ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি নই দিল্লীদা মীৎ উদ্রবশিংগী মতিক চারবা অনৌবা পরিংগী কোইনশিং রিলিজ তৌখ্রে। অনৌবা পরিংগী শরুক ওইনা লুপা ১, লুপা ২, লুপা ৫, লুপা ১০ অমসুং লুপা ২০গী কোইনশিং রিলিজ তৌখি।
কোইনশিং অসি ৭, লোক কল্যান মার্গতা পাংথোকখিবা থৌরম অমদা রিলিজ তৌখি, মফম অদুদা মীৎ উদ্রবা অঙাংশিংবু অখন্ননা বার্তন তৌখি। মখোয়বু হোস্ত তৌবগীদমক প্রধান মন্ত্রীনা নুংঙাইবা ফোংদোকখি অমদি মখোয়গা লোয়ননা উন্নদুনা ৱারী শানবগী খুদোংচাবা তঞ্জা পীবিবগীদমক মখোয়বু থাগৎপা ফোংদোকখি।
প্রধান মন্ত্রীনা হায়খি মদুদি তোঙান তোঙানবা মওং মতৌগা লোয়ননা নৌনা চাইথোক্লিবা কোইনশিং অসিনা মীৎ উদ্রবশিংদা চাউনা কান্নহল্লগনি। অনৌবা পরিংগী কোইনশিং অসিনা মীৎ উদ্রবশিংদা হেন্না লায়থোকহনবতা নত্তনা মখোয়বু থাবজবা হেঙ্গৎহল্লগনি হায়না প্রধান মন্ত্রীনা ফোংদোকখি।
মীমান্নদ্রবা শোইনায়রবা কাংলুপকী যাইফনবগীদমক্তা কেন্দ্র সরকারনা লৌখৎলিবা অনৌবা খোংথাং কয়াগী মতাংদা প্রধান মন্ত্রীনা পনখি।
প্রধান মন্ত্রীনা নেস্নেল ইন্সতিত্যুৎ ওফ দিজাইনবু মওং মতৌ পুথোকপগীদমক অমদি সেক্যুরিতী প্রিন্তিং এন্দ মিন্তিং কোর্পোরেসন ওফ ইন্দিয়া লিমিতেদ অমসুং শেল-থুম মন্ত্রালয়বু অনৌবা কোইনশিং পুথোকপগীদমক থাগৎপা ফোংদোকখি।
প্রধান মন্ত্রীগা লোয়ননা উন্নদুনা ৱারী শানখিবা অদুদা অঙাংশিংনা প্রধান মন্ত্রীবু অনৌবা কোইনশিং পুথোকপগীদমক থাগৎপা ফোংদোকখি। মসিগী কোইনশিং অসিনা মখোয়গী নুমিৎ খুদিংগী পাংথোক্লিবা থবক থৌরমশিংদা লায়থোকহল্লগনি হায়না মখোয়না মখা তাখি।
মীৎ উদ্রবশিংনা শিজিন্নবদা হেন্না লায়থোকহন্নবগীদমক অনৌবা পরিংগী চাইথোক্লিবা কোইনশিংদা অনৌবা মওং মতৌ কয়া অমা হাপচিল্লে।
কোইনশিং অসি শেলয়েক অনেম্বদগী অৱাংবগী মতুং ইন্না পীকপা-চাউবা অমদি লুম্বা খেৎনহল্লে। লুপা ২০গী নৌনা হাপচিল্লবা কোইন অসি মায়কৈ ১২ লৈবা কোইন অমা ওইরি। লেমহৌরিবা কোইনশিং অদুনা কোরোক কোইবা মওংশিংগী ওইগনি।
শেল-থুমগী কেন্দ্র মন্ত্রী, শ্রী অরুন জেৎলী অমসুং শেল-থুমগী রাজ্য মন্ত্রী শ্রী পোন রাধাকৃষ্ণসু থৌরম অদুদা শরুক য়াখি।
