ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি পার্লিয়ামেন্তদা ভিদিও কনফরেন্সকী থোংদা পোলিতিকেল পার্তীশিংগী ফ্লোর লুচিংবশিংগা ৱারি শানখ্রে।

প্রধান মন্ত্রীনা হায়খি মদুদি মালেম পুম্বনা হৌজিক কোবিদ-১৯গী লুরবা শিংনবা অমা মায়োক্নরি। মহাক্না মসিমসু হায়খি মদুদি হৌজিক ওইরিবা ফিভম অসি মীওইবা জাতিগী পুৱারীদা যুগ অহোংবা পুরক্লিবা থৌদোক অমনি অমদি ঐখোয়না মসিগী ইম্পেক্ত থেংননবগীদমক মপুং ফানা থৌরাংগদবনি। মহাক্না লাইচৎ অসিগী মায়োক্তা থেংনরিবা অসিদা কেন্দ্রগা লোয়ননা পুন্না থবক তৌরিবা রাজ্য সরকারশিংনা হোৎনরিবশিংবু থাগৎখি। মহাক্না হায়খি মদুদি লৈবাক অসিনা লান অসিদা য়ুনাইতেদ ফ্রন্ত অমা প্রজেন্ত তৌনবা পোলিতীগী সেক্সন খুদিংমক্না পুন্না চংশিনবগী থোংদা কন্সত্রক্তিব অমসুং পোজিতিব পোলিতিক্স উবা ফংলি।

প্রধান মন্ত্রীনা ওইরক্লিবা ফিভমগী ইম্পেক্ত অদু ফোংদোকখি। অদুম ওইনমক ভারত হৌজিক ফাওবদা ভাইরস শন্দোকপপগী খোংজেল কন্ত্রোল তৌরিবা লৈবাক খরগী মনুং চল্লি। মহাক্না পাওমেনলদুনা হায়খি মদুদি ফিভম অসি মখা তানা অহোংবা লাক্লি অমদি মতম পুম্নমক্তা য়েংশিনবা মথৌ তারি।

প্রধান মন্ত্রীনা ফোংদোকখি মদুদি লৈবাক অসিদা ওইরিবা ফিভম অসি ‘সোসিয়েল ইমরজেন্সী’গা মান্নরি। লৈবাক অসিনা অকনবা ৱারেপ লৌবা তারি, অমদি মখা তানা ঙাকশেনবা তাবনি। মহাক্না হায়খি মদুদি রাজ্যশিং, দিস্ত্রিক্ত এদমিনিস্ত্রেসনশিং অমসুং এক্সপার্তশিংনা ভাইরসকী শন্দোরকপা থিংনবগীদমক লোকদাউন মখা তানা শাংদোক্নবা ৱাফম থমলক্লি।

প্রধান মন্ত্রীনা হায়খি মদুদি অহোংবা লাক্লিবা ফিভম অসিদা লৈবাক অসিনা মসিগী ৱার্ক কলচর অমসুং ৱার্কিং স্তাইলদা অহোংবা অমা পুরক্নবগীদমক অমত্তা ওইনা হোৎনবা তাই। মহাক্না হায়খি মদুদি সরকারগী প্রায়োরিতীদি মীপুম খুদিংমক্কী পুন্সি কনবনি। মহাক্না মখা তাখি মদুদি কোবিদ-১৯না মরম অমা ওইদুনা লৈবাক অসিনা য়াম্না শাথিবা ইকোনোমিক্কী ওইবা শিংনবশিং মায়োক্নরি, অমদি সরকরনা মদুদগী লান্থোক্নবা থবক তৌরি।

ভারত সরকারগী মকোকথোংবা ওফিসিয়েলশিংনা পি.এম. গরিব কল্যান য়োজনাগী মখাদা বেনেফিৎশিংগী দিস্ত্রিব্যুসনগী স্তেতস য়াওনা ওইরক্লিবা শিংনবশিং থেংননবগীদমক লৌখৎলিবা খোংথাংশিংদা মচা খাইবা প্রজেন্তেসনশিং লান্থোকখি।

লুচিংবশিংনা মীফমগীদমক প্রধান মন্ত্রীবু থাগৎখি, মহাক্না মতম চানা খোংথাং লৌখৎখিবদা থাগৎখি অমদি হায়খি মদুদি ক্রাইসিসকী মতম অসিদা লৈবাক পুম্বনা মহাক্কী তুংদা অমত্তা ওইনা লেপ্লি। মখোয়না হেল্থ ৱার্করশিংগী হকশেল অমসুং মোরেল হেঙ্গৎহনবা, তেস্তিং ফেসিলিতীদা খোংজেল য়াংশিনবা, অপিকপা রাজ্যশিং অমসুং য়ুনিয়ন তেরিতোরীশিংদা মতেং পাংবগী দরকার ওইবা অমদি চারা হেনবা অমসুং মালন্যুত্রিসনগী শিংনবশিং থেংনবগী মতাংদা খন্ন-নৈনখি। মখোয়না লাইচৎ অসিগী মায়োক্তা চত্থরিবা লান্দা লৈবাক্কী কেপাবিলিতী হেঙ্গৎহন্নবা ইকোনোমিক অমসুং অমসুং অতোপ্পা পোলিসী খোংথাংশিংগী মতাংদসু খন্ন-নৈনখি। লুচিংবশিংনা লোকদাউন মখা চত্থবা অমসুং লোকদাউন লোইরবা মতুং ফেজ নাইনা লৌথোক্নবগী মতাংদা ৱাফমশিং থমখি।

প্রধান মন্ত্রীনা লুচিংবশিংবু মখোয়গী কন্সত্রক্তিব সজেসনশিং অমসুং ফীদবেক্কীদমক থাগৎখি। মহাক্না মখা তাখি মদুদি লান অসিদা সরকারগী মতেং পাংনবা মখোয়গী ৱারেপনা দেমোক্রেতিক ফাউন্দেসন অমসুং কোওপরেতিব ফেদরেলিজমগী স্পিরিৎ অমুক হন্না চেৎশিলহল্লে।

পার্লিয়ামেন্তরী এফিয়ার্সকী য়ুনিয়ন মিনিস্তর, ভারত সরকারগী মকোকথোংবা ওফিসিয়েলশিং অমসুং লৈবাক্কী মফম কয়াদগী পোলিতিকেল পার্তীশিংগী লুচিংবশিংনা ৱারি শানবা অদুদা শরুক য়াখি।