ভারতকী প্রধানমন্ত্রী

ঐহাক্কী নুংশিজরবা লৈবাক মীয়ামশিং,

অদোম পুম্নমকপু ঐহাক্না জঞ্জাতীয় গৌরব দিবস্কীদমক্তা য়াইফ পাউজেল পীজরি।

লৈবাক পুম্বনা ঙসিদি, ভগ্বান বির্সা মুন্দাজীগী মপোক কুমওনবু থম্মোই শেংনা পাংথোক্লি। ঐহাক্না লৈবাক্কী অথোইবা মচানুপা, অথোইবা নিংতম লান্মী ভগ্বান বির্সা মুন্দাগী মফমদা ইকায় খুম্নবা উৎচরি। নবেম্বর ১৫গী ঙসিগী নুমিৎ অসি ত্রাইবেল ইচিল ইনাওশিংগী চাউথোকচনীংঙাই ওইবা নুমিৎনি। নবেম্বর ১৫বু জঞ্জাতীয় গৌরব দিবস হায়না লাউথোকপগী খুদোংচাবা ফংখিবদা ঐহাক্না নুংঙাইবা ফাওই।

মরুপশিং,

ভগ্বান বির্সা মুন্দা অসি ঐখোয়গী রাজনিতীগী ওইবা নিংতম্বগী অথোইবা মীওই অমা ওইরম্বতা নত্তনা, মহাক্না ঐখোয়গী কলচরেল, স্পিরিচুএল ইনর্জীবুসু শেন্নবীখি। নিংতম্বগী ‘ৱাশক মঙা’গী শক্তিগা লোয়ননা, লৈবাক অসিনা ভগ্বান বির্সা মুন্দা য়াওনা ত্রাইবেল অথৌবা করোর কয়াগী মঙলান মঙফাওনহন্নবা মাংজিল থানা চঙশিল্লি। জঞ্জাতীয় গৌরব দিবসকী খুত্থাংদা লৈবাক অসিনা ত্রাইবেলশিংগী চৎনবী, হেরিতেজতা চাউথোকচবা ফাওরি অমসুং ত্রাইবেল খুন্নাইগী চাউখৎপা হায়বসিনা মসিগী শক্তি অসিগী শরুক অমসু ওইরি।

মরুপশিং,

ভারতকী ত্রাইবেল খুন্নাইনা ইংলিশ অমসুং মীরম লৈঙাক্কী মমাংদা মখোয়গী পাঙ্গল করিনো হায়বা উৎখি। তিলকা মানঝীনা লুচিংদুনা সন্থালদা ‘দামিন সংগ্রাম’গী লান্থেংনখিবদা ঐখোয়না চাউথোকচরি। বুধু ভগৎনা লুচিংখিবা ‘লরকা আন্দোলন’গীদমক্তা ঐখোয়না চাউথোকচরি। ঐখোয়না ‘সিন্ধু কানহু ক্রান্তি’গীদমক্তা চাউথোকচরি। ঐখোয়না ‘তানা ভগত আন্দোলন’গীদমক্তা চাউথোকচরি। ঐখোয়না ‘বেগ্রা ভীল আন্দোলন’গীদমক্তা চাউথোকচরি, ঐখোয়না নায়কারা আন্দোলনগীদমক্তা চাউথোকচরি, সন্ত জোরিয়া পর্মেস্বর অমসুং রুপ সিংহ নায়ক্কীদমক্তা চাউথোকচরি। ঐখোয়না লিমদী, দাহোদতা ইংলিশশিংবু মায়থীবা পীখিবা অথৌবা ত্রাইবেল, মানগরগী মিংচৎ পুরকখিবা গোবিন্দ গুরুজীদমক্তা চাউথোকচরি। ঐখোয়না অল্লুরী সিতা রাম রাজুগী লুচিং মখাদা চত্থখিবা রম্পা আন্দোলন্নচিংবা ভারতকী শেংলবা লমদমসিদা চত্থখিবা আন্দোলনশিংগীদমক্তা চাউথোকচরি, অমসুং ভারতপু ঙাক শেন্নবগীদমক্তা কত্থোকখিবা মখোয়গুম্বা অথৌবা ত্রাইবেল কয়াসু লৈরি। মমাংগী চহিদা ঐহাক্না ঙসিমক্কী নুমিত্তা রাঞ্চীদা বির্সা মুন্দা ম্যুজিয়ম্বু লৈবাক মীয়ামদা খুৎশিন্নবগী খুদোংচাবা ফংখিবসু ঐহাক্কী লাইবক ফবনি। ভারতকী তোঙানবা মফমশিংদা ত্রাইবেল নিংতম লান্মীশিংদা কত্থোকপা মসিগুম্বা ম্যুজিয়ম কয়া অমা শারি।

মরুপশিং,

মমাংগী চহি ৮দা ঐখোয়গী ত্রাইবেল ইচিল ইনাওশিংনা লৈবাক্কী স্কিম অমসুং চাউখৎপগী থৌরাং খুদিংগী অহৌবদগী শরুক য়াদুনা লাক্লি। জনধন্দগী হৌরগা গোবর্ধন ফাওবা, বন ধন বিকাস কেন্দ্রদগী হৌরগা বন ধন সেল্ফ হেল্প গ্রুপ ফাওবা, স্বচ্ছ ভারত মিসন্দগী হৌরগা জল জীবন মিসন ফাওবা, পি.এম. অৱস য়োজনাদগী হৌরগা উজ্বালাগী গ্যাস কন্নেক্সন ফাওবা, ইমা তৃত্ব বন্দনা য়োজনাদগী পোশনগীদমক্তা চত্থরিবা লৈবাক শিনবা থুংবগী খোঙজং ফাওবা, গ্রামীন সরক য়োজনাদগী মোবাইল কন্নেক্তিবিতী ফাওবা, এক্লাব্যা স্কুলদগী ত্রাইবেল য়ুনিভর্সিতী ফাওবা, মতম কয়াদগী চৎনরক্লবা ৱাগী আইন শেমদোকপদগী উমংগী পোত্থোক ৯০গী এম.এস.পি. লেপ্পা ফাওবা, সিক্কল সেল এনেমিয়াদা নৌহৌননা মিৎয়েং চঙবদগী ত্রাইবেল রিসর্চ ইন্সতিত্যুত ফাওবা, কোরোনাগী ভেক্সিন লেম্না কাপ্পদগী পুন্সি মাঙবা য়াবা তোঙানবা লাইনা কায়দগী কনবগী মিসন ইন্দ্রধনুশ ফাওবা, কেন্দ্র সরকারগী স্কিমশিংনা লৈবাক্কী ত্রাইবেল মীওই করোর কয়াগী পুন্সি হেন্না য়াইফহল্লি, লৈবাক অসিদা লৈরক্লিবা চাউখৎ-থৌরাংগী কয়াগী কান্নবা মখোয়না ফংলি।

মরুপশিং,

ত্রাইবেল খুন্নাইদা থৌনাসু লৈ, অমগা অমগা তেংবাংনবা অমসুং মহৌশাগা নুংশি চান্ননা হিংমিন্নবগী ৱাখল্লোন্সু চেল্লি। মসিগুম্বা নিংথিরবা চৎনবী অসিদগী তমদুনা ভারতনা মশাগী তুংগী পুন্সি লেপকদবনি। জঞ্জাতীয় গৌরব দিবসনা ঐখোয়বু হীরমসিগী মাইকৈ তাক্কনি অমসুং পাম্বৈ অমসু ওইগনি হায়বগী ঐহাক্না থাজবা থম্মি। মসিগুম্বা থাজবা অসিগা লোয়ননা ঐহাক্না ভগান বির্সা মুন্দা অমসুং অথৌবা ত্রাইবেল ইচিল ইনাও কোতি কোতি কয়াবু অমুক্কা হন্না ইকায় খুম্নদুনা মখোয়গী খুয়াখাদা কোক নোঞ্জরি।

হন্না হন্না থাগৎচরি।

*****