ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা তোঙান তোঙানবা দিজিতেল ইন্দিয়া ইনিসিয়েতিবশিংগী কানবা ফংলবা মীওইশিংগা ভিদীও ব্রিজকী থোংদা ৱারি শান্নখ্রে। ভিদীও ব্রিজ অদুনা কানবা ফংলবা মীওই লাখ ৫০ হেন্না শম্নহনখি, মদুগী মনুংদা কমন সর্বিস সেন্তরশিং, এন.আই.সি. সেন্তরশিং, নেস্নেল নোলেজ নেৎৱার্ক, বি.পি.ওশিং, মোবাইল মেনুফেকচরিং য়ুনিৎশিং অমসুং মাইগোভ ভুলুনতীয়ারশিং য়াওরি। মসিনা সরকারগী স্কিমশিংগী তোঙান তোঙানবা কানবা ফংলবা মীওইশিংগা ভিদীও ব্রিজকী থোংদা প্রধান মন্ত্রীগা লোইননা ৱারি শান্নবগী তরুকশুবা পরিংনি।

কানবা ফংলবা মীওইশিং অদুগা ৱারি শান্নরদুনা প্রধান মন্ত্রীনা হায়খি মদুদি দিজিতেল ইন্দিয়া অসি অখন্ননা খুঙ্গংগী লমদমদা লৈরিবা মীওইশিংবু দিজিতেল্লি এমপৱার তৌনবগীদমক হৌদোকখিবনি। মসিবু ওইথোকহন্নবগীদমক সরকার অসিনা ফাইবর ওপ্তিক্কী খুত্থাংদা খুঙ্গংশিং শম্নহনবা, প্রজাশিংবু দিজিতেল্লি এজুকেৎ ওইহনবা, মোবাইলশিংগী খুত্থাংদা সর্বিস দেলিবরি ফংহনবা অমসুং ইলেক্ত্রোনিক মেনুফেকচর প্রমোৎ তৌবা য়াওনা অপুনবা পোলিসি অমদা থবক তৌরি হায়না মহাক্না মখা তাখি।

তেক্নোলোজিগী মতাংদা ঙাংলদুনা প্রধান মন্ত্রীনা হায়খি মদুদি, তেক্নোলোজিনা হিংবদা লাইহল্লে অমদি সরকার অসিনা সমাজকী সেক্সন পুম্নমক্তা তেক্নোলোজিগী কানবা ফংহন্নবা হোৎনরি। ভিম এপ্লিকেসন য়াওনা বিলশিং ওনলাইন্দা পেমেন্ত তৌবা, রেলৱেগী তিকেৎশিং ওনলাইন্দা বুক তৌবা, অমসুং বেঙ্ক একাউন্তশিংদা স্কোলরশিপ অমদি পেন্সনগী ইলেক্ত্রোনিক দিলিভরিগুম্বা তোঙান তোঙানবা প্রোভিজনশিংনা মীচম প্রজাগী পোৎলুমশিং চাওনা হন্থহল্লে হায়না শ্রী নরেন্দ্র মোদীনা মখা তাখি।

কমন সর্বিস সেন্তর্স (সি.এস.সি)কী মরুওইবা অদু পল্লদুনা প্রধান মন্ত্রীনা হায়খি মদুদি ভারতকী মফম কয়াদা লৈরিবা সি.এস.সিশিংনা ভারতকী খুঙ্গংগী লমদমদা দিজিতেল সর্বিসশিং ফংহল্লি। খুঙ্গংগী লমদমশিংদা সি.এস.সিশিংনা ভিলেজ লেভেল ইন্তরপ্রিনর (ভি.এল.ই)শিং মায় পাক্না দিবেলপ তোরি অমদি মীওই লাখ ১০ হেনবদা থবক পীরি হায়না মহাক্না ফোংদোকখি। রুরেল ইন্দিয়াদা সি.এস.সি লাখ ২.৯২ লৈরি অমসুং গ্রাম পঞ্চায়ৎ লাখ ২.১৫দা তোঙান তোঙানবা সরকারগী ওইবা অমদি অতোপ্পা সর্বিসশিং ফংহন্নবগী খুদোংচাবশিং পীরি।

প্রধান মন্ত্রী গ্রামিন দিজিতেল সকশার্তা অভিয়ান (পি.এম.জি.দিশা)গী মরমদা ঙাংলদুনা, প্রধান মন্ত্রীনা হায়খি মদুদি স্কিম অসিনা হান্ননা প্রজা কোতি ১.২৫দা দিজিতেল স্কিল অমসুং ত্রেনিং ফংহল্লে, মদুগী মনুংদা কেন্দিদেৎ চাদা ৭০দি এস.সি, এস.তি অমসুং ও.বি.সি কমুনিতিগী মীওইশিংনি। স্কিম অসিনা পুং ২০গী ওইবা বেসিক কম্প্যুতর ত্রেনিংগী খুত্থাংদা প্রজা কোতি তরুক্তা দিজিতেল স্কিলশিং অমসুং বেসিক কম্প্যুতর ত্রেনিং ফংহন্নবা পান্দম থম্লি।

দিজিতেল ইন্দিয়ানা বি.পি.ও সেক্তরসু পাক চাওনা ত্রান্সফোর্ম তৌরি। মমাংদদি বি.পি.ওশিং অসি অচৌবা সহর খক্তদা মথৌ তৌরম্মি, হৌজিক্তি মসি সহর মচা মচাশিং অমসুং খুঙ্গংশিংদা শন্দোক্তুনা থবক ফংহন্নবগী খুদোংচাবশিং ফংহল্লে। ইন্দিয়া বি.পি.ও প্রমোসন স্কিম অমসুং অৱাং নোংপোক্কীদমক তোঙানবা বি.পি.ও প্রমোসন স্কিম হৌদোক্লে অমদি দিজিতেল ইন্দিয়াগী মখাদা অৱাং নোংপোক অমসুং খুঙ্গংগী লমদমশিংদা মীওই লাখ ২ হেন্না থবক ফংহন্নবগী খুদোংচাবা লৈহল্লগনি। হৌজিক্তি ভারতকী মফম কয়াদা হাংদোক্লিবা বি.পি.ও য়ুনিৎশিংনা মরম ওইদুনা লৈবাক অসিগী নহাশিংবু মখোয়গী ময়ুমশিংগা মক্নবা মফমদা থবক ফংলে হায়না প্রধান মন্ত্রীনা হায়খি।

তোঙান তোঙানবা ইলেক্ত্রোনিক মেনুফেকচরিং য়ুনিৎশিংগী এমপ্লোইশিংগা ৱারি শান্নরদুনা প্রধান মন্ত্রীনা হায়খি মদুদি হৌখিবা চহি ৪ অসিদা ইলেক্ত্রোনিক্স হার্দৱেয়র মেনুফেকচরিংদা ভারতনা শাংলবা লম্বী অমা চৎলি। ভারত্তা ইলেক্ত্রোনিক মেনুফেকচরিং প্রমোৎ তৌনবগীদমক সরকার অসিনা ইলেক্ত্রোনিক মেনুফেকচরিং ক্লস্তর (ই.এম.সি) স্কিম হৌদোক্লে, মদুগী থোংদা রাজ্য ১৫দা ই.এম.সি ২৩ হাংদোক্লে। স্কিম অসিনা মীওই লাখ তরুক্ত থবক ফংহল্লগনি হায়না থাজবা থম্লি।

২০১৪দা মোবাইল ফোন মেনুফেকচরিং ফেক্তরি অনি খক্তা লৈরম্বা অদুগা চাংদম্নবদা হৌজিক্তি ভারতকী মোবাইল ফোন মেনুফেকচরিং ফেক্তরি ১২০ লৈরে। মসিগী য়ুনিৎশিং অসিনা নাগরিক লাখ ৪.৫ হেন্না দাইরেক্ত অমদি ইনদাইরেক্তলি থবক ফংহল্লে।

অকনবা দিজিতেল ইন্দিয়া অমা শেমগৎপদা নেস্নেল নোলেজ নেৎৱার্ক (এন.কে.এন)গী মরুওইবা অদুগী মতাংদসু প্রধান মন্ত্রীনা ঙাংখি। এন.কে.এন্না ভারত্তা অচৌবা রিসর্স অমসুং এজুকেস্নেল ইন্সতিত্যুৎ চাওরাক্না ১৭০০ শম্নহল্লি মদুনা মরম ওইরগা মহৈরোই, রিসর্স তৌরিবা মীওই, একাদেমিয়ান অমসুং সরকারগী ওফিসার কোতি মঙাদা শক্তি লৈবা প্লেৎফোর্ম অমা পীরি।

প্রধান মন্ত্রীনা মাইগোভ প্লেৎফোর্মগী ভোলুন্তিয়ারশিংগসু ৱারি শান্নখি। মফম অসিদা প্লেৎফোর্ম অসিগা মরি লৈনবা ভোলুন্তিয়ার লাখ ৬০ হেন্না লৈরি, মখোয়না আইদিয়াশিং, সজেসনশিং পীরি অমদি তোঙান তোঙানবা ভোলুন্তিয়র এক্তিবিতিশিং পাংথোক্লি, অনৌবা ভারত অমা শেমগৎপদা অচৌবা থৌদাং অমা লৌরি দায়না শ্রী মোদীনা ফোংদোকখি। দিজিতেল ইন্দিয়াগী খুত্থাংদা ই মরি- এজুকেস, এমপ্লোইমেন্ত, এন্তরপ্রিনরশিপ অমসুং এমপৱার্মেন্তসু ফংলে হায়না প্রধান মন্ত্রীনা মখা তাখি।

প্রধান মন্ত্রীগা লোয়ননা ৱারি শান্নরদুনা তোঙান তোঙানবা দিজিতেল ইন্দিয়া স্কিমশিংগী কানবা ফংলবা মীওইশিংনা মতৌ করম্না স্কিমশিং অসিনা মখোয়গী পুন্সিশিং অদু ত্রান্সফোর্ম তৌবদা মরুওইবা থৌদাং অমা লৌখিবগে হায়বদু পাওদমখি। মতৌ করম্না কমন সর্বিস সেন্তর (সি.এস.সি)না থবক ফংনবগী খুদোংচাবশিং পুরক্তুনা হিংবদা লাইথোকহনবগে হায়বা অদুসু কানবা ফংলবা মীওইশিং অদুনা পাওদমখি।