ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা ঙসি অঙনবদা নৈ দিল্লীগী ইন্দিয়া এগ্রিকলচরেল রিসর্চ ইন্সতিত্যুত্তা চাথোক ফবা, ক্লাইমেত রেজিলিএন্ত ওইবা অমসুং বাইওফোর্তিফাইদ মখলগী মহৈ মরোং ১০৯ হৌদোকখ্রে।
প্রধান মন্ত্রীনা থৌরম অসিদা লৌমীশিং অমসুং সাইন্তিস্তশিংগা ৱারী শানখি। অনৌবা মহৈ মরোং মখলশিং অসিগী মরুওইবশিংগী মতাংদা খন্ন-নৈনরদুনা, প্রধান মন্ত্রীনা লৌউশিংউদা ভেল্যু হেন্না হাপচিনবগী তঙাইফদবা ফোংদোকখি। লৌমীশিংনা হায়খি মদুদি অনৌবা মখলশিং অসিনা চাদিং হন্থহনবদা মতেং পাংবা অমসুং অকোইবদা হেন্না অফবা শাফু পীগদবনা য়াম্না কান্নবা ফংগনি।
প্রধান মন্ত্রীনা মিল্লেতকী মরুওইবগী মতাংদা খন্নখি অমসুং মীয়াম্না মতৌ করম্না মচি ওইবা চীঞ্জাক্কী মায়কৈদা চঙশিনগদগে হায়বগী মতাংদা ফোংদোকখি। মহাক্না মহৌশাগী ওইবা পথাপকী লৌউশিংউগী কান্নবশিংগী মতাংদা অমসুং মীচম মীয়াম্না ওর্গানিক ফার্মিংদা মায় ওনশিনবা হেনগৎলক্লিবসিগী মতাংদা ঙাংখি, মীয়াম্না ওর্গানিক ওইবা চীঞ্জাকশিং শীজিন্নবা অমসুং দিমান্দ তৌবা হৌরক্লে হায়না মখা তাখি। লৈঙাক্না মহৌশাগী ওইবা মওংদা চত্থবা লৌউশিংউদা মতেং পাংবীবগীদমক লৌমীশিংনা থাগৎখি।
লৌমীশিংনা কৃশি বিগ্যান কেন্দ্র (কে.ভি.কে.)শিংনা মীয়াম ভাপ তাহন্নবা হোৎনবদা লৌরিবা থৌদাংশিংবু শিংথাখি। কে.ভি.কে.শিংনা লৌমীশিংদা থা খুদিংগী মখোয়গী কান্নবা হেনগৎনবগীদমক শেমগৎলিবা অনৌবা মখলশিং অসিগী মতাংদা খঙহনগদবনি হায়না প্রধান মন্ত্রীনা পাউতাক পীখি।
প্রধান মন্ত্রীনা সাইন্তিস্তশিংবু অনৌবা মহৈ মরোংগী মখলশিং অসিবু চাউখৎহনবগীদমক শিংথাখি। সাইন্তিস্তশিংনা পাউদমখি মদুদি মখোয়না শীজিন্নবা ৱাৎপা মহৈ মরোংশিংবু মেনস্ত্রীমদা পুশিল্লক্নবা হোৎনরিবা প্রধান মন্ত্রীনা পীখিবা পাউতাকশিংগী মতুং ইন্না হোৎনখি।
প্রধান মন্ত্রীনা মায়খুম হাংদোক্লিবা মহৈ মরোং ৬১গী মখল ১০৯ অসিদা ফীল্দ ক্রোপ ৩৪ অমসুং হোর্তিকলচর ক্রোপ ২৭ য়াওরি। ফীল্দ ক্রোপশিং অসিগী মরক্তা, মিল্লেত, ফোরাজ ক্রোপ, থাউ থোকপা মরু, হৱাই চেঙৱাই, চু, লশিং, ফাইবর, অমসুং অতৈ মরুওইবা মহৈ মরোংশিং য়াওনা তোঙান-তোঙানবা সেরিএল ক্রোপশিং মায়খুম হাংখি। হোর্তিকলচর ক্রোপশিংগী মরক্তা, তোঙান-তোঙানবা উহৈশিং, মনা মশিং, প্লান্তেসন ক্রোপ, ত্যুবর ক্রোপ, স্পাইসেস, লৈ অমসুং হিদাক লাংথক ওইবা য়াবা মহৈ মরোংশিংসু য়াওরি।
***
हम अपने किसान भाई-बहनों को सशक्त बनाने के लिए प्रतिबद्ध हैं। इसी दिशा में आज दिल्ली में फसलों की 109 नई किस्मों को जारी करने का सुअवसर मिला। जलवायु अनुकूल और ज्यादा उपज देने वाली इन किस्मों से उत्पादन बढ़ने के साथ हमारे अन्नदाताओं की आय भी बढ़ेगी। pic.twitter.com/MqW7BP4M3a
— Narendra Modi (@narendramodi) August 11, 2024
मुझे इस बात का संतोष है कि हमारे किसान भाई-बहन प्राकृतिक खेती की ओर भी तेजी से कदम बढ़ा रहे हैं। आज उनके अनुभवों को करीब से जानने का मौका मिला। इस दौरान हमने प्राकृतिक खेती के लाभों पर भी विस्तार से चर्चा की। pic.twitter.com/1pjrr2hqzQ
— Narendra Modi (@narendramodi) August 11, 2024
