ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ৭ লোক কল্যান মার্গতা পাংথোকপা থৌরম অমদা প্রিন্সিপাল সেক্রেতরী ন্রিপেন্দ্র মিস্রাদা বিদায় পীখ্রে। থৌরম অদুদা কেন্দ্রগী মন্ত্রী কয়া অমসুং মকোকথোংবা সরকারগী ওফিসিয়েল কয়ানা শরুক য়াখি।

শ্রী মিস্রাবু তাংলবা লন অমনি হায়না ফোংদোক্লদুনা প্রধান মন্ত্রীনা মহাক্কা লোয়ননা চৎমিন্নখিবা মহাক্কী হৌখিবা চহী মঙাগী খোংচৎ অদু নৌহৌনা নীংশিংখি। মহাক্না প্রিন্সিপাল সেক্রেতরীবু মহাক্কী শুবা-নোম্বা কনবগী মতৌ, থবক্তা কত্থোকপা অমসুং সিভিল সর্ভেন্ত অমা ওইনা মহাক্কী ফিদম্নীংঙাই ওইবা কেরিয়র অদু থাগৎপা ফোংদোকখি। শ্রী মিস্রানা গোভর্নান্সতা মহাক্কী অচৌবা এক্সপরিয়েন্স উৎখিবগী খুদম অদু মহাক্না লীদুনা তাহনখি।

প্রধান মন্ত্রীনা হায়খি মদুদি শ্রী মিস্রা অসি মতিক লৈবা অমসুং এক্সপিরিয়েন্স লৈরবা ওফিসর অমনি। মহাক্কী তুংলমচৎকীদমক য়াইফ-মঙ্গল পীরদুনা প্রধান মন্ত্রীনা প্রিন্সিপল সেক্রেতরীবু ভারতকী গোভর্নান্সতা মহাক্না লৌখিবা চাউরবা থৌদাং অদুগীদমক থাগৎপা ফোংদোকখি।

অনৌবা ভারত অমা শেমগৎপগী মংলান অদুগী মায়কৈদা থবক তৌনবগী তাঞ্জা অমা মফমদা পীনবীবগীদমক প্রিন্সিপল সেক্রেতরীনা প্রধান মন্ত্রীবু থাগৎপা ফোংদোকখি।