ভারতকী প্রধানমন্ত্রী

নিউ দিল্লিদা জি-২০ মীফম নাকলদা, সেপ্তেম্বর ৮,২০২৩দা প্রধান মন্ত্রী শ্রী নরেন্দ্র মোদীনা মাওরিসিয়সকী প্রধান মন্ত্রী প্রভিন্দ কুমার জুগনৌথ উনখ্রে।

গেস্ত কন্ত্রি ওইনা জি-২০ শরুক য়ানবা অখন্নবা চেবাউ পীরকপদগীদমক প্রধান মন্ত্রী প্রভিন্দ কুমার জুগনৌথনা প্রধান মন্ত্রী মোদী থাগৎপা ফোঙদোকখ্রে। ভারতনা প্রসিদেন্ত ওইবগী মখাদা তোঙান-তোঙানবা ৱার্কিং গ্রুপশিং অমসুং মিনিস্তরশিংগী মীফমশিংদা মাওরিসিয়স থৱায় য়াওনা শরুক য়াবগীদমক প্রধান মন্ত্রীনা থাগৎপা ফোঙদোকখি।

লৈবাক অনিগী মরক্তা দিপ্লোমেতকী মরী লৈনবা চহি ৭৫ মপুংফারকপগী থৌরম পাংথোকপগা লোয়ননা জি-২০গী থবকশিং পায়খৎপদা লুচিংবা অনিমক্না অপেনবা ফোঙদোকখি। হিরম কয়াদা নাকল অনি মতেং পাংনরিবা অসি লুচিংবশিংনা য়েংশিনখ্রে। দেলিগেদশিংগী খোঙচৎ ৩০ হেন্না পাংথোকখিবা অমসুং লৈবাক অনিগী য়ানচে ২৩ হেন্না হৌখিবা চহি খর অসিদা খুৎয়েক পীনদুনা লৈবাক অনিগী মরী ফগৎলকপদা মখোয়না থাগৎপা ফোঙদোকখি।

চন্দ্রয়ান-৩ মাইপাকপদা প্রধান মন্ত্রী প্রভিন্দ কুমার জুগনৌথনা প্রধান মন্ত্রীদা নুংঙাইবা ফোঙদোকখ্রে অমসুং স্পেসকী লমদা নাকল অনিগী মরক্তা মখা তানা মতেং পীন্নবা থাজবা থমখি

*****