ভারতকী প্রধানমন্ত্রী

প্রধান মন্ত্রীনা শ্রী নরেন্দ্র মোদীনা ঙসি প্রধান মন্ত্রী ওফিসকী সাউথ ব্লোক্তা ওফিসর অমসুং স্তাফশিং উনখি অমসু নুংঙাইবা ফোংদোকখি।

হন্দক্তা পাংথোকখিবা মীখলদা চাওনা মায় পাক্লকপদা প্রধান মন্ত্রীগী প্রিন্সিপাল সেক্রেতরী শ্রী ন্রিপেন্দ্রা মিশ্রা, নেস্নেল সেক্যুরিতী এদবাইজর শ্রী অজিৎ দোবাল, এদিস্নেল প্রিন্সিপাল সেক্রেতরী শ্রী বি.কে. মিশ্রা অমদি সেক্রেতরী শ্রী ভাস্কর খুলবে য়াওনা প্রধান মন্ত্রী ওফিসকী মকোকথোংবা ওফিসরশিংনা প্রধান মন্ত্রীগী মফমদা নুংঙাইবা ফোংদোকখি।

হৌখিবা চহী মঙাদা প্রধান মন্ত্রী ওফিস অপুনবনা হোৎনখিবশিং অমসুং কত্থোকখিবশিং অদু প্রধান মন্ত্রীনা থাগৎপা ফোংদোকখি অমদি ভারতকী মীয়ামগী আশাশিং অমসুং এস্পিরেসনশিং অদু মপুং ফাহন্নবা মরুওইবা থৌদাং অমা লৌনবা হেন্না কনবা মওংদা থবক তৌননবা মখোয় মশাবু অমুক হন্না কত্থোক্নবা পুম্নমক্কী মফমদা অকনবা ৱাফম থমখি।

মহাক্না হায়খি মদুদি মীয়াম্না সরকার অসিদগী চাউনা আশা তৌরি, অমদি অসিগুম্লবা আশাশিং অসি প্রধান মন্ত্রী ওফিসকী তীম্না খমথেংনা থবক তৌবগী ইনর্জীগা লোয়ননা পীরি।

মহাক্কী তীমগী মেম্বর খুদিংমক্কী থৌদাংশিং অদু য়ারদুনা প্রধান মন্ত্রীনা হায়খি মদুদি হৌখিবা চহী মঙা অসি খঙননবা তম্বা অমা ওইখি, মহাক মশামক্কী ওইনসু।

মহাক্না প্রধান মন্ত্রী ওফিসকী ওফিসিয়েলশিংগী ইমুং-মনুংগী মীওইশিংদসু নুংঙাইবা ফোংদোকখি অমদি য়াইফ-পাওজেল পীখি।