ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি হন্দক্তা ভারত সরকারদা এসিস্তেন্ত সেক্রেতরী ওইনা এপোইন্ত তৌরবা নহা ওইরিবা আই.এ.এস ১৭০ হেনবগা উনদুনা ৱারী শানখ্রে।

প্রধান মন্ত্রীনা মখোয়বু মখোয়গী ফিল্দ ত্রেনিংগী এক্সপিরিয়েন্সশিং সেয়র তৌনবা পুক্নীং থৌগৎখি। মহাক্না মখোয়গা লোয়ননা জন ভাগিদারী, ইনফোর্মেশন ফ্লোজ, রিসোর্সশিংগী ওপ্তিমেল য়ুতিলাইজেসন অমসুং গর্বনান্সতা মীয়ামগী থাজবা য়াওনা অফবা গর্ভনান্সকী মরুওইবা মচাক খরদা খন্ন-নৈনখি।

গ্রাম স্বরাজ অভিয়ান অমদি আয়ুশ্মান ভারতকুম্বা হন্দক্তা পায়খৎখিবা গর্ভনান্স ইনিসিয়েতিবশিংদসু খন্ন-নৈনখি।

পি.এম.ও.গী রাজ্য মন্ত্রী দাক্তর জিতেন্দ্র সিংহ অমদি দিপার্তমেন্ত ওফ পর্সোনেল & ত্রেনিংগী মকোক থোংবা ওফিসিয়েলশিংনা থৌরম অদুদা শরুক য়াখি।