ভারতকী প্রধানমন্ত্রী

ঙসি ৱারসোদা প্রধান মন্ত্রী শ্রী নরেন্দ্র মোদীনা পোলেন্দগী প্রধান মন্ত্রী দোনাল্দ তুস্ক উনখ্রে। ফেদেরেল চান্সেল্লরিদা থুংলবদা, প্রধান মন্ত্রী দোনাল্দ তুস্কনা প্রধান মন্ত্রী মোদী চৎনবীগী থৌরম অমগা লোয়ননা ওকখি।

লুচিংবা অনিনা অকক্নবা অমসুং মীহুৎ কাংবুগী থাক্তা ৱারি শান্নখি। ভারত-পোলেন্দগী মরীশিংগী মরুওইবনা অদু খঙবগা লোয়ননা, মরী অসি স্ত্রাতেজিক পার্তনরশিপকী থাক্তা পুখৎনবা লুচিংবশিংনা ৱারেপ লৌখ্রে। ললোন-ইতিক, শেন থাদবা, সাইন্স অমসুং তেক্নোলোজি, ঙাক-শেন অমসুং সেকুরিতি, নাতকী মতেং পীনবা অমসুং মীগা-মীগা লৈনবা মরীশিং য়াওনা তোঙান-তোঙানবা হিরমশিংদা মখোয়না খন্নখি। ফুদ প্রোসেসিং, অর্বান ইনফ্রাস্ত্রকচর, ঈশিং, মপং ওইবা অমোৎপা লোইশিনবা, ইলেক্ত্রিক্কী গারিশিং, গ্রিন হায়দ্রোজেন, রিন্যুএবল ইনর্জি, এ.আই, মাইনিং অমসুং ক্লিন তেক্নোলোজিশিংগুম্বা হিরমশিংদা শেন-থুম অমসুং ললোন-ইতিক্কী পুন্না থবক তৌমিন্ননবা খুদোংচাবা কয়া লৈরি হায়বা লুচিংবশিংনা য়ানখি।

মীগা-মীগা লৈনবা মরীশিং অমসুং নাতকী মরীশিং হেন্না ফগৎহনবগী মরুওইবা অদু লুচিংবা অনিনা থমখি। হিরম অসিগী মতাংদা, জামনগরগী মহারাজ অমসুং কোলহাপুরগী নিংথৌকোনগী ইমুং-মনুংগী মীওইবগী মীনুংশিদা য়ুম্ফম ওইদুনা লৈবাক অনিগী মরক্তা লৈনরিবা তোপ-তোপ্পা মরী অদু মখোয়না ফোঙদোকখি।

য়ুক্রেন অমসুং নোংচুপ এসিয়াগী মুক্নরিবশিং য়াওনা লৈবাক অনিনা দরকার ওইবা লমদম-লমদম অমসুং মালেমগী মরুওইবা ৱাফমশিং লুচিংবা অনিনা খন্নখি। য়ু.এন অমসুং অতোপ্পা মালেমগী লুপশিং অওনবা পুরকপা, অইং-অশাগী খল হোংলকপা অমসুং তেরোরিজমগী শিংনবশিংগী মতাংদা মখোয়গী ওইবা ৱাখল্লোনশিং ফোঙদোক্নখি।

মীফম মতুংদা ইন্দিয়া-পোলেন্দ স্ত্রাতেজিক পার্তনরশিপ থবক ওইনা পাংথোক্নবা অপুনবা ৱারোল অমা অমসুং এক্সন প্লান অমা(২০২৪-২০২৮) ফোঙখি।

****