনোমিক গ্রোথ অসি ভারতকী প্রাইওরিতি ওইরে। ঐখোয়না মপাঙ্গল কনবা, ত্রান্সপরেন্ত ওইবা, অমসুং ইফিসিএন্ত ওইবা সিস্তেমশিং শেমগৎলি। ঐখোয়না ফাইনান্সিএল মার্কেতশিং অসি এদভান্স তেক্নোলোজী রেগ্যুলেতরী ফ্রেমৱার্কশিংগা লোয়ননা মপাঙ্গল কনখৎহল্লি। ঐখোয়না গ্রীন ফাইনান্সকী খুত্থাংদা তুংকোইনা চৎনগদবা গ্রোথতা মতেং পাংলি। ঐখোয়না ফাইনান্সিএল ইনক্লুজনগী, ইনক্লুজনগী সেচুরেসনদা মরুওইবা পীরি। ভারতকী ফিন্তেক ইকোসিস্তেমনা ভারতকী মীয়ামদা মগুন লৈবা পুন্সি মহিং অমা পীনবগী মিসন অসিদা অচৌবা থৌদাং লৌগনি হায়না ঐহাক্না থাজবা থম্লি। ভারতকী ফিন্তেক ইকোসিস্তেম অসিনা মালেম পুম্বগী হিংবদা লাইবা হেনগৎহনগনি হায়না ঐনা থাজৈ। অমসুং ঐহাক্না ঐহাক্কী লৈবাক্কী নহাশিংগী হৈ-শিংবা অদুদা থাজবা থম্লি অমসুং ঐহাক্না হায়জরি, ঐখোয়গী খ্বাইদগী ফবা মতম অসি লাক্কদৌরি।

মসি অদোমগী 5শুবা থৌরমনি… মরম অদুনা ঐহাক্না 10শুবা মতমদশু লাক্কনি। অদোম্না মসি খল্লমগদৌবা নত্তেম ঙসিমকশু অদোম লাক্লিবা অসিনি। ঙসি ঐহাক্না অদোমগী স্তার্ত-অপ্স য়ুনিৎশিংগী মীওই খরগা উনখ্রে। অদুবু ঐহাক্না মীপুম খুদিংমক্তা হোমৱার্ক 10-10 পীদুনা লাক্লি, মরমদি মসি য়াম্না চাউবা অহোংবা পুরকপা লমনি হায়না ঐহাক্না খঙই, মরুপশিং। য়াম্না চাউবা রিভোলুসন অমা পাংথোক্লি অমসুং মসিগী মপাঙ্গল কনবা ফাউন্দেসন অমা ঐখোয়না মফম অসিদা উরি। অসিগুম্বা থাজবা অসিগা লোয়ননা, অদোম পুম্নমক্তা ঐহাক্কী য়াইফ-পাউজেল পীজরি! য়াম্না থাগৎচরি!

কৃষ্ণগোপালজীনা হায়বদগী ঐখোয়না ফোতো নমখি, অদুবু মসিগী কান্নবা করিনো খল্লমগনি, কান্নবদু ঐহাক হায়জগে। ঐদি এ.আই.গী মালেমগা মরী লৈনবা মীওই অমনি, অদোম্না নমো এপতা ফোতো দিভিজনদা চৎলবদি, মফম অদুদা অদোমগী সেল্ফি থম্লগনি অমসুং ঙসি মফম অমহেক্তদা অদোম্না ঐগা লোয়ননা উবা ফংলবদি অদোমগী ফোতো অদু ফংলগনি ।

থাগৎচরি!

***