ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা মধ্য প্রদেসকী বিনাদা লুপা করোর ৫০,৭০০ হেনবগী চাউখৎ-থৌরাংগী প্রোজেকশিং উরেপ-উয়ুং তমখ্রে। প্রোজেকশিংগী মনুংদা লুপা করোর ৪৯,০০ রোম চঙনা শেমগৎকদবা ভারত পেত্রোলিয়ম কোর্পোরেসন লিমিতেৎকী বিনা রিফাইনরিদা পেত্রোকেমিকেল কমপ্লেক্স; নরমাদাপুরম জিলাদা পৱার অমসুং রিনিউএবল ইনর্জি মেনুফেকচরিং জোন; ইন্দোরদা আই.তি পার্ক অনি; রাতলমদা মেগা ইন্দস্ত্রিএল পার্ক অমা অমসুং মধ্য প্রদেস শীনবা থুংনা অনৌবা ইন্দস্ত্রিএল এরিয়া ৬ য়াওরি।

থৌরম অদুদা প্রধান মন্ত্রীনা হায়খি বুন্দেলখন্দ অসি লান্মীশিংগী লমদম অমনি। মহাক থা অমগী মনুংদা মধ্য প্রদেসকী সাগারদা লাকপনি অমসুং মসিগী খুদোংচাবা অসি পীবগীদমক মধ্য প্রদেস সরকার থাগৎচরি। সান্ত রবিদাসজিগী মেমোরিএল শানবা উরেপ-উয়ুং তমখিবা অদু মহাক্না নিংশিংখি।

প্রধান মন্ত্রীনা হায়খি ঙসিগী প্রোজেকশিং অসিনা লমদম অসিদা চাউখৎপগী অনৌবা থৌনা অমা পীরগনি। লৈবাক অসিগী রাজ্য কয়াগী বজেতশিংদগী হেন্না কেন্দ্র সরকারনা প্রোজেকশিং অসিগী লুপা করোর লিশিং ৫০ চাদিং তৌরি। ঙসিগী প্রোজেকশিং অসিনা মধ্য প্রদেসকীদমক ঐখোয়না লৌরিবা ৱারেপশিং মশক তাক্লে।

প্রধান মন্ত্রীনা হায়খি অজাদি কা অমৃত কাল অসিদা ভারত অসি চাউখৎলবা লৈবাক অমা ওইহন্নবা লৈবাক অসিগী নাগরিক খুদিংমক্না ৱারেপ লৌরে। মপান্দগী পুশিল্লকপা হন্থহনবা হায়বসি য়াম্না মরুওই অমসুং পেত্রোল, দিজল অমসুং পেত্রোকেমিকেলগী পোৎলমশিংগীদমক ভারতনা মপান লৈবাকশিংগী মখা পোল্লি। বিনা রিফাইনরিদা পেত্রোকেমিকেল কমপ্লেক্স অমা শাগদৌরিবা অসি পেত্রোকেমিকেল ইন্দস্ত্রিদা অত্মানির্ভরতা ওইনবা মাইকৈদা থাংজিনবা খোঙথাং অমা ওইগনি।

প্লাস্তিক্কী পোৎথোকশিং হায়বদি পাইপশিং, তেপশিং, ফর্নিচর, পেন্ত, কারগী পার্তশিং, মেদিকেলগী খুৎলায়, পেকজিং মেতেরিয়েল অমসুং লৌউ-শিংউগী খুৎলায়শিং খুদম পীরদুনা প্রধান মন্ত্রীনা হায়খি হায়রিবা পোৎথোকশিং অসি পুথোকপদা পেত্রোকেমিকেলশিংনা মরুওইবা থৌদাং অমা লৌরি। বিনা রিফাইনরিদা লৈগদৌরিবা পেত্রোকেমিকেল কমপ্লেক্স অসিনা লমদম অসি চাউখৎহনগনি অমসুং চাউখৎপগী অনৌবা থাকশিংদা পুখৎকনি হায়না ঐনা অদোমগী মফমদা থাজবা পীরি। মসিনা অনৌবা ইন্দস্ত্রিশিং থোরকপতা নত্তনা অপীকপা লৌমীশিং অমসুং ওন্ত্রেপ্রেনিউয়রশিংদা কান্নবা পীগনি অমসুং নহারোলশিংদা থবক লিশিং কয়া পীগনি। ঙসিদগী অনৌবা ইন্দস্ত্রিএল প্রোজেক ১০গী থবক হৌরে। নরমাদাপুর, ইন্দোর অমসুং রাতলমগী প্রোজেকশিংনা মধ্য প্রদেসকী ইন্দস্ত্রিগী শক্তি হেনগৎহন্দুনা মীওই খুদিংমক কান্নবা পীগনি।

লৈবাক অমা নত্ত্রগা রাজ্য অমা চাউখৎনবা, লৈঙাক অদু অরোন-অথুপ লৈহন্দবা অমসুং শেঞ্জা-থুমজা মুৎথৎপগী মরুওইবা পল্লদুনা, প্রধান মন্ত্রীনা হায়খি মতম অমদা মধ্য প্রদেস লৈবাক অসিদা খ্বাইদগী শোনবা রাজ্য অমা ওইনা খঙনরমখি। মধ্য প্রদেসতা পানখিবশিংনা চহি কয়া ক্রাইম অমসুং শেঞ্জা-থুমজা মুৎথৎনবা থবক অমা তৌরমদে।

রাজ্য অসিদা ফত্তবা তৌবা মীওইশিং মনিং তৌহনখি অমসুং মীয়াম্না লো অমসুং ওর্দরদা থাজবা মাঙখি। অসিগুম্বা ফিবম অসিদা রাজ্য অসিদগী ইন্দস্ত্রিশিং চেনখি। মখোয়না অহানবা ওইনা খল্লকপদগী মধ্য প্রদেসকী ফিবম অহোংবা পুরক্নবা হৌজিক পাল্লিবা সরকারনা থবক কয়া পায়খৎখি। লো অমসুং ওর্দরগী ফিবম ফগৎলে, মীয়ামগী পুক্নিংদা অকিবা ফাউদ্রে, লম্বীশিং শেমগৎলে অমসুং মৈ ফংহল্লে। লম্বী-থোংগী ফিবম ফগৎলকপদগী রাজ্য অসিদা অচৌবা ইন্দস্ত্রিশিংনা ফেক্তরিশিং লিংখৎনবা থৌরাং তৌরে। মথং চহি খরদগী মধ্য প্রদেসতা ইন্দস্ত্রি চাউখৎপগী অনৌবা থাকশিং য়ৌবা ঙম্লগনি হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি ঙসিগী ভারত য়াংনা অওনবা পুরক্লে, মীনাই ওইবগী ৱাখল্লোল থাদোক্তুনা সবকা প্রায়াসকা লোয়ননা মাঙলোমদা চঙশিল্লি। মীনাই ওইবগী ৱাখল্লোল অমা ভারত্তা লৈহৌখি অমসুং নিংতম্বগী থাজবগা লোয়ননা হৌজিক মাঙলোমদা চঙশিনবা হৌরক্লে। মসিগী মমি হন্দক পাংথোকখিবা জি-২০ মীফমদা ভারত অমসুং লৈবাক অসিগী মাইপাকপশিংদা মীওই খুদিংমক চাউথোকচরে। জি-২০ মাইপাকপা অসি ভারতমচা করোর ১৪০গী মাইপাকপনি। সহরশিংদা পাংথোকখিবা থৌরমশিংদা ভারতকী খেন্নবশিং অমসুং তৌবা ঙম্বশিং উৎতুনা ভিজিতরশিং অঙকপা পোকহনখ্রে। খাজুরাহো, ইন্দোর অমসুং ভোপালদা পাংথোকখিবা জি-২০গী থৌরমশিংনা মালেমদা মধ্য প্রদেসকী শক্তম ফনা উহনখ্রে।

প্রধান মন্ত্রীনা হায়খি অমরোমদা, মালেম অসি পুনশিন্দুনা অমসুং বিশ্বামিত্রা অমগী শক্তম লৌদুনা ভারতনা মসিগী তৌবা ঙম্বা উৎথোক্লে, অমরোমদা, লুপ খরনা লৈবাক অমসুং খুন্নাই খায়দোক্নবা হোৎনরি।  হন্দক শেমখিবা কোলিএসন পল্লদুনা মহাক্না হায়খি মখোয়গী থৌশিলদি মীয়াম অমতা ওইনা পুনশিল্লিবা ভারতকী গুনশিংদা খুৎ থাবনি আমসুং চহি লিশিং কয়া শুরবা অচুম্বা ফিদমশিং অমসুং চৎনবীশিং মাঙহন্নবা হোৎনবনি।

হন্দক শেমখিবা কোলিএসন অসিনা সনাতন লোইশিনবা পাম্লিবা অসি পল্লদুনা প্রধান মন্ত্রীনা হায়খি মহাক্কী খুন্নাইগী থবকশিংনা দেবী অহিলয়াবাই হোলকরনা লৈবাক্কী থাজবশিং ঙাকখি, ঝান্সিগী রানি লক্ষমীবাইনা বৃতিস মায়োক্নখি, মহাত্মা গান্ধীগী শোক্না-শম্নদবা খোঙজং ভাগবান রামনা ইথিল পীখি, শ্বামী বিবেকানন্দনা খুন্নাইগী ফত্তবশিং মীয়ামদা খঙহনখি অমসুং লোকমন্যা তিলক্না ইমা ভারত ঙাক্নবা থবক পায়খৎখি অমসুং নিংতম ইহৌগা গনেস পুজাগা মরী লৈনহনখি।

প্রধান মন্ত্রীনা হায়খি সনাতনগী শক্তিনা নিংতম ইহৌদা নিংতম লান্মীশিং ইথিল পীখিবা অদু শান্ত রবিদাস, মাতা শাব্রি অমসুং মহারিসি বালমিকিদা উবা ফংখি। ভারত অমতা ওইহল্লিবা সনাতন থুগায়বা পাম্বশিংদগী চেকশিনগদবনি অমসুং মীয়াম অসিগুম্বা মীওইশিংদগী মিকুপ-নাহুম শিংনা লৈগদবনি। লৈবাক্কীদমক অমসুং মীয়ামগী সেবা তৌনবা সরকার অসি কৎথোক্লে। মীয়ামগী ইহুল খঙবা সরকার অমদা লায়রবশিংগী থবক পায়খৎপা হায়বসি সরকারগী মরুওইবা লাইৱানি। লাইচৎ মনুংদা সরকারনা মীয়ামগী য়াইফনবা থবকশিং পায়খৎখি অমসুং মীওই করোর ৮০দা লেম্না চেঙ ফংহনখি।

প্রধান মন্ত্রীনা হায়খি মধ্য প্রদেস চাউখৎপগী অনৌবা থাকশিং য়ৌনবা ঐখোয়না লেপ্তনা হোৎনরি। মোদীনা পীখিবা থাজবশিংগী ত্রেক রেকোর্দ অদোমগী মাঙদা লৈরে। রাজ্য অসিগী লায়রবশিংগী পাক্কাগী য়ুম লাখ ৪০শাখ্রে অমসুং তোইলেতশিং, লেম্না লায়য়েংবা, বেঙ্ক একাউন্তশিং অমসুং মৈখু চেন্দবা চাকশঙশিং ফংহল্লে। রক্ষ বন্ধন থৌরমদা এল.পি.জি মমল হন্থহনখ্রে। মসিনা মরম ওইদুনা, উজ্বালাগী কান্নবা ফংলবা ইচলশিং হৌজিক সিলিন্দর অমদা লুপা ৪০০ হোঙনা ফংলে। লৈবাক অসিগী ইচল লাখ ৭৫দা লেম্না এল.পি.জি পীনবা ঙরাং কেন্দ্র সরকারনা ৱারেপ লৌখ্রে। ঐখোয়গী পান্দমদি গ্যাস কন্নেক্সন ফংদবা ইচল অমতা লৈহন্দবা অসিনি।

প্রধান মন্ত্রীনা হায়খি থাজবা পীখিবা খুদিংমক থবক ওইনা পাংথোক্নবা সরকারনা থবক তৌরি। মিদলমেনশিং লৈহন্দবা অসিনা বেনিফিসরি খুদিংমক কান্নবা ফংগনি অমসুং পি.এম কিষান সম্মান নিধিগী মখাদা লৌমী খুদিংমক মখোয়গী বেঙ্ক একাউন্তশিংদা লুপা ২৮,০০০ ফংলে। স্কিম অসিগীদমক সরকারনা লুপা করোর ২,৬০,০০০ হেন্না চাদিং তৌখ্রে।

প্রধান মন্ত্রীনা হায়খি হৌখিবা চহি ৯দা লৌমীশিংদা অহোংবা মমলদা হার ফংহন্নবা অমসুং লৌ উবদা চঙবা শেনফম হন্থহন্নবা সরকারনা থবক কয়া পায়খৎলে অমসুং মসিগীদমক লুপা করোর লাখ ১০ হেন্না চাদিং তৌখ্র। অমেরিকাগী লৌমীশিংনা য়ুরিয়া বেগ অমদা লুপা ৩০০০দা লৈবা অদু ভারতকী লৌমীশিংনা লুপা ৩০০গী মখাদা ফংলে। মমাঙদা লুপা করোর লিশিং কয়াগী য়ুরিয়া স্কামশিং লৈখি অমসুং হায়রিবা য়ুরিয়া অদু হৌজক মফম খুদিংদা লাইনা ফংলে।

প্রধান মন্ত্রীনা হায়খি ইথৈ লৌখোংগী মরুওইবা অসি বুন্দেলখন্দগী হেন্না কনানা খঙবগে। দবল-ইঞ্জিন সরকারনা বুন্দেলখন্দা ইথৈগী প্রোজেকশিং পায়খৎলে। কেন-বেতৱা লিঙ্ক কেনেলনা বুন্দেলখন্দ লমদম য়াওনা লমদম অসিগী জিলা কয়াগী লৌমীশিংদা কান্নবা পীরগনি। চহি ৪গী মনুংদা লৈবাক অসিগী অনৌবা ইমুং করোর ১০দা তোতি ঈশিং ফংহল্লে অমসুং মধ্য প্রদেসতা ইমুং লাখ ৬৫ তোতি ঈশিং ফংলে। অতল গ্রাউন্দৱাতর স্কিমগী মখাদা বুন্দেলখন্দদা ঈশিং ফংহন্নবা পাক-চাউনা থবক পায়খৎলে।

প্রধান মন্ত্রীনা হায়খি সরকারনা লমদম অসি চাউখৎনবা থবক পায়খৎলি। ওক্তোবর ৫,২০২৩দা য়াম্না চাউনা রানি দুর্গাবতিগী চহি ৫০০শুবা মপোক কুমওন পাংথোক্লগনি।

মহাক্কী লোইশিল্লকপগী ৱারোলদা প্রধান মন্ত্রীনা হায়খি ঐখোয়গী সরকারনা পায়খৎলিবা থবক অয়াম্বগী কান্নবশিং লায়রবশিং, দলিতশিং, তোল্লবশিং অমসুং ত্রাইবেলশিংনা ফংলে। সবকা সাথ সবকা বিকাস হায়রিবা অসি ঙসি মালেমদা উৎলে। মালেমদা মকোক থোংবা ইকোনোম অহুমগী মনুং চন্নবা পান্দমগা লোয়ননা লৈবাক অসি থবক তৌরি। লৌমীশিং, ইন্দস্ত্রিশিং অমসুং নহারোলশিংগী অনৌবা খুদোংচাবশিং শেমগৎকনি। ঙসিগী প্রোজেকশিং অসিনা রাজ্য অসি চাউখৎপগী খোঙজেল য়াংখৎহনগনি। মথং চহি ৫দা মধ্য প্রদেস চাউখৎপগী অনৌবা থাকশিংদা পুখৎকনি।

থৌরম অদুদা মধ্য প্রদেসকী রাজ্যপাল শ্রী মঙ্গুবাই পতেল, মধ্য প্রদেসকী চীফ মিনিস্তর শ্রী সিবরাজ সিংহ চৌহান, পেত্রেোলিয়ম অমসুং নেচরেল গ্যাসকী য়ুনিয়ন মিনিস্তর শ্রী হরদিপ সিংহ পুরি শরুক য়াখি।

নুঙগীৱারোল

রাজ্য অসিদা ইন্দস্ত্রি চাউখৎনবা ইনোৎ অমা পীনবা খোঙথাং অমদা বি.পি.সি.এলগী বিনা রিফাইনরিদা প্রধান মন্ত্রীনা পেত্রোকেমিকেল কমপ্লেক্স উরেপ-উয়ুং তমখ্রে। অনৌবা রিফাইনরি অসি লুপা করোর ৪৯,০০০ চঙনা শেমগৎকদবনি অমসুং তেক্সতাইল, পেক্কেজিং, ফার্মা অমসুং অতোপ্পগী মরুওইবা মচাক অমা ওইরিবা ইথিলিন অমসুং প্রোপাইলিন ১২০০ কে.তি.পি.এ মসিনা চহি অমদা পুথোকপা ঙমগনি।

মসিনা প্রধান মন্ত্রীগী অত্মানির্ভর ভারতগী মঙলান মঙফাওনবা ঙম্নবা মাইকৈদা থাংজিনবা খোঙথাং অমা ওইগনি অমসুং লৈবাক অসিদা মপান্দগী পুশিল্লকপগী মখা পোনবা হন্থহনগনি। অচৌবা প্রোজেক অসিনা থবক কয়া ফংহনগনি অমসুং পেত্রোলিয়ম সেক্তরদা দাউনস্ত্রিম ইন্দস্ত্রিশিং চাউখৎহনগনি।

থৌরম মনুংদা প্রধান মন্ত্রীনা নারমাদাপুরম জিলাদা ‘পৱার অমসুং রিনিউএবল ইনর্জি মেনুফেকচরিং জোনগী প্রোজেক ১০; ইন্দোরদা আই.তি পাক অনি; রাতলামদা মেগা ইন্দস্ত্রিএল পার্ক অমা অমসুং মধ্য প্রদেসা অনৌবা ইন্দস্ত্রিএল এরিয়া ৬ উরেপ-উয়ুং তমখ্রে।

লমদম অসিদা শেন-থুম চাউখৎনবা অমসুং থবক পীনবা নারমাদাপুরম জিলাদা ‘পৱার অমসুং রিনিউএবল ইনর্জি মেনুফেকচরিং জোন’ শেমগৎকদবনি। ইন্দোরদা আই.তি পার্ক ৩ অমসুং ৪ লুপা করোর ৫৫০ রোম চঙনা পায়খৎকদবনি অমসুং মসিনা নহারোলশিংদা অনৌবা থবক ফংনবা খুদোংচাবশিং পীগনি।

রাতলমগী মেগা ইন্দস্ত্রিএল পার্ক লুপা করোর ৪৬০ রোম চঙনা পায়খৎকদবনি অমসুং মসিনা তেক্সতাইল, ওতোমোবাইল, ফার্মা সেক্তরশিংগী মরুওইবা মফম অমা ওইরক্কনি। পার্কশিং অসিনা দিল্লি-মুম্বাই এক্সপ্রেসৱেগা শম্নগনি অমসুং লমদম অসিগী শেন-থুম চাউখৎহনগনি অমসুং নহারোলশিংদা হকথেংননা অমসুং নাকোইননা থবক কয়া পীগনি।

লুপা করোর ৩১০ রোম চঙনা সাজাপুর, গুনা, মৌগঞ্জ, অগর মালৱা, নারমাদাপুরম অমসুং মাকসিদা শেমগৎকদৌরিবা অনৌবা ইন্দস্ত্রিএল এরিয়া ৬ অসিনা রাজ্য অসিদা থোং মাননা থবক পীগনি অমসুং লমদম অসি চাউখৎহনগনি।

Petrochemical Complex at Bina refinery and other development initiatives being launched will give fillip to Madhya Pradesh’s progress. https://t.co/WO1yjEbfJf

— Narendra Modi (@narendramodi) September 14, 2023

अमृतकाल में हर देशवासी ने अपने भारत को विकसित बनाने का संकल्प लिया है। pic.twitter.com/D3Fr2tG7Oe

— PMO India (@PMOIndia) September 14, 2023

For the development of any country or any state, it is necessary that governance is transparent and corruption is eliminated. pic.twitter.com/am6XI2TMh1

— PMO India (@PMOIndia) September 14, 2023

भारत ने गुलामी की मानसिकता को पीछे छोड़कर अब स्वतंत्र होने के स्वाभिमान के साथ आगे बढ़ना शुरू किया है। pic.twitter.com/WCFd03Kwzj

— PMO India (@PMOIndia) September 14, 2023

उज्जवला योजना हमारी बहनों-बेटियां का जीवन बचा रही है। pic.twitter.com/Z3JiRaJIKg

— PMO India (@PMOIndia) September 14, 2023

हमारी सरकार के प्रयासों का सबसे अधिक लाभ गरीब को हुआ है, दलित, पिछड़े, आदिवासी को हुआ है। pic.twitter.com/BNkEQMtPP6

— PMO India (@PMOIndia) September 14, 2023

*****