ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ফেব্রুৱারি ৩,২০২৪গী অয়ুক পুং ১০ তাবদা বিগ্যান ভাবন্দা কম্মনৱেল্থ লিগেল ইজুকেসন এসোসিএসন(সি.এল.ই.এ)-কম্মনৱেল্থ এত্তোর্নিস এন্দ সোলিসিএতর্স জেনেরেল  কনফরেন্স ২০২৪ হৌদোক্কনি। প্রধান মন্ত্রীনা থৌরম অদুদা ৱা ঙাংগনি।

মীফম অদুগী থিমদি “ক্রোস-বোর্দর চেলেঞ্জেস ইন জর্জতিস দেলিভরি” হায়বনি। মীফম অদুদা জুদিসিএল ত্রান্সসিসন অমসুং আইনগী থবকশিংগী ইথিকেল ওইবা শরুকশিং, ইজুকিউতিপ একাউন্তেবিলিতি অমসুং অনৌবা যুগকী লিগেল ইজুকেসনগী মতাং য়াওনা লো অমসুং জর্জতিসকা মরী লৈনবা ৱাফমশিং খন্নগনি।

মীফম অদুদা  এসিয়া-পেসিফিক, অফ্রিকা অমসুং কারিব্বিয়ানদা লৈরিবা কম্মনৱেল্থ লৈবাকশিংগী এত্তোর্নি জেনেরেলশিং অমসুং সোলিসিএতরশিং শরুক য়াগনি। কম্মনৱেল্থ লৈবাকশিংদা আইনগী লমদা থবক তৌরিবা তোঙান-তোঙানবা মরী লৈনবশিং খন্ন-নৈনবগী খুদোংচাবা অমা মীফম অসিনা পীরগনি। লিগেল ইজুকেসন অমসুং ঙমখৈ লান্না ৱায়েল পাংথোকপদা থেংনরিবা খুদোংচাদবশিংগী কোকহন্নবা লম্বী অমা শেম্নবা পান্দমদা এত্তোর্নি জেনেরেলশিং অমসুং সোলিসিএতরশিং খক্তগী ওইবা অখন্নবা রাউন্দ তেবল অমসু মীফম অসিদা পাংথোক্কনি।

*****