ভারতকী প্রধানমন্ত্রী

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা নেসনেল রোজগার মেলাদা ৱা ঙাংখ্রে অমসুং সরকারগী তোঙান-তোঙানবা বিভাগশিং অমসুং লুপশিংদা নৌনা থবক খল্লবা মীওইশিংদা এপোইন্তমেন্ত লেত্তর ৭০,০০০ য়েন্থোকখ্রে। লৈবাক্কী মফম কয়াদগী নৌনা থবক খল্লবা মীওইশিংনা থবক চঙগদবা সরকারগী তোঙান-তোঙানবা বিভাগশিংগী মনুংদা ফাইনান্সিএল সর্বিসেস দিপার্তমেন্ত, পোস্ত দিপার্তমেন্ত, স্কুল ইজুকেসন দিপার্তমেন্ত, হয়র ইজুকেসন দিপার্তমেন্ত, দিফেন্স মিনিস্ত্রি, রেভিনিউ দিপার্তমেন্ত, হেল্থ অমসুং ফেমিল ৱেলফিয়ার মিনিস্ত্রি, এতোমিক ইনর্জি দিপার্তমেন্ত, রেলৱেজ মিনিস্ত্রি, ওদিৎ অমসুং একাউন্তস দিপার্তমেন্ত অমসুং হোম এফেয়ার্স মিনিস্ত্রি য়াওরি। প্রধান মন্ত্রীনা ৱা ঙাংবা অদু লৈবাক্কী তোঙান-তোঙানবা মফম ৪৩দা পাংথোকপা মেলাশিংগা শম্নখি।

থৌরম অদুদা প্রধান মন্ত্রীনা হায়খি ঙসি মীওই ৭০,০০০ হেনবদা রিক্রুইতমেন্ত লেত্তরশিং য়েন্থোক্তুনা নেসনেল রোজগার মেলা অসি হৌজিক পাল্লিবা সরকার অসিগী অনৌবা শক্তম অমা ওইরে। বি.জে.পি অমসুং এ.দি.এনা পানবা রাজ্যশিংদা অসিগুম্বা মেলাশিং চাং নাইনা পাংথোক্লি। মথং চহি ২৫দা চাউখৎলবা ভারত অমা শেম্নবা মতেং পাংনবা মখোয়না খুদোংচাবা ফংবা ওইনা সরকারগী থবক ফংলবশিংগী ওইনা ঙসি অসি শিংথানিঙাই ওইরবা তাঞ্জা অমনি। হৌজিক্কী ফিবম অসিগা লোয়ন্না, অদোম্না লৈবাক্কী তুংগীদমক খুদিংমক পীথোক্কদবনি। থৌরম অদুদা শ্রী  মোদীনা নৌনা থবক ফংলবশিং অমসুং মখোয়গী ইমুং-মনুংগী মীওইশিংদা নুংঙাইবা ফোঙদোকখি।

প্রধান মন্ত্রীনা হায়খি লৈবাক অসিগী শেন্মিৎলোন্দা থবক ফংনবা অমসুং মশানা মশাবু থবক পীজনবা খুদোংচাবশিং হেনগৎলক্লে। মুদ্রা স্কিম, স্তার্দঅপ ইন্দিয়া, স্তেন্দ অপ ইন্দিয়া য়াওনা স্কিম কয়া সরকারনা পায়খৎলে। হৌজিক হায়রিবা নহারোলশিং অসি থবক পীবা ঙম্বা মীওইশিং ওইরে। নহারোলশিংদা সরকারগী থবক পীনবা কেম্পেন অসি মমাঙদা অমুক্তা পাংথোকখিদ্রিবা মওংদা পায়খৎলি।  এস.এস.সি. য়ু.পি.এস.সি অমসুং আর.আর.বিগুম্বা ইন্সতিতুৎসিনা  অনৌবা থবক কয়া পীরে। হায়রিবা ইন্সতিতুৎশিং অসিনা অরাইবা মওংদা, অরোন-অথুপ লৈতানা অমসুং লাইনা থবক লৌনবা থবক পায়খৎলে। মখোয়না থবক লৌবগী মতম চহি ১-২ ওইরম্বা অদু থা খরদা হন্থহল্লে।

প্রধান মন্ত্রীনা হায়খি ঙসি লৈবাক অসিগী চাউখৎপগী খোঙচৎ অসিদা ভারতকা মরুপ ওইনবা মালেম শীনবা থুংনা খৌরাংনা ঙাইনরি। ভারত অমসুং লৈবাক অসিগী ইকোনোমিদা মালেম্না থাজবা লৈরে। ভারতনা মসিগী ইকোনোমি অনৌবা  অৱাংবা থাকশিংদা পুখৎলে অমসুং শেন-থুমগী ফিবম শোকজিল্লকপা, মালেমগী লাইচৎ অমসুং হৌজিক চৎথরিবা লান অসিনা মরম ওইদুনা সপ্লাই চেন্দা অকায়বা পীরকপশিং লৈবাক অসিনা মায়োক্নখি। মল্তি নেসনেল কয়া মখোয়গী পোৎথোক পুথোক্নবা ভারত্তা লাক্নরে অমসুং লৈবাক অসিগী ফোরেন একচেঞ্জ রিজার্বশিং হেনগৎলকপা অসি ভারতকী শেন-থুমগী ফিবম ফগৎলকপগী খুদম্নি।

শ্রী মোদীনা মখা তানা হায়খি লৈবাক অসিদা মপান লৈবাকশিংদগী শেন থাদরকপা অসিনা পোৎথোক পুথোকপা হেনগৎলে অমসুং অনৌবা ইন্দস্ত্রিশিং লিংখৎলে অমসুং মপান্দা থাদোকপা হেনগৎপগা লোয়ন্না খোঙজেল য়াম্না য়াংনা থবক ফংনবা খুদোংচাবশিং পীরে। সরকার অসিগী থৌশিলশিংনা প্রাইভেদ সেক্তরনা থবক লাখ কয়া ফংনবা খুদোংচাবশিং পীরে। ওতোমোবাইল সেক্তরনা লৈবাক অসিগী জি.দি.পিদা চাদা ৬.৫ হেন্না মতেং পাংলে। তোঙান-তোঙানবা লৈবাকশিংদা পেসেঞ্জর গারিশিং, কম্মর্সিএল গারিশিং অমসুং মখোঙ অহুম অমসুং মখোঙ অনি পানবা গারিশিং থাদোকপা হেনগৎপা অসিনা ভারতকী ওতোমোবাইল ইন্দস্ত্রি চাউখৎলকপগী খুদম্নি। চহি ১০গী লুপা করোর  লাখ ৫গী ওইরম্বা ওতোমেতিপ ইন্দস্ত্রি ঙসিদি লুপা করোর লাখ ১২গী হেল্লে। ভারত্তা ইলেক্ত্রিক্কী গারি মশি হেনগৎলক্লে। ওতোমেতিপ ইন্দস্ত্রিদা পি.এল.আই স্কিম্না মতেং পাংলি। অসিগুম্বা সেক্তরশিংনা ভারতকী নহারোলশিংদা থবক কয়া ফংনবা খুদোংচাবশিং পীরি।

প্রধান মন্ত্রীনা হায়খি চহি ১০গী মমাঙগা চাংদম্নবদা, ভারত হেন্না তুংদু-লৈতাবা, অশোই-অঙাম লৈতবা অমসুং মপাঙ্গল কনবা লৈবাক অমা ওইরে। মমাঙদা স্কাম অমসুং সরকারনা লান্না শীজিন্নবা অসিনা লৈঙাক্কী মশক তাকখি। ঙসিগী মালেম অসিদা কান্নবা অমা ওইরবা, লৈবাক অসিদা রাজনিতিগী তুংদু-লৈতাবা লৈবগীদমক ভারত মমিং চৎলে। ঙসিদি, ভারত সরকার অসি অথুবা মতমদা ৱারেপ লৌবা ঙম্বা সরকার অমা ওইনা খঙনরে। ঙসিদি, সরকার অসি শেন-থুম চাউখৎপা অমসুং খুন্নাইগী ৱারেপশিংগী মমিং চৎলে। হিংবদা লাইনবা, ইনফ্রাস্ত্রকচর শেমগৎনবা অমসুং ললোন-ইতিক লাইনা পাংথোকপা য়ানবা সরকারনা পায়খৎলিবা থবকশিং মালেমগী লুপশিংনা মশক খঙলে।

প্রধান মন্ত্রীনা মখা তানা হায়খি লৈবাক অসিগী ফিজিকেল অমসুং সোসিএল ইনফ্রাস্ত্রকচরগীদমক ভারতনা য়াম্লবা শেনফম থাদরে। জল জিবন মিসনগী মখাদা মীয়ামদা অফবা থক্নবা ঈশিং ফংহল্লে। জল জিবন মিসনগীদমক লুপ করোর লাখ ৪ চাদিং তৌরে। মিসন অসি হেক হৌরকপদগী, চাংচৎ অমদা, খুঙ্গং ১০০গী মনুংদা খুঙ্গং ১৫ তোতি ঈশিং ফংলে, হৌজিক য়ুমথোং ১০০ খুদিংগী য়ুমথোং ৬২ তোতি ঈশিং ফংলে। জিলা ১৩০দা য়ুমথোং খুদিংমক তোতি ঈশিং ফংলে। মসিগী ফল ওইনা মতম মাংহন্দ্রে অমসুং ঈশিংদগী পোকপা লায়না কয়াদগী কনবা ঙম্লে। থিজিনবশিংদগী খঙবা ঙম্লে মদুদি অফবা থক্নবা ঈশিং ফংবদগী দাইরিয়াগা মরী লৈনবা শিবা লাখ ৪দগী কনবা ঙম্লে অমসুং ঈশিং লৈনবা অমসুং লায়নাশিং লায়য়েংবদা চঙগদবা মীয়ামগী লুপা করোর ৮গী শেনফমশিং কনবা ঙম্লে।

শ্রী মোদীনা হায়খি থবক হাপ্পা মতমদা শাগৈগী রাজনিতি অমসুং মীচং-মীখাই নাইবনা অচৌবা চৈথেং পীখি। রাজ্য খরদা শেন পীরগা থবক য়োনবগী স্কামশিং থেংনরে অমসুং নহারোলশিংনা অসিগুম্বা অসিদগী চেকশিনগদবনি। মতম অমদা লৈবাক অসিগী রেলৱে মিনিস্তরনা লম লৌরগা থবক পীবগী স্কাম অমা লৈখি অমসুং কেস অসি হৌজিক সি.বি.আইনা থিজিল্লি অমসুং কোর্ততা পেন্দিং লৈরি। শাগৈগী রাজনিতি তৌবা দলশিং অমসুং থবক পীবগী মিংদা লৈবাক অসিগী নহারোলশিংদগী শগুন তৌবা অসিদগী নহারোলশিংনা চেকশিনগদবনি।

প্রধান মন্ত্রীনা হায়খি অতোপ্পা রাজনিতি দলশিংনা লোলগী মিংদা মীয়াম তোখায় তাহন্নবা হোৎনরি,অদুগা সরকার অসিনা লোলশিং থবক ফংনবা মপাঙ্গল কনবা পাম্বৈ অমা ওইহল্লে। থবক লৌনবা একজামিনেসনশিং ইমা লোলশিংদা পাংথোকপা অসিনা নহারোলশিংদা কান্নবা পীরগনি।

প্রধান মন্ত্রীনা হায়খি ঙসিগী য়াংনা চৎলিবা ভারত্তা সরকারগী থবক তৌবা মীওইশিংনা থবক তৌবগী মওং অমসুং সরকারগী থবকশিং য়াংনা হোঙলে। মতম অমদা লৈবাক্কী মীয়াম্না সরকারগী ওফিসশিংদা চৎলমখি অদুগা ঙসিনা লৈঙাক্কী থবকশিং থোংজিলদা ফংহন্দুনা হৌজিক সরকার অসি নাগরিকশিংগী য়ুমশিংদা চৎলে। সরকারগী ওফিসশিং অমসুং বিভাগশিংনা মফম অদুগী মীয়ামগী অনিংবা অমসুং অপাম্বশিং খঙনা থবক তৌরে। মোবাইল এপ্পশিংগী খুৎথাংদা সরকারগী থবকশিং য়াম্না লাইনা ফংহল্লে অমসুং মীয়ামগী অৱাবা কোকহন্নবা থবকশিং লেপ্তনা মপাঙ্গল কনখৎহল্লে।

লোইশিল্লকপগী ৱারোলদা, প্রধান মন্ত্রীনা হায়খি নৌনা থবক খল্লবশিংনা লৈবাক অসিগী মীয়ামগী ইহুলশিং খঙনা থবক তৌগদবনি। অদোম্না মসিগী অহোংবশিং অসি মখা থবক তৌগদবনি। মসিগা লোয়ন্না অদোম মতম পুম্নমক্তা তম্নিংবগী ৱাখল্লোন অমা লৈগদবনি। ওনলাইন পোর্তেল iGoT শীজিন্নবা মীওই মিল্লিয়ন অমা হেল্লে। অমৃত কালগী মথং চহি ২৫গী খোঙচত্তা, চাউখৎলবা ভারত অমগী মঙলান মঙফাওন্নবা মাইকৈদা ঐখোয় পুন্না মাঙলোমদা চঙশিনমিন্নরসি।

নুঙগীৱারোল

রোজগার মেলা অসি থবক পীনবা প্রধান মন্ত্রীনা থাজবা পীখিবা অদু থবক ওইনা পাংথোক্নবা মাইকৈদা থাংজিনবা খোঙথাং অমনি। রোজগার মেলা অসি মখা তানা থবক পীনবা কেতালিস্ত অমা ওইনা থবক তৌরি অমসুং নহারোলশিং শক্তি পীনবা অমসুং লৈবাক চাউখৎনবা থবকশিংদা শরুক য়ানবা কান্নরবা খুদোংচাবা অমা পীরি।

নৌনা থবক ফংলবশিং মখোয় মশামক কর্মায়োগি পরাম্ভগী খুৎথাংদা iGOT কর্মায়োগি পোর্তেলদা ওনলাইন মোদুলদা ত্রেনিংগী খুদোংচাবা অমা ফংলগনি।  মফম অমদগী দিভাইস অমদগী হেক্তা ই-লার্নিং কোর্স ৪০০ হেন্না তম্নবগী খুদোংচাবা পীরে।

Addressing the Rozgar Mela. Congratulations to the newly inducted appointees. https://t.co/MLd0MAYOok

— Narendra Modi (@narendramodi) June 13, 2023

मैं आज नियुक्ति पत्र पाने वाले सभी युवाओं को बहुत-बहुत बधाई और शुभकामनाएं देता हूं: PM @narendramodi pic.twitter.com/XxJmbOejeh

— PMO India (@PMOIndia) June 13, 2023

आज भारत में प्राइवेट और पब्लिक सेक्टर, दोनों में ही नौकरियों के निरंतर नए मौके बन रहे हैं।

बहुत बड़ी संख्या में हमारे नौजवान स्वरोजगार के लिए भी आगे आ रहे हैं। pic.twitter.com/u2vIjvluhf

— PMO India (@PMOIndia) June 13, 2023

आज पूरी दुनिया हमारी विकास यात्रा में साथ चलने के लिए तत्पर है। pic.twitter.com/MVHMtsZ0dq

— PMO India (@PMOIndia) June 13, 2023

आज भारत एक दशक पहले की तुलना में ज्यादा स्थिर, सुरक्षित और मजबूत देश है। pic.twitter.com/71d0PTBWqW

— PMO India (@PMOIndia) June 13, 2023

आज भारत सरकार की पहचान उसके निर्णायक फैसलों से होती है।

आज भारत सरकार की पहचान उसके आर्थिक और सामाजिक सुधारों से हो रही है। pic.twitter.com/jT6834bB9x

— PMO India (@PMOIndia) June 13, 2023

****