ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি নাগপুর রেলৱে স্তেসনগী প্লেৎফোর্ম নম্বর ১দগী নাগপুর অমদি বিলাসপুর শম্নহনগদবা বন্দে ভারত এক্সপ্রেস লমথাখ্রে‍।

প্রধান মন্ত্রীনা বন্দে ভারত এক্সপ্রেসকী কোচশিং য়েংশিনখি অমদি মদুদা য়াওরিবা ফেসিলিতীশিংগী ফীভম য়েংশিনখি‍। শ্রী মোদীনা বন্দে ভারত এক্সপ্রেসকী লোকোমোতিব ইঞ্জিনগী কন্ত্রোল সেন্তর য়েংশিনখি অমদি নাগপুর অমদি অজ্নি রেলৱে স্তেসন শেমগৎপগী থৌরাংগী ফীভমসু য়েংশিনখি‍। নাগপুরদগী বিলাসপুর ফাওবা চৎপগী মতম পুং ৭-৮দগী পুং ৫গা মিনৎ ৩০দা হন্থরগনি‍।

প্রধান মন্ত্রীনা ত্বীত তৌরকখিবদা:

“নাগপুর অমদি বিলাসপুরগী মরক্তা চেনগদবা বন্দে ভারত এক্সপ্রেস লমথাখ্রে‍। ত্রেন অসিনা কন্নেক্তিভিতী মশক থোক্না ফগৎহল্লগনি‍।”

Flagged off the Vande Bharat Express between Nagpur and Bilaspur. Connectivity will be significantly enhanced by this train. pic.twitter.com/iqPZqXE4Mi

— Narendra Modi (@narendramodi) December 11, 2022

नागपूर-बिलासपूर वंदे भारत एक्स्प्रेसला हिरवा झेंडा दाखवला. या ट्रेनमुळे दळणवळणात लक्षणीय वाढ होईल. pic.twitter.com/KLWGbnQwPr

— Narendra Modi (@narendramodi) December 11, 2022

প্রধান মন্ত্রীনা নাগপুর রেলৱে স্তেসন্দা য়ৌরকপদা মহারাস্ত্রগী মুখ্য মন্ত্রী, শ্রী একনাথ সিন্দে, মহারাস্ত্রগী গভর্নর, শ্রী ভগৎ সিংহ কোস্যারী, মহারাস্ত্রগী উপ মুখ্য মন্ত্রী, শ্রী দেবেন্দ্র ফদ্নাবিস অমদি রোদ ত্রান্সপোর্ত অমসুং হায়ৱেজকী কেন্দ্র মন্ত্রী, শ্রী নিতিন গারকরীসু লোয়নরকখি‍।

বেকগ্রাউন্দ

ত্রেন অসি হৌদোকপনা লমদম অসিদা তুরিজমদা ইনোৎ হাপ্পদা মতেং ওইরগনি অমদি নুংঙাইরবা অমদি হেন্না য়াঙবা খোঙচৎ ফংহল্লগনি‍। ত্রেন অসিনা নাগপুরদগী বিলাসপুর ফাওবা চৎপগী মতম পুং ৫গা মিনৎ ৩০ ওইগনি‍। মসিনা লৈবাকসিদা হৌদোকখিবা বন্দে ভারত ত্রেন তরুকশুবা ওইরগনি অমদি হান্নগী ত্রেনশিংগা চাংদম্নবদা হেন্না য়াংবা অমদি অতেনবা মতমগী মনুংদা অয়াঙবা খোঙজেল ফংবা ঙমদুনা হেন্না খুমাঙ চাওশিনবা ভর্জন অমা ওইরে‍। বন্দে ভারত ২.০ অসি শুপ্নতগী সেকেন্দ ৫২দা পুদা কিলোমিতর ০দগী ১০০ ফাওবা য়ৌবা ঙম্বা, অমদি খ্বায়দগী য়াঙবা খোঙজেল পুংদা কিলোমিতর ১৮০ ওইবনচিংবা হেন্না খুমাঙ চাওশৎল্লবা অমদি ফগৎলবা ফীচরশিং য়াওরি‍। হেন্না ফগৎলবা বন্দে ভারত এক্সপ্রেস অসি হান্নগী তন ৪৩০ লুম্বা ভর্জনগা চাংদম্নবদা তন ৩৯২ লুম্মী‍। মসিদা ৱাই-ফাই কন্তেন্ত ওন দিমান্দ ফেসিলিতীসু য়াওগনি‍। মমাঙগী ভর্জনগা চাংদম্নবদা ইঞ্চি ২৪গী মহুত্তা কোচ খুদিংদা ইঞ্চি ৩২গী স্ক্রীন হাপ্তুনা পেসেঞ্জরশিংদা ঈ-পাউ অমদি ইন্ফোতেনমেন্ত পীরি‍। বন্দে ভারত এক্সপ্রেস অসিদা য়াওরিবা এ.সি.শিং অসি চাদা ১৫ হেন্না ইনর্জী ইফিসিএন্ত ওইদুনা অকোয়বগী ফীভমগা হেন্না ফ্রেন্দলী ওইগনি‍। ত্রেক্সন মোতোরগী উফুল চেন্দবা এয়র কুলিং য়াওদুনা, খোঙচৎ হেন্না নুংঙাইহনগনি‍। মমাঙদা একজেক্যুতিব ক্লাসখক্তদা হাপ্লম্বা সাইদ রিক্লাইনর সীত ফেসিলিতী হৌজিক্তি ক্লাস খুদিংদা ফংহল্লগনি‍। একজেক্যুতিব কোচশিংদা ১৮০-দিগ্রী উংবা য়াবা সীতশিং হাপ্লি‍।

বন্দে ভারত এক্সপ্রেসকী অনৌবা দিজাইন্দা, নুংশিৎ শেংদোক্নবগীদমক রুফ-মাউন্তেদ পেকেজ য়ুনিৎ (আর.এম.পি.য়ু.)দা ফোতো-কেতলাইতিক অল্ত্রাভাইওলেৎ এয়র প্যুরিফিকেসন সিস্তেম অমা হাপ্লি‍। সেন্ত্রেল সাইন্তিফিক ইনস্ত্রুমেন্ত ওর্গনাইজেসন (সি.এস.আই.ও.), চান্দিগরগী রিকম্মেন্দেসন মতুং ইন্না, সিস্তেম অসি অশেংবা নুংশিৎ অমদি হঞ্জিল্লকপা নুংশিৎকী খুত্থাঙদা নুংশিৎ চুমথোক্নবা অমদি মহিক মতাং, বেক্তরিয়া, ভাইরসনচিংবা শেংদোক্নবা আর.এম.পি.য়ু.গী নাকল অনিমক্তা দিজাইন তৌদুনা হাপ্লি‍।

বন্দে ভারত এক্সপ্রেস ২.০না তোঙান তোঙানবা হেন্না ফবা অমদি এয়রক্রাফ্তকুম্না তৌবা খোঙচৎকী এক্সপরিএন্সশিং পীরি‍। মসিদা লমদমসিদা পুথোকচবা ত্রেন কোলিজন এভোইদেন্স সিস্তেম – কবচ অমা য়াওনা খুমাঙ চাওশিল্লবা স্তেত-ওফ-দি-আর্ত সেফ্তী ফীচরশিং য়াওরি‍।

*****