ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ‘উজ্বল ভারত উজ্বল ভবিশ্যা – পাৱর @2047’ থৌরম লোইশিনবগী গ্রান্দ ফিনালেদা ঙসি ভিদিও কনফরেন্সিংগী খুত্থাংদা শরুক য়াখি। ঙসিগী থৌরম মনুংদা মহাক্না রিভেম্প দিস্ত্রিব্যুসন সেক্তর স্কিমসু হৌদোকখি। মহাক্না এন.তি.পি.সি.গী তোঙান-তোঙানবা গ্রীন প্রোজেক্ত কয়া মীয়ামদা খুৎশিন্নখিবগা লোয়ননা উরেপ উয়ুংসু তমখি। মহাক্না নেস্নেল সোলার রুফতোপ পোর্তেলসু হৌদোকখি।

প্রধান মন্ত্রীনা তোঙান-তোঙানবা স্কিমশিংগী বেনিফিশরীশিংগা ৱারী শাখি। মন্দিদগী শ্রী হন্সরাজনা মহাক্না কুসুম স্কিমগী মতাংদা থেংনখিবশিংগী মরমদা প্রধান মন্ত্রীনা পাউদমখি। স্কিম অসিদা অতোপ্পা লৌমীশিংনা মতৌ করম্না থৱাই য়াওবগে হায়না প্রধান মন্ত্রীনা হংখি। শ্রী হন্সরাজনা প্রধান মন্ত্রীবু স্কিম অসিগীদমক্তা থাগৎলদুনা স্কিম অসিনা মহাক অসসুং মহাক্কী ইমুংদা করম্না তেংবাংখি হায়বসু পাউদমখি।

ত্রিপুরাগী খোৱাইদগী শ্রী কালাহা রিয়াংনা মহাক্কী খুঙ্গংদা মৈ ফংবদগী মদুনা পুরকপা অহোংবা কয়াগী মতাংদা প্রধান মন্ত্রীদা পাউদমখি। সোলার পাৱর য়ৌরক্লবা তুংদা কেরোসিনগী মখা পোল্লম্বদু য়াম্না হন্থরে হায়না মহাক্না হায়খি। প্রধান মন্ত্রীনা মৈ য়ৌরকপদগী করম্বা অহোংবা লৈরিবগে হায়নসু হংখি। মখোয়না ফোন চার্জ তৌনবগীদমক্তা মমাংদা য়াম্না শাংনা চৎনরম্বদু হৌজিক্তি চৎনদ্রে হায়না খুমখি। সোলার পাৱরনা অঙাংশিংগী এজুকেসন অমসুং লোকেল ইন্দস্ত্রীশিংবু য়াম্না ফগৎহল্লে অমসুং নুংথিলগী পুন্সি মহিংদসু অহোংবা লাক্লে। প্রধান মন্ত্রীনা সরকারনা তি.ভি.দা থাদোকপা এজুকেসনগী মরী লৈনবা তি.ভি. চেনেল য়েংদুনা মদুগী কান্নবা লৌনবা মহাক্কী মফমদা হায়খি। লোয়ন-লোয়ননা, প্রধান মন্ত্রীনা মহাক্কী মফমদা মৈ লিক্না শিজিন্নসি হায়খি।

দীন্দয়াল উপাধ্যায় গ্রাম জ্যোতী য়োজনাগী বেনিফিশরী অমা ওইরিবা, ভিশাখাপত্নমগী শ্রী কাগু ক্রান্তি কুমারনা মহাক্কী পুন্সিদা মৈনা পীবা কান্নবা কয়া কুপ্না পাউদমখি। লৈবাক মীয়াম খুদিংনা চাউখৎলবা তুংদা লৈবাক চাউখৎকনি হায়না প্রধান মন্ত্রীনা হায়রদুনা লৈবাক্কী খুঙ্গং খুদিংদা মৈগী খুদোংচাবা ফংবদা নুংঙাইবা ফোংদোকখি।

ইন্তিগ্রেতেদ পাৱর দিভেলপমেন্ত স্কিমগী বেনিফিশরী, ভরানসীগী শ্রীমতি প্রামিলা দেবীবু প্রধান মন্ত্রীনা হর হর মহাদেবকী পাউজেলনা ওকখি। ভরানসীগী এম.পি. ওইরিবা প্রধান মন্ত্রীনা মহাক্কী মহুত শিন্দুনা বাবা বিশ্বনাথকী মফমদা থৌনিবীয়ু হায়জখি। কোকথক্তা মৈগী তরা পুবগী থৌওং তপ্না লোইশিল্লকপনা তেক্ত-কায়দবা থোকপা হন্থহনবা অমসুং ফজবা হেনগৎহল্লিবা অসিদা প্রধান মন্ত্রীনা নুংঙাইবা ফোংদোকখি।

অহমেদাবাদকী শ্রী ধিরেন সুরেশভাই পতেলনা মহাক্না সোলার পেনেল খিনবদা থেংনখিবা ৱাফমশিং তমখি। ধিরেনভাইনা রুফতোপ পেনেল খিন্দুনা মৈ য়োনবা মীওই ওইরে হায়না প্রধান মন্ত্রীনা ফোংদোকখি। ইং ২০৪৭ ফাওবগী মনুংদা ভারতপু ইনর্জী সেক্তর মনুংদা নুংঙাইবা থাক্তা থম্নবা মমাংগী চহিশিংদা থবক-থৌরম কয়া পায়খৎখ্রে হায়না প্রধান মন্ত্রীনা পাউদমখি। মীয়াম্না পুন্না শরুক য়ামিন্নবনা হীরম অসিগী ওইনা খ্বাইদগী চাউবা পাঙ্গলনি হায়না মহাক্না মখা তাখি।

প্রধান মন্ত্রীনা তিল্লিবা মীয়ামদা ৱা ঙাঙবদা, মথংগী চহি ২৫দা ভারতকী চাউখৎ-থৌরাংগী খোঙজেল হেন্না য়াঙখৎহনবদা ইনর্জী অমসুং পাৱর সেক্তরগী অচৌবা থৌদাং লৈরি হায়খি। ইনর্জী সেক্তরগী পাঙ্গল অসিসু কারবার তৌবদা লাইহনবা অমসুং পুন্সি মহিং নুংঙাইহনবগা মান্ননা মরু ওই। ঙসি হৌদোকখিবা প্রোজেক্তশিংনা লৈবাক্কী গ্রীন ইনর্জী অমসুং ইনর্জী সেক্যুরিতীগী মাইকৈদা থাংজিনবা মরু ওইবা খোঙথাং ওইগনি হায়না মহাক্না হায়খি। প্রোজেক্তশিং অসিনা ভারতকী রিনুএবল ইনর্জীগী পান্দম, খোঙফম চেৎলিবা অমসুং মসিগী গ্রীন মোবিলিতীগী অপাম্বশিংবু মপাঙ্গল হেন্না লৈহনগনি হায়না মহাক্না মখা তাখি। ঙসিদগী হৌদুনা লদাখ অমসুং গুজরাত্তা গ্রীন হাইদ্রোজেন প্রোজেক্তকী অচৌবা থবক অনি হৌখ্রে হায়না প্রধান মন্ত্রীনা লাউথোকখি। লদাখতা শাগৎলিবা প্লান্ত অসিনা লৈবাক্কী গারিশিংগী গ্রীন হাইদ্রোজেন পুথোক্কনি। মসিনা লৈবাক্কী মসিগুম্বা অহানবা প্রোজেক্ত ওইগনি অমসুং গ্রীন হাইদ্রোজেন্দা য়ুম্ফম ওইবা ত্রান্সপোর্তকীদমক্তা কম্মর্সিএল ওইনা শিজিন্নবা য়াহনগনি। লদাখনা, অথুবা মতমদা, ফুএল সেল ইলেক্ত্রিক ভেহিকল চেনবা লৈবাক্কী অহানবা মফম ওইরগনি। মসিনা লদাখপু কার্বন-ন্যুত্রেল রিজন অমা ওইহনবদা তেংবাংগনি, মহাক্না হায়খি।

পেত্রোল অমসুং এভিএসন ফুএলদা ইথানোল য়ানবগী থৌওংগী মতুংদা, লৈবাক অসিনা হৌজিক পাইপ নেচরেল গ্যাস পাইপলাইনশিংদা গ্রীন হাইদ্রোজেন য়ানবগী মাইকৈদা চঙশিল্লি হায়না প্রধান মন্ত্রীনা পাউদমখি। মসিনা মীরমদগী নেচরেল গ্যাসকী পুশিল্লকপগী থৌওং হন্থহনগনি।

ইং ২০১৪গী মমাংদা ওইরম্বা শোত্থরবা মৈগী ফিভম নীংশিংলদুনা, প্রধান মন্ত্রীনা সরকারনা লৈবাক্কী পাৱর সেক্তরগী শরুক খুদিংদা অহোংবা পুরক্নবা চহি ৮ মমাংদগী থবক পায়খৎপা হৌখি হায়না ফোংদোকখি। পাৱর সীস্তেম্বু হেন্না ফগৎহন্নবগীদমক্তা মরু ওইবা হীরম মরিদা – মৈ পুথোকপা, মৈ শন্দোকপা, মৈ য়েন্থোকপা অমসুং মৈ শম্বা, পুন্না থবক পায়খৎখি।

মমাংগী চহি ৮দা, লৈবাক অসিদা ইলেক্ত্রিক পুথোকপা ঙম্বগী মতিক চাউরাকপা এম.দবল্যু. ১,৭০,০০০ হেনগৎহনখ্রে হায়না প্রধান মন্ত্রীনা পাউদমখি। ৱান নেসন ৱান পাৱর গ্রিদনা ঙসিদি লৈবাক্কী পাঙ্গল ওইরে। লৈবাক শিনবা থুংববু শম্নহন্নবগীদমক্তা ত্রান্সমিসন লাইনগী চাউরাকপা সর্কিত কিমি. ১,৭০,০০০ তিংখি। মখা তাবা ওইনা, সাউভাগ্যা স্কিমগী মখাদা কন্নেক্সন করোর ৩ হেন্না পীদুনা, ঐখোয়না সেচ্যুরেসন পান্দমগা য়াম্না নক্নরে হায়না মহাক্না হায়খি।

নীংতম্বগী চহি ৭৫ মপুং ফারবা তুংদা জি.দবল্যু. ১৭৫গী রিনুএবল ইনর্জী কেপাসিতী হেনগৎহন্নবা ঐখোয়না ৱারেপ লৌখিবা লৈখ্রবনি হায়না প্রধান মন্ত্রীনা ফোংদোকখি। ঙসিদি, ঐখোয়না পান্দম অসিগী মাইকৈদা য়াম্না নকশিল্লে। নন-ফোসিল সোর্সতগী চাউরাকপা জি.দবল্যু. ১৭০ ঐখোয়না হৌজিক ফাওবদা ইন্সতোল তৌখ্রে। ঙসিদি, ভারতনা ইন্সতোল কেপাসিতীগী হীরমদা মালেমগী মকোক থোংবা লৈবাক ৪-৫গী মনুং চল্লে হায়না মহাক্না মখা তাখি। মালেমগী খ্বাইদগী চাউবা সোলার পাৱর প্লান্ত কয়া অমা ঙসি ভারত্তা লৈরে। লৈবাক অসিনা ঙসিসু, অচৌবা সোলার পাৱর প্লান্ত অনি ফংখ্রে। তেলঙ্গানা অমসুং কেরলাদা লৈরিবা প্লান্তশিং অসিদি লৈবাক্কী ওইনা খ্বাইদগী অহানবা অমসুং অনিশুবা তাওদুনা লৈবা সোলার পাৱর প্লান্তনি। য়ুমশিংদা সোলার পেনেল শিজিন্নবগী থৌওংবুসু হৌজিক য়াম্না কন্না পুক্নিং থৌগৎলি হায়না প্রধান মন্ত্রীনা হায়খি।

মৈ পুথোকপগী চাং হেনগৎলিবা মতিক সরকারনা মৈ লিক্না শিজিন্নবা অমসুং মৈ কনবগী থৌওংশিংদা অহেনবা মিৎয়েং চঙলি হায়না প্রধান মন্ত্রীনা হায়খি। “মৈ কনবা হায়বদি তুংগী মতম্বু হেন্না ফহনবা হায়বনি। পি.এম. কুসুম য়োজনানা মসিগী নীংথিরবা খুদম অমনি। ঐখোয়না লৌমীশিংদা সোলার পম্প য়েন্থোক্লি, মখোয়গী লবুক্তা সোলার পেনেল খিনবদা তেংবাংলি”, মহাক্না হায়খি।

লৈবাক অসিদা মৈ শিজিন্নবগী চাং অমসুং মসিগী বিল হন্থহনবদা উজালা স্কিম্না অচৌবা থৌদাং য়াখি হায়না প্রধান মন্ত্রীনা পাউদমখি। লাইরবা অমসুং মিদ্দল ক্লাস ইমুংশিংগী মৈগী বিলদগী চহি খুদিংগী চাউরাকপা লুপা করোর লিশিং য়াঙখৈ কনবা ঙম্লি।

মতম অসুম হৌজিল্লকপগী মতুং ইন্না, ঐখোয়গী রাজনিতীদা মিৎয়েং চঙনীংঙাই ওইবা শিংনবা খরা থোক্লক্লি হায়না প্রধান মন্ত্রীনা ফোংদোকখি। রাজনিতীদা মীয়াম্না অচুম্বা ঙাঙবা ঙম্বগী থৌনা লৈগদবনি, অদুবু রাজ্য খরনা মসিদগী নাথৈগে তৌবগী ফিভম খরা ঐখোয়না উবা ফংই। মসিগুম্বা থৌরাং অসি রাজনিতীদা য়াম্না ফনা উরম্বা য়াই, অদুবু মসিনা মতম কুইনা চৎকদবনি নত্তে। মসিদি ঐখোয়গী অঙাং, তুংগী চারোন শুরোনশিংদা ঙসিগী অশেংবা, ঙসিগী শিংনবশিংবু হয়েংগীদমক্তা য়ৈথোক্তুনা থম্বগা মান্নৈ। ঙসিগী শিংনবশিংবু নাথৈদুনা হয়েংগীদমক্তা থাদোক্তুনা থম্বসিদি লৈবাক্কী অফবা নত্তে হায়না মহাক্না হায়খি। মসিগুম্বা ৱাখল্লোনশিংনা লৈবাক্কী পাৱর সেক্তরবু অচৌবা শিংনবশিংদা ইন্থরি।

ঐখোয়গী দিস্ত্রিব্যুসন সেক্তরদা মাঙলিবশিং অসি দিজিত অনিগী মশিং য়ৌরে। মান্নবা মশিং অসি চাউখৎপা লৈবাকশিংদা শুপ্নগী দিজিত অমদা লৈ। মসিনা হায়বদি, ঐখোয়না মৈ য়াম্না মাঙহল্লে অমসুং মীয়ামগী অপাম্বা থেংনবা ঙম্নবা হৌজিক পুথোক্লিবা চাংদগী হেন্না পুথোকপগী মথৌ তাই হায়বনি। দিস্ত্রিব্যুসন অমসুং ত্রান্সমিসন্দা মাঙলিবশিংবু হন্থহন্নবা ইনফ্রাস্ত্রকচর কয়া রাজ্য কয়াদা লৈত্রি হায়না মহাক্না থমখি। তোঙানবা রাজ্য কয়ানা লুপা করোর লাখ ১ ফাওবগী শেল তোল্লি তাবদা মীয়াম্না অঙকপা ফাওগনি হায়না প্রধান মন্ত্রীনা হায়খি। মখোয়না শেনফমশিং অসি মৈ পুথোক্লিবা কম্পেনীশিংদা পীথোকফম থোকপনি। সরকারগী তোঙানবা বিভাগ, লোকেল বোদীশিংনা পাৱর দিস্ত্রিব্যুসন কম্পেনীশিংদা লুপা করোর ৬০,০০০ হেন্না তোন্দুনা হৌজিক লৈরি। তোঙানবা রাজ্যশিংদা মতম চানা অমসুং মপুং ফানা সবসিদী পানবগীদমক্তা শিজিন্নগদবা শেনফম ফাওবা কম্পেনীশিং অসিনা ফংবা ঙমদনা লোইরি। মসিদসু চাউরাক্না লুপা করোর ৭৫,০০০ হেনবগী শেনফম থোকই। মৈ পুথোকপদগী হৌরগা য়ুম্থোং খুদিংদা দেলিভরী তৌরিবা মীওইশিংগী ওইনসু লুপা করোর লাখ ২.৫ মুক পন্দুনা লৈরি।

প্রধান মন্ত্রীনা শেনফম পীথোক্নিংঙাই লৈবা রাজ্যশিংনা তোল্লিবা শেনফমশিং অথুবা মতমদা পীথোক্নবা হায়খি। লৈবাক মীয়াম্না মশাগী মৈগী বিলবু চাং নাইনা পুকচেল শেংনা পীদুনা লাক্লি, অদুগা রাজ্যশিংনা এরিয়র হঞ্জিন হঞ্জিন্না ফংগদৌরিবা করিগীনো হায়না হংবা য়াবনি। মসিদি ‘রাজনিতী’গী ৱাফম নত্তে, মসিদি ‘রাস্ত্র নিতী’ অমসুং লৈবাক শেম্বগী থৌওংগী মনুং চল্লিবনি হায়না মহাক্না হায়খি।

ইলেক্ত্রিসিতী সেক্তরগী হেল্থ অসিদি মীপুম খুদিংগী থৌদাংনি হায়না মহাক্না স্তেকহোলদরশিংগী মফমদা নীংশিংহন্দুনা মহাক্কী ৱারোল লোইশিনখি।

 বেকগ্রাউন্দ

প্রধান মন্ত্রীগী লুচিং মখাদা, সরকারনা পাৱর সেক্তরদা পাথ ব্রেকিং রিফোর্ম কয়া পাংথোকখ্রে। পাৱরবু মীপুম খুদিংদা শেল চঙদনা য়ৌহনবগী পান্দমগা লোয়নবা রিফোর্মশিং অসিনা সেক্তর অসিদা অহোংবা পুরক্লি। মৈ ফংলমদবা চাউরাকপা খুঙ্গং ১৮,০০০দা মৈ ফংহনখিবগী মমাংগী থৌদোক্না সরকারনা লাস্ত মাইল আউতরিচ লৈহন্নবা খোঙফম চেৎলিবা অসিবু ময়েক শেংনা তাক্লি।

পাৱর মন্ত্রালয়গী রিভেম্প দিস্ত্রিব্যুসন সেক্তর স্কিম অসিনা ওপরেস্নেল ইফিসেন্সী ফগৎহন্নবা অমসুং দিস্কোম অমসুং পাৱর বিভাগশিংগী ফাইনেন্সিএল সস্তেনেবিলিতী ফগৎহন্নবা পান্দম থম্লি। শেনবা চহি ২০২১-২২দগী ২০২৫-২৬ ফাওবগী চহি ৫গী মতমগী লুপা করোর লাখ ৩ কাইথোক্তুনা, স্কিম অসিনা দিস্ত্রিব্যুসন ইনফ্রাস্ত্রকচর মপাঙ্গল লৈহন্নবা অমসুং মতমগা হেন্না চুনহন্নবা, থাজবা য়াবগী মতৌ হেন্না ফগৎহন্নবা অমসুং এন্দ কঞ্জ্যুমরদা পীরিবা সেবাগী ক্বলিতী ঙাক্নবা দিস্কোমদা শেলগী তেংবাং পীনবা পান্দম থম্লি। মসিনা স্তেত সেক্তর দিস্কোম অমসুং পাৱর বিভাগকী ওপরেস্নেল ইফিসেন্সী অমসুং ফাইনেন্সিএল সস্তেনেবিলিতী ফগৎহন্দুনা ইং ২০২৪-২৫ ফাওবদা এ.তি. অমসুং সি. (এগ্রিগেত তেক্নিকেল অমসুং কম্মর্সিএল) লোসপু ১২-১৫%গী পেন-ইন্দিয়া লেভেলদা হন্থহন্নবা অমসুং এ.সি.এস.-এ.আর.আর. গেপ্পু জিরোদা লৈহন্নবা পান্দম থম্লি।

প্রধান মন্ত্রীনা থৌরম মনুংদা লুপা করোর ৫২০০ হেনবা এন.তি.পি.সি.গী তোঙানবা গ্রীন ইনর্জী প্রোজেক্ত কয়া মীয়ামদা খুৎশিন্নবগা লোয়ননা উরেপ উয়ুংসু তমখ্রে। মহাক্না তেলঙ্গানাগী এম.দবল্যু. ১০০ রামাগুন্দম ফ্লোতিং সোলার প্রোজেক্ত অমসুং কেরলাগী এম.দবল্যু. ৯২ কায়মকুলম ফ্লোতিং সোলার প্রোজেক্ত শঙ্গাখি। মহাক্না রাজস্থানগী এম.দবল্যু. ৭৩৫ নোখ সোলার প্রোজেক্ত, লেহগী গ্রীন হাইদ্রোজেন মোবিলিতী প্রোজেক্ত অমসুং গুজরাতকী কাৱাস গ্রীন হাইদ্রোজেন ব্লেন্দিং ৱিথ নেচরেল গ্যাসকী উরেপ উয়ুং তমখি।

রামাগুন্দম প্রোজেক্ত অসি লাখ ৪.৫গী ‘মেদ ইন ইন্দিয়া’ সোলর পি.ভি. মোদ্যুলশিংনা শেম্বা ভারতকী খ্বাইদগী চাউবা ফ্লোতিং সোলর পি.ভি. প্রোজেক্তনি। কায়মকুলম প্রোজেক্ত অসি ঈশিংদা তাওবা লাখ ৩গী ‘মেদ ইন ইন্দিয়া’ সোলর পি.ভি. পেনেলশিংনা শেম্বা খ্বাইদগী চাউবদা অনিশুবা ফ্লোতিং সোলর পি.ভি. প্রোজেক্তনি।

রাজস্থানগী জৈসলমেরদা লৈবা নোখকী এম.দবল্যু. ৭৩৫গী সোলর পি.ভি. প্রোজেক্ত অসি ত্রেকর সিস্তেম য়াওবা হায়-ৱেত্তেজ বাইফেসিএল পি.ভি. মোদ্যুলশিং শীজিন্নবা সিঙ্গল লোকেসন্দা লৈবা এম.দবল্যু.পো. ১০০০ ওইবা সোলর প্রোজেক্ততা বেজ তৌবা ভারতকী ওইনা খ্বাইদগী চাউবা দোমেস্তিক কন্তেন্ত রিক্বেরমেন্ত ওইরি। লদাখকী লেহগী গ্রীন হাইদ্রোজেন মোবিলিতী প্রোজেক্ত অসি পাইলোৎ প্রোজেক্ত অমনি অমসুং মসিনা লেহগী অকোইবদা ফ্যুএল সেল বস মঙা চেলহন্নবা পান্দম থম্মি। পাইলোৎ প্রোজেক্ত অসি ভারত্তা মীয়ামগী শীজিন্ননবা ফ্যুএল সেল ইলেক্ত্রিক ভেহিকলশিং অহানবা ওইনা দিপ্লোই তৌবা তৌরগনি। এন.তি.পি.সি. কৱাস তাউনশিপকী গ্রীন হাইদ্রোজেন ব্লেন্দিং পাইলোৎ প্রোজেক্ত অসিনা নেচরেল গ্যাস শীজিন্নবা হন্থহনবদা মতেং পাংলিবা ভারতকী অহানবা গ্রীন হাইদ্রোজেন ব্লেন্দিং পাইলোৎ প্রোজেক্ত ওইরগনি।

এপ্লিকেসনশিং রেজিস্তর তৌবদগী হৌরগা রেসিদেন্সিএল কঞ্জুমরশিংগী বেঙ্ক একাউন্তশিংদা প্লান্ত ইন্সতোলেসন অমসুং ইনস্পেক্সন তৌরবা মতুংদা সবসিদী চংহনবা ফাওবা রুফতোপ সোলর প্লান্তশিং ইন্সতোল তৌবগী প্রোসেস ওনলাইন ওইনা ত্রেক তৌবা ঙমহনগদবা নেস্নেল সোলর রুফতোপ পোর্তেলসু প্রধান মন্ত্রীনা লোঞ্চ তৌগনি।

‘উজ্জ্বল ভারত উজ্জ্বল ভবিশ্য – পাৱর@২০৪৭’ অসি হৌজিক চত্থরিবা ‘আজাদী কা অমৃত মহোৎসব’কী শরুক ওইনা জুলাই ২৫দগী ৩০ ফাওবা পাঙথোকপনি। লৈবাক শিনবা থুংবদা পাঙথোক্লিবা অসিদা হৌখিবা চহি নিপান্দা পাৱর সেক্তরদা পুরকখিবা অওনবশিং উৎলি। মসিনা সরকারগী পাৱরগা মরী লৈনবা থৌশিলশিং, স্কিমশিং অমসুং থৌরমশিংগী মরমদা এৱের্নেস পীনবা অমসুং মসিদা শরুক য়ানবা প্রজাশিংবু এম্পাৱর তৌনবা পান্দম থম্মি।

Numerous path breaking reforms have transformed the power sector in the last eight years. https://t.co/lkAwx84tgJ

— Narendra Modi (@narendramodi) July 30, 2022

अगले 25 वर्षों में भारत की प्रगति को गति देने में एनर्जी सेक्टर, पावर सेक्टर की बहुत बड़ी भूमिका है।

एनर्जी सेक्टर की मजबूती Ease of Doing Business के लिए भी जरूरी है और Ease of Living के लिए भी उतनी ही अहम है: PM @narendramodi

— PMO India (@PMOIndia) July 30, 2022

लद्दाख और गुजरात में ग्रीन हाइड्रोजन के दो बड़े projects पर आज से काम शुरु हो रहा है।

लद्दाख में लग रहा प्लांट देश में गाड़ियों के लिए ग्रीन हाईड्रोजन का उत्पादन करेगा।

ये देश का पहला project होगा जो ग्रीन हाइड्रोजन आधारित ट्रांसपोर्ट के कमर्शियल इस्तेमाल को संभव बनाएगा: PM

— PMO India (@PMOIndia) July 30, 2022

8 साल पहले हमने देश के पावर सेक्टर के हर अंग को ट्रांसफॉर्म करने का बीड़ा उठाया।

बिजली व्यवस्था सुधारने के लिए चार अलग-अलग दिशाओं में एक साथ काम किया गया- Generation, Transmission, Distribution और Connection: PM @narendramodi

— PMO India (@PMOIndia) July 30, 2022

पिछले 8 वर्षों में देश में लगभग 1 लाख 70 हज़ार मेगावाट बिजली उत्पादन की क्षमता जोड़ी गई है।

वन नेशन वन पावर ग्रिड आज देश की ताकत बन चुका है।

पूरे देश को जोड़ने के लिए लगभग 1 लाख 70 हज़ार सर्किट किलोमीटर ट्रांसमिशन लाइन्स बिछाई गईं हैं: PM @narendramodi

— PMO India (@PMOIndia) July 30, 2022

हमने आज़ादी के 75 साल पूरे होने तक 175 गीगावॉट रीन्युएबल एनर्जी कैपेसिटी तैयार करने का संकल्प लिया था।

आज हम इस लक्ष्य के करीब पहुँच चुके हैं।

अभी तक non fossil sources से लगभग 170 गीगावॉट कैपेसिटी install की जा चुकी है: PM @narendramodi

— PMO India (@PMOIndia) July 30, 2022

आज installed solar capacity के मामले में भारत, दुनिया के टॉप 4-5 देशों में है।

दुनिया के सबसे बड़े सोलर पावर प्लांट्स में से अनेक आज भारत में हैं: PM @narendramodi

— PMO India (@PMOIndia) July 30, 2022

इसी कड़ी में आज दो और बड़े सोलर प्लांट्स देश को मिले हैं।

तेलंगाना और केरला में बने ये प्लांट्स देश के पहले और दूसरे नंबर के सबसे बड़े फ्लोटिंग सोलर प्लांट्स हैं: PM @narendramodi

— PMO India (@PMOIndia) July 30, 2022

समय के साथ हमारी राजनीति में एक गंभीर विकार आता गया है।

राजनीति में जनता को सच बताने का साहस होना चाहिए, लेकिन हम देखतें हैं कि कुछ राज्यों में इससे बचने की कोशिश होती है: PM @narendramodi

— PMO India (@PMOIndia) July 30, 2022

ये रणनीति तात्कालिक रूप से अच्छी राजनीति लग सकती है।

लेकिन ये आज के सच को, आज की चुनौतियों को, कल के लिए, अपने बच्चों के लिए, अपनी भावी पीढ़ियों के लिए टालने जैसा है: PM @narendramodi

— PMO India (@PMOIndia) July 30, 2022

हमारे Distribution Sector के Losses डबल डिजिट में हैं। जबकि दुनिया के विकसित देशों में ये सिंगल डिजिट में है।

इसका मतलब ये है कि हमारे यहां बिजली की बर्बादी बहुत है और इसलिए बिजली की डिमांड पूरी करने के लिए हमें ज़रूरत से कहीं अधिक बिजली पैदा करनी पड़ती है: PM @narendramodi

— PMO India (@PMOIndia) July 30, 2022

देश को ये जानकर हैरानी होगी कि अलग-अलग राज्यों का 1 लाख करोड़ रुपए से अधिक का बकाया है।

ये पैसा उन्हें पावर जेनरेशन कंपनियों को देना है।

पावर डिस्ट्रिब्यूशन कंपनियों का अनेक सरकारी विभागों पर, स्थानीय निकायों पर भी 60 हज़ार करोड़ रुपए से अधिक बकाया है: PM @narendramodi

— PMO India (@PMOIndia) July 30, 2022

अलग-अलग राज्यों में बिजली पर सब्सिडी का जो कमिटमेंट किया गया है, वो पैसा भी इन कंपनियों को समय पर और पूरा नहीं मिल पाता।

ये बकाया भी 75 हज़ार करोड़ रुपए से अधिक का है।

यानि बिजली बनाने से लेकर घर-घर पहुंचाने तक का ज़िम्मा जिनका है, उनका लगभग ढाई लाख करोड़ रुपए फंसा हुआ है: PM

— PMO India (@PMOIndia) July 30, 2022

जिन राज्यों के dues pending हैं, मेरा उनसे आग्रह है कि वे जितना जल्दी संभव हो सके, क्लीयर करें।

साथ ही उन कारणों पर भी ईमानदारी से विचार करें कि जब देशवासी ईमानदारी से अपना बिजली का बिल चुकाते हैं, तब भी कुछ राज्यों का बार-बार बकाया क्यों रहता है? – PM @narendramodi

— PMO India (@PMOIndia) July 30, 2022

***