ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা তামিল নাদুগী তুতীকোরিন্দা লুপা করোর ১৭,৩০০ হেনবগী তোঙান-তোঙানবা ইনফ্রাস্ত্রকচর প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। প্রধান মন্ত্রীনা ভি.ও চিদম্বরনার পোর্ততা আউতর হার্বর কেন্তেন্নর তর্মিনেলগী উরেপ-উয়ুং তমখি। হরিত নৌকা ইনিসিয়েতিপকী মখাদা প্রধান মন্ত্রীনা ভারতনা শাজবা অহানবা গ্রিন হায়দ্রোজেন ফুয়েল সেল ইনলেন্দ ৱাতরৱেজ ভেসেল হৌদোকখি। প্রধান মন্ত্রীনা রাজ্য/য়ু.তি ১০ শীনবা থুংনা লাইতহাওস ৭৫দা লমকোয়বা মীওইশিংগী খুদোংচাবশিংশু মীয়ামদা কৎথোকখি। প্রধান মন্ত্রীনা বাঞ্চি মনিয়াচচি-তুরুনেলবেলি সেক্সন অমসুং মেলাপ্পালায়াম-অরালবাইমোলি সেক্সন য়াওনা বাঞ্চি মনিয়াচচি-নাগরকোইল রেল দবল ওনখৎপগী রেল প্রোজেক মীয়ামদা কৎথোকখি। প্রধান মন্ত্রীনা তামিল নাদুদা লুপা করোর ৪,৫৮৬ চঙনা পায়খৎপা লম্বীগী প্রোজেক মরি মীয়ামদা কৎথোকখি।

তিনখিবা মীয়ামদা প্রধান মন্ত্রীনা হায়খি বিকসিত ভারত অমগী লম্বীরোমদা চঙশিন্দুনা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমদুনা অমসুং শঙ্গাদুনা তুতীকোরিন্দা তামিল নাদুনা চাউখৎপগী অনৌবা পন্দুপ অমা ইরে। ঙসিগী চাউখৎ-থৌরাংগী প্রোজেকশিং অসিদা কনাগুম্বা অমনা এক ভারত শ্রেস্থা ভারতকী ৱাখল অমা উবা ফংগনি। প্রোজেকশিং অসি তুতীকোরিন্দা পায়খৎলবশু মসিনা লৈবাক শীনবা থুংবগী মফম কয়াদা চাউখৎপগী খোঙজেল য়াংখৎহনগনি।

প্রধান মন্ত্রীনা হায়খি বিকসিত ভারত অমগী খোঙচত্তা তামিল নাদুনা মরুওইবা থৌদাং অমা লৌরি। মহাক্না চহি ২গী মমাঙদা চিদম্বরানার পোর্ত পাকথোক-চাউথোক্নবা প্রোজেক কয়া মহাক্না হৌদোকখি অমসুং মফম অসিগী সিপ্পিংগী মরুওইবা মফম অমা ওইহন্নবা মহাক্না থাজবা পীরমখি। মদুগী থাজবা অদু ঙসি থবক ওইনা পাংথোক্লে। ঙসি ভি.ও চিদম্বরনার পোর্ততা আউতর হার্বর কেন্তেন্নর তর্মিনেলগী উরেপ-উয়ুং তম্লে অমসুং প্রোজেক অসিদা লুপা করোর ৭,০০০ গী শেনফম অমা থাদগনি। ঙসি লুপা করোর ৯০০ হেনবগী প্রোজেকশিং মীয়ামদা কৎথোকখ্রে অমসুং পোর্ত ১৩দা লুপা করোর ২৫০০ গী প্রোজেকশিং হৌদোক্লে। হায়রিবা প্রোজেকশিং অসিনা তামিল নাদুদা কান্নবা পীগনি অমসুং রাজ্য অসিদা থবক ফংনবগী খুদোংচাবা কয়া পীরগনি।

প্রধান মন্ত্রীনা হায়খি ঙসিগী চাউখৎ-থৌরাংগী প্রোজেকশিং অসি মীয়াম্না তকশিনবদগী হৌজিক পাল্লিবা সরকার অসিনা পায়খৎপনি অমসুং মমাঙগী সরকারশিংনা কৈদৌঙৈদা মীয়াম্না হায়বা তাবীখিদে। লৈবাক অসিগী থবক্কীদমক অমসুং রাজ্য অসিগী মরাইবক অহোংবা পুরক্নবা ঐ তামিল নাদুদা লাকপনি।

হরিত নৌকা ইনিসিয়েতিপকী মখাদা ভারতনা শাজবা অহানবা গ্রিন হায়দ্রোজেন ফুয়েল সেল ইনলেন্দ ৱাতরৱেজ ভেসেলগী মতাংদা প্রধান মন্ত্রীনা হায়খি মসি কাসিগীদমক তামিল নাদুগী মীয়াম্না পীবা খুদোল অমনি। কাসি তামিল শঙ্গামমদা মহাক্না তামিল নাদুগী মীয়ামগী হরাওবা অমসুং মীনুংশিং উবা ফংলে। ভি.ও চিদম্বরনার পোর্ত লৈবাক অসিগী অহানবা গ্রিন হায়দ্রোজেন হব পোর্ত ওইনবা পান্দমদা অতোপ্পা প্রোজেকশিং প্রধান মন্ত্রীনা শঙ্গাখি। হায়রিবা প্রোজেকশিংগী মনুংদা, দিসেলিনেসন প্লান্ত অমা, হায়দ্রোজেন পুথোকপা অমসুং বঙ্করগী খুদোংচাবা য়াওরি। ঙসি মালেম অসিনা থিরিবা অতোপ্পা মহুৎশীনবা য়াবশিংগী মতাংদা তামিল নাদুনা পায়খৎকদবা থবক য়াম্না লৈরি।

প্রধান মন্ত্রীনা হায়খি ঙসি রেল অমসুং লম্বীগী প্রোজেক কয়া হৌদোক্লে। রেল লাইনশিং দবল ওইহনবা অমসুং ইলেক্ত্রিক ফংহনবা অসিনা সাউথ তামিল নাদু অমসুং কেরলাগী মরক্তা মখা তানা চৎথোক-চৎশিন ফগৎহনগনি অমসুং তিরুনেলভেলি অমসুং নাগরকোইল সেক্তরশিংদা মী চিনবা হন্থহনগনি। তামিল নাদুদা লম্বীশিং মতমগা চুনবা মওংদা শেমগৎনবা লুপা করোর ৪০০০ হেনবগী প্রোজেকশিং ঙসি হৌদোক্লে। মসিনা চৎথোক-চৎশিন নুংঙাইবা হেনগৎহনগনি, চৎপগী মতম হন্থহনগনি অমসুং রাজ্য অসিদা ললোন-ইতিক অমসুং তুরিজম চাউখৎহনগনি।

অনৌবা ভারতকী সরকার পুম্নমক শরুক য়াবা থৌওং পল্লদুনা, প্রধান মন্ত্রীনা হায়খি রোদৱেজ, হায়ৱেজ অমসুং ৱাতরৱেজ দিপার্তমেন্তশিংনা তামিল নাদুদা লম্বী-থোং হেন্না নুংঙাইনবা অমসুং খুদোংচাবশিং হেন্না ফংনবা থবক তৌরি। মরম অদুনা, রেলৱেজশিং, লম্বীশিং অমসুং মেরিতাইম প্রোজেকশিং মথং-মথং পায়খৎলে। মাইকৈ কয়াগী পায়খৎলকপা থৌওং অসিনা রাজ্য অসিগী চাউখৎপা খোঙজেল য়াংখৎহনগনি।

মন কি বাতকী তাঙ্কক অমদা লৈবাক অসিগী মরুওইবা লাইতহাওসশিং লমকোয়ফমশিং ওইনা শেমগৎনবা মহাক্না হৌদোকখিবা ৱাফম অমা প্রধান মন্ত্রীনা নিংশংখি অমসুং রাজ্য/য়ু.তি ১০ শীনবা থুংনা লাইতহাওস ৭৫দা লমকোয়বা মীওইশিংগী খুদোংচাবশিংশু মীয়ামদা কৎথোকপদা হরাওবা ফোঙদোকখি। অমুক্তদা মফম ৭৫ চাউখৎহল্লে, মসি অনৌবা ভারতনি। হায়রিবা মফম ৭৫ অসি তুংদা অচৌবা লমকোয়ফমশিং ওইরক্লগনি। 

কেন্দ্র সরকারনা পায়খৎলিবা থবকশিং অমুক হন্না নিংশিংলদুনা প্রধান মন্ত্রীনা হায়খি হৌখিবা চহি ১০দা তামিল নাদুদা কিমি ১৩০০ শাংবা রেল প্রোজেকশিং পায়খৎলে। কিমি ২০০০গী রেলৱে মৈ ফংহনখ্রে, ফ্লাইওভরশিং অমসুং অন্দরপাসশিং শারে অমসুং রেলৱে স্তেসন কয়া অমুক হন্না শেমগৎলে। রাজ্য অসিদা বন্দে ভারত ত্রেন ৫ চেন্দুনা মালেম থাক্কী খুদোংচাবা ফংহল্লে। ভারত সরকারনা তামিল নাদুদা রোদ ইনফ্রাস্ত্রকচরগী লুপা করোর লাখ ১.৫ থাদরে। লম্বী-থোং ফগৎহন্নবা কেন্দ্র সরকারগী থবকশিংনা হিংবদা লাইবা হেনগৎহল্লে।

প্রধান মন্ত্রীনা হায়খি ভারতকী ঈশিং লম্বীশিং অমসুং মেরিতাইম সেক্তর অসি ঙসি বিকসিত ভারতকী য়ুম্ফমশিং ওইরক্লে। তামিল নাদু অমসুং খা ভারত শীনবা থুংনা মসিগী কান্নবশিং খ্বাইদগী য়াম্না ফংবা ওইরে। তামিল নাদুদা অচৌবা পোর্ত অহুম অমসুং অপীকপা পোর্ত ১২ হেন্না লৈরে অমসুং মখোয়না খা থংবা রাজ্যশিংদা খুদোংচাবা কয়া পীরে। মেরিতাইম সেক্তর চাউখৎহনবা হায়বসি তামিল নাদুগুম্বা রাজ্য অমা চাউখৎহনবনি। হৌখিবা চহি ১০দা ভি.ও চিন্দমবরানার পোর্ততা ত্রাফিক চাদা ৩৫ হেনগৎলে। চহি অমগী গ্রোথ চাদা ১১ ওইদুনা হৌখিবা চহিদা পোর্ত অসিনা তন মিল্লিয়ন ৩৮ পুথোক-পুশিন তৌখি। অসিগুম্বা থবকশিং লৈবাক অসিগী অতোপ্পা অচৌবা হিথাংফমশিংদা উবা ফংগনি। সাগরমালাগুম্বা প্রোজেকশিংনা লৈবাক অসি চাউখৎহনবদা মরুওইবা থৌদাং লৌরি। 

প্রধান  মন্ত্রীনা হায়খি ঈশিং লম্বীশিং অমসুং মেরিতাইম সেক্তরদা ভারতনা অনৌবা রেকোর্দশিং থম্লে। হৌখিবা চহি ১০দা লোজিস্তিক্স পর্ফোমেন্স ইন্দেক্সতা ভারত ৩৮শুবা মফমদা হাইগৎলে অমসুং হিথাংফমশিং থবক তৌবা ঙম্বা শরুক অনিদা হেনগৎলে। হায়রিবা মতম অসিগী মনুংদা লৈবাক অসিগী ঈশিং লম্বীশিং শরুক নিপাল হেনগৎলে অমসুং ক্রুইজ পেসেঞ্জর মশিং শরুক মরি হেনগৎপগা লোয়ননা সমুদ্রদা চৎপা মীওই মশিং শরুক অনিদা হেনগৎখি। হায়রিবা থবকশিং অসিনা তামিল নাদু অমসুং ঐখোয়গী নহারোলশিং কান্নবা পীগনি। তামিল নাদু চাউখৎপগী লম্বীদা চৎকনি হায়না ঐনা থাজবা পীরি অমসুং অহুমশুবা ওইনা লৈবাক অসিগী সেবা তৌনবা লৈবাক অসিনা ঐখোয়দা খুদোংচাবা পীবা মতমদা ঐনা অদোমগী সেবা তৌগনি হায়না ঐনা অদোমদা থাজবা পীরি।

মহাক্কী হন্দক্কী খোঙচৎ মনুংদা তামিল নাদুগী তোঙান-তোঙানবা মফমশিংগী মীয়াম্না নুংশিবা, হরাওবা অমসুং থৌজাল উৎখিবা অদুগী মতাংদা প্রধান মন্ত্রীনা হায়খি মীয়ামগী মীনুংশি খুদিংমক মহাক্না রাজ্য অসিগী চাউখৎপগা লাম্বা চানা থবক তৌগনি।

লোইশিল্লকপদা, মখোয়গী মোবাইল ফোনশিংগী লাইত থান্নবা প্রধান মন্ত্রীনা মীওই খুদিংমক্তা খঙহনখি অমসুং তামিল নাদু অমসুং ভারত সরকারনা চাউখৎপগী কুহ্মৈ পাংথোক্লসি হায়না ফোঙদোকখি।

থৌরম অদুদা শরুক য়াখিবশিংগী মনুংদা তামিল নাদুগী রাজ্যপাল শ্রী আর.এন রবি, পোর্তস, সিপ্পিং অমসুং ৱাতরৱেজগী য়ুনিয়ন মিনিস্তর শ্রী সরবানন্দা সোনোৱাল অমসুং রাজ্য মন্ত্রী দোক্তর এল মুরুগান শরুক য়াখি।

নুঙগীৱারোল

প্রধান মন্ত্রীনা ভি.ও চিদম্বরনার পোর্ততা আউতর হার্বর কেন্তেন্নর তর্মিনেলগী উরেপ-উয়ুং তমখি। মসিগী কন্তেন্নর তর্মিনেল অসি নোংপোক থংবা সমুদ্র মপানগীদমক ভি.ও চিদম্বরনার পোর্ত ত্রান্সসিপমেন্ত হব অমা ওন্থোক্নবা মাইকৈদা থাংজিনবা খোঙথাং অমনি। প্রোজেক অসিনা ভারতকী শাংলবা সমুদ্র খোঙবাল অমসুং লম্মিৎ-তুমিৎকী খুদোংচাবা মফমশিং শীজিন্ননবা পান্দম থম্লি অমসুং মালেমগী ললোন-ইতিক্কী লমদা ভারতনা চাংদম্নবা ঙম্বগী  থৌনা হেনগৎহনগনি। অচৌবা ইনফ্রাস্ত্রকচর প্রোজেক অসিনা লমদম অসিদা থবক ফংবা অমসুং শেন-থুম চাউখৎপা হেনগৎহনগনি। ভি.ও চিদম্বরনার পোর্ত অসি লৈবাক অসিগী অহানবা গ্রিন হায়দ্রোজেন হব পোর্ত ওইহন্নবা পান্দম থমদুনা প্রধান মন্ত্রীনা তোঙান-তোঙানবা অতোপ্পা প্রোজেকশিং শঙ্গাগনি। হায়রিবা প্রোজেকশিংগী মনুংদা দিসেলিনেসন প্লান্ত, হায়দ্রোজেন পুথোকপা অমসুং বঙ্করগী খুদোংচাবা য়াওরি।

হরিত নৌকা ইনিসিয়েতিপকী মখাদা প্রধান মন্ত্রীনা ভারতনা শাজবা অহানবা গ্রিন হায়দ্রোজেন ফুয়েল সেল ইনলেন্দ ৱাতরৱেজ ভেসেল হৌদোকখি। ভেসেল অসি কোচিন সিপয়ার্দনা শাবনি অমসুং মৈখু থাংবদা ইনর্জি শীজিন্নবা অমসুং লৈবাক অসিগী মৈখু অমতা থাদোক্তবা হায়বা পান্দম অদু ফংনবা মরুওইবা মাঙজিল থাবা থবক অমনি। থৌরম অদুদা, প্রধান মন্ত্রীনা রাজ্য/য়ু.তি ১০ শীনবা থুংনা লাইতহাওস ৭৫দা লমকোয়বা মীওইশিংগী খুদোংচাবশিংশু মীয়ামদা কৎথোকখি। 

থৌরম অদুদা, প্রধান মন্ত্রীনা বাঞ্চি মনিয়াচচি-তুরুনেলবেলি সেক্সন অমসুং মেলাপ্পালায়াম-অরালবাইমোলি সেক্সন য়াওনা বাঞ্চি মনিয়াচচি-নাগরকোইল রেল দবল ওনখৎপগী রেল প্রোজেক মীয়ামদা কৎথোকখি। লুপা করোর ১,৪৭৭ চঙনা শেমগৎপা দবল ওনখৎপগী প্রোজেক অসিনা চেন্নাইদগী কন্যাকুমারি, নাগরকোইল অমসুং তিরুনেলবেলি য়ৌবা ত্রেনশিংগী চৎথোক-চৎশিনগী মতম হন্থহনবদা মতেং পাংগনি।

প্রধান মন্ত্রীনা তামিল নাদুদা লুপা করোর ৪,৫৮৬ চঙনা পায়খৎপা লম্বীগী প্রোজেক মরি মীয়ামদা কৎথোকখি। হায়রিবা প্রোজেকশিংগী মনুংদা এন.ঐচ-৮৪৪গী জিত্তানদাহাল্লি-ধর্মাপুরি সেক্সন লেন মরি ওইহনবা, এন.ঐচ-৮১গী মীনসুরুত্তি-চিদম্বরম সেক্সনগী পেপ সোলজরগা লোয়ননা লেন অনি ওইহনবা, এন.ঐচ-৮৩গী ওদ্দানচাত্রম-মদাতুকুলাম সেক্সন লেন মরি ওইহনবা অমসুং এন.ঐচ-৮৩গী নাগাপত্তিনম-তাঞ্জাপুর সেক্সন পেপ সোলজরগা লোয়ননা লেন অনি ওইহনবা য়াওরি। হায়রিবা প্রোজেকশিং অসিনা চৎথোক-চৎশিন ফগৎহন্নবা, চৎপগী মতম হন্থহন্নবা, খুন্নাইগী শেন-থুমগী ফিবম ফগৎনবা অমসুং লমদম অসিদা লাই খুরুম্বা লাকপশিং খুদোংচাহন্নবা পান্দম থম্লি।

Speaking at inauguration and foundation stone laying ceremony of various development works in Thoothukudi.https://t.co/xthaafMBuW

— Narendra Modi (@narendramodi) February 28, 2024

Today, Tamil Nadu is writing a new chapter of progress in Thoothukudi.

Many projects are being inaugurated or having foundation stones laid: PM @narendramodi pic.twitter.com/Z8NsYdVfBM

— PMO India (@PMOIndia) February 28, 2024

Tamil Nadu will play a crucial role in India’s journey of becoming a ‘Viksit Bharat’. pic.twitter.com/9s9uno0nET

— PMO India (@PMOIndia) February 28, 2024

Today, the country is working with the ‘whole of government’ approach. pic.twitter.com/QNcRHViFIx

— PMO India (@PMOIndia) February 28, 2024

***