ভারতকী প্রধানমন্ত্রী

প্রধান মন্ত্রীনা নবেম্বর ৮গী নুংথিলগী পুং ৪.৩০ তাবা মতমদা ভারতকী জি.২০ প্রসিদেন্সীগী লোগো, থীম অমসুং ৱেবসাইতকী মাইখুম ভিদিও কনফরেন্সিংগী খুত্থাংদা হাংগনি।

ভারতকী ফোরেন পোলিসী অসিনা, প্রধান মন্ত্রীগী মঙলান্না লুচিংদুনা, মালেমগী থাক্তা লুচিংবগী থৌদাং লৌবা ঙম্বগী মতিক লৈরক্লি। মাইকৈ অসিদা থাংজিনবা মরু ওইবা খোঙথাং অমা ওইনা, ভারতনা দিসেম্বর ১, ২০২২দগী জি.২০ প্রসিদেন্সীগী থৌদাং পায়গনি। জি.২০ প্রসিদেন্সীনা মালেমগী মরু ওইবা হীরমশিংগী মতাংদা লৈবা মালেমগী এজেন্দাশিংদা তেংবাংবগী খুদোংচাবা ভারতকী মফমদা পীগনি। লোগো, থীম অমসুং ৱেবসাইতনা ভারতনা মালেমগী মফমদা থম্বা ৱারোল অমসুং অহেনবা মিৎয়েং চঙলিবা থৌওংশিং তাক্কনি। 

জি.২০ হায়বসি মালেমগী জি.দি.পি.গী চাউরাকপা ৮৫%, মালেমগী লল্লোজ ইতিক্কী ৭৫% হেনবগী চাং, অমসুং মালেমগী অপুনবা মীশিংগী শরুক অহুম থোকপগী অনিগী মীহুৎ শিল্লিবা মালেমগী ইকোনোমিক কোওপরেসনগী প্রিমিয়র ওইবা ফোরম অমনি। ভারতকী জি.২০ প্রসিদেন্সী মনুংদা ভারতনা তোঙানবা সেক্তর ৩২দা চাউরাকপা মীফম ২০০মুক ভারত শিনবা থিংবগী মফমশিংদা পাংথোক্কনি। মথং চহিদা পাংথোক্কদবা জি.২০ সম্মিত অসিনা ভারতনা য়ুম্বু ওইবা মালেমগী খ্বাইদগী প্রোফাইল ৱাংবা মীফম ওইগনি।

*****