ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ফেব্রুৱারী ৫ দা প্রয়াগরাজদা মহা কুম্ভ মেলা ২০২৫ শরুক য়াগনি। অয়ুক্কী পুং ১১ তাবা মতমদা, মহাক্না সঙ্গমদা ইরুপকনি অমসুং মা গঙ্গাদা খুরমজগনি।
পৌশ পুর্নিমা (জনুৱারী ১৩, ২০২৫)তগী হৌখিবা মহাকুম্ভ ২০২৫ অসি মালেমগী খ্বাইদগী চাউবা স্পিরিচুএল অমসুং নাৎকী ওইবা মীতিন অমনি, মসিনা মালেম পুম্বদগী লৈরিবা ভক্তশিংবু চিংশিল্লি। মহাকুম্ভ অসি ফেব্রুৱারী ২৬গী মহাশিবরাত্রি ফাওবা মখা চত্থগনি।
অসিগুম্বা ভারতকী স্পিরিচুএল অমসুং নাৎকী লন অসিবু য়োখৎনবগীদমক প্রধান মন্ত্রীনা লেপ্পা লৈতনা অকনবা খোংথাং কয়া লৌখৎতুনা ইনফ্রাস্ত্রকচর অমসুং ভক্তশিংনা চৎকদবা মফমশিং শেমগৎ শাগৎলি। মমাংদা, মহাক্কী দিসেম্বর ১৩, ২০২৪ গী প্রয়াগরাজকী খোংচৎতা প্রধান মন্ত্রীনা লম্বী থোং, খুদোংচাবা অমসুং মীয়ামগী সেবা ফংহন্নবগীদমক লুপা করোর ৫,৫০০ কী চাউখৎ খোংথাংগী প্রোজেক্ত ১৬৭ শঙ্গাখি।
*****
