ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি জি. ৭ সম্মিতকী অহানবা আউতরীচ সেসন্দা শরুক য়াখ্রে।  

‘বিল্দিং বেক স্ত্রোংগর – হেলথ’ হায়না মীংথোনবা সেসন অসিদা মালেমগী ওইনা কোরোনাভাইরসতগী ফগৎলক্নবা অমদি তুংগী ওইবা লায়চৎ অসিগী মায়োক্তা য়াম্না অথুবা মতমদা ফগৎহনবদা শক্তি পীনবা পান্দম থম্লি।

সেসন অসিগী মনুংদা, ভারত্তা হন্দক্কী কোবিদ লায়নাগী ৱেব অসিদা জি. ৭ অমসুং অতৈ গেস্ত ওইবা লৈবাকশিংনা পীরকপা মতেংগীদমক প্রধান মন্ত্রীনা থাগৎপা ফোংদোকখি।

লায়চৎ অসি লান্থেংনবদা ভারতকী ‘সমাজ পুম্বা’না চংশিল্লিবা, সরকার, ইন্দস্ত্রী অমসুং সোসাইতীনা পুন্না হোৎনরিবা অসি মহাক্না উৎখি।   

ভারতকী মায় পাক্না কন্তেক্ত ত্রেসিংগীদমক শিজিন্নরিবা দিজিতেলগী খুলায় অমসুং ভেক্সিনগী শিল-লাংবা অসিগী মরমদা মহাক্না শন্দোক্না হায়খি অমসুং অতৈ অতোপ্পা লৈবাকশিংদা হায়রিবা অসিদা থেংনরকপা অমসুং খুৎলোয়রবশিং পীনিংবগী অপাম্বা ফোংদোকখি।

প্রধান মন্ত্রীনা মালেমগী ওইবা হকশেলগী লৈঙাক্তা হেন্না ফগৎননবা পুন্না চংশিনবা অসিদা ভারতনা মতেং পাংগনি হায়না থাজবা পীখি। মহাক্না কোবিদকা মরী লৈনবা তেক্নোলোজীদা তি.আর.আই.পি.এস. ৱেবর অমগীদমক ভারত অমসুং খা আফ্রিকানা দবল্যু.তি.ও.দা থাংগৎখিবা প্রোপোজেলদা জি. ৭গী মতেং নিখি। 

ঙসিগী মীফম অসিনা মালেম পুম্বদা “ৱান আর্থ ৱান হেলথ” হায়বা পাউজেল অমা পীগদবনি হায়না প্রধান মন্ত্রীনা হায়খি। মালেমগী ওইবা অমত্তা ওইবা, লুচিংবগী ৱাখলোল অমসুং তুংগী ওইবা লায়চৎতা অমত্তা ওইনা পুনবা অসিদা পুক্নিং চিংশিন্দুনা প্রধান মন্ত্রীনা দেমোক্রেতীক ওইবা অমসুং থম্মোয় শেংবা সমাজ অমগী অখন্নবা থৌদাংগী মরুওইবা পীখি।

প্রধান মন্ত্রীনা হয়েং জি. ৭গী অরোইবা নুমিৎতা শরুক য়াদুনা সেসন অনিদা ৱা ঙাংগনি।

****