ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা দিল্লীগী প্রগতি মৈদান্দা জাতিগী হেন্দলুম নুমিৎ থৌরমদা ৱা ঙাংখ্রে অমসুং নেসনেল ইন্সতিতুৎ ওফ ফেসন তেক্নোলোজিনা শেমগৎপা তেক্সতাইলশিং অমসুং ক্রাফশিংগী ক্রাফ রিপোসিতোরি পোর্তেল অমা-ভারতীয় ভাস্ত্রা ইভম সিল্প কোস হৌদোকখ্রে। থৌরম অদুদা প্রধান মন্ত্রীনা একজিবিসন্দা উৎলিবশিং য়েংখি অমসুং ফিশাবশিংগা ৱারি শানখি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ভারত মান্দাপম শঙ্গাদ্রিঙৈ মমাংদা প্রগতি মৈদান্দা একজিবসন অমা পাংথোকপা মতমদা শরুক য়ারিবশিংনা মখোয়গী পোৎথোকশিং তেন্ত অমদা উৎখি। ঙসিগী ভারত অসিদা অরিবশিং অমসুং অনৌবশিং পুনশিনবা উবা ফংলে। ঙসিগী ভারত অসি শুপ্নগী ‘লোকেল ফোর ভোকেল’গী নত্তে, লৈবাক অসিগী পোৎথোকশিং মালেমদা য়ৌহন্নবা মালেমগী ওইবা মফম অমসু পীরি। ঙসিগী থৌরম হৌদ্রিঙৈ মমাংদা মহাক্না ফিশাবশিংগা ৱারি শানখি অমসুং ঙসিগী অচৌবা থৌরম অসিদা লৈবাক্কী তোঙান-তোঙানবা হেন্দলুম ক্লস্তরশিং শরুক য়াখিবা অসিদা প্রধান মন্ত্রীনা হরাওবা ফোঙদোকখি অমসুং মখোয় তরাম্না ওকখি।

প্রধান মন্ত্রীনা হায়খি ওগস্ত থা অসি লৈবাক নিংবা থানি। থা অসি ভারত নিংতম্বা ফংনবা থৱায় কৎখিবশিং নিংশিংনবা থানি। শ্বাদেশি ইহৌ অসি শুপ্নগী মপান লৈবাক্কী ফিরোলশিং শীজিন্নদবা অদু নত্তে, মসি ভারতকী শেন্মিৎলোন মনিংতম্বা ফংনবা ইথিলগী হৌরকফম অমনি। ইহৌ অসিনা ভারতকী ফিশাবশিংগা মীয়ামগা শম্নহনখি অমসুং মসিদগী নুমিৎ অসি জাতিগী হেন্দলুম নুমিৎ হায়না থৌরম পাংথোক্নবা সরকারদা ইথিল পীখিবনি। হৌখিবা চহি খর অসিদা হেন্দলুম উদোগ অমসুং ফিশাবশিং পাংথোক-চাউথোক্নবা মমাঙদা অমুক্তা ওইখিদ্রিবা ম ওংদা থবক পায়খৎলে। শ্বাদেসিগী মতাংদা লৈবাক অসিদা অনৌবা অওনবা অমা লাক্লে। লৈবাক অসিগী ফিশাবশিংগী মাইপাকপা অসিনা ভারত মাইপাকপদা চাউথোকচবা ফাওই।

প্রধান মন্ত্রীনা হায়খি কনাগুম্বা অমগী শক্তম অসি মখোয়গী ফিরোলশিংগা মরী লৈনৈ অমসুং থৌরমশিংদা তোঙান-তোঙানবা মখলগী ফিরোলশিং উবা ফংগনি। তোঙান-তোঙানবা লমদমশিংগী ফিরোলশিংগী খুৎথাংদা ভারতকী খেন্নবশিং হরাওবা ফোঙদোক্নবা নুমিৎ অসি থৌরম অমনি। ভারত্ত মচু কয়াগী ফিরোলশিং লৈরি। মনুং হুঞ্জিনবা মফমশিংদা লৈরিবা ত্রাইবেলশিংদগী হৌরগা উন তাবা চীঙজাউশিংদা লৈরিবা মীওইশিং, সমুদ্র মপানশিংগী মীওইশিং, লৈকংলাগী মীওইশিং ফাওবগী ফিরোলশিং ভারতকী কৈথেলশিংদা ফংলি। ভারতীয় ভাস্ত্রা ইভম সিল্প কোস হৌদোকখিবা অসিনা মখল কয়াগী ভারতকী ফিরোলশিংগী খোমজিনবা অদু উবা ফংলগনি।

প্রধান মন্ত্রীনা হায়খি ভারতকী তেক্সতাইল উদোগ অসি চহি চা কয়াদগী লৈরক্লবনি, নিংতম্লবা মতুংদা তেক্সতাইল মপাঙ্গল কনখৎহন্নবা চপ চাবা থবক অমতা পায়খৎত্রে। খাদি ফাওবা ওন্থোকপা ফিবম অমদা থমখি। খাদি শেৎপা মীওইশিং ফাওবা হন্থনা য়েংখি। ২০১৪গী মতুংদা সরকারনা ফিবম অসিদা অহোংবা পুরক্নবা থবক পায়খৎলে। মন কি বাত হৌরকপা মতমদা খাদিগী পোৎথোকশিং লৈনবা মীয়ামদা তকশিনখি অমসুং মসিগী ফল ওইনা হৌখিবা চহি ৯দা খাদি পুথোকপা শরুক ৩ হেনগৎখি। খাদিগী ফিরোলশিং য়োনবা শরুক ৫ হেনগৎলে অমসুং মপান লৈবাকশিংদা খাদি পাম্নবা হেনগৎলক্লে। মহাক্না পেরিস্তা চৎলুবদা খাদি অমসুং ভারতকী হেন্দলুমগী পোৎথোকশিং পাম্নবা হেনগৎলকপগী মতাংদা অচৌবা ফেসন ব্রান্দ অমগী সি.ই.ও অমনা মঙোন্দা পাউদম্লকখি।

প্রধান মন্ত্রীনা হায়খি চহি ৯গী মমাঙদা খাদি অমসুং ভিলেজ ইন্দস্ত্রিগী তর্নওভর অসি লুপা করোর লিশিং ২৫-৩০ রোম ওইরমখি। ঙসিদি মসি লুপা করোর লাখ ৩০,০০০ য়ৌরে। খুঙ্গংশিংদা অমসুং ত্রাইবেলশিংদা হেন্দলুম সেক্তরগা থবক তৌমিন্নরিবশিংগী অহেনবা তর্নওভর লুপা করোর লাখ ১ য়ৌরে। নিতি অয়োগকী রিপোর্ত মতুংইন্না হৌখিবা চহি ৫দা মীওই লাখ ১৩.৫ লায়রবা কোকহল্লে। ভোকেল ফোর লোকেলগী থৌনাগা লোয়ননা, মীয়াম্না থৱায় য়াওনা লৈবাক অসিদা পুথোকচবা পোৎলমশিং লৈরি অমসুং মসি মীয়ামগী ইহৌ অমা ওইরে। লাক্লিবা রক্ষ বন্ধন, গনেস উৎসব, দশেরা অমসুং দিৱালি কুহ্মৈশিংদা ফিশাবশিং অমসুং খুৎহৈবশিং শৌগৎনবা শ্বাদেশিগী ৱারেপ অমুক হন্না লৌবা দরকার ওইরে।

তেক্সতাইল সেক্তরগী স্কিমশিং পায়খৎপা অসিনা খুন্নাইগী অচুম্বা পুরক্নবা পাম্বৈ অমা ওইবদা প্রধান মন্ত্রীনা অপেনবা ফোঙদোকখি অমসুং মহাক্না হায়খি লৈবাক অসিগী খুঙ্গংশিং অমসুং সহরশিংদা মীওই লাখ কয়া হেন্দলুমগী থবকশিং পাংথোক্লি। হায়রিবা মীওইশিং অসি দিলিত, তোল্লবশিং, পাসমান্দা অমসুং ত্রাইবেল খুন্নাইশিংগী মীওইশিংনি। সরকারনা পায়খৎলিবা থবকশিং অসিনা মশিং য়াম্লবা মীওই কয়া থবক ফংবা হেনগৎলক্তুনা শেন্থোক হেনগৎহল্লে। ইলেক্ত্রিসিতি, ঈশিং, গ্যাস, শ্বাছ ভারতকী স্কিমশিং অসিনা মীয়ামদা কান্নবা য়াম্না ফংহল্লে। “লেম্নবা চানবা, চেক্কী য়ুম, লুপা লাখ ৫ ফাওবা লেম্না লায়য়েংবা- মসিগী মোদীনা পীবা থাজবনি। ফিশাবগী শীনফমদা লৈরিবা মীওইশিংনা তঙাইফদবা খুদোংচাবশিং ফংনবা চহি কয়া ঙাইরকপা অদু হৌজিক পাল্লিবা সরকার অসিনা ফংহল্লে।

প্রধান মন্ত্রীনা হায়খি সরকারনা তেক্সতাইল সেক্তরগা মরী লৈনবা চৎনবীশিং থম্নবা হোৎনবা খক নত্তনা অনৌবা শক্লোন অমদা মালেমগী পুক্নিং চিংশিল্লে। মরম অদুনা, থবক অসিগা মরী লৈনবা মীওই খুদিংমক ত্রেনিং পীনবা অমসুং শেন্থোক হেনগৎহন্নবা সরকারনা মীৎয়েং চঙলি অমসুং ফিশাবশিং অমসুং হেন্দিক্রাফকী থবক তৌরিবশিংগী মচাশিংদা থাজবা হেনগৎহল্লে। ফিশাবশিংগী মচাশিংদা স্কিল ত্রেনিং পীনবা তেক্সতাইল ইন্সতিতুৎশিংদা লুপা লাখ ২ ফাওবগী স্কোলারশিপ অমা পীরি। হৌখিবা চহি ৯দা হেন্দলুম ক্লস্তর ৬০০ হেন্না শেমগৎলে অমসুং ফিশাবা মীওই লিশিং কয়া ত্রেনিং পীখ্রে। ফিশাবশিংগী থবক লাইহন্নবা, মখোয়গী পোৎথোক হেনগৎহন্নবা অমসুং মগুন অমসুং দিজাইন ফগৎহন্নবা সরকারনা লেপ্তনা হোৎনরি। কম্পুতরগী পঞ্চিং মেছিনশিংনা মখোয়না য়াম্না য়াংনা অনৌবা দিজাইনশিং পুথোকপা ঙমহল্লে। মোতোর পানবা মেছিনশিংনা রাপ পুথোকপা লাইহল্লে। অসিগুম্বা খুৎলায়শিং, অসিগুম্বা মেছিনশিং ফিশাবা মীওইশিংদা ফংহল্লে। সরকারনা ইয়োংগী ফিশাবা মীওইশিংদা অতাবা মমলদা লং ফংহল্লে অমসুং ফি শাবদা চঙবা মচাকশিং পুথোক-পুশিন্দা চঙবা শেনফমশিং পুথোক্লে। ফিশাবা মীওইশিংনা মুদ্রা য়োজনাগী মখাদা গরেন্তি য়াওদনা লোনশিং লৌবা য়ারে।

গুজরাতকী ফিশাবা মীওইশিংগা মহাক্কা পুনখিবা থৌদোকশিং নিংশিংলদুনা প্রধান মন্ত্রীনা হায়খি মহাক্কী কেন্দ্র কুছ লমদমগী ইয়োংগী উদোগনা য়াম্না চাউনা মতেং পাংখি। ফিশাবশিংনা মখোয়গী পোৎথোকশিং য়োনবদা থেংনরিবা খুদোংচাদবশিং কোকহন্নবা ভারত মন্দপমগুম্বা একজিবিসনশিং লৈবাক শীনবা থুংনা পাংথোক্লি। লেম্না স্তোল অমা পীবগা লোয়ননা নোংমগী এল্লাউয়েন্সশু পীরি। তেক্নিকশিং অমসুং পেত্তর্নশিংদা অনৌবা পুথোকপগীদমক অমসুং কোতেচ ইন্দস্ত্রিশিং অমসুং ইয়োংনা পুথোকপা পোৎথোকশিং য়োন্নবা পায়খৎলিবা থবকশিংগীদমক প্রধান মন্ত্রীনা ভারতকী নহারোলশিং অমসুং স্তার্দঅপশিং থাগৎপা ফোঙদোকখি অমসুং কনাগুম্বা অমনা তুংদা অফবা অমা উবা ফংলগনি হায়না ফোঙদোকখি।

‘জিলা অমা, পোৎথোক অমা’ স্কিমগী মতাংদা প্রধান মন্ত্রীনা হায়খি জিলা খুদিংমক্কী অখন্নবা পোৎথোকশিং য়োকখৎলে। অসিগুম্বা পোৎথোকশিং য়োন্নবা লৈবাক অসিগী রেলৱে স্তেসনশিংদা অখন্নবা স্তোলশিং লিংখৎলে। “রাজ্য খুদিংমক্কী জিলাশিংগী হেন্দিক্রাফশিং অমসুং হেন্দলুমগী পোৎথোকশিং য়োকখৎনবা রাজ্য সরকারশিংনা কোনুং খুদিংমক্তা এক্ত মোল শেমগৎলে অমসুং হেন্দলুম সেক্তরদা থবক তৌরিবশিং কান্নবা ফংলগনি। স্তেচু ওফ য়ুনিতিদা লৈরিবা এক্ত মোল অসিনা ভারতকী অপুনবগী শক্তম খঙনবা অমসুং রাজ্য অমগী পোৎথোকশিং মফম অমদগী পুন্না লৈনবা খুদোংচাবা লমকোয়বা মীওইশিংদা ফংহল্লে।

মহাক্না মপান লৈবাকশিংদা চৎপদা শক্নাইরবশিংদা তোঙান-তোঙানবা খুদোলপোৎশিং পীখিবগী মতাংদা প্রধান মন্ত্রীনা হায়খি মসিদা মখোয়না থাগৎপা খক নত্তনা মখোয়না মসি কনানা শাবনো হায়বা মখোয়না থিরক্নবা মখোয়দা  অকনবা ইথিল অমা পীখি।

গভর্নমেন্ত ই-মার্কেতপ্লেস(জি ই এম)গী মতাংদা প্রধান মন্ত্রীনা হায়খি অপীকপা খুৎহৈবশিং, ক্রাফমেনশিং নত্ত্রগা ফিশাবশিং ফাওবা মখোয়গী পোৎথোকশিং হকথেংননা সরকারদা য়োনবা য়ারগনি অমসুং ঙসি হেন্দলুম অমসুং হেন্দিক্রাফগা মরী লৈনবা লুপ লাখ ১.৭৫ রোম জি.ই.এম পোর্তেলগা শম্নরে। হেন্দলুম সেক্তরদা থবক তৌরিবা ঐখোয়গী ইচিন-ইনাওশিং অমসুং ইচলশিং দিজিতেল ইন্দিয়াগী কান্নবা ফংনবা থবকশিং পায়খৎলে।

প্রধান মন্ত্রীনা মখা তানা হায়খি লৈবাক অসিগী ফিশাবশিংদা মালেমদা খ্বাইদগী চাউবা কৈথেল ফংহন্নবা নাখৈ শেংবা লাল্লোং অমগা লোয়ননা সরকারনা থবক তৌরি। ভারতকী এম.এস.এম.ইশিং, ফিশাবশিং, খুৎহৈবশিং অমসুং লৌমীশিংগী পোৎথোকশিং মালেম শীনবা থুংবগী কৈথেলশিংদা য়ৌহন্নবা মালেমগী অচৌবা কম্পেনিশিং লাক্লে। অচৌবা দুকানশিং, রিতেল সপ্লাই চেনশিং, ওনলাইন অমসুং দুকানশিং মালেম শীনবা থুংনা লৈবা অসিগুম্বা কম্পেনিশিংগী লুচিংবশিংগা হকথেংননা ৱারি শানরে। অসিগুম্বা কম্পেনিশিং অসিনা ভারতকী মফম খুদিংমক্কী পোৎথোকশিং মালেমগী কাচিন-কোয়া শীনবা থুংনা য়ৌহন্নবা ৱারেপ লৌরে। মিল্লেতশিং নত্ত্রগা ইয়োংগী পোৎথোকশিং ওইগেরা, অসিগুম্বা মালেমগী অচৌবা কম্পেনিশিং অসিনা পোৎথোকশিং অদু মালেম শীনবা থুংনা লৈরিবা কৈথেলশিংদা য়ৌহনগনি। পোৎথোকশিং ভারত্তা শাগনি অমসুং হায়রিবা মল্তি নেসনেল কম্পেনিশিংনা সপ্লাই চেনশিং শীজিন্নগনি।

প্রধান মন্ত্রীনা হায়খি মালেমগী মকোক থোংবা ইকোনোমি অহুমগী মনুংদা অমা ওইনা ভারতনা হোৎনরিবশিং অসিদা তেক্সতাইল ইন্দস্ত্রি অমসুং ফেসনগী তাইবংনা মতেং পাংগদবনি। ভারতকী হেন্দলুম, খাদি অমসুং তেক্সতাইল সেক্তর অসি মালেমদা মকোক থোংনবা মীওই খুদিংমক্কী হোৎনবা দরকার ওই। শিন্মী অমা ওইগেরা, ফিশাবা অমা ওইগেরা, দিজাইন্নর অমা ওইগেরা নত্ত্রগা ইন্দস্ত্রি অমা ওইগেরা, মীওই খুদিংমক কৎথোকপগা লোয়ননা থবক তৌগদবনি। হৈথোই-শিংথোইরবা ফিশাবশিং পাক-চাউনা থবক তৌগদবনি অমসুং তেক্নোলোজি শীজিন্নগদবনি। পোৎথোক খুদিংমক্কী পোৎ লৈবীনবা নহা ওইরবা মীওইশিং মশিং য়াম্না লৈরে অমসুং মসিনা তেক্সতাইল কম্পেনিশিংদা য়াম্না চাউনা কান্নবা অমা পীরে।  হায়রিবা কম্পেনিশিং অসিনা লমদম অসিগী সপ্লাই চেন মপাঙ্গল কনখৎহনগদবনি অমসুং মসিদা শেন থাগদবনি।

প্রধান মন্ত্রীনা মখা তানা হায়খি লোকেল সপ্লাই চেন্দা শেন থাদগদবনি অমসুং মসি তুংগীদমক শেম-শাগদবনি। করিগুম্বা ঐখোয়না তুংদা খুদোংচাবা ফংনিংলবদি, ঙসি ঐখোয়না লোকেল সপ্লাই চেন্দা শেন থাদগদবনি। মসি চাউখৎলবা ভারত অমা শেমগৎনবা লম্বীনি অমসুং ত্রিল্লিয়ন দোল্লর ৫গী  ইকোনোমি অমগী মঙলান মঙফাওনবা ঙমগনি। মসিগী লম্বী অসিদা চৎলবা মতমদা ঐখোয়গী নিংতম লান্মীশিংগী শ্বাদেসিগী মঙলান মঙফাওনবা ঙমগনি। অত্মানির্ভর ভারত অমগী মঙলানশিং মঙলিবশিং অমসুং ‘মেক ইন ইন্দিয়া’দা থৌনা হাপ্লিবশিংদা খাদি অসি শুপ্নগী ফিরোল খক নত্তে, খুৎলায় অমনি।

ওগস্ত ৯গী মতাংদা প্রধান মন্ত্রীনা হায়খি নুমিৎ অসিদা ভারতকী খ্বাইদগী চাউবা ইহৌ-ভারত থাদোকউ ইহৌগী মখাদা মহাত্মা গান্ধীগী লমজিং মখাদা ভারত থাদোক্নবা বৃতিসতা পাউজেল অমা থাখি। ইহৌ অসিগী মতুংদা, বৃতিসনা ভারত থাদোকখি। হৌজিক তঙাইফদ্রিবা অসি খাংবা কনবনি। মতম অমদা বৃতিস তান্থোক্নবা শীজিন্নখিবা লাইৱা খর শীজিন্নবা য়াগনি অমসুং চাউখৎলবা ভারত অমা শেমগৎনবা লৈবাক অসিনা লৌরিবা ৱাশক অসিদা অপনবা পীরিবা অসিগুম্বা থবকশিং তান্থোকখিগদবনি। ভারত শীনবা থুংনা শেঞ্জা-থুমজা, শাগৈ অমসুং পেনহনবা হায়রিবা থবকশিং অসি ভারত থাদোক্নবা লাউরি। হায়রিবা ভারত্তা লৈরিবা ফত্তবশিং অসিনা লৈবাক অসিগী অচৌবা শিংনবা ওইরি অমসুং হায়রিবা ফত্তবশিং অসি লৈবাক অসিনা মাইথিবা পীগদবনি। লৈবাক অসি মাইপাক্কদবনি, ভারতকী মীয়াম মাইপাক্কদবনি।

মহাক্কী লোইশিল্লকপগী ৱারোলদা, চহি কয়া মচু অহুমগী ফিরালশিং শানবা মখোয়গী পুন্সি কৎথোকখিবা নুপীশিংগা মহাক্কী উনখিবগী মতাং প্রধান মন্ত্রীনা নিংশিংখি। অমুক হন্না য়ুমথোং খুদিংদা মচু অহুমগী ফিরাল পাইহন্নবা মহাক্না মীয়ামদা তকশিনখি। “য়ুমশিংদা মচু অহুমগী ফিরালশিং পাইহনবা মতমদা, মসি ঐখোয়গী থম্মোয় নুংদশু পাইহল্লে” হায়না প্রধান মন্ত্রীনা লোইশিনখি।

থৌরম অদুদা শরুক য়াখিবশিংগী মনুংদা তেক্সতাইলগী য়ুনিয়ন মিনিস্তর শ্রী পিয়ুস গোয়াল, তেক্সতাইলগী রাজ্য মন্ত্রী শ্রীমতি দর্সন জারদোস অমসুং মাইক্রো, স্মোল অমসুং মেদিয়ম ইন্তরপ্রাইজেসনগী য়ুনিয়ন মিনিস্তর শ্রী নরয়ন তাতু রানে য়াওখি।

নুঙগীৱারোল

প্রধান মন্ত্রী অসি লৈবাক্কী ফজরবা নাৎকী ওইবা আর্তিস্ত্রী অমসুং ক্রাফমেনশিপ অসি য়োকখৎনবা হোৎনরিবা আর্তিসেনশিং অমসুং ক্রাফমেনশিংদা পুক্নিং থৌগৎনবা অমসুং পোলিসীগী সপ্পোর্ত পীনবা মতম চুপ্পদা শৌগৎতুনা লাকপা মীশক অমা ওইখি। মহাক্কী মঙলান অদুনা লমজিংদুনা সরকারনা ওগস্ত ৭,২০১৫দা অহানবা ওইনা পালন তৌবগা লোয়ননা নেস্নেল হেন্দলুম দে পালন তৌবা হৌখি। ওগস্ত ৭, ১৯০৫দা হৌখিবা স্বাদেশি মুফমেন্তবু ইকাই খুম্নবা উৎপা ওইনা অমসুং ইন্দিজিনস ইন্দস্ত্রীশিং অমসুং মরু ওইনা হেন্দলুমগী ফী শারিবশিংবু পুক্নিং থৌগৎনবা নুমিৎ অসি অখন্ননা খনখি।

চহি অসিদা ৯শুবা নেস্নেল হেন্দলুম দে থৌরম পাংথোক্লে। থৌরম অসিদা নেস্নেল ইন্সতিত্যুত ওফ ফেশন তেক্নোলোজী শেমগৎপা তেক্সতাইল্স অমসুং ক্রাফসকী রিপোজিতরী -ভারতীয় ভাস্ত্রা ইভম সিল্প কোসগী ই-পোর্তেল অমসু প্রধান মন্ত্রীনা হৌদোকখি।

থৌরম অসিদা হেন্দলুম অমসুং খাদীগী ফী শারিবা আর্তিসেন ৩০০০ হেনবনা অমসুং তেক্সতাইল অমসুং এম.এস.এম.ইসেক্তরশিংদগী স্তেকহোল্দরশিংনা শরুক য়াখি। মসিনা ভারত শিনবা থুংবদগী হেন্দলুম ক্লস্তরশিং, নিফ কেম্পসশিং, ৱেবর সর্ভিস সেন্তরশিং, ইন্দিয়ন ইন্সতিত্যুত ওফ হেন্দলুম তেক্নোলোজী কেম্পসশিং, নেস্নেল হেন্দলুম দিবেলপমেন্ত কোর্পোরেসন, হেন্দলুম এক্সপোর্ত প্রমোসন কাউন্সিল, কে.ভি.আই.সি ইন্সতিত্যুসনশিং অমসুং তোঙান-তোঙানবা স্তেৎ হেন্দলুম দিপার্তমেন্তশিংনা অমত্তা ওইনা পুনখি।

*****