ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা নই দিল্লীগী ইন্দিয়ন এগ্রিকলচরেল রিসর্চ ইন্সতিত্যুত্তা পি.এম. কিসান সম্মান সম্মেলন ২০২২ ঙসি হৌদোকখ্রে। প্রধান মন্ত্রীনা কেমিকেল অমসুং ফর্তিলাইজরগী কেন্দ্র মন্ত্রালয়গী মখাদা লৈবা পি.এম. কিসান সাম্রুধী কেন্দ্র (পি.এম.-কে.এস.কে.) ৬০০ শঙ্গাখি। মসিদা নত্তনা, প্রধান মন্ত্রী ভারতিয় জন উর্বরক পরিয়োজনা – ৱান নেসন ৱান ফর্তিলাইজরসু হৌদোকখি। প্রধান মন্ত্রীনা থৌরম মনুংদা, প্রধান মন্ত্রী কিসান সম্মা নিধী (পি.এম.-কিসান)গী ১২শুবা ইন্সতোলমেন্ত ওইনা লুপা করোর ১৬,০০০কী শেনফম্বু দাইরেক্ত বেনিফিত ত্রান্সফরগী খুত্থাংদা লৌমী বেনিফিশরীশিংদা য়েন্থোকখি। প্রধান মন্ত্রীনা এগ্রি স্তার্তঅপ কনক্লেব অমসুং একজিবিসনসু হৌদোকখি। প্রধান মন্ত্রীনা থৌরম মনুং চন্না, হারগী মতাংদা ফোঙবা ই-মেগাজিন, ‘ইন্দিয়ন এজ’সু ফোঙখি। শ্রী মোদীনা স্তার্তঅপ একজিবিসনগী থীম পাভিলিন্দা চত্তুনা য়েংখি অমসুং মসিদা উৎলিবা পোত্থোক কয়াবুসু য়েংখি।

প্রধান মন্ত্রীনা তিল্লিবা মীয়ামদা ৱা ঙাঙবদা জয় জৱান, জয় কিসান, জয় বিজ্ঞান অমসুং জয় অনুশন্ধান্না মফম অমত্তদা লৈববু শকখঙদুনা মহাক্কী ৱারোল হৌদোকখি অমসুং মন্ত্রা অসিগী অহিংবা শক্তম ঙসিদি মিৎনা উবা ফংলে হায়না ফোংদোকখি। কিসান সম্মেলন হায়বসি লৌমীশিংগী পুন্সি নুংঙাইহন্নবা হোৎনবা, মখোয়গী তৌবা ঙম্বগী মতিকপু হেন্না খুমাং চাউশিলহনবা অমসুং লৌউ-শিংউগী থাক ৱাংলবা তেক্নিক মীয়ামদা খঙহন্নবা পাম্বৈ অমনি হায়না ফোংদোকখি।

“ঙসি প্রধান মন্ত্রী কিসান সাম্রুধী কেন্দ্র ৬০০ হেন্না শঙ্গাখ্রে”, শ্রী মোদীনা হায়খি। কেন্দ্রশিং অসিদি শুপ্নগী হার য়োনফমখক নত্তে, মসিদি লৈবাক্কী লৌমীশিংগী অচেৎপা মরী লৈনহন্নবা পায়খৎপা মেকানিজম অমনি হায়না মহাক্না মখা তানা শন্দোক্না হায়খি। প্রধান মন্ত্রী কিসান সম্মান নিধী (পি.এম.-কিসান)গী খ্বাইদগী নৌনা পীরিবা ইন্সতোলমেন্ত অসিগী মতাংদা পল্লদুনা, হায়রিবা শেনফমশিং অসিনা হৌজিক্তি মরক্তা লৈবা মীওই য়াওদনা লৌমীশিংগী মনাক্তা দাইরেক্ত বেনিফিত ত্রান্সফরগী খুত্থাংদা হকথেংননা ফংলে হায়খি। “লুপা করোর ১৬,০০০কী অতোপ্পা ইন্সতোলমেন্ত অমসু পি.এম. কিসান সম্মান নিধী ওইনা লৌমী ইমুং করোর কয়াগীদমক্তা থাদোক্লে”, শ্রী মোদীনা মখা তারদুনা ইন্সতোলমেন্ত অসিনা লৌমীশিংগী মফমদা দিৱালীগী হেক মমাংদা ফংবদা নুংঙাইবা ফোংদোকখি। লৌমীশিংগী মফমদা ভারত ব্রান্দগী মগুন লৈরবা হার শোইদনা ফংহনবগী স্কিম ওইরিবা প্রধান মন্ত্রী ভারতিয় জন উর্বরক পরিয়োজনা – ৱান নেসন ৱান ফর্তিলাইজরসু ঙসি হৌদোক্লে হায়না প্রধান মন্ত্রীনা ঙসি হায়খি।

লৌমীশিংনা ইং ২০১৪গী খুদোংচাদবনা থল্লবা এগ্রিকলচর সেক্তর অমসুং উরিয়াগী ব্লেকমার্কেতিং তৌবগী মতমশিং মাইয়োক্নবগী মতম নীংশিংলদুনা, প্রধান মন্ত্রীনা লৌমীশিংনা মশাগী ফংফম থোকপা চাকথাক ফংনবা হোৎনবদা অৱাবা কয়া মাইয়োক্নখিবনি হায়না ফোংদোকখি। সরকারনা অসিনা উরিয়া ব্লেকমার্কেতিং তৌবগী শিংনববু নীম কোতিং তৌদুনা মাইয়োক্নখি হায়না প্রধান মন্ত্রীনা হায়খি। “চহি কয়া লোন্দুনা লৈরুরবা লৈবাক্কী চাউরবা য়ুরিয়া ফেক্তরী ৬ মথৌ তৌবা অমুক হৌহন্নবা ঐখোয়না য়াম্না ৱানা হোৎনখি”, হায়না মহাক্না মখা তাখি।

থবক কনবা লৌমীশিংদা কান্নবা য়াম্না পীবা ঙমখিবা খোঙথাং কয়াগী মতাংদা পল্লদুনা, প্রধান মন্ত্রীনা ভারতনা হৌজিক লিক্বিদ নেনো য়ুরিয়া পুথোকপগী লমদা মরোমদোম লেপচবা ঙম্বগী মাইকৈদা খোঙজেল য়াঙনা চঙশিল্লি হায়খি। শ্রী মোদীনা হায়খি, “নেনো য়ুরিয়া হায়বসি শেল য়াম্না চঙদনা চাং য়াম্না পুথোকপগী পাম্বৈ অমনি”। মসিগী কান্নবশিং হায়রদুনা, প্রধান মন্ত্রীনা য়ুরিয়া বোরা অমবু য়ুরিয়া বোত্তল অমনা মহুত শিনবা য়ারগনি হায়খি। য়ুরিয়া পুথোক পুশিন তৌবগী থৌওংদসু শেল চঙবা য়াম্না হন্থরগনি হায়না মহাক্না মখা তাখি।

ভারতকী ফর্তিলাইজর রিফোর্ম তৌবগী ৱারীদা অনৌবা থৌওং অনি পাংথোকখি হায়না প্রধান মন্ত্রীনা পনখি। অহানবা, লৈবাক শিনবা থুংবদা প্রধান মন্ত্রী কিসান সাম্রুধী কেন্দ্র হায়না হার দুকান লাখ ৩.২৫ হেন্না শেমগৎপগী কেম্পেন অমা ঙসিদগী হৌদোক্লে। মসিনা লৌমীশিংনা হার অমসুং মরু খক লৈবা য়াবা মফমখক নত্তনা সোইল তেস্তিং পাংথোকপা অমসুং লৌউবগী থৌওংগা মরী লৈনবা কান্নবা ই-পাউ কয়া লৌবগী সেন্তর অমা ওইগনি। অনিশুবা, ৱান নেসন ৱান ফর্তিলাইজরগী মতেংদগী লৌমীশিংনা থেংনরিবা হারগী মগুন অমসুং ফংফমগী মতাংদা লৈবা চমম্নবা কয়া কোকহল্লগনি। “হৌজিক্তি, লৈবাক অসিদা য়োনবা য়ুরিয়া খুদিংমক মমিং, ব্রান্দ অমসুং মগুন চপ মান্নরগনি অমসুং মসিগী ব্রান্দনা ভারত ওইরগনি। হৌজিক্তগী হৌনা, লৈবাক শিনবা থুংবদা ‘ভারত’ ব্রান্দ মমিংদা খক্তা য়ুরিয়া ফংলগনি”, শ্রী মোদীনা হায়খি। মসিনা হারগী মমল হন্থহনবা অমসুং হেন্না ফংবা হেনগৎহনগনি হায়না মহাক্না মখা তাখি।

হৌজিক মতমগী খ্বাইদগী তঙাই ফদবসি তেক্নোলোজীদা য়ুম্ফম ওইবা মোদর্ন ফার্মিং তেক্নিক শিজিন্নবনি হায়না মীয়ামগী পুক্নিং চিংশিল্লদুনা, প্রধান মন্ত্রীনা ঐখোয়না লৌউ-শিংউবদা অনৌবা পাম্বৈ শেম্বা তাই, ৱাখল্লোন চাউথোকপগা লোয়ননা সাইন্তিফিক হেন্না ওইবা অমসুং তেক্নোলোজী শিজিন্নবগী থৌওং পাংথোকপা তাই হায়খি। মসিগুম্বা ৱাখল্লোন অসিনা মরম ওইরগা, ঐখোয়না লৌউ-শিংউবদা সাইন্তিফিক মেথদ শিজিন্নবগী চাং হেনগৎহল্লে অমসুং তেক্নোলোজী নীংথিনা শিজিন্নরে। হৌজিক ফাওবগী ওইনা, সোইল হেল্থ কার্দ করোর ২২ য়েন্থোকখ্রে অমসুং খ্বাইদগী ফবা মরু পীবা ঙম্নবগীদমক্তা সাইন্তিফিক ওইবা থৌওং কয়া পায়খৎলি হায়না প্রধান মন্ত্রীনা পনখি। “অহোংবা লৈরবা অইং অশাগী ফিভমগা চুনবা মরু মখল ১৭০০মুক লৌমীশিংগী মফমদা মমাংগী চহি ৭-৮দা ফংহনখি”, মহাক্না হায়খি।

প্রধান মন্ত্রীনা মিল্লেতকী মতাংদা মালেমগী থাক্তা খঙনীংবা হেনগৎলক্লিবসিদা মিৎয়েং চঙখি। মহাক্না হায়খি, “ঐখোয়না লমদমসিদা চৎনবী ওইনা শিজিন্নরিবা অপৌবা গ্রেন-মিল্লেতকী মরুগী মগুন হেন্না ফগৎহন্নবা লৈবাক মনুংদা হব কয়া অমা ঙসি শেমগৎলি”। ভারতকী অপৌবা গ্রেনবু মালেম শিনবা থুংবদা মমিং চৎহন্নবা সরকারনা হোৎনরিবা কয়াগী মতাংদা প্রধান মন্ত্রীনা পল্লদুনা, মথংগী চহিবু কোর্স সিরিএলগী ইন্তর্নেস্নেল য়র হায়না লাউথোকখ্রে হায়না পাউদমখি।

প্রধান মন্ত্রীনা ইরিগেসন্দা ঈশিং কা হেন্না শিজিন্নবগী মতাংদা চেকশিনৱা হায়খি অমসুং পর দ্রোপ, মোর ক্রোপ, মাইক্রো ইরিগেসন অমসুং দ্রিপ ইরিগেসনগী মাইকৈদা সরকারনা হোৎনরিবা কয়াবু অমুক হন্না পনখি। “মমাংগী চহি ৭-৮দা মাইক্রো ইরিগেসনগী মখাদা হেক্ত্যার লাখ ৭০ হেনবগী লম পুশিল্লকখি”, মহাক্না হায়খি।

প্রধান মন্ত্রীনা নেচরেল ফার্মিং খুমাং চাউশিনহনবগী তঙাই ফদবা লৈরিবসিদা অহেনবা মিৎয়েং চঙলদুনা মসিনা তুংগী মতমগী শিংনবা কয়া মাইয়োক্নবা ঙমবগী মরু ওইবা পাম্বৈ পীরি হায়খি। ঐখোয়না ঙসিদি, লৈবাক শিনবা থুংবদা এৱিয়র্নেসকী চাং য়াম্না হেনগৎলকপগী মতৌ উবা ফংলি হায়না প্রধান মন্ত্রীনা পনখি। লৌমীশিংনা গুজরাত, হিমাচল প্রদেশ অমসুং আন্ধ্র প্রদেশকা লোয়ননা য়ু.পি., উত্তরাখন্দদা নেচরেল ফার্মিং পাক্তক্ননা পাংথোক্লি। গুজরাতকী ওইনদি, জিলা অমসুং গ্রাম পঞ্চায়তকী থাক্তা পাংথোকপগী থৌরাং কয়াসু য়াৎখ্রে।

পি.এম. কিসান্না অহোংবা পুরকপগী খোঙথাং কয়া পায়খৎলিবসিদা মিৎয়েং চঙলদুনা, প্রধান মন্ত্রীনা কি.এম. কিসান সম্মান নিধীনা অপীকপা লৌমীশিংনা মোদর্ন তেক্নোলোজী শিজিন্নদুনা মতৌ করম্না কান্নবা ফংই হায়বগী খুদম্নি হায়খি। “স্কিম অসি হেক হৌদোকখিবদগী, লৌমীশিংগী বেঙ্ক একাউন্ততা লুপা করোর লাখ ২ হেন্না হকথেংননা হাপখ্রে। লৈবাক্কী চাউরাকপা ৮৫% ওইরিবা অপীকপা লৌমীশিংগীদমক্তদি মসিনা য়াম্না চাউয়া তেংবাং ওইরি”, মহাক্না হায়খি।

প্রধান মন্ত্রীনা মখা তারদুনা হায়খি, “ঐখোয়গী লৌমীশিংগী ‘পুন্সি মহিং নুংঙাইহন্নবা’ ঙসি খোঙথাং কয়া পায়খৎলি। হান্নদগী হেন্না ফবা অমসুং মোদর্ন তেক্নোলোজী শিজিন্নদুনা, ঐখোয়না লবুক অমসুং কৈথেলগী মরক্তা লৈবা অথাপ্পা হন্থহল্লি”। মসিগী খ্বাইদগী কান্নবা ফংলিবসি থুনা পত্থ-পুমথবা উহৈ, মনা-মশিং, শঙ্গোম অমসুং ঙাগা মরী লৈনরিবা অপীকপা লৌমীশিংনি। কিসান রেল অমসুং কিসান উরান এয়র সর্ভিসনা হীরম অসিদা য়াম্না তেংবাংলি। মোদর্ন ফেসিলিতীশিংনা অসিনা ঙসিদি লৌমীশিংগী লবুক্কা লৈবাক্কী মরু ওইবা শহর অমসুং মীরমগী কৈথেলগা শম্নহল্লি। ভারতনা এগ্রিকলচরগী পোত্থোক এক্সপোর্ত তৌবগী মতাংদা মালেমগী মকোক থোংবা লৈবাক ১০গী মনুং চল্লি হায়না মহাক্না পাউদমখি। মালেম শিনবা থুংবনা লাইচৎ থেংনখ্রবসু, ভারতকী এগ্রি এক্সপোর্তনা ১৮%গী চাংদা শাহৌ লৌখি।

অখন্নবা পোত্থোক এক্সপোর্ত তৌবগী মতাংদা পল্লদুনা, প্রধান মন্ত্রীনা খোঙথাংশিং অসি ৱান দিস্ত্রিক্ত ৱান প্রদক্ত স্কিমগী মখাদা তেংবাংলি অমসুং এক্সপোর্ত হব কয়া জিলাগী থাক্তা শেমগৎলি হায়খি। মান্নবা থৌওং ওইনা, প্রোসেস ফুদনা লৌমীশিংদা শেন্থোক য়াম্না ফংহল্লি। অচৌবা ফুদ পার্ক মশিংনা ২দগী ২৩দা হেনগৎখ্রে অমসুং এফ.পি.ও. অমসুং এস.ঐচ.জি. কয়াসু ফুদ পার্কশিং অসিগা মরী লৈনহল্লি। ই-নাম্না লৌমীশিংগী পুন্সিদা কান্নবা কয়া পীরি। মসিনা মখোয়গী পোত্থোকশিংবু লৈবাক্কী কৈথেল অমা হেক্তদা তেক্নোলোজী শিজিন্নদুনা য়োনবা ঙমহল্লি। ““লৌমী করোর ১.৭৫ হেনবা অমসুং লল্লোন ইতিক তৌবা মীওই লাখ ২.৫বু এন.এ.এম.গা মরী লৈনহনখি। ই.-নামগী খুত্থাংদা পাংথোকখিবা ত্রাঞ্জেক্সন্না লুপা করোর লাখ ২ হেনখি”, হায়না মহাক্না পাউদমখি।

লৈবাক্কী এগ্রিকলচর সেক্তরদা থোক্লক্লিবা স্তার্তঅপ মশিং হেনগৎলক্লিবা অসিবু য়েংলদুনা, প্রধান মন্ত্রীনা মসিনা সেক্তর অমসুং খুঙ্গংগী শেন্মিৎলোন অনিমক্তা কান্নবা য়াম্না পীখি হায়খি। “স্তার্তঅপ অমসুং ইন্নোভেতিব ওইবা নহাশিংনা ভারতকী লৌউ-শিংউ অমসুং ভারতকী খুঙ্গংগী শেন্মিৎলোনগী তুংগী লুচিংবনি। অপীবা মমলদগীনা পুথোকপ পুশিন ফাওবগী হীরমগী ৱারোইশিন খুদিংমক ঐখোয়গী স্তার্তঅপশিংগী নাক্তা লৈ”, শ্রী মোদীনা হায়খি।

প্রধান মন্ত্রীনা আত্মানির্ভরতাদা অহেনবা অমসুং লেপ্তবা মিৎয়েং করিগীদমক্তা চঙলিবনো হায়বগী মরম তাক্লদুনা মহাক্না চাবা য়াবা থাউ, হার অমসুং শুংদোক্ত্রিবা থাউগুম্বা মরু ওইবা পোত্থোকশিংনা সপ্লাইদসু অহোংবা লৈহল্লিবা লৈবাক্কী ফাইনেন্সিএল আউতগো অমসুং মালেমগী থৌদোক কয়াগী অচৌবা শরুক কল্লি হায়খি। মমল য়াম্না হেনগৎখিবনা মরম ওইরগা ভারতনা কিলোদা লুপা ৭৫-৮০দা য়ুরিয়া লৈখিবা অমসুং লৌমীশিংগী মফমদনা কিলোদা লুপা ৫-৬তা পীখিবগী ফিভম্বু মহাক্না খুদম ওইনা পীখি। হন্দক্কী চহিসিদা লৌমীশিংদা হার হোঙনা ফংহন্নবগীদমক্তা সরকারনা চাউরাক্না লুপা করোর লাখ ২.৫ চাদিং তৌগনি হায়না শ্রী মোদীনা মখা তাখি। শুংদোক্ত্রিবা থাউ অমসুং গ্যাসকী মতাংদা মীরমগী মখা পোল্লিবসিবু হন্থহন্নবগীদমক্তা বাইও ফুএল অমসুং ইথানোলগুম্বা থৌওং কয়া পাংথোক্লিবা অসিবুসু মহাক্না পনখি।

প্রধান মন্ত্রীনা মহাক্কী ৱারোল লোইশিল্লদুনা, ভারতকী লৌমীশিংনা চাবা য়াবা থাউগী সেক্তরগী মতাংদা আত্মানির্ভরতা ফংনবা পায়খৎলিবা মিসন ওইল পাল্মগী কান্নবা য়ারিবমখৈ লৌনবা হায়খি।  ওইল সীদ পুথোকপা হেন্দুনা ভারতনা চাবা য়াবা থাউ শিজিন্নবগী চাং হন্থহনবা ঙমগনি হায়না মহাক্না মখা তাখি। “ঐখোয়গী লৌমীশিংদি হীরম অসিদা মতিক য়ানা লৈবনি”, শ্রী মোদীনা হায়খি। ইং ২০১৫দা মহাক্না মীয়ামদা হৱাই পুথোকপগী মতাংদা থমখিবা ৱারোল নীংশিংলদুনা থৌওং অসিদা ৭০% হেনগৎখিবদা নুংঙাইবা ফোংদোক্লদুনা লৌমীশিংবু থাগৎখি। “ঐখোয়না লৌউ-শিংউববু নীংতম্বগী অমৃত মহোৎসব অসিদা নুংঙাই য়াইফবা অমসুং চাউখৎহনগনি”, হায়রদুনা প্রধান মন্ত্রীনা মহাক্কী ৱারোল লোইশিনখি অমসুং লৌমী অমসুং স্তার্তঅপশিংদা মায় পাকপা ওইয়ু হায়বা য়াইফ পাউজেল পীখি।

কেন্দ্রগী লৌউ-শিংউ অমসুং লৌমীশিংগী য়াইফ য়ুম্বাল মন্ত্রী, শ্রী নরেন্দ্র সিংহ তোমার, কেমিকেল অমসুং ফর্তিলাইজরগী কেন্দ্র মন্ত্রী, শ্রী মনশুখ মন্দাবিয়া, লৌউ-শিংউ অমসুং লৌমীশিংগী য়াইফ য়ুম্বালগী রাজ্য মন্ত্রী, কুমারী সোভা করন্দজলে অমসুং শ্রী কৈলাশ চৌধুরী অমসুং কেমিকেল অমসুং ফর্তিলাইজরগী রাজ্য মন্ত্রী, শ্রী ভগ্বন্থ খুবাসু ঙসিগী থৌরমদা শরুক য়াখি।

বেকগ্রাউন্দ

থৌরম অসিদা লৈবাক্কী মফম পুম্নমক্তগী লৌমী ১৩,৫০০ হেনবা অমসুং এগ্রি স্তার্তঅপ ১৫০০ রোম পুনখি‍। তোঙান তোঙানবা ইন্সতিত্যুৎশিংদগী লৌমী করোর অমা হেনবনা থৌরম অসিদা ভর্চুএল ওইনা শরুক য়াখি‍। মীফম অসিদা থিজিল্লোয়, খুজিন থৌরাং য়াৎপা মীওই অমদি অতৈ স্তেকহোল্দরশিংসু শরুক য়াখি।

প্রধান মন্ত্রীনা কেমিকেল অমসুং ফর্তিলাইজর মন্ত্রালয়গী মখাদা প্রধান মন্ত্রী কিসান সম্রুধী কেন্দ্র (পি.এম.কে.এস.কে.) ৬০০ শঙ্গাগনি‍। স্কীম অসিগী মখাদা পি.এম.কে.এস.কে.শিংনা লৌমীশিংগী মখল মখেল কয়াগী মথৌ তাবশিং অমদি এগ্রী ইনপুৎশিং (হার, মরূ, মচাক মথুম) ফংহনগনি; লৌমীশিংগী মরক্তা এৱ্যারনেস পীগনি; তোঙান তোঙানবা লৈঙাক্কী স্কীমশিংগী মরমদা ঈ-পাউ ফংহনগনি অমদি ব্লোক/দিস্ত্রিক্ত থাক্কী আউৎলেৎশিংদা লৈরিবা রিতেলরশিংগী কেপাসিতী বিল্দিংগী থৌরম চাং নাইনা পাঙথোক্কনি‍। হারগী দুকান লাখ ৩.৩ হেনববু পি.এম.কে.এস.কে. ওন্থোক্নবা থৌরাং তৌরি‍।

থৌরম অদুদা, প্রধান মন্ত্রীনা ভারত জন উর্বারক পরিয়োজনা – ৱন নেসন ৱন ফর্তিলাইজর হৌদোকখি। স্কীম অসিগী মখাদা, প্রধান মন্ত্রীনা, কম্পেনীশিংবু “ভারত” হায়বা ব্রান্দ মমিং অমখক্কী মখাদা হার পুথোকপদা মতেং ওইগদবা ভারত য়ুরিয়া বেগ হৌদোকখি।

থৌরম অদুদা, লৌমীশিংগী য়াইফনবগীদমক প্রধান মন্ত্রীগী গী হন্বা লৈতবা খোঙফম উত্তুনা, প্রধান মন্ত্রীনা প্রধান মন্ত্রী কিসান সম্মান নিধী (পি.এম.-কিসান)গী মখাদা দাইরেক্ত বেনিফিৎ ত্রান্সফরগী খুত্থাঙদা লুপা করোর ১৬,০০০কী ১২শুবা ইন্সতোলমেন্তকী শেন্ফম থাদোকখ্রে‍। স্কীম অসিগী মখাদা, কান্নবা ফংবা য়ারবা লৌমীগী ইমুংশিংদা চহিদা লুপা ৬০০০কী শেনফম লুপা ২০০০গী মান্নবা ইন্সতোলমেন্ত অহুম থোক্না পীরি‍। হৌজিক ফাওবদা কান্নবা ফংবা য়ারবা লৌমীগী ইমুংশিংনা পি.এম.-কিসানগী মখাদা লুপা করোর লাখ ২ হেনবগী শেনফম ফংখ্রে‍।

প্রধান মন্ত্রীনা এগ্রি স্তার্তঅপ কনক্লেব অমসুং এগজিবিসনসু হৌদোকখ্রে। স্তার্তঅপ ৩০০লোম্না প্রিসিজন ফার্মিং, লৌরোক মতুং অমসুং ভেল্যু এদ সোলুসন, এলাইদ এগ্রিকলচর, ৱেস্ত তু ৱেল্থ, অপীকপা লৌমীশিং মেকানাইজ তৌবা, সপ্লাই চেন মেনেজমেন্ত, এগ্রি-লোজিস্তিক অমদি অতৈ হীরমশিংগা মরী লৈনবা মখোয় মখোয়গী ইনোভেসনশিং উৎকনি‍। ফম্পাক অসিনা স্তার্তঅপশিংবু লৌমীশিং, এফ.পি.ও.শিং, এগ্রি-এক্সপর্তশিং, কোর্পোরেৎনচিংবশিংগা ৱারী ৱাতায় শানবগী খুদোংচাবা পীগনি‍। তেক্নিকেল সেসন্দা স্তার্তঅপশিংনা মখোয়না থেংনরকপশিং পাউদমদুনা অতোপ্পা স্তেকহোল্দরশিংগা ৱারী ৱাতায়শু শান্নগনি‍‍।

থৌরম অদুদা, প্রধান মন্ত্রীনা হারগী ই-মেগাজিন অমা ওইরিবা ‘ইন্দিয়ন ইদ্জ’সু ফোঙখ্রে‍। মসিনা হারগী মতাঙদা অনৌবা ৱাফমশিং, মমলগী চৎলিবা মওং মতৌ, ফংবা-ফংদবা অমদি শীজিন্নবগী চাং, লৌমীশিংগী মায় পাকপগী ৱারী অমসুং অতৈ কয়া য়াওনা লমদমসিগী অমদি মালেমগী ওইরিবা হারগী ফীভমশিংগী মরমদা ঈ-পাউ ফংহনগনি‍।

Historic day for farmer welfare. Launching initiatives for fulfilling the aspirations of our ‘Annadatas’. https://t.co/XSfZ1okHUW

— Narendra Modi (@narendramodi) October 17, 2022

One Nation, One Fertilizer. pic.twitter.com/cmthSNOWo3

— PMO India (@PMOIndia) October 17, 2022

Steps that have immensely benefitted our hardworking farmers. pic.twitter.com/aTVafM0OUy

— PMO India (@PMOIndia) October 17, 2022

Big reforms for the fertilizer sector. pic.twitter.com/5W5AEINrkl

— PMO India (@PMOIndia) October 17, 2022

The need of the hour is to adopt technology-based modern farming techniques. pic.twitter.com/JEieu54728

— PMO India (@PMOIndia) October 17, 2022

The curiosity about millets is on the rise globally. pic.twitter.com/S3NAX42g3K

— PMO India (@PMOIndia) October 17, 2022

Per drop, more crop. pic.twitter.com/0U0rlbmycc

— PMO India (@PMOIndia) October 17, 2022

Natural farming needs to be encouraged. pic.twitter.com/NhpplLTidV

— PMO India (@PMOIndia) October 17, 2022

PM-KISAN is a transformational initiative for the farmers. pic.twitter.com/wQMqZdqTjt

— PMO India (@PMOIndia) October 17, 2022

Steps that ensure ‘Ease of Living’ for our farmers. pic.twitter.com/7G7NPVv29O

— PMO India (@PMOIndia) October 17, 2022

e-NAM has ushered in a positive impact on the lives of farmers. pic.twitter.com/q6Wl3jfAwM

— PMO India (@PMOIndia) October 17, 2022

More and more Start-Ups in agriculture sector augurs well for the sector and rural economy. pic.twitter.com/1yChaGAIZn

— PMO India (@PMOIndia) October 17, 2022

Steps which will strengthen our farmers and make India self-reliant. pic.twitter.com/8Ui0e8UxZH

— PMO India (@PMOIndia) October 17, 2022

*****