ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ভিদিও মেসেজ অমগী খুৎথাংদা পুনেদা পাংথোকপা জি-২০ ইজুকেসন মিনিস্তরশিংগী মীফমদা ৱা ঙাংখ্রে।

থৌরম অদুদা ৱা ঙাংবদা প্রধান মন্ত্রীনা হায়খি ইজুকেসন অসি ঐখোয়গী সভেত্য শেমগৎলকপগী য়ুম্ফম ওইবতা নত্তনা, মসি মীওইবা খুন্নাই তুংলমচৎকী ঙাক্লৌনি। ইজুকেসন মিনিস্তরশিং অসি সের্পাশিংনি অমসুং মীওই খুন্নাই চাউখৎনবা, শান্তি পুরক্নবা অমসুং নুংঙাই য়াইফনবা থবকশিং মখোয়না মাঙজিল থারি। ভারতকী অরিবা লাইরিকশিংদা হরাও-তয়াম্বা পুরক্নবা ইজুকেসন্না লৌরিবা থৌদাংশিং ফোঙদোক্লি। সংস্কৃত শ্লোগক অমা থিরদুনা, মদুনা হায়খি, “ অশেংবা লৌশিংনা নোল্লুকপা ফংই, নোল্লুকপনা অফবা গুন চেনহল্লি,  অফবা গুন্না  মীওই অমা লন-থুম ফংহল্লি, লন-থুম্না মীওই অমনা অফবা থবকশিং পাংথোকপা ঙমহল্লি অমসুং মসিনা নুংঙাইবা পুরকই”। অচুম্বা অমসুং অপুনবগী ওইবা খোঙচৎ অমদা ভারত চৎপা হৌরে।

শ্রী মোদীনা হায়খি লাইরিক ময়েক চৎহনবা অসিনা নহারোলশিংগী অকনবা য়ুম্ফম অমা থোল্লে অমসুং মসিগী থবক অসিদা ভারতনা তেক্নোলোজি শীজিন্নরি। ভারত সরকারনা ‘নেসনেল ইনিসিএতিপ ফোর প্রোফিসিয়েন্সি ইন রিদিং ৱিথ অন্দর্সতেন্দিং এন্দ নুমেরেসি’ নত্ত্রগা ‘নিপুন ভারত’ পায়খৎলে। জি-২০না ‘ ফাউন্দেনসেল লিতরেসি অমসুং নুমেরসি’ মরুওইনা লৌবা অসি হরাওই। ২০৩০ ফাওবগী মনুংদা মসি থবক ওইনা পাংথোক্নবা থবক তৌরি।

প্রধান মন্ত্রীনা হায়খি অনৌবা ই-লার্নিং চৎনবা দরকার ওই অমসুং অফবা লৈঙাক্কা লোয়ননা মগুন লৈবা  লাইরিক-লাইশু তম্বগী ফংহনবা হায়বসি ঐখোয়গী পান্দম ওইগদবনি। হিরম অসিদা সরকারনা থবক কয়া পায়খৎলে অমসুং ক্লাস ৯ দগী পোস্ত-গ্রেজুয়েত থাক ফাওবগী কোর্সশিং য়াওবা ওনলাইন প্লেতফোর্ম অমা ‘শ্বায়াম’ নত্ত্রগা ‘স্তদি ৱেবস ওফ এক্তিব-লার্নিং ফোর য়ং এস্পাইরিং মাইন্দস’ থবক হৌরে অমসুং মহৈরোয়শিংনা অথাপ্পা মফমশিংদগী লাইরিক তম্বা ঙমহল্লে। কোর্স ৯০০০ হেনবদা মহৈরোয় মিল্লিয়ন ৩৪ হেন্না শরুক য়ারে। মসি অফবা লাইরিক তম্নবা খুৎলায় অমা ওইরে।

মহাক্না হায়খি ‘দিজিতেল ইনফ্রাস্ত্রকচর ফোর নোলেজ সিয়ারিং’ নত্ত্রগা ‘দিক্ষা পোর্তেল’ না য়ুমদা লৈরগা লাইরিক তম্নবগী খূদোংচাবা পীনবা পান্দম থম্লি। মসিনা ভারতকী লোল ২৯ অমসুং মপান লৈবাকশিংগী লোল ৭ তা লাইরিক তম্বা য়াহল্লি অমসুং হৌজিক ফাওবদা কোর্স মিল্লিয়ন ১৩৭ লোইশিনখ্রে। গ্লোবেল সাউথতা লৈরিবা লৈবাকশিংদা হায়রিবা থবকশিং অসিগী লৌশিং অমসুং মচাকশিং পীথোক-পীশিন তৌনবদা ভারতনা হরাওগনি।

প্রধান মন্ত্রীনা হায়খি ঐখোয়গী নহারোলশিংগী তুংগী শেম-শানবা, ঐখোয়না মখোয় লেপ্তনা স্কিল লৈহনবা, অমুক হন্না স্কিল লৈহনবা,  অমসুং স্কিল হেনগৎহনবা দরকার ওই। ইজুকেসন, স্কিল অমসুং লেবর মিনিস্ত্রিগা খুৎশম্নদুনা ঐখোয়না স্কিল মেপ্পিংগী থবক পায়খৎলি। জি-২০ লৈবাকশিংনা স্কিল মেপ্পিং অসি মালেমগী থাক্তা পাংথোকপা য়াগনি অমসুং মসিদা লৈরিবা অৱাৎপশিং মেনশিনবা দরকার ওই।  

প্রধান মন্ত্রীনা হায়খি দিজিতেল তেক্নোলোজি অসি মীওইবা খুন্নাই থোং মানহনবা অমসুং অপুনবা ওইনা চাউখৎনবা শীজিন্নরি। লাইরিক তম্বা হেনগৎহন্নবা অমসুং তুংগী দরকার ওইবশিংগা চুশিন্নবা ঙম্নবা দিজিতেল তেক্নোলোজি অসি শক্তি হেনগৎহন্নবা খুৎলায় অমনি। লাইরিক তম্বা, স্কিল হেনগৎহনবা অমসুং ইজুকেসন্দা আর্তিফিসিএল ইন্তিলিজেন্সনা খুদোংচাবা কয়া পীরি। তেক্নোলোজিনা পীরিবা খুদোংচাবশিং অমসুং শিংনবশিং অনিগী মরক্তা থোং মান্নবা পুরক্নবা জি-২০না মরুওইবা থৌদাং লৌগদবনি।

রিছার্স অমসুং ইন্নোবেসনগী মরুওইবগী মতাংদা প্রধান মন্ত্রীনা হায়খি ঐখোয়গী স্কুল অঙাংশিং মখোঙদগী হৌনা রিছার্স অমসুং ইন্নোবেসনগী লমদা শেমগৎনবা লৈবাক শীনবা থুংনা ভারতনা অতল তিঙ্করিং লেব লিশিং ১০ লিংখৎলে। হায়রিবা লেবশিং অসিদা অনৌবা প্রোজেক মিল্লিয়ন ১.২ হেনবদা মহৈরোয় মিল্লিয়ন ৭.৫ থবক তৌরি। মরুওইনা গ্লোবেল সাউথতা রিছার্স অমসুং ইন্নোবেসন চাউখৎহন্নবা জি-২০ লৈবাকশিংনা মখোয়গী থৌনাগা লোয়ন্না মরুওইবা থৌদাং অমা লৌগদবনি। রিছার্সকী লমদা মতেং পীন্নবা শক্নাইরবশিংনা লম্বী অমা শেমগদবনি।

ঐখোয়গী নহারোলশিং অমসুং অঙাংশিংগীদমক জি-২০ ইজুকেসন মিনিস্তরশিংগী মীফমগী মরুওইবা পল্লদুনা প্রধান মন্ত্রীনা হায়খি স্তেনেবল দিবলপমেন্ত গোলশিং ফংনবা মৈখু চেন্দবা থবকশিং পায়খৎপা, দিজিতেলগী অওনবশিং অমসুং নুপীশিংদা শক্তি পীবা অসি য়াংখৎহন্নবা কাংবু অসিনা থবক পায়খৎলে। হায়রিবা থবকশিং অসিগী হৌরকফম ইজুকেসন্নি। মীফম অসিদগী ফংলকপা ফলশিং অদু অপুনবা, থবক্তা য়ুম্ফম ওইবা অমসুং তুংগী থৌরাং তৌবা ইজুকেসনগী পান্দম ওইগদবনি। মসিনা বসুধাইব কুতুম্বকম- মালেম অমা, ইমুং অমা, তুংলমচৎ অমগী অশেংবা ৱাখল্লোন্দা মালেম শীনবা থুংনা কান্নবা পীগনি।

LIVE. PM @narendramodi‘s remarks at the G20 Education Ministers’ Meeting. @g20org https://t.co/vnIEULayWf

— PMO India (@PMOIndia) June 22, 2023

****