ভারতকী প্রধানমন্ত্রী

অজাদি কা অমৃত মহোৎসবকী মখাদা পুদুচেরিগী কম্বান কালাই শঙ্গমদা পাংথোকপা শ্রী অরবিন্দগী ১৫০শুবা মপোক নুমিৎকী থৌরম অমদা ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা ৱা ঙাংখ্রে। শ্রী অরবিন্দ ইকায়খুম্নবা উৎতুনা নিংশিং শেনয়েক অমা অমসুং পোস্তেচ স্তাম্প অমা প্রধান মন্ত্রীনা ফোঙখি।

থৌরম অদুদা প্রধান মন্ত্রীনা হায়খি হরাও-তয়াম্না চহি চুপ্পা শ্রী অরবিন্দগী ১৫০শুবা মপোক কুমওনগী থৌরমশিং পাংথোক্লি। নিংশিং শেনয়েক অমা অমসুং পোস্তেচ স্তাম্প অমা ফোঙদুনা লৈবাক অসিনা শ্রী অরবিন্দগী মফমদা ইকায়খুম্নবা উৎলি। অসিগুম্বা থবকশিং অসিনা ভারতকী ৱারেপশিং লৌবদা লৈবাক অসিনা অনৌবা থৌনা পীগনি।

প্রধান মন্ত্রীনা হায়খি অচৌবা থৌদোকশিং মতম অমতদা পাংথোকপা মতমদা, ‘য়োগা-শক্তি’ হায়বদি থৌদোকশিং অদুগী মতুংদা অপুনবা অমসুং অপুনবগী শক্তি য়াম্না তোইনা থোকই। শক্নাইরবা মীওই কয়ানা নিংতম ইহৌদা শরুক য়ারম্বা খক নত্তনা লৈবাক্কী মরুওইবা থবকশিংদা অনৌবা পুন্সিশু পীরমখি। মখোয়গী মরক্তা, মরুওইবা মীওই অহুম, শ্রী অরবিন্দ, শ্বামি বিবেকানন্দা অমসুং মহাত্মা গান্ধীনা মতম অমতদা মখোয়গী পুন্সিশিংদা অচৌবা থৌদোক কয়া থেংনখি। হায়রিবা থৌদোকশিং অদুনা হায়রিবা মীওইশিং অসিগী পুন্সিদা অহোংবা পুরকপা খক নত্তনা লৈবাক্কী ওইনশু অচৌবা অহোংবা কয়া পুরকখি। ১৮৯৩দা শ্রী অরবিন্দ ভারত্তা হল্লকখি অমসুং হায়রিবা চহি অসিদা মালেমগী ধর্ম্মগী অচৌবা মীফমদা ৱা ঙাংনবা শ্বামি বিবেকানন্দা অমেরিকাদা চৎখি। হায়রিবা চহি অসিদা গান্ধী জি খা অফ্রিকাদা চৎখি অমসুং মহাক মহাত্মা গান্ধী ওইরক্নবা থবক হৌখি।

মহাক্না হায়খি লৈবাক অসিনা নিংতম্বা চহি ৭৫শুরকপগী থৌরমশিং পাংথোকপা মতমদা হৌজিক অসিগুম্বা থৌদোক কয়া থোক্লি অমসুং ঐখোয়না শ্রী অরবিন্দগী ১৫০শুবা মপোক কুমওন অমসুং নেতাজিগী ১২৫শুবা মপোক কুমওন পাংথোক্লি। থৱায় য়াওবা অমসুং থবক পুনবা মতমদা, ফংবা ঙম্লোই খনবা পান্দম লাইনা ফংবা ঙম্মী। ঙসি অমৃত কালদা লৈবাক অসিগী মাইপাকপা অমসুং ‘সবকা প্রায়াস’কী ৱারেপ অসি মসিগী খুদম্নি।

প্রধান মন্ত্রীনা হায়খি মহাক বেঙ্গালদা পোকখি অমসুং গুজরাতি, বেঙ্গালি, মরাথি, হিন্দি অমসুং সংস্কৃত য়াওনা লোন কয়া খঙখিবা মরম্না শ্রী অরবিন্দগী পুন্সি ‘এক ভারত শ্রেস্থা ভারত’কী মমি অমনি। মহাক্কী পুন্সিগী অয়াম্বা শরুক গুজরাত অমসুং পুদুচেরিদা লৈখি অমসুং মহাক্না চৎলুবা মফম খুদিং অচৌবা মমি অমা থম্লমখি। ঐখোয়না ঐখোয়গী কলচর অমসুং চৎনবীশিং খঙলকপা মতমদা অমসুং মখোয়গা লোয়ন্না হিংবা হৌরকপা মতমদা, ঐখোয়গী পুন্সিদা ঐখোয়গী খেন্নবশিং অসি মহৌশাগী কুহ্মৈ অমা ওইরকই। মসি অজাদি কা অমৃত কালগী অচৌবা ইথিলগী হৌরকফম অমনি। মসিদগী হেন্না এক ভারত শ্রেস্থা ভারত শন্দোক্না তাক্নবা লম্বী লৈতে।

প্রধান মন্ত্রীনা হায়খি কাসি তামিল শঙ্গমম শরুক য়াবা ফংবা অসি লাইবক ফবনি অমসুং মসিগী অঙকপা থৌরম অসি লৈবাক অসিগী কলচর অমসুং চৎনবীশিংনা কমদৌনা ভারত অমতা ওইহনবগে হায়বগী অচৌবা খুদম অমনি। ঙসিগী নহারোলশিংনা লোন অমসুং ফিজোলদা য়ুম্ফম ওইরগা রাজনিতি তৌবা অদু থাদোক্লে অমসুং এক ভারত শ্রেস্থা ভারতকী রাজনিতিদা য়াওরে হায়বদু কাসি তামি শঙ্গমম্না উৎলে। ঙসি অজাদি কা অমৃত মহোৎসব অমসুং অমৃত কালদা, ঐখোয়না কাসি তামিল শঙ্গমমগী ৱাখল্লোন শন্দোক্কদবনি।

প্রধান মন্ত্রীনা হায়খি শ্রী অরবিন্দ অসি অনৌবা মতমগী সাইন্তিফিক ওইবা ৱাখল্লোন চেনবা, রাজনিতিগী অহোংবা পুরকপা পাম্বা অমসুং ঈশ্বরগী ওইবা শক্তি লৈবা মীওই অমনি। বেঙ্গাল অনি থোকহনবা মতমদা মহাক্না ‘য়াশিন্নবা পুরকপা য়ারোই’ হায়না লাউখি। মহাক্কী ময়েক লায়রবা ফিদম, কলচরগী থৌনা অমসুং মরৈবাক নুংশিবা অদুনা মতম অদুদা মহাক নিংতম লান্মীশিংগী ফিদম্নফম অমা ওইখি। অরুবা ৱাঙুলোন অমসুং থৱায়গী ওইবা ৱাফমশিংদা শ্রী অরবিন্দগী মুনিগুম্বগী শক্তম কয়া লৈখি। নিংহন্নবগী ৱাখল্লোন অমতা লৈতনা চাউখৎলবা ভারতকী ঐখোয়গী খোঙচৎতা ঐখোয়না শরুক য়ারি। ভারতনা হান্না’ হায়বা লাইৱাগা লোয়ন্না ঐখোয়না থবক পাংথোক্লি অমসুং মালেমগী মমাঙদা চাউথোকচনা ঐখোয়গী হেরিতেচ উৎলি।

প্রধান মন্ত্রীনা মখা তানা হায়খি, ভারতকী ৱাশক মঙাগী মনুংদা অমা ওইরিবা “মীনাই ওইবগী ৱাখল্লোন্দগী মনিংতম্বা’ হায়বা অসি ঙাক্নবা হোৎনবদা শ্রী অরবিন্দগী পুন্সিনা অতোপ্পা থৌনা অমা হাপখি। মহাক্না ভারত্তা হল্লকপা মতমদা নোংচুপলোমগী অকনবা ইথিল লৈরবসু, মহাক্না জেলদা লৈবা মতমদা শ্রী অরবিন্দনা গীতা পাখি অমসুং ভারতকী কলচরগীদমক খ্বাইদগী কন্না ৱা ঙাংবা মীওই অমা ওইনা মহাক থোরকখি। মহাক্না রামায়ন, মহাভারত অমসুং উপনিসদশিংদগী হৌরগা কালিদাস, ভাবাভুতি অমসুং ভারাথারিগী লাইরকশিং নৈনখি অমসুং হন্দোকখি। মহাক্না নহা ওইরিঙৈদা ভারতমচা অমগী পুন্সিদা হিংখিদবা অরবিন্দ, মদুদগী থোরকপা শ্রী অরবিন্দগী ৱাখল্লোনশিং অদু মীয়াম্না ভারত্তা উবা ফংখি। মসি ভারত অমসুং ভারতমচা ওইবগী অশেংবা থৌনানি।

প্রধান মন্ত্রীনা হায়খি ভারত অসি শিবা নাইদ্রবা, অরুবা ফিবমশিংদগী খর নমথরুরবা, অদুবু শিবা ঙমদবা মরুনি। ভারত মীওইবা সভেত্য অমসুং মীওইবা খুন্নাইগী খ্বাইদগী মশক থোকপা অনৌবা ৱাখল্লোন অমনি। মহারিসি অরবিন্দগী মতমদা ফাওবা ভারত শিবা নাইদে অমসুং ঙসি অজাদি কা অমৃত কাল অসিদা ফাওবা লৈবাক অসিদা শিবা লৈতে। ঙসিদি মালেম্না অরুবা ফিবম কয়া মায়োক্নরি অমসুং হায়রিবা অরুবা ফিবমশিং অসি থেংন্নবা ভারতনা মরুওইবা থৌদাং কয়া লৌরি। মরম অদুনা ঐখোয়না মহারিসি অরবিন্দগী ইথিল ফংদুনা ঐখোয় ইশা থৌরাং তৌরি অমসুং সবকা প্রায়াস ওইবা চাউখৎলবা ভারত অমা শেম্লে।

নুঙগীৱারোল

ইং ১৮৭২গী ওগস্ত ১৫দা পোকখিবা শ্রী অরবিন্দ, ভারতকী নিংতম ইহৌদা অচৌবা থৌদাং লৌখিবা মীৎয়েং শানবা অমনি। নিংতম্বা চহি ৭৫ মপুংফারকপদা ভারতকী মীয়াম, কলচর অমসুং মাইপাকপশিংগী পুৱারি হরাও-তয়াম্বা ফোঙদোক্নবা পাংথোক্লিবা থৌরম অজাদি কা অমৃত মহোৎসবনা লৈবাক শীনবা থুংনা চহি অমা চুপ্না থৌরম কয়া পাংথোক্তুনা শ্রী অরবিন্দগী চহি ১৫০শুবা মপোক কুমওন থৌরম পাংথোক্লি।

I bow to Sri Aurobindo. He was a prominent freedom fighter and a philosopher whose ideals have inspired generations. https://t.co/AiSAhPUYzk

— Narendra Modi (@narendramodi) December 13, 2022

Today, a commemorative coin and postal stamp in honour of Sri Aurobindo have been released. pic.twitter.com/pW2PxPp9CK

— PMO India (@PMOIndia) December 13, 2022

जब प्रेरणा और कर्तव्य, मोटिवेशन और एक्शन एक साथ मिल जाते हैं, तो असंभव लक्ष्य भी अवश्यम्भावी हो जाते हैं। pic.twitter.com/DOX7y7SFMw

— PMO India (@PMOIndia) December 13, 2022

Sri Aurobindo’s life is a reflection of ‘Ek Bharat, Shreshtha Bharat.’ pic.twitter.com/J2STQguds6

— PMO India (@PMOIndia) December 13, 2022

India’s youth is inspired by the ‘Rashtra Neeti’ of ‘Ek Bharat, Shreshtha Bharat.’ pic.twitter.com/95Wq2BAnpF

— PMO India (@PMOIndia) December 13, 2022

महर्षि अरबिंदो के जीवन में हमें भारत की आत्मा और भारत की विकास यात्रा के मौलिक दर्शन होते हैं। pic.twitter.com/3O5M5CXdha

— PMO India (@PMOIndia) December 13, 2022

भारत मानव सभ्यता का सबसे परिष्कृत विचार है, मानवता का सबसे स्वाभाविक स्वर है। pic.twitter.com/pI0liaOW5L

— PMO India (@PMOIndia) December 13, 2022

India has a pivotal role in tackling challenges faced by the world today. pic.twitter.com/12CJ03r2MA

— PMO India (@PMOIndia) December 13, 2022

*****